hoo韓國包車

营业中

休息中

估唔到喺香港都可以有一個咁有韓國特色嘅地方食韓國嘢，今日去咗尖沙咀一間叫韓國包車嘅餐廳叫咗好多嘢食：芝士泡菜雞蛋捲、炸紫菜粉絲卷、紫菜包飯、薯仔煎餅、兩種混合口味嘅炸雞，分別係原味同醬油味每樣嘢都好出色，尤其係炸雞，一甜一鹹兩種口味，而且皮脆肉嫩，唔會過分油膩；另外芝士泡菜蛋卷亦都令人食得津津有味，份量適中嘅芝士同微辣嘅泡菜，被捲入滑捋捋嘅蛋入面，喺屋企絕對做唔出呢一種菜式。薯仔煎餅同炸紫菜粉絲卷亦都做得好有韓國特色，非常惹味呢間餐廳除咗環境甚有韓國風味之餘，嘢食份量都好慷慨，再加上味道出色，性價比甚高，值得推薦

一入到嚟好似去左係韓劇成日見到嘅街邊特式小店，餐單有齊炸雞、部隊鍋、魚糕、煎餅同紫菜包飯，炸雞同鍋仲好細心咁可以比你叫半份，咁就可以食多幾個唔同嘅菜式見到餐牌上嘅菜式好吸引，不自覺地點左好多菜式，有蟹膏拳頭飯、招牌炒章魚、甜辣炸雞、傳說中嘅部隊鍋，飲品叫左荔枝梳打同菠蘿梳打蟹膏拳頭飯：柔軟香嫩的絲絲蟹肉，飯粒粒分明，吸飽了濃郁蟹膏的鮮甜滋味，配以青辣點綴招牌炒章魚:肥厚彈牙的章魚炒至微焦，配以醬油、辣椒等調味,個辣味令人追住嚟食，一停低d辣味先完成係口中散開，配汽水或啤酒一齊食就最岩甜辣炸雞:外層酥脆可口，裡面肉質鮮嫩多汁，醬汁帶有微妙的甜辣平衡傳說中的部隊鍋： 滾燙的湯頭濃郁香醇,充滿各種肉類精華，拉麵吸收哂d湯底精華

早幾日我喺韓國超級市場見到魚糕串串就好想食但係可惜一買就要買好大包, 所以我就放棄咗🥹咁啱俾我喺IG見到有朋友去咗呢度食，睇到佢仲叫埋魚串串😍咁我尋晚就即刻過嚟😉一入到餐廳， 佢哋嘅裝修真係好韓國feel， 唔知以為自己去咗韓國😆， 佢哋仲有多款韓國街頭小食添， 無雞腳不歡嘅我當然晤少得叫佢哋嗰個韓式辣無骨鳳爪， 呢個真係好好食又辣又惹味😋佢哋仲有多款韓式飲品添🍹🍹🍹

Not having enough time to travel to Korea for food? No worries, I’ve got you😌This Korean restaurant is more than just an ordinary restaurant, it is like the Korean Pocha (street-food stalls)🇰🇷Absolutely oversized portion🍲, kpop music🎶, rustic tables set a 💯vibe. Don’t get frightened by the redness of the dishes, it has been thoughtfully adjusted to less spicy which better fits for HK people👍🏼Best place to snap photos by the instagrammable spots and savour classic korean pocha food with a group o

尖沙咀厚福街不嬲好多嘢食，今次同屋企人嚟食韓國菜✌🏻呢間餐廳其實我聽過好多次，成日見到IG會彈出嚟，好多人介紹，所以決定一試究竟😝入到店舖，覺得佢真係好有韓國路邊檔嘅感覺😍裝修好有風味，上菜又快👍🏻我哋坐低咗一陣已經全部滿座，真係好受歡迎，建議大家去之前訂位🫣其實，係OpenRice就可以訂位，好方便✌🏻青蘋果梳打+蜂蜜啤酒青蘋果梳打唔會過甜，淡淡嘅青蘋果味，解渴一流👍🏻第一次飲有蜂蜜味嘅啤酒，真係飲得出淡淡嘅蜂蜜味，真心覺得好好飲🥰3. 原味炸雞半份佢係連骨嘅炸雞，外脆內嫩，如果唔係已經好飽，真係想試埋甜辣炸雞🥲佢仲好好有白蘿蔔，炸雞配醃白蘿蔔真係一流！4. 傳說中的部隊鍋（M）好足份量嘅部隊鍋，佢會連埋一個麵餅，入邊午餐肉、腸仔，份量好足料，當然仲有泡菜、洋蔥、茄汁豆等等。重點係我好少見到部隊鍋入邊會有肉碎。如果我唔係已經好飽，真係要叫過白飯嚟做拌飯，一定會超正😍5.招牌炒章魚🐙用韓式辣醬炒嘅鮮嫩章魚🐙，搭配椰菜🥬，非常惹味，送酒真係一流👍🏻

