Harbour Grand Café

营业中

休息中

收工過黎食buffet海鮮都算新鮮刺身攞左三文魚同海膽 鵝肝煎唔透 裏面凍既熟食種類好少 呢兩碟已經攞左大部分了甜品幾多款式 不過味道麻麻麵包布甸幾好食 窩夫唔係即叫即製 但都仲熱辣辣加埋雪糕食正呀12款movenpick雪糕 食左兩轉食物款式少都算食完仲要肚屙無下次

食物水準不錯，可惜數量太少丶款式不多，服務不是太好，整體來說一般而已，用OpenRice coupon 也要550多一位，不是太優惠，因為生日當日如享用了優惠就沒有蛋糕送贈，沒有太大吸引力去這裡，服務員態度又不太用心so bad😔

已經來過N次，每次都為大量食長腳蟹而來，好大條好多肉，少少海水咸味加蟹腳的鮮味，真係食幾雙腳已經回本。自助餐仲有刺生、生蠔、各款熱盤都好有水準，最精彩係食到貴價Movinpick雪糕，配即整的pancake，真係非常滿足，lunch用埋信用卡埋單唔洗$300一位，真係勁抵。

本人11月20號生日， 早兩星期前已經電話order要訂蛋糕， 我在那天六點鐘已再去餐廳確認有的， 誰知去到我埋單走人的時候， 那個蛋糕仍然係不知所蹤， 那天我是一家四口去食自助餐， 之前是要個蛋糕去影相留念及為我慶祝， 誰知有這樣的結局………………之後到自助餐哪部分， 我六點半開始食， 一開始攞完魚生， 帶子、三文魚、吞拿魚， 之後6點50分左右我見住佢見住他把帶子和 甜蝦 放在櫃下面， 我立刻問佢仲有冇， 佢居然答我買曬、吃曬、要等下一輪， 直至去到九點埋單嘅時候都仲係冇， 真的是太失望！

其實很多人吃自助餐都回不了本，不過仍是對自助餐有不可抗拒的喜愛。正如我本人一樣，明明吃不了太多，明明不喜歡要排隊，明明不喜歡配食方式… 但仍是想吃。只因為，自助餐有很多選擇。這次來，是因為在報紙上看到有優惠。原價7折，滿四人就送一枝紅酒。原價是538.00＋10% 即是 HKD 592.00 一人，但7折後是 HKD 415.00。但在加一時，加上了紅酒的加一費用，所以每人要多付15元。所以最後每人是HKD 430.00 ，這個價錢也相當的值得。由6點30分吃到10點，這真的是飽到一個不行！我們一下班就跑去了，不過最後還是6點45分到，職員已經安排好位子了，不過當天的窗口位早已經被人訂了，我們是坐到裡面。有點可惜啦，因為這裡可以看到好美的維港景色。每次食自助餐，第一件事就是食能回本的。生蠔是必須要的，不過這家還是要排隊。排隊不是一個問題，因為早已經習慣了。但是開蠔的職員，可能是收了order，不能開太快，又可能開太多吧。當排了8-10分鐘左右，到我們的時候，他說要過15分鐘再來吧。唉，其實這種感覺真的不太好，感覺像要向人討食一樣…而且每次是配額的，每人只可拿3隻。好不容易才拿到3隻小小

滑潺潺的蟹腳,見到其實都覺唔對路，攞上手全部滑潺潺的蟹腳，同d職員講但d職员話無問題，攞過d比我，明顯洗左d潺但非常咸越黎越差，食品質素直情未見過咁差，未到1pm就無野食既lunch buffet，海鮮類好似賣晒咁一定唔會再黎

為了午餐食生蠔來的。吃第二次。這次，嚇到了。生蠔吃落感覺腥味，有點難生吃。更驚嚇，是準備叉生蠔吃時，突然跳出一只蟲，不停蠕動。也不知是否會寄生的蟲還是什麼。生蠔都死了，蟲還活著，我還聽到別桌的也吃到蟲。是有多小條。準備找第二家了

