Home Sweet (已結業)

元朗雖然有無數甜品店，但真正好味寥寥可數。Homesweet在5太起眼地段，我想幫襯大多是熟客，人小小5使迫嘆甜品也格外舒適。店内有很多不錯甜品(楊枝甘露系列勁多生果，芒果燸米好味過長洲出名那些)今次试埋窩夫，真系賣相同味道都冇得輸！要讚除了那份認真對待食物態度，还有店員都非常親切有禮，我想這些小店比起那些連鎖快餐式甜品舖出色很多！

星期六打完波食完晚飯，當然要再加個甜品先至係圓滿的一天啦Home Sweet的地方小小，只有十多個位，星期五、六通常也要等10多20分鐘才可以入內的，但因為我們8點左右已到，所以店內仍是空無一人的。小妹點了的是Creme Brulee 加曲奇雪糕，盛惠HKD32。這燉蛋的蛋漿肯定是很豐厚的，因為蛋味濃郁而且一點也不會過甜，還不錯啊！但曲奇雪糕側不提也罷了。榴槤大雪才是這裡的招牌，每個盛惠HKD26那糯米皮又薄又煙韌，包住一層不多也不少既滑溜溜Cream，而作為主角的榴槤餡亦非常稱職，又香又Creamy~~~ 吃完一個後的感想是.....其實我可以食兩個架

元朗食糖水真係周圍都有，乜仔梗係最出名啦，呢間Sweet Home我大肚既時候食過一次，感覺唔錯，今日又黎幫襯先！4人枱...等左半個鐘先有，間舖太細了，大枱比較難等（我去既時間大約夜晚10點），叫左個西瓜豆腐花，西瓜唔孤寒，舖滿晒面，大概都有10多粒，但係個豆腐花....真係超hea，竟然係山水豆腐花，完全食到超市同百福味呀！雜果豆腐花既豆腐花當然係一樣啦，另外雜果都唔hea，有新鮮香蕉，不是罐頭，叫做值回票價啦！楊枝甘露個賣相好吸睛，呢個做得比較用心，味道都唔錯。好夠甜！希望店主可以改善下d豆腐花啦，唔好令我再失望了！

同朋友踩完單車, 下午四點几, 講真, 午餐我食得太多都未落格, 但專程入到嚟元朗, 想嘆埋個甜品先走.平時嘆甜品夜晚時間會好多人, 可能下午關係, 入面都係有一枱客, 唔洗等.呢間甜品店係我朋友推薦, 入面擺放不到十張枱, 但環境舒適寫意. 打開餐牌, 其實我見到好多款我都想食, 有選擇困難症o既我最後同朋友每人叫咗一客意式特濃咖啡伴雪糕, 再叫咗一客游艇share.咖啡伴雪糕平時我都好鍾意食, 可能本身我都鍾意飲expresso啦, 但好多店都係配云呢拿雪糕, 今次雪糕口味有得揀, 我就揀咗個朱古力味, 我朋友就叫番云呢拿味.到上枱後,  咖啡我先恰一口, 味道香濃, 唔錯. 再倒入朱古力雪榚內混和, 手指餅沾上雪糕及咖啡, 好快入味, 但當雪糕全部融在咖啡裡, 便蓋過晒咖啡味, 好以飲緊朱古力奶咁, 都唔差o既, 但下次我都係揀番云呢拿味好d, 會帶返出個咖啡味. 哈哈~另外隻遊艇, 有很多生果 (有芒果, 香蕉, 西瓜, 蜜瓜, 紅豆, 哈蜜瓜), 仲有舊朱古力批, 全部伴雪糕一齊食, 都唔錯. 好在同人share, 如果唔係都几飽. 同朋友食吓傾吓, 就咁就接近黃昏喇.

一定要讚下佢個椰皇燉鮮奶 原隻椰皇去燉 好有椰香味 好滑 滑過豆腐花 唔會乾爭爭😍我可以日日食都唔會厭呀比起其他甜品舖 佢真係做得好出色夏天係無得食架 因為無椰皇到 所以要食要親宜家去食 去食之前最好打電話去問有無 有可能會賣曬的