唔知係個冷氣壞定點 熱到一個點 我以為得我一個怕熱有依個感覺 直到見到啲男仔要抹汗 隔離枱個女仔同我一樣開哂風扇仔 最搞笑係喺我差不多埋單走嘅時候 坐我另一邊剛嚟嘅情侶竟然喺我後面同一部𨋢走 原因係熱到食唔到Btw間嘢真係只食環境 嘢食真係麻麻地 部隊鍋係連舊豆腐同金菇都無 只有午餐肉 腸仔同少量菜 仲有個公仔麵 隨時屋企買罐大醬返嚟仲煮得好食啲 空間細櫈亦都唔好坐 overall我就覺得唔抵食同唔太好食 長期身子虛怕凍人士可以一試

位於尖沙咀厚福街一間樓上韓國餐廳，一入呢間餐廳覺得好有驚喜，餐廳嘅空間唔算大，但擺設同燈光都好用心，營造好似韓國嘅路邊攤，好適合放工之後同朋友小聚，飲返一兩杯好多人普遍印象都覺得韓國既食物多數都係街頭小食，但係其實韓國菜都可以非常精緻！今次呢間餐廳以韓國舊式風格設計，好有懷舊嘅味道，好適合打卡原味炸雞（半份）$152炸雞外皮炸得金黃酥脆，一口咬落去，雞肉既肉汁出晒黎，肉質細嫩多汁，炸既時間掌握得剛剛好，好有口感懷舊烤五花肉$152滿溢濃郁既烤肉香味，好厚好大片，油脂十足，表面煎至酥脆，配搭蒜片和生菜芝士蟹膏蟹肉蛋卷$128（限定餐牌）芝士味好香濃，蟹膏好多鮮味好重，個醬汁真係超好食，啖啖都好滿足蟹膏拳頭飯$88（限定餐牌）蟹膏好多鮮味好重，蟹膏鮮味加上拳頭飯內裡既麻油香，非常惹味，而且入面仲有紫菜，令口感更有層次

上網睇到韓國大排檔裝修既餐廳都好出名未去到韓國 就黎依到頂頂癮先😆🫰🏻🧚🏻‍♀️ 醬油蟹配脆脆紫菜 $288醬油醃製得非常好，夠哂入味❤️膽固醇一流，連埋啲蟹膏 一啖啜埋啲肉又唔會太咸 仲有啲檸檬味🌟夠哂fresh!而且脆脆紫菜有兩款 包你每一啖都可以蟹再買紫菜食 口感再豐富一啲🧚🏻‍♀️懷舊烤五花肉 $152非常特別的五花肉 而且充滿人氣 係限量發售 所以每日都要早啲去先有機會食到唔鍾意油淋淋嘅五花肉，可以試吓呢個烤嘅五花肉份量超足 而且有配菜蒜頭夾住食 好快就食哂😋🧚🏻‍♀️一雞兩味 醬油同甜辣味炸雞 $228炸雞就正常發揮 兩款傳統味道經典嘅甜辣醬同埋韓國獨有嘅醬油口味同一般炸雞唔同可以食到好多件 唔會太油膩 非常開胃 而且份量大大嚿 雞嘅每個位置都有 岩哂一大班朋友食環境方面，一入舖頭就好似返咗20年前嘅韓國咁充滿懷舊感，餐廳牆壁同角落都有不同懷舊韓式文化嘅設計，連儲物袋都係用特色嘅籃而且餐枱同餐具都係同韓國大排檔款式一模一樣，令到韓風味更加濃 抵食指數：🌕🌕🌕🌕🌕🌕🌕🌗🌑🌑好食指數：🌕🌕🌕🌕🌕🌕🌕🌗🌑🌑

