Home Sweet Home (已結業)

今天和老公經過這間餐廳寫著有半自助午餐，價錢合理便試一試餐廳裝潢是西式，比較有情調，晚上來吃氣氛應該很好半自助午餐是點一個主菜，然後沙律及甜品便是自取任食。沙律可以自選配料及醬料，材料新鮮乾淨！這個吞拿魚雞蛋貝殼粉沙律很推介，我一個人都吃了大半碟感覺清新醒胃甜品款式比我想像中多，色彩繽紛，而且不會很甜！吃完主菜再吃甜品便是滿足半自助午餐最平有$58，真是十分抵食！今天是假日，吃好一點便點了牛排和牛尾燒汁西冷牛扒配燒薯 - 牛扒真的很大，完全覆蓋了薯菜！不會有鬆肉粉的味道，這性價比很高！紅酒燴牛尾配燒薯 - 牛尾很入味很腍，很後悔沒有配白飯，這個醬汁送飯一定可以極速吃完半自助午餐都包了餐飲，想不到餐飲的咖啡是有奶泡的，誠意加分這一個價錢可以吃到半自助午餐真是十分抵食，環境而且舒適悠閒，是假日吃早午餐的好地方

朋友推介喺太子竟然有一間餐廳個high tea嘅級數直迫星級酒店，今日嚟開呢頭就走過嚟試下，餐廳嘅位置雖然處於基隆街，但係內裏嘅裝潢十足十酒店一樣咁高級，再配以極高嘅樓底，環境優美舒適，唔講仲以為去咗尖咀high tea。最先嚟嘅係童年回憶黑牛，而家啲朱古力雪糕嗰個朱古力味濃過細個嗰啲朱古力金幣味嘅朱古力雪糕好多，我細個最鍾意一口氣食哂個雪糕先至慢慢飲汽水，嚟到呢度嗰個回憶返番哂嚟。煙鴨胸沙律，新鮮嘅沙律菜被煙鴨胸卷住再穿上竹籤，鴨胸夠哂嫩滑，配襯住微酸嘅沙律菜，好味。三文魚籽溫泉蛋，廚師將溫泉蛋嘅熟度掌握得啱啱好，溫泉蛋中間嘅蛋漿口感綿密，中間再加上少少三文魚籽提鮮，味道更好。鵝肝小餅乾，鵝肝被煎得兩面香脆，放於同樣烘得香脆嘅多士之上，鵝油嘅香氣喺口腔裏面久久不散。迷你蟹肉牛油果薄餅，蟹肉同牛油果不嬲都係絕配，呢度嘅蟹肉係食得出一梳梳嘅新鮮蟹肉，我覺得以鹹點嚟講呢一個係最好食。玫瑰奶凍杯，奶凍食過唔少，有玫瑰味嘅就真係第一次試，清香嘅玫瑰花味同個奶味都好夾。焦糖燉蛋，焦糖面做得夠哂薄脆，燉蛋蛋味香濃，同中間粒raspberry味道相輔相成。馬卡龍，馬卡龍口感煙韌，係我最鍾意嘅甜度。特

假日到基隆街買至愛糕點，望見對面開咗間西餐廳，半自助餐又幾吸引，於入內幫襯。進入餐廳，環境都幾舒服，裝修優雅，兩邊牆壁擺放酒，前方有一張長吧枱，放滿了半自助餐的食物，有沙律、水果、同埋不同款式嘅甜品，又有熱湯同埋青菜。餐牌有多款選擇，價錢真係好平，$58起已包括餐湯、自助沙律、仲有精美甜品任食。雖然係半自助餐，食物種類都好有差不多二十款，甜品都超過10款。點咗三款主菜後取咗洋蔥湯，呢嗰湯好清甜，唔覺太多味精，最欣賞無一般啲麵粉醬糊口，啱晒我嘅口味。意式芝士香煎龍利柳$78龍利柳半煎焗，外皮香脆，肉質嫩，食唔到雪藏味仲唔會太油膩。連伴碟嘅他他汁，薯球，紅蘿蔔，脆玉瓜，沙律菜等都排心放美觀吸引食慾。美式燒西冷牛扒$98塊牛扒簡直係巨扒，差唔多有塊面咁大塊，牛扒七成熟剛剛好。伴碟同樣吸引，牛扒有肉汁又唔靭，雖然唔可以同大酒店嘅扒房相比，味道唔錯。紅酒燴牛尾 $98牛尾配蘿蔔喺絕配，燴得夠晒淋，嗰汁味道甜酸適中，老公同囡囡食得好滋味。以上三個主菜都看得出廚師對菜式用料認真，賣相精緻，味道唔錯，值得一試。因為仲有半自助餐嘅其他食物可以任食，沙律有六款，雜菜沙律、薯仔沙律、蜜桃沙律、芒果沙律、仲有

