hoo韓國包車

营业中

休息中

約咗去尖沙咀整頭髮，就同朋友先搵間餐廳醫下肚，朋友介紹了這間hoo 韓國包車食韓國菜。餐廳裝修特別，有洗衣機、雜誌架和一些懷舊雜貨，播着韓星歌曲，氣氛別有一番風味。餐牌前後兩頁，電子下單，我哋選了幾款食物都好好味。***招牌炒章魚 ***呢個炒章魚炒得比我哋預期中還好味，醬汁味道好特別，像韓式辣醬加海鮮醬，炒的菜和章魚一樣惹味。***一雞兩味 （甜辣+醬油）***兩款炸雞都有濃濃的醬汁，特別喜歡甜辣味。***芝士蟹膏蟹肉蛋卷***呢個芝士蟹膏蟹肉蛋卷真心好味，一定要大推，蛋卷嫩嫩的有蛋香，卷着的材料也很足，有蟹肉、蟹柳和蟹膏，喜歡吃蟹的朋友不仿一試。***菠蘿梳打***一邊吃炸雞，一邊飲菠蘿梳打，爽👍基本上點的食物樣樣都很好吃，坐得舒適，會再嚟食。

今日黎到厚福街食lunch, 之前黎過呢到食晚餐, lunch都有lunch set, 價錢相宜, 選擇都好多!我同媽咪叫左1個便當, 係辣炒魷魚便當, 另外加左d炸雞同芝士條, 2個人share岩岩好!!便當除左魷魚, 仲有2款泡菜, 魷魚唔算好辣, 不過好惹味, 超好送飯!炸雞等左20分鐘左右就來了, 係超級熱!!! 大概有6大件, 入面超JUICY多汁, 熱辣辣真係好正!佢個炸粉唔會好厚, 淡淡肉, 個甜辣醬好好味, 充份包圍住舊雞~~ 炸雞真係好大舊, 其實每人食左2件都已經好飽XD仲有一份炸芝士蕃薯條, 本身都唔係好知咩黎, 以為普通芝士條, 點知食落入面真係有番薯味, 咸香之餘仲有一陣甜味, 好好味, 值得一試!! 不過多D人SHARE會更加好~XD

Happy Friday！忙了一整個禮拜，放工後當然同好同事食餐好迎接週末，今次同事發辦帶我去食韓式炸雞！餐廳位於尖沙咀厚福街藍馬商業大廈。港鐵站步行約四分鐘就到，非常方便。用餐時間係星期五晚上八點左右，餐廳都幾乎滿座，建議想食早訂位較好。- 泡菜及芽菜ᶠʳᵉᵉ前菜有微辣泡菜，鮮嫩芽菜。兩者口感爽脆，作開胃菜一流！- 一雞兩味(甜辣/原味) ²²⁸食韓國菜絕不能不吃韓式炸雞！一雞兩味有三款口味選擇，我們選了甜辣/原味。炸雞炸得非常香脆，肉質嫩滑肉汁豐盈，件件都啖啖肉，好滿足！炸雞跟啤酒一定是絕配，可惜今天不能喝酒，算是少少的遺憾。- 街頭魚糕串串(中) ¹⁴⁶街頭魚糕串串分別有魚糕串、魚糕片、魚餅，蘿蔔。每件都大大件！魚糕魚餅口感煙煙韌韌，而蘿蔔煮得軟腍清甜入味。每件都吸收了魚湯湯底的鮮甜香味！- 招牌炒章魚¹⁴⁶招牌炒章魚份量十足！章魚粒爽口彈牙，還有椰菜，蘿蔔等配菜用秘製醬汁炒得非常惹味！味道帶點微辣，食起來相當開胃！- 粒粒蜜桃汁²⁰味道清甜，還有粒粒果肉。解渴必選！總結餐廳無論食物質素價錢份量，服務態度，環境評價都好高。係一間值得推介嘅韓式餐廳！

