Holly Brown (已結業)

食飽飽最好不過係搵間甜品餐廳嚟食飯後甜品，今次揀咗雪糕做主角，叫咗2個味，咖啡米蘇同野莓家族！見住職員即炒雪糕，炒完既雪糕放落窩夫到，由於雪糕炒過嚟，所以比平時個d會soft 咗，唔係雪到硬晒咁，野莓味好酸酸甜甜，並冇藥水味，但個窩夫好明顯放得太耐，走咗氣，淋淋地😞⋯⋯咖啡同提拉米蘇好香仲食到有淡淡酒味，好食！今晚真係滿足晒！

這個品牌我幇襯了無數次，由銅鑼灣、金鐘、中環去到太古。本來特別喜歡這裡的藍色雪糕，雖然 vanilla 味不重，但雪糕比較滑而且不太甜，也算是比較特別。而且他們的店員一般很友善有禮。只可惜今日再去已經不再是那回事了，首先是他們的出品問題，不知道是不是 recipe 轉咗，只有一個甜字，連那淡淡的 vanilla味也冇埋，最難接受的是滿雪糕內都是冰塊，$60買一杯冰塊雪糕？這個價錢絕對不值另外是那位𢳂雪糕的姐姐，可能我去得比較晏，份量比以前少也就算了，她的面色好像人家欠了她一樣，買雪糕送面色？下次還是不要去好了

佢嚟咗香港甘耐,我都試過好多次，太古店就第一次去太古店，佢哋都keep 得到，服務又好，都算係甘! 真係好味嘅又唔係好甜，炒雪糕, hollybrown 真好味👍🏻值得再去,信心嘅保證

人數：2時間：星期日4:30pm<<食物>>Holly Starlet好似好散 夾雜住好多咁。之前食過係黏啲架。見人地食其他味 炒落係黏啲架，唔知blue vanilla係咪擺太耐呢。杯內有🔹blue vanilla 雪糕：其實係vanilla味。朋友話覺得有少小薄荷味 (?)🔹彩色sprinkles：都炒咗幾多入去，每一啖都有。🔹星星cereal：喺面頭8-10粒。🔹waffle杯：好薄，10%燶咗要掉。見佢擺喺度其他果啲都係燶燶地 但冇咁燶。原來新出咗抹茶味！不過因為係新味，如果想轉抹茶味要加 $4。(我一直唔知有得轉雪糕味 😮😮😮🙈)<<服務>>冇人等，即叫即炒。waitress冇乜笑容，但都幾有耐性。<<環境>>有三張高枱 + 幾個對牆位。另外店外走廊有商場提供嘅咖啡枱座位。見外面一列嘅枱都有人坐，因為成條走廊都係甜品雪糕店。

第一次試食炒雪糕 經過二東嘅鐵板炒完嘅雪糕係零舍煙韌同埋冇咁容易溶化要咗個藍色 雲呢拿味佢有好多款選擇 雪糕嘅種類亦都唔少更有好多配料可以選擇價錢方面都唔算好貴可以一試

Holly Brown太古太古城道18號太古城中心2樓211A號舖行街攰了，最好食雪糕坐坐。很喜歡去中環的Holly Brown，但太古城是第一次。咁多款要那款好？坐位比起中環少得多，只得10多20個座位左右。最後選了Sunshine，等候泡制Sunshine 是用Strawberry icecream加banana再加rasberry同餅碎，再炒埋一碟。好味！X'mas icecream！

不論天晴與天陰，知己在近或在遠，所愛所喜無旁人，謂者自由或自私？太古城中心正進行麥當奴餐廳之禮品回憶展覽，有我青年時代所流行的卡通人物及熱門公仔。而現場參觀者，十居其八、九是中年人士，並且帶着小朋友回顧自身童年快樂生活，也送出歡欣給眼前人。我的靚太也陪伴了她的加大碼小朋友到場影相，而我、這位加大碼小朋友老是要先安慰肚皮，但最重要快。於是決定食隻熱狗及飲杯咖啡算。<<Holly Brown>>店鋪外貌簡約，店內無固定餐枱及座椅，在星期六的中午也只有兩名客人，使我對它產生奇想。不過都係點上熱狗來品嚐一吓，而它有四款主題及配上甜酸瓜醬和瑞士芝士。我選擇了“芥末熱狗”，希望芥末味道使我精神一振，但最終十分失望。我見職員妹妹將已成形的熱狗放入微波爐，以<叮-叮>工序完成價值44蚊的瘦身熱狗----其實不太熱的狗。再淋上幾行牙籤噤幼嘅黃色嘢，一啲啲芥辣味都無，而甜酸瓜醬就只得嗰一個細杯份量，都唔知嗰老世或者嗰總廚想咩，唔知道佢哋有無食過<熱狗>呢？“坦桑尼亞、哈林寶”在職員妹妹用心及努力推銷後，我實行要試一試非洲栽種及生產嘅咖啡有咩果

老公是雪糕忠實FANS, 他特別鐘愛這店子, 因覺得他們的雪糕夠新鮮, 但我問他, 不是所有雪糕都是預先弄好的嗎, 他說, 只是他的感覺~ WELL~ 真的個人喜好! 不過近年雪糕的店長開長有, 這個商場至今已經至少有5間雪糕店.... 當然, 雪糕的毛利較其他食店為高~ ANYWAY這店不單止店內設有座位, 店外還有地方供客人食用我喜歡吃焦糖, 老公特意點了這個焦糖咖啡, 焦糖+咖啡本身已經好夾, 再加上杏仁和OREO, 口感一流, 雖然我不像他對雪糕那樣狂熱, 但面對如此美食真的很難抗拒~