約了小學同學吹水，在旺角找間酒樓飲杯茶食個包，因她住這區和可以坐得耐些。豈料今次 她提議搞搞新意思去食西餐。餐廳位於太子，離旺角不遠。雖然舖位唔算大，但裝潢倘為時尚，用酒瓶掛在牆身以作點綴。近bar檯前擺放了很多新鮮食材(沙律 bar和甜品 bar) 。原來這餐廳下午提供半自助午餐，價錢經濟實惠由$58-$98不等。👍沙律bar有十餘欸食材可供客人選擇，除了千島醬和沙律醬外還有健康的意大利醋添；正正看到食肆對食客的窩心。波菜忌廉湯以波菜打蓉後加入鮮忌廉，是一道味美濃耶有水準的湯。美式燒西冷牛扒配燒薯廚師把牛扒燒至六成熟，肉質嫩滑；廚技掌推得宜。紅酒燴草飼牛尾配燒薯牛尾炆得淋滑，牛味濃；配上惹味醬汁，好滋味。精美甜品買相很靚，應是自家製品。雖是迷你版；勝在味道唔錯不太甜，可以吃多幾件。生果亦很新鮮。

之前網購了一把防潑水雨傘，比市價平三分之一，終於到貨啦！超開心，今天專程往太子取貨。順道在附近找好吃的，由於晚了外出，說好的午餐變了下午茶，之前曾路經這家店，裝修不錯，這次便來一趟。本來想吃生蠔，但被這個甜品套餐吸引了，又確實賣相非常討好，像酒店般，送上枱時，還吸引其他枱的客人關注。先吃了最低層，芝士火腿麵包，簡簡單單都可以是最好吃的。再上一層的特濃朱古力凍餅，朱古力味相當濃郁，口感軟滑，很少能吃到這個感覺。賣相最討好是這個，滑滑的波波，清涼得來又幾好味。套餐點了一杯特飲，凍藍莓青檸果茶，賣相很高級，味道酸酸地又凍涼。

放工同朋友食餐晚飯先返屋企，又想避開旺角人山人海嘅地方，所以今日嚟到太子站附近的這餐廳。這區多數以茶餐廳為主，難得有間餐廳吃西餐，所以我們試下。見到餐廳有生蠔食，非常吸引，很可惜我同行的朋友全部都不吃，我只好留待下次再吃。頭盤有龍蝦湯，黑松露吞拿魚青瓜卷，上面還有一點金箔，還有我最愛的吞拿魚刺身，冇想過餐廳細小，但食物設計用心，尤如到了高級餐廳進食。黃金薯條🍟，鹹蛋黃味非常香。牛扒煎得很好👍🏻肉質嫩牛柳五成熟剛好。嘩豬手呀，我從來冇諗過係火焰豬手，滿足我嘅視覺。荔枝玫瑰茶，甜度適中甜品款式多樣化，擺設精美欣賞廚師用心製作。

今天約了朋友試這家 semi buffet 。 店面不大，小小的，出地鐵站就走一小段就看到。 到的早，菜還沒擺出來。 服務員態度也很好，讓我們先坐下吹冷氣。一人挑一份 main course ，其他任吃，飲品也可以任飲。 通粉沙律有點點硬，涼拌菜都還ok，鰹魚豆腐幾ok。 其他自選沙律就自己搭配啦。甜品種類不多，味道也過得去，挑自己喜歡的吃就好啦。飲品有奶茶咖啡檸檬茶，任選任飲。主菜我們選了鱈魚和西冷，等的時間有點長，但是有其他東西吃，同朋友聊聊天，都可以接受。 鱈魚是落粉煎過，沒有很咸，配tata醬，都算標配。 西冷牛排不肥，有醬配，不配也可以，看個人。 燒薯可以換飯或意粉。價錢不貴，份量幾大，吃飽沒問題，都算成價格比啦。

