Hooman by the Sea (西九龍文化區)

营业中

休息中

呢間cafe熱狗都用狗狗品種命名，亦有好多客人都帶狗狗嚟幫襯㗎！我地就點咗比熊同鬥牛兩款熱狗，比熊有超多牛油果醬，面頭唧上芥末蛋黃醬帶點嗆辣，好過癮！而鬥牛用咗軟熟竹炭包好有特色，bbq汁手撕豬肉份量好大疊得高高，同洋蔥烤蒜配合得好好。兩款熱狗恰好都係同一款腸，脆皮咬落飽咀。而熱狗包原味有烘過好加分！飲品推介Blue Lemonade酸爽解膩，呢排熱熱地天氣下飲超適合！另一杯係Holman Sunrise就稍甜。另外佢地仲有雪糕提供，是日嘅牛乳雪糕配上churros冷熱交融有驚喜，churros蘸滿肉桂粉亦炸得好脆，兩人分享剛剛好。

去行M+前搵間舖坐低食啲嘢先響餐廳裡面望住出面嘅好天氣，好似旅行緊咁#Bulldog 🌭佢咁多款熱狗都係法蘭克福腸，有啲可惜(如果係德國腸就perfect喇~)除咗腸仲有BBQ汁手撕豬肉，配埋個辣茄汁都幾正#Fish and Curly Fries 🐟🍟塊炸魚非常大塊，食落啖啖肉，個皮亦炸得好香脆扭扭薯條就無咩特別#Churros with House Chocolate Sauce 🍩呢個鬆軟嘅鬼佬油炸鬼真係要趁熱食玉桂粉味好香，其實有砂糖響面就咁食都可以，不過有埋朱古力醬食落會更開心~

小店主打輕食、快餐，雖然係咁，但係食物質素一啲都唔馬虎🤣 熱狗種類好多，並唔係淨係得mustard同茄汁 (當然，如果你鍾意mustard同茄汁，佢有個自助點，可以任加添)😂 每一個熱狗啲配搭係絕配，你一定唔會諗到一個配搭好食過佢😂熱狗最主要梗係條腸😂 夠大夠juicy，又熱，個皮仲要好脆☺️ 仲有好多配料，好rich 😍 我close up影呢個係CHIHUAHUA 芝娃娃，hotdog加埋芝士煙肉，仲有烤蒜，仲要係蒜頭蛋黃醬，既香口又滿足☺️個包幾軟，最主要係夠熱，唔會凍冰冰死實實咁😀仲有記得要嗌combo，個扭扭薯條亦都係主角之一，調味一流，仲非常脆，一定會俾到驚喜大家！絶對係誠意推介😀 減緊肥既我都唔覺唔覺食哂成個😆

自從有咗M+博物館，好多人都會行西九，或者去佢附近嘅一啲餐廳食吓下午茶，睇下海景，亦有啲人嚟野餐天氣好嘅時候過嚟放鬆心情，真係一個唔錯嘅地方。呢間hooman 有野飲，有咖啡，亦都有一啲小食，例如墨西哥脆條、熱狗等等而且仲係一間寵物友善餐廳。兵仔我就叫咗一個熱狗同朋友仔share🌭️大大個，兩個女仔加杯野飲做下午茶都夠做，同埋叫咗一杯blue lemonade，杯野飲藍色，出面亦都海天一色，成個景配杯野飲，用嚟打卡簡直一流，而且酸酸甜甜非常開胃，夏日消暑啱曬

Hooman by the sea西九海濱長廊可以話係大部分香港人打卡既好去處。有無敵海景同埋一大片草地之餘，仲可以帶埋自己既寵物同小朋友一齊去chill下，可以enjoy 下自己既假期！我同男朋友都好鐘意去呢到，可以野餐下，又可以同啲狗仔玩下，幾happy! 由於我地比較懶，唔會自己整野食去野餐，咁我地就去到西九海濱先揾野食醫肚。為咗有少少野餐既氣氛，咁我地就揀咗另間熱狗店，外賣去草到到食。入到呢間熱狗店，你會發覺除咋賣熱狗之餘，佢地仲有賣狗糧，狗用品同埋狗仔食既蛋糕。而佢地既熱狗，都係用狗隻既品種黎命名，非常特別！咁我地揀咗鬥牛犬同埋比熊犬兩款。鬥牛犬既材料有法蘭克福腸，手撕豬肉配燒烤醬，茄汁，仲有啲洋蔥同炸蒜碎。而包方面佢就用咗竹炭包，麵包有烘過，口感軟熟，但味道同普通麵包差唔多。熱狗腸外皮好脆，食落仲有少少肉汁，而配埋其他林料，食落口感好豐富。而手撕豬肉亦都唔會鞋，同bbq醬好搭，唔錯。 而比熊犬，望落去就知呢款冇鬥牛犬咁濃味。呢隻熱狗材料有法蘭克福腸，牛油果同芥末蛋黃醬。食落口感唔錯，牛油果幾新鮮，但我地就麻麻地個芥末蛋黃醬，下次會再試下其他口味！

