Hooman by the Sea (西九龍文化區)

营业中

休息中

適合野餐嘅輕食之選！#熱狗配扭扭薯條味道正常，冇特別驚喜，但如果你入開西九想野餐，又唔想係外面買嘢，呢個選擇都幾值得推介，好方便，只要帶張墊就得🤣，坐喺草地上，享受下陽光，真係幾開心。仲嗌咗一杯Americano，咖啡豆係偏酸少少。另一杯係Blue lemonade，味道都算清新，適合炎熱嘅天氣。最意外係Churros食落去都有啲驚喜，外脆內軟，就算影咗好耐相先食都仲脆脆地，配糖粉同埋朱古力醬，都幾好食！#總結特別適合想喺西九野餐或者食輕食嘅朋友。如果你想享受悠閒嘅下午，絕對係個好選擇！

西九海濱望住維港🌊(雖然前方有多人野餐🧺🤣)chill住食個all day breakfast🍳🥰，加杯Americano ☕️問問自己有幾耐冇慢活食個早餐？🫣

❛ matcha latte ($52)抹茶控唔好咁高期望，打到上面一層foam，實際上抹茶嘅份量少，味道都好淡❍ blue lemonade ($48)賣相靚，味道比較酸，然後底部就好甜，以為會有汽，無汽無咁好飲—ʜᴋᴅ $50 𝗉𝗉 𝙧𝙚𝙨𝙚𝙧𝙫𝙖𝙩𝙞𝙤𝙣𝙨: no𝙬𝙤𝙪𝙡𝙙 𝙧𝙚𝙫𝙞𝙨𝙞𝙩: no𝙤𝙫𝙚𝙧𝙖𝙡𝙡: 6/10—📍 Hooman by the Sea 尖沙咀西九龍文化區藝術公園地下GF-07號舖

呢間熱狗店，好多年前已經幫襯過幾乎去親西九都係食佢但今次食完之後，真係零意慾再幫襯。趁住聖誕去行西九聖誕小鎮，大約晚上8點左右，就去買野食出外邊啲室外空間食。我揀左比熊犬($78)，一打開個盒，個熱狗包已經水平分開咗兩截，變左佢包-腸-包狀態，食起上黎已經好唔方便。個熱狗包完全係微波爐叮熱咁，叮都算，仲要叮到過左火，食落個包係韌既。真係宜家家俬熱狗個包都好食過，軟熟過佢。法蘭克福腸方面冇咩好講，都係大路野。但其實可以有心啲，煎香少少先夾落個包到都得掛。都係叮既。呢個包唯一值得讚既係上面個舊粟米配料。同行友人叫左蠟腸狗($78)，包一樣的差。唔知係咪因為就收工，層肉醬好薄，好似夾硬刮埋淨低既肉醬就算咁。另外加左$28，要左客薯條。份量少，冇調味，凍冰冰，完全係隔夜薯條咁，但連翻炸返熱都廢事。反而西班牙油炸鬼配雪糕($68)有驚喜西班牙油炸鬼好脆口，肉桂沙糖包住成條油炸鬼，好好食。點埋雪糕，簡直係絕配。另外仲嗌左杯Honey Lime Black tea ($48)，疑似跟熱狗嗌平左$24野似都好飲，清清地，好解膩。我同友人都好喜歡。雖然話有好食既野，但呢間鋪頭點都叫做以熱狗為主的店吧，連

本人不是寵物fans但係見好多人帶著寵物入來之後發現店舖內賣緊寵物的嘢食玩具等睇來應該是好多寵物主人熱愛之處叫左杯咖啡味道普普通通俾一個紙杯而唔係正常陶瓷杯係有少少扣分但係配返海景加上價錢不太貴整體都算okay的

