Home Sweet Home (已結業)

經過太子附近見到間西餐廳招牌寫住HomeSweetHome好吸引入去試試。店內柔和燈光，清香玫瑰花花香和每枱都有燭光點缀還有情歌，非常浪漫。樓底比较高檣上掛满红酒瓶做裝飾别樹—格。餐牌上食物種類豐富多選擇。澳洲鲜榖飼黑安格斯肉眼，燒薯。黑松露素鲍魚意大利粉。特色飲品。百香果香橙冰茶，洛神花蘋果蜜。顏色繽紛，特别在加入發光冰粒。令人享用時更開好心。前莱非常别緻，黒魚子配蟹肉他他，感覺好清新。龍蝦湯，味道超濃缩，好想再来多杯。燒吞拿魚刺身，鹹鹹地。安格斯肉眼扒。牛扒厚身外面燒得非常焦香入面細嫩，肉汁juice囗感厚實。素鲍魚像真度非常高配上黑松露炒意粉提升味道更濃郁芳香。素鮑魚好爽口甜品。好靚芒果千層蛋糕，提拉米蘇千層蛋糕，配上金，銀薄片。非常貴氣。擺碟亦非常精緻。由入餐廳，用餐到離坐都感到Sweet和貼心。

要喺鬧市搵一間有情調的餐廳，唔係好容易，今日有啲特別事情要慶祝，決定搵間雅緻啲嘅餐廳，渡過一個美好的晚上餐廳門口裝修得好靚，有垂垂的燈飾，又有爆谷機，柔和的燈光，配上動人的音樂，環境情調可算係一流前菜非常精緻的前菜三小碟，中間用一個shot杯裝著龍蝦湯，入口濃郁。而黑魚子蟹肉他他，食入口鮮味十足，魚子爆開的一剎那，昇華了整個口感澳洲和牛牛柳，芝士烤波士頓龍蝦芝士與龍蝦永遠都係最佳配搭，燒得微微焦香的芝士，配上每一啖都鮮甜無比嘅龍蝦肉，冇得頂。龍蝦肉肉質結實，咬感十足牛柳可算係牛肉質最淋嘅一部份，一切即開，牛味香濃，外層煎香，以鎖死肉汁煙燻加拿大穀飼豬鞍扒豬鞍扒的肉質比較爽口，咬落去有一種爽脆嘅感覺。豬味一般豬扒更濃郁，肌肉同脂肪嘅比例啱啱好睇到都覺得非常鮮嫩，切開仲見到好多肉汁滲出來添玫瑰荔枝蜜絕對係一杯聞落香，飲落甜嘅飲品，荔枝蜜飲落好滋潤，偶爾吸到一口玫瑰，在口中散發香溢的感覺洛神蜜玫瑰有火燒住，確保花茶嘅溫度，大大壺，食飽可以慢慢享受一下，過住慢活嘅生活迷你心太軟外層脆，切開朱古力流心，好似熔岩般流出，食落味道有層次，外層味道較淡，配合朱古力的甜，好夾呢間餐廳要讚一讚，擺設好有心

今日行過太子一帶，想揾下有冇一啲有浪漫情調既西餐廳，咁就揾到Home Sweet Home，地點非常方便，距離太子地鐵站都係不過五分鐘既路程。餐廳環境都幾浪漫，燈光較得比較暗，又有一台小蠟燭擺喺枱面，好適合情侶談心。食物方面我就點左一道德國鹹豬手再跟餐。落單後侍應會擺底一杯爆谷作餐前小食。焦糖味道都幾好，會令人不知不覺食晒成杯😂前菜送上時擺枱精緻，一碟包含三道食物，有吞拿魚他他及龍蝦湯。而嗰杯小小既龍蝦湯則包含晒龍蝦既精華，好濃味道😋主菜鹹豬手上時會先放喺枱面點火，營造一下視覺效果，之後先會拎入廚房再幫客人切好。豬手既份量非常大，足夠兩個人食😂而餐廳亦做到皮脆肉嫩，每食一口再配上伴碟既薯蓉同酸菜，味道非常有層次👍🏻最後再附上甜品焦糖蛋撻，就算幾飽都要放落肚，真係為呢餐誠意之作畫龍點睛😋