要喺元朗搵甜品鋪都唔難，不過好大部分都食過。見呢間位置唔係經常去到，決定試下。星期日下午茶時間到都有6、7個人，好在唔洗等！以白色為主嘅裝潢，大概十幾個位。甜品選擇都算多：中式糖水豆腐花、西式心太軟窩夫同雪花冰都有。仲要價錢唔貴😍兩個人叫左3款+飲品都係～$120水蜜桃梳打加雪糕 $28水蜜桃味，唔假唔會過甜，加埋個雪尼拿雪糕，好正！法式焦糖燉蛋配雪糕（雲呢拿、曲奇、朱古力）$32 造型都幾靚幾簡約，燉蛋都幾香，蛋味唔算好濃嗰隻。嗰球雪糕曲奇味重！整體係好好食兼幾抵食。意式特濃咖啡伴雪糕 $38睇價錢係唔敢有期望，食落都覺得CP高！將咖啡撈入雪糕 affogato ，配埋雲尼拿雪糕 yummy！芒果大雪$24雖然有D24，但我地兩個都唔食。（愛榴槤嘅朋友記得試下聽講幾好食）芒果大雪漲卜卜，拳頭仔咁大舊。皮都算薄，芒果肉大量！不過冇想像中咁甜就真… …其他甜品比較出色。整體黎講咁嘅價錢有咁嘅質素都算唔話得。

去到元朗，咁多間甜品糖水鋪，無理由食返啲出面都有既鋪頭既！有朋友介紹，呢間「Home Sweet」係元朗先有既，咁就要去試下啦。鋪頭裝潢簡單白色為主，但座位略少，要食就要耐心等下位啦！睇完menu就點選左「意式特濃咖啡伴雪糕$36」，雪糕方面可以選配：雲妮拿/曲奇/朱古力，而今次就選擇左雲妮拿。等左少少時間，終於有得食啦。成個甜品都佈置得精緻，食法就係成杯意式特濃咖啡（Expresso)倒入杯雪糕入面，要做到淹沒（affogato)的感覺，之後就可以食啦！雲妮拿雪糕好棉好香，應該係混合左Expresso的味道，附上既2條手指餅都好好味，食完唔會覺得太heavy!**本人建議留小份量的Expresso，可以係食完個甜品飲，會有一個首尾呼應的感覺！

元朗從來不乏糖水店 今日又俾我揾到一間 喺又新街嗰頭 行遠少少就見到話說小妹就唔太食涷既甜品 所以糖水店多數都要揀完又揀 揀完再揀 而依間呢就有中式既燉糖水 啱哂我心意我要咗燉蘋果紅棗海底椰 坐底大概五六分鐘就有得食 黎到仲熱熱地 係啱啱好吹兩下就食得個種 食落口甜甜地 仲有少少蘋果既酸味 感覺唔錯 再加上細細碗 啲料都俾足你 海底椰都有2片㗎 個人黎講 以清潤黎講稍嫌不足 但不失為一個幾好食嘅中式甜品不過店面好細 想食嘅可以要早少少去/ 外賣嚕～

吃完了晚餐走到對面街逛逛~雖然肚子已經有點飽足,但還是想吃甜點就在尚悅附近看到了home sweet看到海帶綠豆沙真的有股衝動想點~但萬一口感不合味怎麼辦!我想我的人生還是缺少了點衝動，於是呼我們點了綠豆沙，待應端上的時候見到一股涼煙，凍冷冷的感覺浮現腦海，一嘗就知清涼消暑，店主應用冰塊保持其冷凍度，這是仲夏將來的必試佳品，綠色的豆與黑色的海帶雙映成趣，賣相悅人。緑豆粒粒可囗，一片片海帶鋪滿了整碗綠豆沙，海帶十分有質感，飯後的一碗甜點可消飽肚膩感，就是那麼令人滿足的綠豆湯吧！

元朗搵食，仲淨係識答B仔？Out左啦！今晚去試左間新開張既甜品屋。甜品屋面積好細，得幾張枱。我地8點幾去到都要等成半個鐘先有位。餐廳內都以白色為主，枱椅等都係白色，燈光都係用柔和既白色。木糠布甸硬硬地，岩晒甜，好香濃既木糠味，呢個咁高既木糠布甸充滿層次感，一層餅一層木糠布甸，有一啖一啖既餅碎，好味！綠豆沙豆腐花豆腐花白雪雪，好滑，一啖直頭唔使咬，一野就"先"入口了！相反綠豆沙就差左少少，無乜綠豆味，非常稀，似乎溝左好多水。法式焦糖燉蛋配雪糕是日雪糕係曲奇味，好香的曲奇味道，仲夾集住少少的曲奇碎，雙重味道！燉蛋燉的時間剛剛好，唔會燶晒