唔係第一次幫襯我住得近 放假有時會去行下 食過幾次味道無問題嘅食次食兩隻狗加一個餐薯圈 加多杯嘢飲 問題就係杯嘢我哋 Honey Lemon Black Tea因為我同另一半都唔鍾意飲太凍 所以叫少冰個收銀員就話少冰份量都會減少 我心諗 唔係貪你會大杯洗唔洗咁 我都答佢ok 只係唔想飲咁凍跟住拎杯嘢飲係勁細杯 得三分之二滿(本身杯野就好細杯 滿都應該係330ml左右)我心諗洗唔洗做生意計咁盡 預咗你比少 無諗係少得咁誇話曬杯野飲都收48蚊 真係要慳住飲先得下次再去行幫襯餐車好過

西九一開就去呢間幫襯轉手後員工態度極差因為情意結 都繼續幫襯但真無下次員工坐係度唔想做咁落單又要受氣價錢又唔係平咖啡淡而無味～好的只要環境但環境是西九不是他們店面

同狗狗嚟到西九文化區食嘢，揀咗呢間熱狗店~座位只有室外嘅位置，夏天過嚟真係有啲熱！熱狗嘅名都係用狗狗品種黎命名，幾有特色幾有趣~我哋叫咗一個”比熊”熱狗同一個”貴婦”熱狗~ 熱狗幾好食，另外我哋着叫咗兩杯特飲。同場仲有其他狗狗一齊坐喺度望住個西九嘅景色真係幾chill~ 呢個熱狗餐仲有薯圈添！不過價錢方面喺呢度食嘢一向比外邊嘅貴啲，雖然性價比低，但可以同狗狗一齊都係一個唔錯嘅選擇。我見隔離仲有意粉同pizza添，下次可以試吓！

幾年前在西九文化區無意中經過一間專賣熱狗餐廳ʜᴏᴏᴍᴀɴ ʙʏ ᴛʜᴇ sᴇᴀ，上次食過已經好鍾意，今次難得經過當然唔可以錯過啦😋呢度有七款熱狗, 其中六款都係以狗仔嘅命名，而當中嘅鬥牛犬同柴犬仲係有辣嘅味道添🌶️雖然$78對於熱狗嚟講價錢係有啲偏貴，但係真係比平時嘅熱狗豐富得多，除咗香腸之外，仲有手撕豬肉絲同泡菜，仲有墨西哥青椒🫑▪️sʜɪʙᴀ 柴犬 $78▫️法蘭克福香腸, BBQ手撕豬肉絲, 細香蔥, 泡菜, 墨西哥青椒, 泡菜醬

The waitress threw the food plate down right in front of one of the customers who didn’t speak Cantonese - the customer was perhaps identified as mandarin speaker by her, hence the rudeness and disparaging attitude. Overall the vibe exuded by the staff is uncomfortable during the two visits that I had. Quite frankly the staff were sleazy and the food is WAY overpriced for its mediocre quality !

我真係hooman by the sea嘅fans，呢間舖頭係賣熱狗嘅🌭，位置呢就係喺西九文化區裡面，好近海旁。呢度有七款熱狗🌭，六款呢係用cute爆狗仔名嚟命名😝，仲有一款係素食熱狗🥬。叫得做fans，七款我都試咗三款呀。6號柴犬Shiba就係我嘅最愛😋，佢係一個香辣嘢味嘅熱狗🔥🌭。呢個絕對係創意熱狗呀，運用咗韓式元素泡菜同泡菜醬🇰🇷，配搭BBQ手撕豬肉絲😛同墨西哥辣椒🌶️。靚、香、辣俱全，食到辣嘅朋友呀一定要試試呢一個咁特別嘅熱狗，第二度真係食唔到🌟！3號芝娃娃同4號歌基都唔錯，唔食辣嘅朋友仔就可以揀。另外呢，大家記住試埋個薯條，好食過m記呀。最重要我想講嘅係，食呢度熱狗一定要配埋無敵海景😎，坐喺海旁望住呢個世界級嘅海景，真係一個享受！我明白呢個價錢一個熱狗唔算平，但係睇埋呢度嘅海景🌊🏙️🇭🇰同氣氛🎉，加埋餐廳嘅誠意，物有所值👍！