好難喺太子搵到間咁有情調嘅西餐廳，入面嘅燈光好暗，每張枱上都有一朵玫瑰花，仲有蠟燭，真係好浪漫。等緊上菜嘅時候，侍應會送上一杯爆谷，佢門口就有一部爆谷機，幾特別。我嗌左肉眼套餐，包左前菜，小食同湯。佢將呢三樣放喺同一個碟上，好精緻。中間杯龍蝦湯好濃，如果可以大杯啲這好啦🙈肉眼牛扒真係做到三成嘅效果，一切開仲係紅色嫁。塊扒真係好大塊，好抵食，雖然都有少少筋，但係可接受嘅範圍。旁邊仲有啲蔬菜幫手消滯，掂。甜品係芝士撻，芝士味好濃，嗰個皮好香牛油味，好滿足呀。

第一次到呢到食飯 入到裡面已覺得環境相當有情調 播住外國音樂 配住未叫野食都已經會送上既爆谷 令返工一日既緊張節奏輕鬆左落黎食物質素真心有驚喜 叫左一個Set Dinner - 有前菜 主菜 甜品 同野飲 另外亦叫了特價生蠔($108/6) 及 單點了海鮮龍蝦汁意大利飯Set Dinner前菜未算特別 但主菜真心驚喜 芝士龍蝦拼和牛牛柳 龍蝦肉爽口彈牙而且有海鮮既鮮甜 和牛牛柳叫左五成熟 夠嫩夠滑 入口鬆化但又唔會油膩 係真和牛 餐飲可揀紅白酒 令成件事更加有情調甜品當日set係跟芝士撻 但因本人不好芝士 所以加錢轉左焦糖燉蛋 都唔錯生蠔質素亦是令人意想不到 新鮮肥美有海水味海鮮龍蝦汁意大利飯則味道正常 不過不失另外都值得一提 見到隔離枱嘅豬手應該都烤得好脆 仲要好大份 然後仲會淋上酒 係你面前點火變成火燒豬手 睇落去好吸引總之呢間必定會嚟再食 用黎慶祝節日一d都唔會失望失禮!

今日去了太子home sweet home 慶祝，order 左set dinner 。澳洲和牛牛柳芝士烤波士頓龍蝦同埋豬手。首先，黎左3款好精緻的前菜仲有爆谷，好似去左酒店食咁。跟著上了2款飲品，分別是桂花水果蜜及紅棗黑枸杞，加入了蜜糖甜甜地，很養生及健康。跟著去到主菜，豬手好大份，燒到脆卜卜，又大份好好味，澳洲和牛叫左7成熟，岩岩好，又多肉汁! 好好食！甜品係2個tart! 上面有blueberry幾好食！好食既甜品係全個dinner既亮點！唔錯！呢間餐廳氣氛好好！好岩情侶來！

餐廳幾有情調，有柔柔既光線，紅酒背景牆，適合情侶撐枱腳。我哋四人點左一個凍海鮮拼盤，有生蠔，法國麵包蟹，智利藍青口，幾隻蜆同埋海蝦。最正係有成隻嘅麵包蟹，蟹蓋一打開全部都係蟹膏，味道唔算太濃，質地結實。Set dinner有前菜主菜甜品同飲品前菜一個長碟上。好的骰精緻，用shot杯上波菜龍蝦湯，暖暖地好鮮味，我幾鐘意。黑魚子蟹肉他他用博博嘅青瓜片捲起。煙熏三文魚充滿煙燻香氣。主菜點左一道香煎挪威三文魚，燒完隻虎蝦。外層煎到焦脆，裹面仲好濕潤，咬落脆卜卜油脂好豐富。虎蝦味道一流，肉質爽口，絕對係新鮮海蝦。開心果仁羊鞍呢個賣相一百分。呢度羊架煎到五成熟，啱啱好。羊味濃，有咬口又唔會韌。配上成隻蒜頭好正再加上一紅棗黑枸杞 好養生好滿足嘅一餐，絕對會黎再幫襯