呢度個環境真係超正-樓底高、陽光充足、地方闊，係對自助餐愛好者天大的喜訊!當天肚子不是很舒服，所以唔能夠一一為大家詳細介紹食物。我只重點分析一下~~~我啲同事話芝麻雞翼好好食，夠曬入味咁話。另外生蠔都非常新鮮，但我眼見就比較細隻。我就叫師傅即炒左個雜椒粟米忌廉螺絲粉俾我食，我覺得相當好食！因為忌廉汁調味調得好，咸度適中。但配料似乎少左啲...可以加多啲磨菇呀、雜豆呀等等令素食者多啲選擇。講講個甜品counter，其實冇咩邊隻係好食。除左用黎點朱古力噴泉個手指餅ok之外，其他真係好令人失望。個tiramisu直頭唔知發生咩事，咖啡酒多到似水浸咁><最終我放棄左食唁落去！希望可以注意下....

食完之後真係想喊. 話說打算同屋企人, 尤其係就黎要返學既幾個細路一齊係暑假結束前一齊食餐好聚一下. 有生蠔供應為首要條件, 搵左十間左右都full晒, 得呢間有位, 因為食過一次覺得都算多野食同有落地大玻璃海景就算啦. 講真環境同服務都無咩問題, 仲按要求比左大圓枱我地添, 食物水平都預左一般, 生蠔同雪糕可以話最正常. 但估唔到老父母會開聲話啲菜又老又無味, 啲甜品唔好食; 連幾歲大既侄女都講理應低1,2個檔次既黃金海岸Buffet仲多野食同仲好食.Buffet寫明12pm食到3pm, 但當我2pm出去打算拎熱葷既時候竟然十室九空, 水煮田雞無田雞, 咖喱雞無雞, 肉骨茶無晒湯水, 燒味得啲皮, 連麵包都無晒, 最搞笑係即淥粉麵檔由2點話無碗話到成3點都無碗, 即係唔再供應.....你放慢手腳一人一輪配給3隻生蠔已經唔同你計, 但2pm即係仲有1/3用膳時間你就一啲熱葷都唔加呢下野真係好有問題. 我平時去六國食晏$178都無咁興.撇除環境同埋易訂位外, 大家一大班人去動輒幾千蚊去唔去真係要認真考慮.

六點半到.不用等,全餐廳都冇乜人龍蝦及長腳蟹腳都係焗熟左，每張枱派一碟，味道勁差，竟然唔係凍食，超難食凍食只有凍蝦,青口同螺(螺已經整走左腸先放返入殼)熱食無特別，只係補菜非常慢甜品叫左好d雪樣- 竟然溶溶地食到七點半都係三份一人食,可想而知有幾差之前都食過二次，都叫正常，但今次五星酒店的buffet 可以差到咁，真係以後都唔會幫襯

突如其來的假期，令我想找一件充實的事辦！就係食lunch buffet，平時好難抽時間坐喺度食幾個鐘頭嘅lunch ， 放假就可以滿足我嘅願望！好似外國人咁嘆番幾個鐘 Buffet嘅位置距離地鐵站大約十分鐘來可到達，但係地理位置係內街，比較隱蔽都有啲難搵🤔但係一入到去就覺得座位非常之寬敞，同隔離位唔會手碰手，座位舒適而且景觀望海，以落地玻璃設計，陽光打入餐廳，令食客更富心情品嚐自助餐海鮮冷盤: 款式有長腳蟹、青口、大蝦、龍蝦仔、即開生蠔、螺等等。但係本人對冷盤興趣不大，淨係食咗長腳蟹、龍蝦仔同生蠔，生蠔新鮮但頗為細隻，長腳蟹同龍蝦仔啖啖肉，隻隻新鮮，唔會有梅肉！日本刺身、壽司: 當嘅刺身款式有三文魚、吞拿魚、八爪魚、玉子等等。可以叫師傅比三文魚腩，因為主動問先會比腩位啊即切牛: 呢樣係令我最喜出望外! 因為一般都覺得酒店烤牛肉會比較乾，但係佢烤完十分之juicy ，而且肉質非常嫩口、鬆化！完全冇咬唔開嘅情況仲有牛扒非常有牛香，脂肪比例均勻，忍唔住食咗幾塊此外，餐廳有提供即煮意粉、生滾粥、即煮中式粉麵，能夠照顧唔同客人嘅口味，午餐自助餐都提供晒三款即煮美食，抵讚！甜品大的有15-20款選