Hooman by the Sea前排去咗西九附近，休休閒閒又過一日，我哋就去咗呢間飲咗兩杯嘢Blue lemonade~$48檸檬味酸酸地，開胃醒神，漸變藍色真係好靚Pink Berries Soda~$52莓味都重，不太甜，梳打幾好飲Hooman by the Sea🏠：尖沙咀西九文化區藝術公園地下GF-07號舖☎️：67490777

去開西九文化區，見到附近都有好多餐廳，野餐想食啲易啲食嘅嘢，就試咗呢間美式熱狗，佢哋嘅熱狗好特別用狗仔嘅品種去命名，玩味得來又有特色，都係揀對寵物友好嘅餐廳。見到app平過就咁買，如果去食就留意吓啦🤫🌭芝娃娃 $68+$28加薯條 (7/10)芝娃娃係有芝士粉，煙肉碎，蒜蓉粉，蒜蓉蛋黃醬，要小心啲拎起好容易跌晒啲粉🤣熱狗腸係普通法蘭克福腸，熱狗好濃味，好重蒜蓉味，芝士粉都幾香，如果鍾意食蒜蓉嘅話就會好鍾意，比較重味少少🤏🏻個人覺得一般啦🤣 薯條係粗直薯，都熱辣辣，好香脆，份量都幾多，本來有個曲嘅薯條，但今日冇供應🥲🌭鬥牛犬 $68+$28加沙律 (10/10)鬥牛犬係辣味手撕豬，洋蔥，蒜頭，同埋辣茄汁。冇諗過呢個真係超好食，熱狗腸係普通法蘭克福腸，手撕豬肉好軟淋，撕得好碎，辣辣地，都幾Juicy，好欣賞佢唔會太乾，加埋洋蔥或辣茄汁真係又香又辣，屬於小辣，調味啱啱好，唔會太咸太辣，好好食，食到停唔到口😍沙律都好新鮮份量好足，但係冇汁，就咁食有啲乾，真點fresh🥗🍩西班牙炸油條 $68 (9/10)有六條，長條型嘅，都幾大條！都係即叫即炸，熱辣辣。油條好香脆，唔會太油膩，好香濃嘅肉桂味道

【寵物友善💛 無敵海景熱狗店！】推薦程度：●●●●○抵食程度：●●●◐○———🌭 比熊犬 (法蘭克福香腸｜牛油果醬｜醃黃瓜｜芥末蛋黃醬)｜$68☕️ Iced Cappuccino｜$45吹住海風，望住無敵大海景，感覺非常寫意。熱狗麵包鬆軟，牛油果、醃黃瓜令口感層次豐富，加埋香腸同芥末蛋黃醬，保留咗固有嘅熱狗風格又帶來微微嘅新變化🌟 唯一挑剔係，上碟好打卡able，但礙於醬汁淋咗喺麵包到，好難去搵手食，而用刀叉食就唔係食熱狗嘅風格同姿態。如果加返張牛油紙/包裝紙就perfect池！🌭 哥基 (法蘭克福香腸｜脆脆煙肉｜洋蔥粒｜咸蛋黃醬) ｜$68煙肉香脆可口，但同整體感覺分離。咸蛋黃醬略嫌唔夠濃味，少少失望，始終醬汁係熱狗嘅靈魂。同樣上碟方式都可以再改善。

連續幾天放假，又想去一d 人少又戶外的地方，西九文化區是一個好地方。當日天氣是陰天，微雨，有點凍。我們去買兩個熱狗，加個薯條，加杯飲品，再租兩張戶外凳，就是我們的海景位lunch了。今次我們去一間狗仔熱狗店，店內所有熱狗名都是用狗名命名。我們點了。。。芝娃娃 68元內有法蘭克福腸，芝士，脆煙肉，烤蒜，蒜頭蛋黃醬。好好食。原來芝士加蒜頭是好好食！！🙌🙌腸是爆汁的！！鬥牛犬 78元內有法蘭克福腸，BBQ汁手撕豬肉，洋蔥粒，烤蒜，辣茄汁。是辣的，夠辣！(愛食辣的會明白我意思)會食到流汗，好刺激！手撕豬肉好juicy😋+28元的薯條熱焫焫的粗薯條，好濃薯味！脆身的！Blue Lemonade 48元不錯，不太甜