起太子旺區，想搵一間有情調，但價錢合理嘅餐廳都唔容易！呢間起同區中好評係最多嘅，就試下佢既實力！set dinner 晚市套餐包含前菜、主菜、甜品同飲品。主菜係大路嘢，有魚、羊鞍、豬鞍扒、肉眼、牛柳、波士頓龍蝦等！反而最特別係有澳洲鴕鳥扒！可惜，另一半冇興趣，所以就冇揀到！最後叫咗羊鞍同和牛牛柳、波士頓龍蝦兩個餐。前菜三款前菜中規中矩，個人喜好中間嘅凍湯，感覺清新。份量啱啱好，每款少少，又每樣都試到！澳洲和牛牛柳、芝士烤波士頓龍蝦$468有和牛，又有龍蝦，呢個主菜好豐富！和牛牛柳要左medium rare，煎得啱啱好，鐘意牛柳牛味較重，肉質嫩滑芝士烤波士頓龍蝦有滿滿既芝士起上面，龍蝦除左蝦身仲連蝦鉗，啖啖肉👍🏻開心果果仁烤羊鞍$298用開心果果仁烤羊鞍唔算太普遍，所以一見到就決定要試一試！呢度份量幾慷慨，有4枝羊架羊鞍烤得啱啱好，肉質粉嫩！佢既配菜種類多，簡單用鹽同胡椒粉調味都已經足夠！最後，配菜多到食唔灑甜品桂花椰汁糕唔怕太甜，桂花有種清香味，椰汁糕夠滑，椰味濃餐飲可以選擇紅白餐酒、咖啡茶茶係整個壺上，呢個係紅棗桂圓茶，加$22，足料味濃，夠養生！最後埋單$867兩個

呢排返工比較多野要煩, 收工要食啲特色野慰勞吓自己, 所以黎到咗太子呢間餐廳試一試，環境優美，裝修精緻，座位也比較寬敞。迷你蟹肉牛油果薄餅 ，蟹肉鮮甜，配上淡牛油果，不會搶去蟹鮮味，口感不錯。肉眼扒賣相非常精緻優美，非常之嫩，有種入口即溶的感覺，仲有好多配菜，好味。安格斯肉眼配燒薯 $398，份量好多,火喉控制得剛剛好 ，好嫩。价格：價格低點最好了，可以多光顧咯；總括來說，我同朋友都覺得還可以，服務員態度可以再好一點吧。

和一班兄弟眾舊，飲飲酒聊聊天。當然也要揾點合適的食物配一下酒。見到這裏有個45oz斧頭扒套餐，好似幾抵食。所以就來了。頭盤，沙律和湯沒什麼特別。黑糖麵包就太甜了。個人口味，不太喜歡。然後還有個炸雞薯條，這個不錯，雞很好味。海鮮意大利飯也值得推介。我很喜歡吃意大利飯，這裏也做得不錯。薄餅也很好，但沒什麼驚喜。再來就是主菜了。斧頭扒，足足一隻手掌咁大。可惜，沒什麼味道，還有太韌。是有點兒失望的。跟餐沒有飲品和甜品。要自己另叫。好在openrice訂檯時見到食物推介，要預訂的黑松露酥皮焗雞。這個真心好味，皮脆肉嫰。完全彌補了我們對牛扒的失落感。絕對要試。

今日同閨蜜岀太子逛街，順道到之前已想一試的home sweet home 吃一個tea☕️🧁🍮餐廳位置十分方便，太子站下車步行五分鐘就到。環境十分寬敞舒適，我們被安排坐於一角，方便傾偈。港女至愛的打咭甜品架岀場了😆😆賣相很精緻吸引，我們倆影個不停迷你蟹肉牛油果薄餅 🍕蟹肉鮮甜，配淡牛油果，不會搶去蟹鮮味，不錯芝士火腿法飽 🥖法飽外層脆卜卜，溶了的芝士和火腿合二為一，perfect match~~鵝肝小餅干餅乾很香脆，鵝肝很甘香三文魚籽溫泉蛋 餐牌寫溫泉蛋，但我覺得是溏心蛋🤭魚籽和蛋黃味挺夾，食落有驚喜。左邊的是煙鴨胸沙律🥙，沙律菜爽脆，鴨胸很大片，肉質軟腍，連鴨皮吃，很甘香。到甜品喇，焦糖燉蛋🍮蛋味濃，至鐘意面頭微焦的脆焦糖。特濃朱古力凍餅🍫🍰朱古力慕絲很濃郁，軟滑仲有薄薄的金萡作點綴，很誘人😍牛奶布甸牛奶味濃又軟滑，不會太甜，我至愛再加上兩壺養生茶，傾傾下，咁就一個下午了藍蝶豆花茶， 紅棗黑枸杞

