hier.

营业中

休息中

喺鰂魚涌返工嘅我，日日都要諗lunch食乜。幾推介呢間可以take a away又可以堂食嘅小店，因為佢嘅Offerings健康得黎，價錢okay, 同埋都幾大份，一定夠飽雖然小店一間，但係環境都幾chill，同埋成日都唔記得帶印花卡嘅我，可以黐張卡佢哋牆上邊，咁就一定唔會唔記得帶儲夠當然可以換咖啡啦~非常推介佢哋新出嘅豆腐花latte，唔太甜，但係有豆腐花嘅香味，亦有咖啡味，一開始覺得呢個配搭幾奇怪，但係試落去真係好味，仲要買兩杯會抵啲，所以記住同Friend一齊嚟試！佢哋新出個韓式一口牛蒟蒻飯，真係好surprise ！估唔到蒟蒻飯食落同白飯差唔多，但係當然健康好多倍啦。最重要係食完之後真係會好飽肚，啱晒平時要keep fit又鍾意食好嘢嘅我另外我個friend嗌咗橙味嘅Americano ，甜甜酸酸嘅橙味配上啲咖啡，都幾唔錯。想講我個friend話諗住唔食咁多，所以冇嗌飯，嗌咗沙律，但係其實佢哋嘅份量都好足啲沙律菜全部都好fresh

海光街嘅 **hier.** 主打清新輕食，沙律雙拼（慢煮雞胸牛油果 + 鴨胸蘋果）$48 超抵食，菜葉新鮮爽脆，最驚喜係配搭 **牛油果汁**，香滑濃郁得嚟又唔膩，同雞胸同鴨胸出奇地夾！ **蒟蒻飯配韓式一口牛**（$78）係必試之選，飯粒煙韌有咬口，卡路里低但蛋白質豐富（27g），牛肉雖然細件但醃得入味，醬汁微甜帶韓式風味，食完飽足又冇罪惡感！ 飲品**豆腐花Latte**，豆香突出，口感順滑；而 **Orange Americano** 就橙香清新，提神又醒胃。整體嚟講，hier. 係附近返工族嘅健康好選擇，食材配搭有心思，味道自然又唔會太重口味，絕對值得一試！ 🥗 沙律雙拼 - 牛油果汁超加分 🍚 蒟蒻飯一口牛 - 高蛋白低卡之選 ☕ 豆腐花Latte - 豆香濃郁 🍊 Orange Americano - 清新醒神 #鰂魚涌輕食 #健康午餐推薦 #蒟蒻飯 #牛油果汁

HIER第一次黎, felt 到所有野都好有heart Orange Americano $45 倒啡入凍橙汁個下好似dirty 咁靚~ 唔係第一次飲orange Americano, 但今次味道比記憶中個杯impressive.可能因為用嘅荳同鮮橙汁更夾, 橙香配較為fruity Americano 酸甜清爽, 好岩夏天飲豆腐花咖啡 $48第一次見~ 用左自家製黑糖同豆花牛奶配啡，甜度適中. 底層有好多軟嫩豆花再增加口感, 如果有粗d 飲筒可以更易吸埋就更好色彩繽紛牛肉沙津 $78牛肉切粒燒完幾香, 唔會乾. Salad 有羽衣甘藍, 甜甜南瓜、粉鷹咀豆同百合茄. 呢個組合味道豐富又高蛋白質膳食纖維好健康. 依家用丘比做個salad dressing, 個人相對會喜歡黑醋蒟蒻飯配慢煮咖喱雞胸 $68蒟蒻飯夠哂健康, 低GI 低卡仲0脂肪. 而個口感真係好似飯, 配埋煮得嫩雞胸同調味剛好咖喱, 提供夠27g 蛋白質又夠飽蕃茄湯夠酸幾開胃

放lunch嘅時候諗唔到食乜嘢 所以決定試吓呢間成日經過嘅小店店舖裝修好吸引好簡約而且食物飲品選擇都幾多全部都係健康之選啱晒keep fit成日食外賣嘅客人我試咗雞 鴨胸沙律估唔到份量超多沙律醬好清新好健康 水果味好充足鴨胸和雞嘅口感都唔錯特別推薦蒟蒻飯減碳就最適合啦咖喱汁味道啱啱好今次都係食雞 下次試吓牛外賣咗bagel同埋scone比同事佢哋都讚食物水準好好最後值得一讚嘅係小店新出嘅豆腐花latte好好飲一定要試呢個🫶🏻

剛好在附近做義工tea time放break, 想食少少嘢，路過見到有decaf coffee 決定幫趁。叫左個Caesar salad同埋decaf flat white. 沙律裏的食物都好食，個獨立包裝醬都好食喎。杯咖啡都好滑，一共$68.