📍Hooman by the Sea 🌭Corgi $68 (7.7/10) 🌭西九限定口味🌟有脆卜卜嘅煙肉、洋蔥同鹹蛋黃醬，麵包熱辣辣係ok嘅😋🌭Bulldog $78 (7.6/10) 🌭呢款有手撕豬肉、洋蔥、茄汁，黑色嘅竹炭麵包睇落好特別，食落就都係咁🤣🍟Fries +$28 (7/10)🍟餐牌明明係寫curly fries唔知點解嚟到係直薯條🥲正正常常不過不失，勝在份量夠大其實熱狗都好難整得唔好食，佢又冇好令人驚艷之處🤣勝在有個無敵大海景可以chill下，都值得去下嘅😎

Hot dog restaurant with a doggo theme!  Serving its own original hot dogs named after different breeds of dogs!1. DecorOutdoor seating only after purchasing your food.  With its design, we feel they were going after a surf shack type of feel (it wouldn't be a surprise if there were actually surfboards somewhere!).  Although dogs are prominent in their theme, pets are encouraged to stay outside while you purchase your food.2. FoodAbsolutely love the packaging!  White and blue cardboard with an ad

近年無得去旅行，每逢周末西九都人來人往～去西九郊遊野餐必備嘅打卡飲品here♡！雖然味道方面有少少過甜，但冰涼嘅lemonade加上獨有嘅夢幻漸變藍色，成杯嘢飲同同西九片大草地 & 野餐vibes都係絕配～

疫情下, 天氣又難得地好, 但又唔知去邊好, 最好就係去野餐!😎 近近地去左西九文化區, 扎好營, 就去買下午茶😋見到好多人都食熱狗🌭, 薯條🍟! 原來係 hooman by the sea 熱狗店! 店內有6款熱狗選擇, 全部想用狗名嚟命名, 好得意! 如果想自己配撘都可以!我就選擇自己揀 - 竹炭熱狗包 + 特級牛肉腸 + 芝士 + 脆脆煙肉配松露蛋黃醬 + 薯條!竹炭包外脆內軟, 熱狗鋪滿芝士碎同脆脆既煙肉, 再加上好有咸香既松露蛋黃醬, 整體好夾好惹味! 而且仲要好大隻, 都抵食!

每次入到西九龍都必食Hooman 🥰但而家愈黎愈多人食🥺每次都等勁耐🥲🍴炸魚薯條 $108啲人通常嚟到都會嗌熱狗🤔但其實我最鍾意嘅係呢度嘅炸魚薯條😍佢嘅分量超多有兩大嚿炸魚🤤皮肉冇分離😋炸皮薄魚肉好厚✨食落唔會又乾又柴👍薯條就睇彩數因為上次食嘅係扭扭薯條今次係粗薯條🍟雖然扭扭薯條惹味啲但都係新鮮炸都好食😆☕️ Iced latte $46凍咖啡配炸魚薯條🤤鍾意依到既咖啡好香濃🤍就算啲冰融晒都唔會好淡👍

今日去咗近排好Hit嘅西九文化中心，呢度有一家大細，情侶都好鍾意嚟呢度打卡，點解呢？因為呢度好多人喺到野餐，帶寵物黎散步，無非都係想遠離城市嘅繁囂，鬆一鬆，咁自然呢度嘅餐廳都係以coffee shop為主。咁今日介紹嘅餐廳主打美食係熱狗🌭️，咁熱狗有咩咁特別呢，呢間餐廳熱狗全部都係用寵物狗名黎命名，我就食咗👇🏻呢款名叫哥基嘅熱狗咁呢款熱狗唔係普通嘅芥末醬而係鹹蛋黃醬，真係好味道，而香腸就係普通嘅法蘭克福腸，中間有脆卜卜煙肉粒同埋生洋蔥粒，食落口好脆增加唔少口感，好好食😋最後想講下杯咖啡係一杯熱嘅Cappuccino整體賣相唔錯，不過篇苦，不過不失。最後喺度食個熱狗🌭️，飲杯咖啡☕️，吹吹風，欣賞下美景都算係人間享受。