Hero's Friday (已結業)

🌈今日網上見到之前想試既班㦸漢堡响荃灣開左分店，所以收工就拿拿淋去左買返屋企食🥰七點左右去到Hero’s Friday，門口都幾多人等緊外賣，堂食有幾個座位，都full左，我買左外賣之後，响附近兜咗一圈，返到去都要再等多15分鐘左右🥺冇計啦，邊個叫我想食姐😂我叫左個豬柳蛋班堡餐，配薯條同可樂🥰✨豬柳蛋班堡-依個超級好食，本身我係班㦸愛好者，厚班戟帶甜甜地，配埋塊豬柳，仲有d滑蛋同芝士混埋一齊，太正啦，真係食完一個都唔夠😋✨薯條-好咸，見到d鹽好大粒，我自己拍走d鹽先可以食到😆下次會再試下其他班堡🙆🏻‍♀️

讚1.初時以為係伏，班戟豬柳漢堡既組合真係好暗黑料理下，但見多人排就試下，幾好味蹯，班戟鬆軟，豬柳、蛋再加芝士，係真係有肉香果種感覺，好開胃下；薯條都炸得好好2.價錢真心係平彈1.服務暫時有啲混亂，其實我係唔要蛋既，收銀員都問左次係咪唔要，但出到黎都係有

呢間Hero's Friday係荃灣新開既分店，聽聞荔枝角分店好食，於是今日喺荃灣就專誠去試一試，門面清簡整齊，右邊仲貼心有四張櫈，可以比人買咗喺度食，不過都係要用外賣紙袋，其實可以唔用紙袋，可以環保啲。暫時只收現金，堂食中途都好多街坊嚟買外賣。呢間店有首創將漢堡包用班戟取代，好新奇🤩，所以專登嚟試下，我揀咗豬柳蛋班堡，$48包埋汽水🥤同薯條🍟。大概等咗都係十分鐘左右就出餐啦！我比滿瀉既薯條吸引，新鮮炸起真係好難唔好食，收到即刻食返幾條先！不過啲鹽就唔係灑得好勻，所以食到底愈來愈咸。至於主菜個豬柳蛋班堡🍔，兩塊鬆軟既班戟，食落反而有少少甜甜地，芝士同豬柳就無乜特別，而個炒蛋真係唔錯，成熟度啱啱好仲有蛋漿流出，又夠晒足料，好飽肚！不過本人覺得配班戟有少少怪，因為蛋、芝士、豬柳都係屬於咸既，而個班戟甜甜地咁有啲漏，又咸又甜有少少奇怪，但都係個新奇既嘗試！好評絕對係比個薯條同炒蛋！下次會試下佢其他漢堡，見到大大份都係賣$6/70度，幾抵食！不過真心薯條漢堡真係要堂食先好食，拎返屋企始終爭啲，除非真係住好近啦！

見谷友介紹，27th 收工去試，叫了芝士漢堡外賣，等了半小時，拎回家急不及待就試，首先包冇搽牛油齋烘，呢個可接受，應該新開忙得滯，菜新鮮，但冇酸瓜/洋蔥，最重要係塊牛肉...乾，硬，有筋😰30th經過🤔心諗既然係黃店就俾多次機會la，叫了豬柳蛋班堡餐轉甜薯條+$8，班戟鬆軟唔乾，炒蛋夠滑，芝士半溶，唔錯🤩甜薯雖然唔夠熱但好味，本人怕熱氣所以OK，同埋唔係週圍食到😚今次拎嘢食時順便俾左意見，希望會改善牛肉質素，如果有酸瓜/洋蔥就更好，身為街坊嘅我都想繼續有好嘢食😝