係唔係睇唔出我哋喺其實係室內食飯，成日都追韓劇，終於可以感受吓喺室內吹住冷氣食‘路邊攤’，魚糕串串特登加咗拉麵，湯頭好鮮甜，卜卜脆炒豬軟骨拼飯團，豬軟骨有啲啲辣，我比較鍾意食飯團，個魚餅口感唔錯，少少煙靭，唔會好似大部分嗰啲好鲶嘅魚餅，煮魚餅個湯頭好重要喎。

招牌炒章魚招牌炒章魚呢道菜真係鮮香撲鼻，啱晒鍾意海鮮既朋友。章魚切成細件，保持住鮮嫩同彈牙既口感，配料用上洋蔥，炒得香氣四溢，加入泡菜令到成道菜更加惹味。呢道菜無論係下飯定係佐酒，真係一流。🐙菠蘿梳打菠蘿梳打係一款非常清新既飲品，特別適合配埋炒章魚一齊享用，成杯飲品冰涼得黎又充滿熱帶水果既香氣。菠蘿既甜同梳打水既氣泡完美結合，止渴又解辣。🍍醬油蟹 配 脆脆紫菜醬油蟹呢道菜真係鮮味十足，蟹選用新鮮既，肉質飽滿，醬油既鹹香滲入蟹肉，令到味道更加濃郁，食得出係好新鮮嘅，而且蟹蓋上面蟹黃超多，好正好惹味。配上脆脆紫菜一齊食，更加多咗一份口感層次，紫菜既脆口同蟹肉既嫩滑形成咗完美對比，每一口都充滿鮮甜同鹹香，非常出色。🦀薯仔煎餅薯仔切絲，混合上洋蔥同香草，再煎得金黃香脆。外層煎得香脆，內裡既薯仔保持住軟糯既口感，同時加埋少少鹽同胡椒調味，令到味道更加豐富，係韓國傳統小吃。🥔

呢間位於尖沙咀厚福街嘅韓國餐廳一直都好想去試吓，嘉欣佢嘅裝修真係好有韓國特色，就好似穿越咗去韓國街頭咁，超級適合你打卡呃like ！食物味道都好正宗喎！一雞兩味呢個係雙拼炸雞，我哋揀咗原味同甜辣味，炸雞表皮炸得好鬆脆，裏面嘅雞肉好嫩好多汁！香辣味就會更加惹味，因為佢外層醬汁甜甜辣辣，會比較開胃！街頭魚糕串呢個串串鍋都係招牌菜，每次去韓國必食嘅魚糕串梗係一定要試吓啦！食落係熟悉嘅味道，魚糕彈牙！值得一提嘅係佢仲有啲蘿蔔喺窩底，蘿蔔煲到好軟腍，嗍曬魚膏汁！芝士蟹膏蟹肉蛋卷呢個好驚喜！蛋捲蛋味好香濃，而裏面係包裹滿滿嘅蟹柳同埋芝士，每一啖都超級滿足！吞拿魚拳頭飯呢個都好特別，類似於手握飯，圓滾滾一粒好可愛，每一粒飯都好紮實，吞拿魚紫菜同埋啲飯嘅比例啱啱好！一個幾特別嘅菜式！可以一試🥳

位於商業大廈嘅韓國餐廳設計好特別，霓虹燈加上藍紅摺抬摺凳令人諗起韓國大排檔都幾有feel🤣-首先有兩碟小菜係芽菜同泡菜懷舊烤五花肉（配生菜） $152五花肉份量好多，而且烤得啱啱好配埋泡菜芽菜，點上大醬一齊食超滿足☺️✨-街頭魚糕串串 $146半份都十分足夠兩人食除左本身串起左嘅魚糕，底下仲有兩大舊蘿蔔同其他魚糕🥹有少少辣椒一齊煮嘅湯蘿蔔十分吸湯，而且都幾清甜帶少少胡椒嘅辣味👍🏻-吞拿魚拳頭飯 $78有配芝麻油，點少少一齊食更加香✨而且紫菜香味十足-柚子牛奶米酒 $68平時柚子蜜飲得多啦，冇諗過配米酒又幾夾中和返米酒酒精嘅味道，十分好飲😆-薯仔煎餅 $82煎得好香脆而且都幾煙韌點埋隔離嘅醬汁食好開胃🤤-座位附近仲有好多漫畫，懷舊電視機隔離係洗衣機，燙斗好有特色😂而且嘢食都唔錯有興趣大家都不妨黎試下🤤