我明白嚟得呢度都預咗食嘢唔平，不過呢餐都真係幾貴，叫咗兩個熱狗，兩杯飲品，買單要四百幾蚊。先講熱狗，味道其實唔差，扭扭薯條都好香口，飲品方面，我老公叫咗杯咖啡我無試到，俾唔到意見。不過我杯朱古力奶昔就好好飲，好似食緊朱古力雪糕咁👍🏼但係跟嚟嗰個冬甩就唔好食，嚟到已經係好淋，不過當係飯後少少哋都OK嘅。整體嚟講其實唔差，可以坐喺outdoor位置望住海一路食嘢係好chill嘅，只係真係貴咗啲😂😂

又到野餐Season🧺🍂 最適合帶埋毛孩出嚟散步🐶西九有一間以狗狗品種要命名嘅美式熱狗餐廳🌭都幾得意🤣同時都係寵物友善餐廳，想同毛孩chill下休息下都得👍🏻.3️⃣芝娃娃 𝗖𝗵𝗶𝗵𝘂𝗮𝗵𝘂𝗮 ($𝟴𝟴)5️⃣鬥牛犬 𝗕𝘂𝗹𝗹𝗱𝗼𝗴 ($𝟴𝟴)🔹扭扭薯條𝗖𝘂𝗿𝗹𝘆 𝗳𝗿𝗶𝗲𝘀🍟 (+$𝟯𝟴 𝗖𝗼𝗺𝗯𝗼) 薯條炸得唔錯😍薯圈款炸得十分香脆，分量亦都足夠2個人share食👍🏻🔹𝗛𝗼𝗼𝗺𝗮𝗻 𝗦𝘂𝗻𝗿𝗶𝘀𝗲 （$𝟰𝟴)問過店員係Fruit Punch🍊🍋味道不錯👍🏻好fresh，夏天飲一流☀️🕶️評分♡👅味道：7/10 （薯條：8/10）👀回頭率：6/10🤙🏻性價比：6/10

名副其實嘅hotdog以狗狗命名嘅熱狗🤣🤣🐶🐶首先每款熱狗個名都喺狗狗嘅品種🐩 PoodleJuicy嘅法蘭克福腸置於麵包內，而麵包都軟屬，有稍微烤過，增加口感。香腸配上各種配料完美地融合在一起，爽脆和酸甜嘅配料為口感增添額外的層次。🐶 Bichon 熱狗香氣是令人垂涎欲滴，但食落就無咁濃味，有種日式小丸子嘅感覺。牛油果平衡咗整個口感體驗，但就比較有飽腹感。將

去開西九睇展覽，未夠鐘入場，去食隻熱狗醫吓肚先～▪️比熊犬🌭 (法蘭克福香腸、牛油果醬、他他將、粟米、紫菜絲) 配薯條🍟熱狗腸香脆，牛油果醬好多好creamy，面頭嘅粟米燒過，更加香口，加埋紫菜絲，口感豐富。另外加配咗薯條，佢係薯圈款，炸到好脆，加分▪️哥基🌭 (法蘭克福香腸、焦糖洋蔥、脆煙肉粒、鹹蛋黃醬)焦糖洋蔥夠晒淋同焦香，而面頭都有幾多脆煙肉粒，好有咬口▪️Blue Iced Latte雪糕可以揀海鹽/雲尼拿/mix，貪心嘅我梗係揀mix，試晒兩隻味🙆🏻‍♀️ 雪糕軟滑，不過就勁快溶😂 Latte正常水準▪️Iced AmericanoAmericano同樣正常水準Hooman by the Sea📍尖沙咀西九文化區藝術公園地下GF-07號舖📍淺水灣海灘道28號The Pulse2樓211號舖