Harbour Grand Café

营业中

休息中

今日去左harbour grand cafe 食自助餐原來呢個月佢地既自助餐主題做緊和風薈萃主題。有好多以日本為主既野食丫。原來訂座人數有8個成人。餐廳就會送一隻2.6kg既智利皇帝蟹。由於之前試過凍食皇帝蟹今次所以試下熱既食法。避風塘炒蟹。原來凍食同熱食都好好味(*^o^*) 另外buffet有4至5款刺身。而且仲有七吋長既海蝦刺身。刺身好新鮮好鮮甜。亦有好多海鮮。有三款即開生蠔 麵包蟹，大蝦，翡翠螺，波士頓龍蝦，加拿大雪花蟹腳等等。而家多左bbq items既order紙。當中有5種食物係即叫即製既。食完吾夠。仲可以無限再點。仲有好多甜品熱食同沙律。不能盡錄。今次我地10個人仲可以享有65折優惠丫。真係超級抵丫。

老公生日反. 很好的自助餐. 環景很美, 很舒服.因星期一的關係, 人不太多.鵝肝, 小龍蝦, 生蠔很不錯. 還有美味的 ice-cream最後飽到食不下birthday cake, 要打包回家值得再來!!!

http://hk.apple.nextmedia.com/news/art/20160629/19674416北角的港島海逸君綽酒店Harbour Grand Cafe懷疑食物中毒事件，衞生署衞生防護中心公佈再有32人受影響，累積人數增至74人，年齡介乎1至79歲，當局現正調查事件。涉事餐廳昨晚仍然營業，記者以顧客身份致電查詢，職員指部分食物已停售，包括懷疑涉事的刺身、龍蝦刺身及北京填鴨。幾咁希望尋日食lunch buffet之前有search 到呢單新聞，食完今次發誓以後唔再食自助餐。不嬲都唔係鐘意食自助餐嘅人，通常想食好野寧願食少啲食貴啲食啲有質素嘅食物，但兩條友心血來潮講想食自助餐講左幾個月，終於search下有咩優惠見有七折揀左呢間，就中伏了。我只係食左一輪凍盤 三隻唔可以話好新鮮嘅生蠔 兩隻有啲霉嘅蟹腳 兩隻蝦 三片三文魚，然後嗰三個鐘我就不停遊走於廁所同自己張枱，瀉到好似俾人落左瀉藥一樣。返到用餐區見到生蠔同魚生都反胃，之後一啲野都食唔落，只係可以飲齋啡同食少少甜品，再講熱食種類少得非常可憐，除左個牛有少少吸引力，其他根本似隨便用黎充撐場面。可能應該一黎就食好期待嘅各種m

真係未食過冇味嘅皇帝蟹雖然喺送，但都要有D要求呀！開蠔超慢，又冇蠔味其它海鮮都喺一般般，冇第二轉熱盤及甜品都算正常，60 分啦！！！！！！！！！！！！！！！！！！！！！

去食呢間野原因係因為有生蠔同鵝肝食，點知去到無得自己拎，要等服務員夾，其實都無乜所謂。但係我行10次有9次生蠔同鵝肝果個位都無人係到夾比客人，但我見到佢地係到玩電話。生蠔又咸又細隻，全晚我都係食得兩塊鵝肝，梳乎里一舊都無食到已經話無哂，同埋食物選擇唔多，有既野同一般放題食物差唔多。但就收四百幾蚊，真係唔掂。仲有無人收碟，我琴晚成張桌無哂位

自稱為精明消費者的我好少食夜晚buffet,因為晚餐buffet的價錢往往係午餐，下午茶，宵夜buffet的1倍以上……所以我寧願慳d錢食多餐。。。不過，太耐冇食夜晚buffet的我，又身癢，心思思想食。。。於是，上openrice一search,就中計啦。。。。夜晚buffet有鵝肝，有生蠔 （sorry,我唔食蠔的），有movenpick 雪糕，仲有64折。。。咁就成就左依篇食評18：45 踏入餐廳門口，一路由waitress帶領到座位，一路行，一路聞到煎鵝肝的味，鵝肝係我至愛，對於唔食生蠔的我來講，絕對係回本之選。。。既然來到, 咩都唔理，食左先講。。。 鵝肝配法包，入口即溶，好幸福的感覺。。。sorry,對於鵝肝，我係唔會覺得膩啲，今次都唔係食左好多件，只係一隻手數唔晒😊刺身方面，喜出望外。。。竟然有海膽，原隻虎蝦。。。當然仲有standard的三文魚，吞拿魚之類。。。好鮮味啊。。。印象中，未見過buffet有海膽啊海鮮方面，有生蠔，龍蝦，麵包蟹，長腳蟹，青口，蝦等 。。。當然仲有好多即製的熟食，咖哩，羊扒，牛仔骨等。。。實在太多，多到唔記得啦。。另一個驚喜係：即切片皮鴨……食

為慶祝老細唔係公司, 我地呢班🐒決定Lunch搭的士去北角Harbour Grand食快閃Lunch Buffet😂雖然話呢個行動好急趕, 不過我地一D都唔馬虎, 一早係公司Print定Coupon, 睇定食評諗定食咩, 務求可以以早短時間食哂要食嘅野😋呢度Lunch Buffet首選當然係即開生蠔啦👍任食Movenpick雪糕亦係回本之選😁長腳蟹都好新鮮, 今次食左一打半生蠔, D生蠔唔大隻不過海水味重, 好好食👍快閃食完個Buffet後就全部🐒一齊返去繼續做繼續捱啦🙈

