Holam Bakery

营业中

休息中

好耐之前食過Holam Bakery嘅千層蛋糕，印象中係性價比超高😻！最近有兩次同朋友喺駱駝漆食飯，當然要留返個肚嚟呢度食返件蛋糕啦🤭🧇#港式奶醬千層蛋糕：好濃郁嘅奶醬多味～真係食到停唔到口🤤 啱晒鍾意食奶醬多嘅朋友！🧋#伯爵茶千層蛋糕：我本身唔太鍾意Earl grey，而蛋糕嘅伯爵茶味我係接受到嘅～🍵#抹茶雪糕：加10蚊可以換一小杯抹茶雪糕，有3種濃度，抹茶控我揀咗最濃嗰款。濃度算係夠，但佢似cream多過次雪糕，不過都幾好食😋🍰#抹茶巴斯克芝士蛋糕：因為呢次去到已經冇乜味可以揀，於是就試吓巴斯克蛋糕。味道同質感都夠，而入面就正正係抹茶雪糕嗰隻cream😹 但我又幾鍾意😆咁啱兩次都係差唔多閂門先嚟到，已經得返好少味，如果想有多啲選擇，可以早少少嚟～😉

之前食過一次開心果味，覺得開心果味都算幾濃，今日去開觀塘，諗住順便食多次，但第二次食就好失望😞😞一食落去，全部都係忌廉，D忌廉淨係得個甜字，一啲開心果都冇！咁樣應該叫原味啦。。。比起第一次食，真係好大分別，感覺上佢偷工減料左好多😅而且每層中間太多忌廉，食完好漏同好口渴。而個綠茶雪糕，綠茶味係有嘅，但食落去個質地一pat嘢咁，冇雪糕正常好凍嘅溫度但又擺多陣都唔識溶，成舊嘢似cream多過雪糕😓

而家多咗唔同款嘅甜品，但依然最鍾意都係千層蛋糕店舖旁邊仲有立食區，可以即刻食今次食抹茶流心千層蛋糕同吉士醬焦糖燉蛋千層蛋糕千層皮好薄，口感好滑抹茶味都好濃，不過可能解凍時間唔夠耐 唔係好夠流心

朋友仔生日與其去連鎖品牌買蛋糕倒不如支持吓小店已經唔係第一次訂蛋糕上次試咗香芋味今次本來係預留咗八味盒但去到舖頭拎蛋糕嘅時候見到有開心果味臨時轉軚好彩店家好好人，可以轉款Crepe皮好薄再夾埋香濃開心果味嘅滑滑忌廉忍唔住一啖接一啖咁食卡路里同減肥都要擺埋一邊正所謂唔食邊有力減😂

Holam Bakery元祖級社交平台起家嘅千層蛋糕店最近係fashion walk 地下開咗期間限定嘅門市！今次揀咗個八件裝嘅蛋糕佢嘅蛋糕真係好好食我已經回購過無數次層皮好薄好薄cream既味道真好突出有啲入口即溶嘅感覺🤩🤩每款口味都各有特色全部茶味嘅千層蛋糕都好香濃比較特別嘅係巨峰提子酸甜甜好好食八件拼圓個蛋糕一月份口味：香芋伯爵茶阿華田巨峰提子日本抹茶特濃焙茶吉士焦糖燉蛋接骨木花x荔枝乳酪

Intro: 買散水餅有唔少出色嘅餅店，而有唔少人會選擇佢地嘅千層蛋糕，不過都成30幾蚊件，但咁多年都保持到質素，而呢次就收到巨峰提子味～___________________🍽 巨峰提子味 - 千層蛋糕💰 32 ⭐️8/10✍🏻 賣相成件士多啤梨味咁，面頭嘅cream同士多啤梨嘅色差唔多；✍🏻 大約有十層皮，面每層皮夾住嘅cream嘅厚度岩岩好，每層皮煎得好靚，而口感唔會太過creamy；✍🏻 而巨峰提子味都幾特別，甜度岩岩好，係一件唔會太heavy嘅甜品。___________________🏠 Holam📍 觀塘開源道60號駱駝漆大廈第三座4樓I室⭐️ 8/10___________________

💚$10抹茶雪糕路過見到就好想食🤤🤤我同同事share兩種不同濃度嘅雪糕～有濃啲抹茶味 亦有奶味重啲。我地就鍾意濃味嗰款，佢濃得嚟又唔會好苦澀，帶有抹茶香，質感上有冰粒 幾有口感。奶味重啲嗰款就冇咁有抹茶味 係偏甜。