阿女喜歡韓國，知道尖沙咀有間好特別嘅韓國餐廳，急不及待叫埋我一齊過嚟試吓！hoo韓國包車以韓國路邊攤設計 ，用餐時彷如置身韓國街頭，店內的裝潢非常適合打卡。有口路邊攤摺凳、摺枱、路邊會出現的韓國街頭自助洗衣店、霓虹燈、韓式漫畫店等不同特色的打卡區域，影相一流！入座後即送上前菜，有泡菜、芽菜，開胃爽口帶少許辣。正宗韓國味道。一雞兩味：原味的炸雞酥香可口，食落更加外脆內嫩有層次。甜辣醬：一甜一辣，帶嚟咗雙重嘅滋味甜辣醬汁嘅衝擊， 配埋肉質細嫩的雞肉，多層次嘅風味直湧味蕾。街頭魚糕串串：魚糕由韓國直送，上枱用明火滾住食，魚糕串爽口彈牙，煲內還有蘿蔔和魚餅，蘿蔔吸收左高湯嘅味，味道香甜又入味。芝士蟹膏蟹肉蛋卷：芝士蛋卷嫩滑有蛋香，芝士惹味，配搭鮮甜嘅蟹膏蟹肉，啖啖都滋味無窮！忌廉溝鮮奶：口感香甜順滑，味道充滿特色。韓國檸七：口感清爽帶青檸香氣。

這次造訪hoo韓國包車，無疑是次愉快的用餐體驗，所有食物都吃光了。菜餚的選擇很多，我們兩人先嘗推介菜式。半份醬油炸雞 $158.00炸雞入口即化，酥脆外皮是多汁鮮嫩的雞肉，搭配濃郁的醬油，令人食指大動。芝士蟹膏蟹肉蛋卷 $128.00芝士蟹膏蟹肉蛋卷口感層次豐富，外皮酥香，內餡絕妙的結合了鮮甜的蟹肉、蟹柳、濃郁的芝士和綿密的蛋漿。泡菜豬肉鍋（M）$161.00 + 拉麵 $15.00滋味濃郁的泡菜豬肉鍋酸甜並濟，搭配彈牙的拉麵，讓整個用餐過程都充滿了地道的韓式風味。hoo韓國包車是正宗韓式料理的代表，不論是在口味、分量還是價格上，都讓人賓至如歸，難怪座無虛席。

近年好興Y2K 韓國包車餐廳☺️環境好似平時睇韓劇咁🤣餐廳佈置得好復古，好有感覺🙂‍↕️1️⃣懷舊烤五花肉學韓國人食法🙊將五花肉點辣醬後再包生菜食🥬咁食冇咁油膩👍🏻2️⃣辣辣無骨雞腳岩曬我唔中意有骨嘅人😃辣辣地好惹味🌶️（怕辣就要注意⚠️）3️⃣芝士泡菜煎蛋卷每次食韓野野都必點煎蛋卷，我承認我係小朋友口味✌🏻泡菜份量都幾多 🤣切碎d會更好🙊4️⃣紫菜包飯都係基本款，味道唔會出錯🙂‍↕️5️⃣青蘋果梳打及熱情果梳打兩杯都唔係死甜假甜味，唔飲酒既人都可以叫梳打👍🏻

呢間韓國餐廳好有feel ,撞色燈光，彩用原色藍做主題 好深刻～ 唔錯design店舖裝修簡單都貼近韓國街頭小食店～坐仰到成個感覺好似去左韓國夜市~星期五想輕鬆而特別d食一餐~謝朋友介紹當然一定要叫魚糕串串🫰🏻 咁先夠韓國風。成鍋上 好多湯 仲有勁入味羅白，唔同魚蛋真係必點👍🏻芝士蟹膏蟹肉蛋卷～好多解肉👍🏻口感豐富招牌炒章魚，分量比相像中多，味道濃所以要回d野飲帶有少少酒味特飲最後薯仔煎餅 🫓好彩多薄 🤭很飽

在尖沙咀年轻人聚集的诺士佛台发现这家餐厅真的很想感叹 好吃的餐厅为什么都是楼上铺太难找了！！要不是韩泡朋友带我根本发现不了🕹从刚出电梯就是满满的韩国街头游戏厅风格各种招牌和游戏装置 还有一只很大的熊店里菜单比较简单 以芝士铁板/炸鸡为主题还有一些常见的韩国小菜 都很下酒他家的特色之一有适合聚会的酒桌游戏🍝点了铁板猪脚和铁板炸酱拉面还有炸蚝芝士怎么这么百搭啊 和肉和碳水都很配炸蚝也很棒 外面炸衣嘎吱嘎吱脆 里面还有汁水🍻烧酒set有啤啤Bomb和Bear Bear跳是现在年轻人最喜欢的酒桌游戏可玩性和互动性都很高 很有意思🧸我们点了Bear Bear跳六颗熊仔软糖只进去两颗下次一定还要再来挑战一下（合作食評）