✿╮❤╭✿ ✿雜感女生   好味日記✿ ˚*•✰。Home Sweet Home．享受周末：自在半自助。✰•*˚ ✿✿小資女的Dolce Vita✿✿ ❤餓底飯聚．食勻全世界❤ ❤吾係POL - Peggy On Line．Proof Of Life❤❤最近太子區的 Home Sweet Home推出了半自助午餐 非常適合放假去chill 只要點1個主菜，即可以餐湯、甜品、生果和小食任食輕輕鬆鬆過周末沙律： 新鮮而款式多 大愛青瓜、腰豆、粟米配意式醋汁非常開胃好吃薯仔西湯： 夠濃香，意外驚喜 加入麵包粒粒更好飲雞胸沙律 意想不到的滑嫩有味 配上芒果沙律，更添一份果香 很不錯西冷牛扒 7成熟，味道也OK 主要是上台時已見全熟了 但整體感覺不錯裝修格高開揚 價格實惠 主菜最高不過 HKD98/@(需加一) 可說太子區少見 職員服務手快十分體貼，畀個LIKE！

今晚同舊同事相聚，四個女孩子，girls night! 當然要去一間有氣氛的餐廳，聊聊天，輕鬆一下～環境方面：氣氛非常有格調，整間餐廳的燈光不會太刺眼，如果跟情人來這裏用餐，也是十分適合的。服務方面：職員十分體貼，會在你下單前介紹一下主菜，亦會向您推介他們的主打菜。而且他們亦會勤力地為你斟水，傾得興起嘅時候飲多兩杯水，轉個頭已經幫你斟好了。我地四個人叫兩個套餐，兩樣單點食物。澳洲和牛牛柳·芝士烤波士頓龍蝦：芝士烤得十分香濃，配上他的最好朋友龍蝦，味道十分夾。和牛牛柳牛味十足，配以特別醬汁，入口口感極佳。扒澳洲鮮穀飼黑安格斯肉眼·燒薯：肉眼煎得香口，特別喜歡吃煎秋葵，加上調味料，健康有益。德國咸豬手·燒薯·酸椰菜：最喜歡這碟，店員會在切開豬手之前點上火焰，目的是為了令豬手的皮夠香脆。脆炸流沙感蛋薯條：薯條帶有濃烈的鹹蛋味，但又不會太鹹，而且新鮮即炸， 十分香脆。

今天約了數位好友來到太子道附近一間餐廳午膳，此店午市的半自助午餐想當不錯，價錢不算貴，地方簡約舒適，是午膳閒談好地方。前菜有沙律和菠菜忌廉湯，沙律食材新鮮，有車厘茄、紅菜頭、青瓜、粟米，新鮮菠菜打碎加入忌亷汁泡製而成的湯，香濃幼滑。主菜燒汁西冷牛扒配椰菜花和烤薯，牛排頗為嫩滑，烤薯香脆。紅酒燴草詞牛尾配烤薯泡製得非常出色，火候十足，牛尾嫩滑入味。甜點都有多款選擇，生果亦鮮甜味美，埋單人均消費$88，如此價錢享用一餐美食，相當滿足。

約了知己去食下午茶，選擇了太子home sweet home 原因試過晚餐後念念不忘環境同食物。原來仲有半自助午餐，下次都可以一試。餐牌上就係328for2 太多美食。再選了2杯花茶，洛神花蘋果蜜，清新，但底部比較甜因爲有蜜糖關係，不錯另一杯玫瑰荔枝茶，試了一口、有荔枝味比較濃，但玫瑰花都帶帶特別感覺，2者一起都好解渴等了一陣終於來了，一層層今日有港女感覺，款多，先吃底部，鵝肝餅乾，鵝肝味重配合餅乾恰到好處，再試火腿多士，脆脆地，，正，三文魚子溫泉蛋都比較特別，魚油滿滿，再配上溫泉蛋，味道比較得意，到焦糖燉蛋，上面燒過糖塊，再加上燉蛋好好味，好滑滑。幾乎每樣都好快食晒，女人胃部真係不同。會介紹朋友食牙