喺Holam試咗佢哋嘅千層蛋糕，真係一試難忘！第一啖我嘗咗嗰啖焦糖咖啡千層，焦糖控自然心癮開，口口都係咁滑嘅奶油交替著那柔軟得像雲朵嘅蛋糕體，每層之間透出淡淡嘅咖啡香，甜得啱啱好，真係食到我心都化咗😘！第二次試咗紫薯粒粒麻糬同開心果兩款。起初以為紫薯同麻糬搭嘅會怪怪地，但試完之後真心覺得意想不到嘅滿足感！紫薯獨有嘅香氣夾帶點點麻糬嘅Q彈，喺味蕾上打轉，正爆呀🤩！至於開心果咁嘅豪華配料，Holam都做到恰到好處，味道夠香唔嬲，而家就明白點解呢度嘅千層蛋糕能夠收穫一班忠實嘅粉絲。整體嚟講，Holam嘅千層蛋糕質感細緻，唔會太過甜膩，下次仲想試下其他口味，每一次嚟都能夠有唔同嘅驚喜同滿足。簡直係平價中嘅高質選擇🍰💯！

一班朋友gathering想食返個甜品開心下，今次朋友揀咗個八件裝嘅蛋糕，一次過有多種口味滿足曬唔同人嘅要求👍我哋再將每件再細切share，一次過試咗唔同嘅味，超開心🥳

呢間 @holam_bakery 主打各式各樣嘅千層蛋糕每件切件嘅價錢around $34-40左右🙌🏿中中等等唔算太貴嘅 不過都要試咗味先知值唔值😂史努比喺觀塘攞咗貨之後返屋企大概雪咗兩個鐘攞出嚟攤咗大概15-20分鐘賣相幾靚仔 蛋糕嘅layer層層分明😆Cream打得好smooth而且蛋糕皮嘅厚薄適中 唔會太厚 又唔會太薄冇口感👍🏿不過所有蛋糕都有一個問題系雪得硬得滯前半部份溶咗雪嘅就好滑好creamy但後面就有啲冰粒影響咗個口感😗建議店主可以調教下雪櫃嘅溫度 避免雪過龍🙌🏿👍🏿抹茶流心千層 $39前面嗰part就真系好creamy🤣接受入口即溶嘅感覺一擺落口香濃抹茶味即刻湧上來食到抹茶嘅甘香 而冇茶嘅苦澀中間嘅cream做到半溶嘅效果 非常幼滑🤤可惜就唔太流心 因為雪硬咗有啲似抹茶朱古力 甜度偏高配合唔太甜嘅蛋糕就啱啱好😚如果唔系後面雪硬咗嘅話佢值更高分💪🏿味道: 7.5/10性價比: 7/10👌🏿開心果千層 $40食落口有淡淡嘅開心果味 但就唔太濃郁😗值得一讚嘅系甜度唔會太高Overall就比較普通🙌🏿唔期望就唔會失望😂味道: 6/10性價比: 6/10👍🏿海鹽檸檬千層 $39

聽聞左甘耐，終於嚟到呢間咁出名既千層蛋糕店啦😍😍平價版Lady M，呢間好多人都知，但小妹今年先第一次幫襯，果然上個星期日同男朋友幫襯左第一次，隔一個禮拜又再同朋友嚟幫襯啦😋Holam單件千層蛋糕有成十個口味咁多架，小妹挑戰「集郵」先，唔知幾時食得晒十個口味呢😆😆🩷分享番先：第一次～《焦糖咖啡千層》，蛋糕未解凍得晒，男朋友話口感似食雪糕，好好食🤤，蛋糕上的焦糖脆脆，搭配淡淡既咖啡香，好美味❣️前幾次都諗住帶男朋友食Lady M試吓，好彩有一齊嚟駱駝漆咋❤️今次～《紫薯粒粒麻糬&開心果》，第一次食有麻糬既千層蛋糕咋，有新鮮感😃，開心果味都好香，而且唔太甜，不過我哋兩位食飽晒先嚟食千層蛋糕，有些少’漏‘，如果似第一次未解晒凍既口感就會好啲🤔Holam，除咗有千層蛋糕，仲有梳乎厘pancake可以食，亦都有原個蛋糕供訂購，如果有興趣不妨嚟Holam買番件番屋企嘆下❣️