尖沙咀厚福街多野食，朋友今日約我去位於厚福街藍馬商業大厦22樓的hoo韓國包車食野。上到去店感覺颇有氣氛情調，有些似在韓國街頭大排檔，店用霓虹燈作装飾，打卡不錯。好多菜式都香口惹味有特色，佐酒一流。街頭魚糕串串鍋夠地道，半份足夠二人享用。魚糕彈牙微甜有魚味，好食。魚餅都可口，較結實有質感，白蘿蔔淋甜。醬油蟹配脆脆紫菜一試難忘，蟹肉鮮甜，蟹羔肥美，不腥，物有所值，未試過可以試下。卜卜脆炒豬脆骨拼拳頭飯都好味道，豬脆骨香濃微辣，愈食愈想食，配淡口的拳頭飯很合適。下次約多幾個朋友來試多幾款其他菜式。

呢間餐廳好出名，成日都見人介紹，今次終於同朋友去到。一入到餐廳，見到膠凳，木枱，書櫃，洗衣機，就好似飛左去80年代韓國咁。打卡一流～ 玩到絡繹忘形。我地今次點左：拉絲芝士韓式炒雞128，同名一樣當然有好多芝士，而且可以拉到絲啦～ 好岩我芝士控的人，見到都開心。招牌炒章魚146，雖然章魚不多，但每一條都好肥，又有彈性，不過對我黎講太辣！如果鐘意食得辣，可以選擇，辣得過癮。蟹膏拳頭飯88，食左咁多餸，又點可以無飯落肚，飯團細細粒加埋紫菜，再加上蟹膏～ 又可愛又好食

超愛呢間充滿韓國風味嘅餐廳！環境同裝修都好靚，好似首爾以前啲小街小巷衛坊坐埋一齊高談闊論嘅感覺，氣氛好熱鬧，勁開心！我見侍應妹妹個booking勁full，我諗一定要reserve先唔洗等好耐.街頭魚糕串串（1份）一份有好多魚糕，魚糕好彈牙，同埋煮得好入味，一開頭食，魚肉味就比較強烈，但食到尾，魚糕已經煮到咁上下，煮到漲咗，索晒啲湯，啖都食到佢個味，超正！魚糕有10串大塊魚糕之外，仲有其他款式嘅魚糕喺底.湯底好香嘅胡椒味，但飲落唔辣唔嗆，反而飲落好溫和，喉嚨唔會好乸，仲有飲完好暖.蘿蔔都好大件，煮得好入味，同埋好淋！炸雞（原味＋甜辣）甜辣炸雞同我喺弘大食嘅味道幾乎一樣，我啲回憶返晒嚟！炸雞即叫即炸，炸得好脆，而且冇油溢味，大廚處理得好好.雞件方面，除咗啖啖肉之外，仲有雞鎚，雞翼，同雞翼尖，都好齊.啲雞炸得好香口，都唔鞋，同埋有肉汁！芝士泡菜煎蛋卷呢個勁好食，一份嘅份量好多，泡菜加芝士好正，勁惹味，同埋好夾，口感都好正.因為泡菜係脆身慨口感，但蛋卷好軟熟，夾埋一齊食，味道仲好好.下次一定要再食呢個！

韓國野嚟講，呢間真係好推薦！！✨街頭魚糕串串 $146魚糕好q彈 圓形個啲魚餅軟身再少啲 唔會係好軟冇咬口個啲👏🏻個湯好有魚味 好清好好飲！配上餐廳準備既醬汁好match✨芝士蟹膏蟹肉蛋捲 $128一切開裏面有啲蟹肉 又有啲蟹柳 好足料成個蛋捲充滿着蟹嘅鮮香味🥰🥰再加埋啲茄汁、沙律醬好惹味～✨拉絲芝士韓式炒雞 $128好多洋蔥 鮮甜雞扒嫩滑再加上好多芝士 有啲泡菜撈埋一齊炒 成件事好惹味～✨阿珠媽炒年糕 $78年糕都煙韌彈牙😸個汁有些少辣 好韓國風味成個醬汁好惹味 如果唔食辣既建議嗌芝士炒年糕👻環境好韓國😻燈光同播啲音樂都好有feel🤟🏻店員都好好，好nice好friendly!!大推！！👏🏻👏🏻

