影片
港铁观塘站 B2 出口, 步行约5分钟
继续阅读
营业时间
今日营业
11:00 - 20:30
星期一至三
11:00 - 20:30
星期四
13:00 - 20:30
星期五至六
11:00 - 20:30
星期日
13:00 - 19:00
以上资料只供参考，请与餐厅确认详情
見有人推介呢間，同朋友經開呢頭，就試下。上到去係一般工業工廠大廈既格局，行錯邊有少少蕩失路感覺🤣下次記得，出lift轉左行就易d。上到去有一個靚女店長，自己一個落手落腳包辦店鋪所有。店鋪個裝修都好靚好有格調，有workshop地方。潮流興食開心果🥄意大利西西里開心果Lava cheesecake店員會即刻再唧上開心果醬，同鋪滿開心果碎裝飾，賣相靚靚。成件開心果軟心芝士蛋糕，底層仲有開心果碎餅底。食落去，每一啖都係勁濃郁既香濃開心果味，軟心芝士蛋糕口感順滑，成個都好味！🥄抹茶草莓輕乳酪雙色卷包裝精緻，卷蛋個盒入面仲有支細叉，好細心既包裝。抹茶蛋糕濃郁濕潤，入面有香滑抹茶cream同牛奶cream，仲有士多啤梨乾，味道層次豐富！另外佢有做個卷蛋cake tower，都算幾特別，生日party可考慮。整體黎講呢度嘅蛋糕質素係不錯❣️😋不過，以工廠大廈樓上舖嚟講，呢個價錢略嫌有少少進取，如果做多少少優惠會更加吸引！⚠️另外仲要留意嘅係，佢menu上嘅蛋糕口味未必always齊曬，要留意佢嘅IG story 當日有咩味道，又或者要預早預訂喔❣️
继续阅读
呢間蛋糕店由網店開到實體店 質素有保證✨店內主要係工場 另有一少個堂食空間🍴.〰️ROLLCAKE〰️📌京都玄米抹茶蕨餅 $45蛋糕鬆軟富彈性 但玄米茶香唔夠濃🍰忌廉綿密軟滑 陣陣甘香茶味🍵中間夾住抹茶蕨餅 Q軟煙韌🍡店員推介加配門市限定炙燒布甸(+$28)🆕布甸扎實滑溜 焦糖香氣濃郁🍮北海道煉乳芝士奶蓋好輕盈 奶味較突出 芝士鹹香唔重🧀再灑上沖繩甘蔗糖以火熗炙燒 焦脆香甜 口感味道更豐富🔥不過個人都係推介就咁食卷蛋🙌🏻.〰️LAVA CHEESECAKE〰️📌意大利開心果軟心芝士蛋糕 採用意大利開心果🇮🇹蛋糕外層扎實 內裏軟滑 濃郁鹹香芝士果仁味🧀表面以開心果醬同果仁碎作點綴 再配埋開心果碎餅底 夠晒足料💚略嫌開心果碎偏腍 但整體好有層次🙌🏻.📌伯爵紅茶奶酥 $32磅蛋糕鋪上奶酥 仲以為呢個配搭會好膩 但又唔會🥧翻熱後外層好酥脆 入口淡淡紅茶清香 唔算太濃☕️不過蛋糕體偏少 鬆軟濕潤度唔夠明顯 茶味都唔夠出🍰.📌開心果牛乳(Cold) $50最推介呢杯飲品 將多重開心果結合🌟自調100%無糖純開心果醬混入牛乳 面頭配上奶蓋同開心果碎🥛💚再加埋開心果奶凍(+$12) 口感超滑溜 整體奶味同堅果香更昇華🍮.如欲查看相關食物相片 可查閱本人已上傳之影片🎦
继续阅读
呢排見到好多人食 Horizon Bakery，尤其係佢哋嘅卷蛋同開心果系列，真係忍唔住要去試吓，結果完全冇失望 🤤 Horizon 喺觀塘工廈入面，裝修簡約，地方唔大，但感覺舒服，有兩張枱可以堂食。佢哋主打生乳卷，款式多到令人選擇困難，最後都係由店長幫我揀 😆💁🏻♀️ 京都玄米抹茶蕨餅生乳卷蛋 + 焦糖雞蛋布丁 🍮🍵 蛋糕入面用咗玄米茶粉，唔單止茶香，仲夾埋小山園抹茶同超煙韌嘅抹茶蕨餅，每啖都好有層次感！頂層加上北海道煉乳芝士奶蓋，仲用火槍輕輕燒咗一層焦糖，香甜而且一啲都唔膩！店長話最理想係配埋佢哋嘅焦糖雞蛋布丁，每日用新鮮雞蛋製作，口感夠滑又冇氣泡，#好食 🥰 開心果系列 🌰💚 Pistachio Milk 開心果控一定要試！佢哋嘅開心果牛乳係用濃郁嘅日本牛奶，配埋大量開心果碎～🤩 最特別係杯底仲加咗自家製開心果奶凍，杯面再鋪滿厚厚嘅開心果奶蓋，從頭到尾每一啖都係滿滿開心果香 ✨
继续阅读
再訪依間蛋糕一級棒嘅小店👍 裡面有少量座位可以俾客人堂食❤️ 文青風滿滿嘅裝橫打卡好靚😘 切勿錯過🥰 今次㨂咗必食嘅卷蛋😚 要咗原粒士多啤梨配北海道煉乳奶蓋口味🤩 卷蛋蛋糕軟潤綿密❤️ 食落充滿蛋香滋味😚 奶蓋香滑輕盈，不會過甜過膩，同卷蛋蛋糕好夾👍 蛋卷中間真係有原粒香甜嘅士多啤梨🤩 真係抵食🌟 今次特登加購焦糖雞蛋布甸😉 滑嫩細膩嘅布甸真係令人回味無窮😍 另外㨂多咗一件蘭王蛋北海道煉乳❤️ 蛋糕柔滑細緻，食落每一口都能感受到蘭王蛋獨有嘅蛋香😆 濃郁又美味✅ 加上煉乳嘅香甜滋味，令人食唔停口咁正😙
继续阅读
前排老公生日，仲苦腦緊要買咩cake同佢慶祝生日🎂於是上網做research,俾我發現咗呢間位於工廈嘅蛋糕店🍰上到去先俾店內環境驚艷到，入面簡約得黎好靚，好多打卡位😍呢度除咗多款唔同嘅cake外，仲有飲品，得閒約埋朋友呢度chill下都唔錯👍意大利西西里開心果意大利西西里開心果蛋糕的外觀精緻誘人，表面微微焦脆，內部則是濃郁而柔滑的奶酪餡，帶有開心果的香氣和細膩口感🤤蛋糕的上層有滿滿開心果醬，而底層用一層薄薄的餅乾底，整體口感層次豐富，而且甜度適中😍買咗一個同老公慶祝，老公都好鍾意❤️📍Horizon (觀塘)觀塘開源道55號開聯工業中心A座7樓07室#cake #觀塘工廈 #蛋糕推介 #美味蛋糕推介 #特色蛋糕 #horizon #kwuntung #cakeshop #打卡一流 #birthdaycake #生日蛋糕推介
继续阅读