🇭🇰 #香港 #九龍 🇭🇰Call Me Chef (觀塘)已經幫襯過好多次💛比起出面又貴又要排長龍嘅連鎖店呢間嘅crepe cake價錢合理得嚟又好食好多口味選擇 亦唔會太甜太膩👍🏻就算依家多咗order都仲keep到水準💯會繼續支持💪🏻🍠🍰 香芋奶蓋千層蛋糕Taro Crepe Cake with Milk Foam🍫🍰 阿華田千層蛋糕Ovaltine Crepe Cake🍵🍰 伯爵茶千層蛋糕Earl Grey Crepe Cake♡ㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡ🚕 地址주소 :觀塘開源道60號駱駝漆大廈3座4樓T號舖(쿤통 호이뉸 로드 60호 카멜 페인트 빌딩 블록3 4층 T호점)ㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡ💰價錢 가격🍠🍰 HKD$32 • 🍫🍰 HKD$32 • 🍵🍰 HKD$32ㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡ♡🇭🇰 #홍콩 #카우룽 🇭🇰콜미체프 (쿤통)🍠🍰 우유거품 타로 크레이프 케이크🍫🍰 오벌틴 ᄏ

咁岩去開附近想襯仲有工廈美食前搵哂啲吸引既店食左先 咁就見到依間甜品店 依間甜品店主打千層蛋糕 蛋糕款式更加比對面一家多。 款式多到真心簡唔落手 最後係伯爵茶同曲奇麻糬之間簡左曲奇麻糬 蛋糕價錢唔貴 比外面買既抵 大約都係$34-46左右。 除左一般口味 仲有啲幾特別既味道 例如港式奶醬 唔知味道夾唔夾呢🫢曲奇麻糬（$39） size其實幾大舊 。 同埋望到千層蛋糕既質感 加埋麻糬望落去真係好吸引 食落去比想像中冇咁甜 岩岩好 好照顧到唔太好食甜野既朋友仔 麻糬軟軟地口感一流 個人認為100分如果下次去開觀塘， 有機會絕對想再買黎食

Intro: 講到千層蛋糕，相信每個人都會諗起holam，呢到嘅千層蛋糕大約200-300蚊，但性價比真係好高，仲有好多口味選擇，最適合做生日蛋糕；而呢一次趁生日，就買左焦糖咖啡千層蛋糕～___________________🍽 焦糖咖啡千層蛋糕-6吋💰 250 ⭐️9/10✍🏻 就算蛋糕得6吋，比到顧客好滿足好大個嘅感覺；✍🏻 粗略咁數過最少有20幾層嘅蛋粒皮，每層都好薄，口感軟綿，技巧同功力真係好深厚；✍🏻 呢一次嘅cream好似抹多左少少，整個蛋糕令人感覺得好creamy，視乎個人嘅感覺；✍🏻 咖啡味可以更濃，個人更好更濃嘅味道；✍🏻 加埋生日牌同附送嘅焦糖脆脆，成個蛋糕好適合打卡；___________________🏠 Holam📍 觀塘開源道60號駱駝漆大廈第3座4樓I室⭐️ 9/10 ___________________

聽過holam bakery咁耐，因為唔就腳一路都冇機會試過，難得有個星期日去開觀塘，食完個早嘅晚飯大約夜晚6:45去到佢舖頭就買咗個嚟試。只可以講，如果你係expect正常、新鮮、creamy嘅千層蛋糕，千祈唔好呢個時間嚟買。。。去到嘅時候，陳列雪櫃剩返三件蛋糕，分別係：伯爵茶、阿華田，同埋另一隻唔記得咗咩款。本身想試伯爵茶味，但因為前面有人買咗，所以伯爵茶就冇咗，咁又諗咗一陣應該試邊隻。點知諗諗吓期間，店員攞咗另一件伯爵茶味出嚟擺返喺陳列櫃，所以就嗌咗伯爵茶味嚟試。店員遞個蛋糕俾我時，已經同我講要攤5分鐘先食得因為可能有啲凍，我已經覺得伏伏地，因為如果係正常雪櫃四度攞出嚟，應該未至於要攤一陣先食得，所以好可能係冰櫃攞出嚟（？）結果不出我所料，買完件蛋糕去隔籬舖位食，影吓相都過咗10分鐘。隻叉一拮入去，feel到件蛋糕完全係硬的。邊邊位都叫可以拮到底擺落口食，但拮到去中心係完全拮唔穿件蛋糕、會有覺得隻叉就要斷嘅感覺。成件蛋糕只有雪冰咗嘅凍餅/莎莉蛋糕感覺，冰、乾、沙，硬，完全唔會有你想像一件千層蛋糕應有嘅Creamy、軟棉口感。由相亦可見，你會睇得出cream同皮係分離、仲要係裂裂地