拆完連加一 $414一位！底到爆！本身唔知有拆就覺得自助餐黎講，野食算小選擇！但佢要有嘅野都有，係熟食比較小choice! 燉蔘湯，得個苦味！本身勁想試南瓜湯，叫極都冇人拎d 新碗出黎，結果冇試到！但意料之外，有肉骨茶！super yummy! 好夠味？好好味呀！我飲左2大碗生蠔，係甜美嘅，唔「聲」！但食得出唔係好新鮮！鵝肝....好心呀廚師先生就用個大d 嘅pan黎煎啦，一次煎得小小！最憎自助餐要排好耐拎一樣野食！仲有，我食左一粒入面仲係凍嘅！拎一次就算！甜品就真係正到飛起啦！未試過可以一次過食咁多種movenpick ice-cream! 開心到飛起呀飽到冇位試其他甜品lu

同事上星期食完，10日內憑單再食正價約298有7折，所以我地今星期跟食，即每人約240左右。環境好光猛，甜品區好搶眼亦多選擇。最吸引既係有生蠔！亦有各類海鮮同魚生熟食，如長腳蟹、sashimi、蝦。。etc生蠔即開，仲好重海水味，好新鮮，絕唔行貨！隻隻肥美，唔會好腥。長腳蟹好多肉，肉質鮮甜、彈牙，唔會散開。值得再去食！

唔想母親節正日同人逼，所以今日先帶兩位媽媽黎食lunch buffet慶祝，環境及服務真係唔錯，雖然熱食唔係咁多，但有回本的生蠔、剌身、各款甜品及movenpick， 以午餐黎講算係足夠啦，最重要係大家都食得好開心。坐座位闊落，仲有一張長沙發，坐得好舒適冷盤小食，種類不多，味道普通都係冷盤甜品當中最值得一讚嘅係馬卡龍，唔太甜，真係有果種入口即溶嘅感覺，其他甜品不過不失，無乜特別。今次黎食呢餐嘅主要目的就係為左黎食movenpick雪糕，因為本人極愛食雪糕，而且食幾球都回本啦！蟹腳同青口嘅味道不過不失

今時今日，吃自助餐不只想要食物選擇多，而且還要「 各 類 食 品 選 擇」都要多如果妳是雪糕的愛好者，相信 Harbour Grand Cafe 的自助餐就最啱妳啦12款口味的 MOVENPICK 雪糕任妳選擇------------------------------港島區，如果要吃Lunch自助餐啦，姐姐最喜歡去 Harbour Grand Cafe 啦位於炮台山地鐵站B出口，過馬路行油街方向，2分鐘就到Harbour Grand Cafe 在 Harbour Grand Hotel 三樓餐廳寬敞光亮，落地大玻璃向外望就是維多利亞港了自助餐提供生蠔、長腳蟹、大蝦、各式刺身、沙律、熟食、甜品等等等等任妳吃，還有提供一杯果汁，可選擇西柚或者橙汁，至於奶茶、咖啡都是任添的美國生蠔是即叫即開的，新鮮爽甜，每人每次限量取3隻，吃完再排過最殺吃的是12道風味的 MOVENPICK 瑞士雪糕，香蕉、焦糖燉蛋、朱古力、乳酪、檸檬、咖啡、草莓等等等等，選擇實在太多啦客人可以一次過吃勻12款口味都得ga姐姐都吃左5個雪糕球啦 ( 肥都唔理甘多la )，真是好好味呀香蕉雪糕的味道蠻清甜的，還有粒粒香蕉肉