就黎母親節,帶呀媽去試下Harbour Grand Cafe既Buffet, 之前食過幾好食.Booking果時話8位送一隻皇帝蟹,d蟹勁大隻,肉質好新鮮,今次有阿根廷紅蝦,足足有7吋,刺身好鮮甜,鐡板燒亦好好味.仲有麵包蟹, 生蚝,長腳蟹食,都回到個本, 屋企人好滿意,母親節會再考慮呢個月生日網上訂位可以有蛋糕送,好多酒店都冇呢個服務。食過好多間自助餐覺得呢間水評整體都算高,服務態度好滿意

今晚同家人到此進食自助晚餐，之前都有嚟過幾次，印象中都有唔錯嘅食物水評，環境都算幾好，但今晚進餐時，竟然遇到一d唔禮貌嘅對待，發生係我出去攞嘢食嘅時候，第一次我出去攞燉湯時，我叫負責嘅廚師幫我攞，佢用一個超唔願意嘅態度幫我，我都算，點知轉頭我出去攞燒牛扒嘅時候，又遇上同一個廚師，我問佢是否要時間燒，( 我以為時間要比較長 )佢冇直接回答，仲用一個好唔友善嘅態度叫我攞隻碟比佢。我仲以為我去錯咗屋企樓下嘅茶記。返到屋企越諗越唔開心，所以想同大家分享吓。

中學同學難得聚首一堂，當然要搵間上等餐廳食餐勁嘅！😋上網見到呢間咖啡室只要夠8個大人黎食，就送一隻2斤幾嘅原隻帝皇蟹😱😱好架勢！於是我就打去酒店問，自助餐本身都有生蠔蟹腳同龍蝦食，每位用埋openrice coupon 都只係400幾蚊😱😱咁就一於拉大隊去試食😋啲生蠔好新鮮，又啖啖肉😋😋每次拎只可以拎兩隻，但拎完可以再拎😂無限食！蟹腳就好有海水味，好鮮甜！佢夠8個大人送嗰隻帝皇蟹，嘩認真唔惹小！肉質超厚，一試難忘😍佢個buffet仲有其他野食，有刺身壽司，又有個朱古力噴泉，篤住棉花糖點朱古力醬簡直搵返我哋嘅童真！雪糕就係movenpick,好特別！因為平時去食buffet通常都係哈根大師，movenpick真係少見，仲有10幾隻味呢！食到飽飽就飲返杯即磨咖啡，有部咖啡機自製，想整泡沫咖啡又得，latte又得，好香醇！整體黎講想食buffet，呢間咖啡室認真一流，值得一試😋畀幾張相大家睇下💕💕💕

本身訂左7位食自助餐,收到餐廳打黎有新Promotion, 8位送一隻長腳蟹,即刻叫多左個FD一齊食,有7折又有蟹送,經理話隻蟹有成2KG,都好大隻下,多肉鮮甜,真係底到爛,重有黎自美國,法國同澳洲生蠔,個人最中意法國,夠鮮味, Promotion唔知幾時完,會帶家人去多次

母親生日, 7個人去食自助餐, 環境好靚. 7個人有7折, 8個人仲送隻皇帝蟹, 可惜臨時揾唔到人.唯有下次.甜品都多款式, 12種雪糕, 最啱老媽子.生蠔有3款, 都好新鮮.芝士拼盤有我最喜愛的藍芝士.整體都滿意, 可以再來.

雖然餐廰已滿足我的要求，提供window table, 奈何東區走廊正進行道路工程，引致景觀完全被興建的隔音屏完全遮擋，變得全無景觀可言！此外，食物質數一般！服務員態度亦一般😐

前幾日慶祝白色情人節，所以諗住食好少少揀左屋企附近呢間五星級酒店食buffet，不過價錢又唔係特別貴喎，食物仲比預期中多，頭盤有龍蝦生蠔長腳蟹，熱野就大路得黎幾好味！Refill都快，之後甜品竟然係瑞士m字頭果隻，仲有十幾隻味！我隻乸見到痴左線😂果汁咖啡任飲，不過果汁得2款，扣左少少分！至於環境係靚既，又夠高又夠大，攞野食唔駛逼同唔駛爭！收碟fill水都快！我張枱仲要對住泳池！隻乸好滿意👍🏻

前晚和幾個朋友去Harbour grand cafe 食自助晚餐，交通方便近地鐵站。環境都算幾好，有海景。食物方面都唔錯，凍盤有生蠔，龍蝦，長腳蟹，硯等，刺身有三文魚，油甘魚等，都幾新鮮，熱食有燒牛肉，自選龍蝦湯，中式燉湯，中西印式泰式都有，好多款式。飲品有果汁任飲，甜品有好多口味雪糕，仲有香滑豆腐花，炸香蕉都幾好食，還有糖水，食完飲埋咖啡，咖啡都係自助。我地有25%折扣優惠，愈多人仲有多d折扣優惠，都算抵食，整體都滿意