有時收工真係好想出去食下飯 同朋友吹下水 hoo韓國包車真係唔錯既選擇 一入店就有大量韓國路邊攤既裝飾 氣氛一流🤩仲係正尖沙咀 位置好方便👍🏻🍴醬油炸雞 (半份) $158每次去韓國餐廳都必點炸雞🤤🤤原本都糾結簡唔簡醬油味 因為有d醬油炸雞好咸.. 但好彩呢間既醬油炸雞完全唔會好咸 少少咸少少甜 唔會好濃味 外皮都幾脆 而半份炸雞裡面有齊雞脾、雞槌同雞胸各2件 同朋友share啱啱好 👍🏻🍴街頭魚糕串串 $146令我一秒番到韓國街頭既美食🤤❤️魚糕串串煮滾完之後一直都暖粒粒 除左魚糕、魚餅都保留到韓國街頭既水準之外 唔好錯過蘿蔔 吸曬湯底既精華 好淋好入味! 🍴芝士泡菜煎雞卷 $112見餐廳推薦就點黎試🤣比想像中好食👍🏻滿滿既香濃芝士 有拉絲既效果😍中間夾有爽脆既泡菜 增加口感 一d都唔會膩🍹荔枝梳打 $38🍹菠蘿梳打 $38📍hoo韓國包車@尖沙咀厚福街12-12A號藍馬商業大廈22樓

原本約咗好姊妹放假四出影相打卡, 但落大雨又要改變行程, 為免掃興, 最後轉至室內打卡餐廳食個dinner, 同樣滿足。尖沙咀厚福街一間樓上餐廳--hoo韓國包車, 以韓國街頭做主題, 將場景佈置得有如韓國一樣, 座位雖然簡約, 未至於坐得好舒服, 但幾乎每個位都係打卡位, 搶返唔少分。食物方面當然都係主打韓國料理, 入座即送上泡菜同大豆芽菜, 兩款均為免費追加。所order嘅食物都好快上檯。炸芝士stick: 炸得鬆脆不油, 一咬開, 入面嘅芝士可以拉起長長芝士絲, 食到淡淡芝士香, 配上沙律醬, 味道更提升。芝士蟹膏蟹肉蛋卷: 厚厚蛋卷有淡淡蛋香, 包住了鮮味蟹肉, 加上面層嘅蟹膏, 令味道更加鮮香。紫菜飯卷: 飯卷中包住了多款配料, 而飯卷似加入了些少麻油, 令味道香一點, 整體層次豐富, 正!街頭魚糕串串: 可自選全份/半份呢個為半份, 上檯滾起就食得, 串串魚糕好入味, 盡吸鮮甜湯汁, 仲配埋兩件好林又入味嘅蘿蔔, 味道有如韓國地道一樣。拉絲芝士韓式炒雞: 熱辣辣上檯, 佈面芝士火灸得帶點焦, 所有雞件炒過都keep到原本肉汁, 熱辣辣時夾起, 可以拉起芝士絲, 除了雞件,

今晚兩個女仔無無聊聊約左出黎食晚餐。去左尖沙咀睇下有咩好野食，上網見到呢間韓國餐廳好似都唔錯，望落好似平時睇韓劇果啲主角夜晚係街邊吹水食野既檔口，一於就去試下去坐坐！可能去係平日夜晚，去既時間尚早，我地去到岩岩好有位，唔使排隊。入面環境好岩黎打卡，裝飾到好似置身係韓國小店咁，仲有好多五顏六色韓文字既燈牌。由於我地得兩個人，戰鬥力有限，所以叫左一個傳說中的部隊鍋，再嗌左酒飲。個部隊鍋仲跟左成4餅麵，最後我地都係食唔哂。PS. 食住部隊鍋飲住啤酒咁同朋友吹下水咁係幾爽既