鋪面唔大，只有面對落地玻璃高身座位三個，勝在開揚唔壓迫試試店員介紹新產品，黑糖豆腐花咖啡，估唔到中西合璧，意外地有新意夾得來，豆花細碎口感配咖啡香，不過只有凍飲供應熱飲嘅就試下開心果拿鐵，不含咖啡成份， 以無糖開心果醬入饌，一入口濃郁堅果香又唔甜印式大蝦沙律，紅椒粉大蝦配鷹咀豆充滿印度風情，油醋比一般沙律醬健康慢煮雞胸軟身完全唔鞋， 菜單上標榜蒟蒻米配上藜麥， 完全食唔出係蒟蒻米，以為畀錯與一般米飯口感無異，健康又不影響口腹之欲，好感受到小店對出品嘅用心

最近，朋友推介鰂魚涌新開的㗎啡和健康沙律的輕食小店，開店初期，每當朋友幫襯小店的咖啡時，老闆會主動詢問朋友對咖啡的意見，經過一輪的調整後，最後，還tailor-made朋友喜歡口味的咖啡，足以證明小店老闆好有誠意留意每位顧客嘅需要，不斷改善，務求令到顧客喜歡，除此之外，你會發現店裏收銀處附近，有一幅特色牆，牆上佈滿顧客的咖啡印仔卡，小店為顧客保管和直接為顧客吸印仔，以防大頭蝦顧客忘記吸印仔，非常體貼👍🏻👍🏻👍🏻今日我就品嚐了朋友專屬的口味咖啡，㗎啡香濃，苦中帶出滑滑的奶香，非常醒神😁，店員仲為我杯咖啡畫了海馬圖案😘😘😘，令人心情開朗😊😊🥰🥰

佢IG post做早餐優惠，一份有餡牛角酥加Black or white $45幾吸引咁。所以見blue Monday 就買黎食。牛角酥有plain, 沙律蛋，芝士火腿同藜麥吞拿魚揀,我揀咗最後者，另外配飲細Latte 。因為即叫即製，所以等10分鐘左右。我係買外賣返公司食，返到office食牛角酥好脆同香，藜麥吞拿魚就正常味道，加埋生菜同蕃茄，感覺好freshLatte都好香滑，重nutty 味，鍾意呀。過左一星期念念不忘，2刷左今次叫左蛋沙律配細Latte，一樣新鮮好味。店員話轉凍飲或加大就加5蚊，下次試埋凍飲先

鰂魚涌不乏咖啡店，我認為Hier. 既食物健康美味兼備。入面只有三個堂食座位，餐廳主要以外賣為主。- 蕃茄肉醬焗薯焗薯只用簡單嘅鹽同黑椒調味，上面鋪滿惹味嘅蕃茄肉醬同芝士，非常飽肚。另外仲有另外兩款口味包括煙肉蘑菇同菠菜三文魚。- 蜜糖煙鴨胸蘋果沙律煙鴨胸脂肪含量比較低，絕對係健康之選。入面一共有六件，肉質鮮嫩。沙律菜好新鮮，旁邊蕃茄都好鮮甜。- 香辣雞肉蝴蝶粉蝴蝶粉辣度十足，雞肉切成雞絲，肉質鮮嫩，係另一健康之處。- Yuzu Special 口感係smoothie，柚子味非常清新，唔會話好甜。- Mint Mocha 咖啡同朱古力完美融合，另外滲透淡淡清新薄荷香氣，味道一樣唔會好甜，好好飲👍🏻

下雨天既lunch time 走入呢間清新小店！ 主要做take away，靠落地玻璃有3個座位，但就因為係小店令我更加想去試！輕食又或者抖抖飲杯咖啡都好relax～試下🍂Autumn’s choice 既🧊Yuzu special $48 白雪雪foam layer一細口感覺creamy仲有好清新柚子香smoothie 入口順滑又帶粒粒柚子💕🧋Mint mocha $55 特濃Mocha仲有雪白奶泡薄荷香混入朱古力碎有種Double layer效果🥐Tuna croissant 牛角包唔油膩鬆軟，中間吞拿魚餡料激多，仲有甜肉茄伴沙律莱🥔肉醬芝士焗薯 配料比例近乎一比一，相當足料！ 焗薯上放滿肉醬、酸忌廉、芝士，酸酸地既開胃又滿足！ 🥗鴨胸藜麥三文魚沙律 沙律配搭款式多，鴨胸texture嫩滑，兼有煙燻餘香，跟特濃黑醋沙律菜食豐富味道唔dry。另一款係粗纖感較重雨衣甘藍，配上健康藜麥、厚滑鮮味脆皮三文魚扒，好飽肚