難得今天放假，約了朋友出花園街購物。行到太子地鐡站突然落雨，係附近見到間「Hone Sweet Home」餐廳🍴，食西餐加半自助午餐，就試試😍進入餐廳內，環境優雅舒適，座位空間闊落，坐得好舒服😌自助區域，擺放了沙律食品🥗、精緻甜品🍮、不同味道蛋糕🧁。😍餐牌上自選主菜，價錢方面也是大眾化👍👍《越式香茅豬扒、燒薯、特製蔥油》＄78豬扒咬落很鬆軟，能保持肉汁，不太乾，焼薯焦味很香，味道一流😋《乾煎雞胸肉、牛油果蕃茄甘藍黑醋沙律》＄98這碟沙律🥗很清新，分量十足，羽衣甘藍🥬新鮮爽脆，不會苦澀，配合黑醋雞胸肉和牛油果🥑一起吃是十分健康😋不知不覺在餐廳，已經坐了1小時半，很滿足的午餐😊

行經太子呢頭食午餐見到餐廳環境幾靚而且假日半自助午餐都只係由$58 起 非常抵食 決定一試餐牌有十幾款選擇自助吧亦有唔同既餐湯 沙律 同甜品任食一開始選了一些沙律作開胃菜款式選擇也挺多餐湯今日有粟米湯味道不俗點了一份美式燒西冷牛扒六成熟 外皮燒得可口内裏肉質依然保持亂嫩滑肉質經過醃製 味道惹味另點了一份較健康菜式乾煎雞胸肉牛油果蕃茄配沙律菜加入醬汁後再煎香味道唔會太乾 亦唔會太油最後甜品選擇都唔少細細件 可以試多幾款唔同既口味豆腐黑芝麻凍餅同海鹽果仁朱古力都好好食

Home Sweet Home - Dessert Tea Set 門面掛住英文突字的招牌，愛麗絲夢遊仙境般的字型，天花佈滿流蘇的發光燈飾，內裡深木色的梳化配上雲石紋的桌子，牆上掛住一排排酒架，燈光襯托下的浪漫氣氛。玫瑰金的甜品架high tea set，分為鹹食和甜食。最底層的是鹹食的部分，有熱溶芝士火腿法包、入口即溶的鵝肝多士配上果甜的菠蘿、鮮味的三文魚子溫泉蛋和濃味的煙鴨胸沙律。上面三層皆是甜食的部分，有表面烤焗的香脆的焦糖燉蛋，蛋味濃又香；香濃的朱古力慕絲蛋糕；盆栽造型的玫瑰醬牛奶布甸；鬆化的朱古力一口忌廉泡芙和白朱古力冬甩，當中有海量多的白朱古力粒令口感豐富。玻璃瓶桂花水果茶、玫瑰奶茶利用蠟燭暖着的玻璃瓶，令茶的溫度維持著，桂花嘅清香和水果的果甜配搭的茶底；幼滑的奶茶加入玫瑰花嘅香味，新穎的飲品。

今日同閨蜜慶生，選了來這間餐廳 high tea，餐廳位於太子地鐵站附近，非常方便。環境優雅，裝修頗有格調。我們選了Luxury x Home Sweet Home High Tea Set $328/2人，供應時間3-6pm，飲品仲可以選花茶。煙鴨胸沙律 – 沙律菜新鮮爽脆，鴨胸有口感。三文魚籽溫泉蛋 – 溫泉蛋沒有任何調味，放上咸咸的三文魚籽剛剛好。鵝肝小餅乾 – 鵝肝煎得很香，餅乾亦保持爽脆。芝士火腿牛角包 – 半溶的芝士，再配上微咸的火腿。迷你蟹肉牛油果薄餅 – 蟹肉配牛油果，非常清新。玫瑰奶凍杯 – 玫瑰奶凍香滑濃郁，喜歡玫瑰味的一定不要錯過。焦糖燉蛋 – 蛋味香濃，蛋面的焦糖燒得香脆馬卡龍、忌廉泡芙特濃朱古力凍餅 – 果然是特濃，朱古力味特別香濃而不太甜。山楂蘋果茶 – 花茶相當大壺，內有一片片蘋果和山楂，酸酸甜甜，幾開胃。玫瑰荔枝蜜 – 玫瑰很香，荔枝亦很清甜，消暑一流。