行過太子附近都會見到好多西餐廳 今次經過呢間home sweet home 見到comment唔差 就去試下啦！一開始其實係比門口部爆谷機既香味吸引左 原來佢會每枱都比一杯爆谷 等大家等上菜時可以食住小食☺️餐廳入面好有情調 燈光偏暗 都好適合同另一半黎燭光晚餐👫我地揀左兩個Set dinner 包曬前菜 主食 甜品同餐飲飯品可以揀house white wine 我地要左兩杯 配扒食一流😋前菜擺盤好精緻 中間係龍蝦波菜湯 好鮮味 有啲唔夠喉既感覺😳主菜我地要左一份肉眼扒 一份牛柳併龍蝦 兩份我地都要左五成熟 肉眼扒既牛味重啲 食落煎得幾香 不過牛柳就淋啲同juicy啲 不相伯仲🤤最後甜品係玫瑰tart配一塊朱古力 幾清新而不膩☺️

早排睇OpenRice介紹太子有間高級西餐廳，環境好似唔錯，交通又方便，所以早兩日就同女朋友去試試！出左地鐵站冇耐就已經到餐廳，一入到去覺得環境好舒服樓底好高坐低即刻叫咗個肉眼扒Set，而女朋友就叫咗個黑毛豬石Set，前菜好精緻，湯好濃郁！😋😋😋無耐肉眼扒就黎，叫咗Medium！非常之嫩，仲有好多配菜，好好味！再試左女朋友份黑毛豬，好開胃！食到有小小口乾之後叫咗個花茶飲👍🏻 好飲！跟住傾左陣計就上埋個甜品，又係一流！好滿足！下次會再試！

週六係紅日，約咗朋友一齊來食尼間位於太子葛Home sweet home吃西餐，門外掛住唔少燈飾，而且店內裝潢得浪漫童話；有好多好精緻葛胡桃夾子玩偶，仲有吊係半空葛熱氣球花盆；我地點咗一份海鮮拼盤，有生蠔兩隻、蜆四隻、法國麵包蟹一隻、智利藍青口兩隻和海蝦兩隻；最吸引人眼球葛係麵包蟹，又大只又新鮮，一打開蟹殼就係滿滿葛蟹膏，唔會有腥味，勺一匙吃落去，蟹膏又甘香鮮甜；點咗份半熟芝士撻，個撻中間葛餡溫度微熱，甜度適中，唔會膩。而且周圍包邊葛材料唔會硬，又薄又鬆軟！

係openrice見到好多好評，而且比佢個名吸引，感覺甜蜜又夠住家，所以黎試下。呢間餐廳好近太子港鐵站，大概行3分鐘左右，地點夠晒方便，我呢啲路痴都唔怕搵唔到路。餐廳有好多食物可以選擇，如果有選擇困難症嘅朋友可以直接選擇set dinner，包三款前菜、主菜、飲品同甜品。我叫咗澳洲和牛牛柳拼芝士烤波士頓龍蝦同玫瑰荔枝蜜，男朋友叫咗個龍蝦濃汁海鮮意大利飯加洛神花蘋果蜜。先講下飲品，配搭得非常好，唔會太甜之餘仲有清新嘅感覺，仲有值得一讚嘅係佢用不鏽鋼飲管，好環保啊！前菜份量一啖一件，最鍾意係龍蝦菠菜湯，兩者好夾，仲有好豐富嘅龍蝦味。到主菜啦，澳洲和牛牛柳果然名不虛傳，每一啖都好有牛味，仲有好多嘅肉汁。焗龍蝦仲正，睇相都見到隻龍蝦有幾大，啖啖肉，肉質鮮嫩而且有咬口😋男朋友個意大利飯都唔錯，仲配有煎魚同虎蝦，有好多海鮮，好抵食！食物水準高，餐廳服務態度好，最正嘅係環境一流，係拍拖談心嘅好地方！