❀ hoo韓國包車 #尖沙咀 ❀❗️厚福街感受韓式路邊攤 新品火山熔岩辣牛肉湯鍋❗️——————————————————喺尖沙咀厚福街就可以感受到韓式路邊攤🇰🇷Hoo韓國包車以韓國路邊攤紅色帳篷攤檔為藍本，裝修用咗紅色紫色為主，再擺滿一系列復古用具及漫畫，就好似置身於韓國路邊攤咁😆最近仲推出咗豐富嘅「火山熔岩辣牛肉湯」，加$3仲可以加支韓國啤酒，最啱同班friend一齊飲飽食醉🔥.✷𝑀𝑒𝓃𝓊✷☞ 火山熔岩辣牛肉湯鍋 (中size) $158 (3.9/5)雖然叫火山熔岩辣，但其實餐廳特意調配咗一款「舒服辣」，切合香港人口味☺️入口有淡淡的香辣味道，但又唔會覺得辛苦。主菜當然唔少得大量肥牛，肉質軟腍腍，唔會太多肥膏🐮仲有大量豆腐、娃娃菜、韭菜、京蔥、金菇、冬菇、，絕對夠兩個人share。大食嘅話仲可以大size或者再加公仔麵等。而家+$3仲送原枝 TERRA 啤酒🍻，同朋友嚟啤啤佢就啱晒！.☞ 芝士蟹膏蟹肉蛋卷 $128 (4/5)超鍾意韓式蛋捲，加入許多芝士好豐富🧀，仲有流心效果🤩呢款仲包住大大條蟹柳，表面仲有鮮甜蟹膏，味道一流☺️.☞ 招牌炒章魚 $146 (3.9/5)喜歡香辣惹味嘅就要試

今日中午時份突然想食韓國野，朋友就有好建議，帶左我來厚福街藍馬商業大廈食呢間hoo韓國包車，真係冇介紹錯，勁正。中午有lunch set 先七八十元，我地兩人每人嗌左份便當，又嗌左兩小食，限定芝士蟹膏蟹肉蛋捲，同辣辣無骨雞腳都超好食。先講芝士蟹膏蟹肉蛋捲，好香濃嘅蟹味，同厚厚嘅蛋卷好夾，芝士份量都多，切出來會拉絲的，好正啊，加埋醬汁蕃茄醬等，好味。另外辣辣無骨雞腳都好值得推介，佢醬汁是辣辣甜甜的，非常惹味，雞腳無骨好爽口，一口啖啖肉，第二度食吾到，絕對要試，好好食。便當方面，我嗌左炸芝士流心豬扒，同招牌辣炒章魚，先講豬扒，勁大塊，好好食呀，芝士勁流心，都有拉絲的，又炸得很香脆，勁飽，仲有泡菜同韓式芽菜，中和返肉膩感，吾錯。而招牌辣炒章魚果然是招牌，因為真係好好食，炒到d章魚岩岩好又吾老，又香辣乾身惹味，仲有配菜，都炒得香，好送飯，水準高。整體環境，食物，服務都滿分，中午時份都不用等位，下次晚上來食。

想食韓國嘢 唔使去韓國啦！ 全香港最有feel嘅韓國餐廳非佢莫屬🇰🇷🥰.🔹韭菜煎餅 $78煎餅外層超脆 內層柔軟煙靭 再加埋韭菜 當小食咁樣食好開胃 越食越肚餓🤣🤣 不過就一定要趁熱食 如果唔係就會好快淋晒🥹🥹.🔹一雞兩味 $228 今次就叫咗甜辣同埋醬油味～甜酸味嘅炸雞 外皮鋪滿甜酸醬 甜酸醬但有少少蒜味 小小辣又少少酸甜 食落好開胃🤤醬油味有驚喜到我！外皮酥脆 肉質依然粉嫩嫩滑 再加埋啲醬油汁 而且醬油汁唔會過鹹 味道適中 並沒有將外皮酥脆嘅味 cover 咗🥰.🔹懷舊烤五花肉 $152五花肉嘅份量好多！薄切煎香 肥瘦適中 仲會食到少少軟骨位～沾少少醬 再用生菜包煮嚟一齊食 食落好滿足又唔會好油膩🥹啱晒減緊肥嘅我🤣🤣.🔹芝士蟹膏蟹肉蛋卷 $128呢個真心推介食！賣相已經好吸引😚食落去第一啖係超級厚身 然之後係好濃好香嘅蛋味 🍳中間包住嘅係蟹柳 配上面頭嘅沙律醬同埋茄汁 酸酸甜甜好開胃 仲有上面淡淡嘅蟹膏味 🦀令到成個蛋捲好balance 🤤.📍hoo韓國包車 (尖沙咀)尖沙咀厚福街12-12A號藍馬商業大廈22樓