環境：好少位但好多窗，晏晝嚟都幾曬喎朱古力心太軟：皮太厚，厚到似食緊麵包，如果鬆脆啲會更好。都叫做有流心嘅效果，不過唔係流到嘩一聲嗰種。而且入面嘅朱古力流心有啲苦，有少少苦茶嘅感覺，但可以接受。朱古力雪糕好多冰，未溶晒喎...綠茶紅豆waffle：餅身較薄，非常鬆脆而且有濃郁綠茶香，配合甜甜嘅紅豆一齊食簡直係天生一對。曲奇雪糕唔甜，兼且唔似朱古力雪糕咁樣有冰，仲要啖啖都有曲奇碎，好味～服務：OK～

唔覺唔覺…原來係呢條街尾轉角位有間甜品店…時間尚早...6點幾靜寂無人...就包場嘆返個甜品先啦...原本睇中左個限量版椰皇燉奶...點知要8點先有得食...唯有選返至愛心太軟啦...雪糕有雲呢拿同石板街選...我始終覺得配清清地既雲呢拿比較出色...又估唔到真係幾清香...雪糕細軟非常...至於心太軟...流心出黎既朱古力真係有d吃不消…就係我細味既時候…不時見到有客人買外賣…當中就比我發現左呢個雪米糍…細細個但漲卜卜…看似平平無奇既白色物體…估唔到係咁軟綿綿…認真皮薄餡靚…榴槤同cream既比例控制得幾好…cream既味道唔會搶左榴槤既風頭…而又保留到滑嘟嘟既感覺…陣榴槤味食飽左呃人話無食過都唔得…咁足料…當然要追加>>D24...細細杯但好多料…成杯楊枝甘露咁款…有西米金柚蘆薈…再加料炮製D24榴槤肉榴槤醬…另加8蚊可以有埋榴槤雪糕…唔好講咁多…真係停不了口…

吃過巨型的壽司，飽得吃不下甜品。我倆卻不心息，轉了幾圈，想找個份量細小，又可以外賣的甜品。行下行下，有間細細卻企理的甜品店。把車停在一旁，友人作探子，去八卦一下。探子回報，皇天不負有心人，終於找到了。她買了兩個大雪，一個芒果，一個榴槤。前一分鐘還在喊飽，見到圓碌碌、雪白的大雪，卻忍不住立即把它送進口中。要了榴槤味。見大雪脹卜卜的，生怕餡料會漏出來，吃得狼狽，第一口用力啜了一下。奇妙的事情發生了。大雪的皮看上去完好無缺，我卻滿口榴槤。很好吃啊！清甜的榴槤蓉和輕盈滑溜的忌廉混在一起，又軟又滑，滿口榴槤香，夾雜著淡淡的忌廉味，而且不會太甜。好吃得有點震驚。第二口咬下去，皮薄如紙，十分軟熟卻帶點煙韌，實在好吃。唯一可以挑剔的是，包成圓形後，剩餘的皮都摺在底部。有幾層皮的底部偏厚，幸好皮夠煙韌，沒影響整體感覺。吃完一刻，實在不能罷休，下車親自去看看。店裡用簡單的白色，幾個相框、金色波波燈，營造優閒的氣氛。除了雪櫃的款式，還有其他甜品和飲品供應。但最吸睛的，始終是雪櫃內的大雪。買了大雪回家。不跟媽媽分享，實在有點不孝。試了芒果味。新鮮芒果肉十分大塊，幾清甜，但不及跟忌廉混在一起的榴槤好吃。視乎個人

路過發現有間細細的甜品舖...只見很多人外賣因店內坐位不多, 我對大雪好有好感..加上是我最愛的芒果和榴槤所以我必試!!!!!!!店員好細心說明白色是榴槤黃色是芒果回家後急不及待開餐大大的大雪, 面頭似是糯米滋的質感很煙韌又不會太厚...內裏有CREAM份量適中最重要是不會太甜,,因我好怕吃CREAM會很漏....到最後是榴槤果肉真是很足料..其實一切開已有陣陣榴槤香飄出來.. 愛榴槤者必試~吃這個不切了,,急急咬了兩口...芒果肉十分多應該是呂宋芒...很香很甜...跟老公一起爭食下次要一人一個!!!!!!!!!!!!!!

早食完飯...老公又想食甜品...咁o岩架車泊o係附近...就去呢度食啦~ 有一排無嚟...原來有新o野食~ 試o左兩款新o野 "遊艇$34" 同 "Affagado $35"~ 呢個價錢的確算係平~ Affagado整得好靚~ 不過兩條餅都係快d食~ 唔係林晒就唔好味~ 咖啡唔係好濃...可以再勁d...不過有d朱古力粒令口感豐富好多~ 唔錯~老公o既遊艇係生果加雪糕~ 唔會難食~ 份量都ok~ 而且加o左半件朱古力批又會開心d~ 很好~ 希望下次嚟會再有新o野~