今日去咗一間好舒服嘅Cafe ☕️，飲咗一杯焦糖咖啡，真係好正！咖啡嘅香氣同焦糖嘅甜味完美結合，令人心情都好好 😊。每一口都好有層次感，唔會過甜，真係一杯幫人解決blue Monday嘅飲品！跟住飲咗一杯lotus餅味的latte 🥛，味道好香濃，仲有一陣餅乾的脆脆感，飲落去真係好舒服！Latte嘅奶泡打得好細膩，令整杯飲品更加滑順，真係一飲成主顧！我仲試咗鴨胸雞肉雜菜沙律 🥗，新鮮嘅雜菜配上嫩滑嘅鴨胸肉，色香味俱全，完全冇負擔！沙律醬汁清新唔油膩，食完之後感覺特別輕盈，健康又美味 💚。再加上芝士火腿同蕃茄牛角包 🥐，芝士融化得剛剛好，香氣四溢，每一口都令人想再嚐多一口！牛角包外脆內軟，搭配火腿嘅鹹香，口感豐富，實在太好食！最後，我啱啱食咗伯爵茶嘅scone 🍵，外脆內軟，茶香四溢，真係好好味！scone嘅口感好鬆軟，食完唔會覺得膩，真係一個完美嘅甜品收尾。而且呢度嘅價錢實惠 💰，對於想食健康輕食嘅人來講，真係一個非常好嘅選擇！喺附近返工嘅朋友有時唔想食得咁重負擔，呢度絕對係一個好選擇！

鰂魚涌嘅🍀簡約風☕️咖啡輕食小店，好有驚喜🤩，☕️咖啡同野食都好高質，價錢都唔貴！🥔菠菜三文魚焗薯焗薯新鮮熱辣🔥，薯仔焗得好軟滑，配以Creamy嘅菠菜三文魚白汁，😋😋非常好食！👍極力推薦！🥑🥗慢煮雞胸牛油果沙律慢煮雞胸肉質好嫩滑，🥬🍅沙律菜同🥑牛油果整體都好新鮮，比較特別係沙律配左個加入左🍊香橙製成嘅羅勒醬，味道更加fresh！🍳🥐雞蛋沙律牛角包牛角包鬆軟香脆，內裏包住滿滿嘅🥚蛋沙律，仲配以🥗沙律菜同🍅番茄，豐富又好食！🥯Hand-made Bagel (伯爵茶麻糬)🥯Bagel口感好有🦴韌勁，🫖伯爵茶味都幾出，而內裏嘅🖤黑糖麻糬煙韌香甜！呢度嘅特色咖啡係💚開心果Latte☕️，開心果味非常濃郁，口感都好順滑!🍋🍋‍🟩Lemonade 酸甜味平衡得幾好！

每逢週六心情好，中午約朋友飲咖啡傾計，去咗鰂魚涌海光街的 Hier，咖啡香，食物健康美味。點了兩款特色飲品：Orange Americano ，加了橙味的濃咖啡，好飲，有果香酸甜與甘香咖啡的不同層次。Pistachio Latte 開心果泡沫咖啡，同樣非常出色，奶滑，飲到開心果碎，口感非常好。午餐方面我哋先吃蜜糖煙鴨胸蘋果沙律，生菜很新鮮，鴨胸味道很好，蘋果很爽。雞蛋沙律牛角包，簡簡單單的雞蛋沙律餡都已經好好食，牛角包鬆軟。香辣雞肉蝴蝶粉真夠辣，所以令人開胃，蝴蝶粉被飽滿的忌廉汁包圍，很滋味。店舖面積唔係好大，外賣為主，不過有對街的吧枱位坐，星期六中午有位傾偈。

近排工作忙碌，有時間的話，當然要輕鬆一下，俾自己抖一抖。早前去了位置鰂魚涌Hier. 飲杯咖啡。我地選左蕃茄肉醬芝士焗薯，慢煮雞胸牛油果沙律。我愛焗薯，材料夠豐富，幾飽肚。雞胸肉質不會乾，加上蔬菜夠新鮮爽脆，健康又好味。見到貝果和鬆餅也吸引，決定試下，選左香蕉朱古力貝果和提子鬆餅。咖啡當然不少得，揀左Mocha 和 Salted Caramel Latte。咖啡夠香濃幼滑，甜度適中，又易入口，啱晒我口味。想食得健康，又輕鬆一下，這裡是不錯選擇。

今日嚟鰂魚涌搵朋友嚟hier.食lunch，環境舒服，嘢食嘅性價比都幾高。印式烤蝦沙律有三隻彈牙爽口嘅大蝦，同埋好多款好新鮮嘅沙律菜，唔會好大浸醋酸味，我平時麻麻哋沙律都覺得好食。菠菜三文魚焗薯係成個薯仔切開一半，再係上面加咗白汁菠菜三文魚，食落好香，唔會太咸，不過份量都幾多，一個人應該食唔晒。焙茶麻糬bagel熱辣辣咁，好香焙茶味，入面嘅麻糬好煙靭，覺得應該同咖啡好夾。Cappuccino 朋友飲咗Cappuccino ，聞到好香咖啡味，朋友話好飲，奶泡線密，下次都會再嗌。Housemade lemonade我飲咗lemonade，應該係有落海鹽味，有少少咸又有啲啲檸檬酸，好refreshing夠哂解渴。