影片
港铁观塘站 B2 出口, 步行约5分钟
继续阅读
营业时间
今日营业
13:30 - 20:30
星期一至日
13:30 - 20:30
公众假期
13:30 - 20:30
公众假期前夕
13:30 - 20:30
以上资料只供参考，请与餐厅确认详情
見有人推介呢間，同朋友經開呢頭，就試下。上到去係一般工業工廠大廈既格局，行錯邊有少少蕩失路感覺🤣下次記得，出lift轉左行就易d。上到去有一個靚女店長，自己一個落手落腳包辦店鋪所有。店鋪個裝修都好靚好有格調，有workshop地方。潮流興食開心果🥄意大利西西里開心果Lava cheesecake店員會即刻再唧上開心果醬，同鋪滿開心果碎裝飾，賣相靚靚。成件開心果軟心芝士蛋糕，底層仲有開心果碎餅底。食落去，每一啖都係勁濃郁既香濃開心果味，軟心芝士蛋糕口感順滑，成個都好味！🥄抹茶草莓輕乳酪雙色卷包裝精緻，卷蛋個盒入面仲有支細叉，好細心既包裝。抹茶蛋糕濃郁濕潤，入面有香滑抹茶cream同牛奶cream，仲有士多啤梨乾，味道層次豐富！另外佢有做個卷蛋cake tower，都算幾特別，生日party可考慮。整體黎講呢度嘅蛋糕質素係不錯❣️😋不過，以工廠大廈樓上舖嚟講，呢個價錢略嫌有少少進取，如果做多少少優惠會更加吸引！⚠️另外仲要留意嘅係，佢menu上嘅蛋糕口味未必always齊曬，要留意佢嘅IG story 當日有咩味道，又或者要預早預訂喔❣️
继续阅读
呢間網店蛋糕 竟然仲有得堂食!?雖然地方細 但喺工廈嘅蛋糕店有得坐算系咁🤣舖頭主要賣roll cake/ basque burnt cheesecake/ crumbled poundcake不過每日款式會轉 去之前最好check下舖頭嘅ig story睇咗有冇你想要嗰款要去 如果唔系遠道而來冇你想食嘅會好sad🤣👍🏿意大利西西里開心果lava cake $78(4” $250) (6” $480)$78嚟講 有啲細件但你食咗之後絕對唔會後悔!質感超超超軟滑 系滑到癲嗰種!!!! 口感非常之綿密入口隨即充滿濃郁開心果味!🤤平時食開心果副產品嘅時候好多時都系得第一啖有開心果味但呢個唔一樣!開心果已經同個cake混為一體🤣啖啖都充斥住香濃開心果除咗淡淡嘅忌廉奶香之如 邊邊位仲散發住烘焙後嘅芝士焦香但都依然唔會影響到開心果嘅發揮On top仲加咗啲開心果醬同開心果碎令成件cake嘅口感同味道更豐富另外值得一讚嘅系甜度適中 滿足到你個甜品胃但又唔會太甜太膩試完一小件真心覺得可以買一個完整嘅蛋糕🥰不過個人認為佢唔應該改名做lava cake畢竟佢唔系真系流心 而系好好好軟滑嘅cheesecake叫返basque burnt cheesecake好啲🤭味道: 8.5/10性價比: 6.5/10👍🏿山梨縣大糖嶺芝士水蜜桃roll cake $52(13cm $268) (19cm $348)留意翻 水蜜桃呢款系6-9月限定 日本桃當造季節蛋糕體鬆軟 帶啲濕潤 但就略嫌欠奉蛋香表面焦糖面薄脆 唔會太厚太甜火炙後帶焦香 不過燒到蛋糕嘅位帶輕微苦味Cream較流質 可能因為燒過嚟食落滑身 而且帶淡淡嘅奶香雖然成件cake嘅水蜜桃味唔太明顯但中間幾粒水蜜桃香甜juicy其實幾好食😚同埋呢個食法幾特別 第一次咁樣食roll cake🤣都試得過😆味道: 7/10性價比: 6.5/10*不設加一服務費*佢個basque burnt cheesecake系幾impressive嘅🤭價錢都唔惹少😂😂但史努比覺得值得一試亦會考慮下次買原個蛋糕🥰整體評分：味道: 7.8/10環境: 6.8/10服務: 6.9/10衛生: 7.9/10抵食: 6.5/10
继续阅读
若問我幾時聽過Horizon Bakery嘅大名就係當佢哋推出咗全港首創卷蛋蛋糕嘅時候🍰！自問嫌分蛋糕麻煩🎂呢款卷蛋蛋糕不但造型獨特 仲易於分享不過 喺決定買蛋糕之前等我先去店鋪試下啲卷蛋好唔好食先🤤無錯 既然做得卷蛋蛋糕卷蛋當然都可以散叫食用佢哋出品嘅生乳卷口味多達十款不過有些口味如士多啤梨🍓屬季節限定 當日存貨以Story公布為準🔔真係想食某一隻味嘅話 都可以事先預訂而堂食卷蛋 更會炙燒過才上碟 味道零捨唔同😍店鋪位於觀塘工廈內以韓系簡約風格裝修 雖然只得2張枱但氣氛卻溫馨非常 加上店主經常與客人交流令人感到份外親切😘除咗招牌卷蛋 呢度仲有芝士蛋糕🧀奶酥磅蛋糕及開心果牛乳供應行到口喝 於是叫咗杯開心果牛乳試試 （中size $48）飲品賣相吸引 有漸層效果店主叮囑我哋一定要攪均先好飲因為咁先會每啖都有開心果味🤤開心果奶蓋質感輕盈 考慮到開心果嘅飽腹感 奶蓋並冇加入芝士製作 飲品嘅冰有啲偏多 夏天飲就好爽店主解釋咁做係想中和開心果嘅飽膩的確做到呢一點 飲完只覺清涼而不飽滯卷蛋方面 我哋揀咗焙茶奶蓋黑糖蕨餅☕只見店主用火槍輕輕燒灼蛋糕🔥為其外層添上一層薄薄嘅焦糖脆面奶蓋用上北海道煉奶及芝士製成 味道濃郁 再加上煙韌嘅黑糖蕨餅 正好中和焙茶嘅苦澀整體味道毫不甜膩 令人想再來一件😋
继续阅读
約咗朋友夜晚喺觀塘食飯，我太早到，佢未放工😖我唯有周圍揾果地方坐低等下佢🤗喺OpenRice 度見到呢間位於開聯工業中心既Horizon 蛋糕店🍰，係有位坐嫁！🤣🤣 岩哂我上去食件cake 等朋友☺️☺️每日既蛋糕都唔同，我見到有我最鍾意既開心果味軟心cheesecake 😊立刻叫件黎試下開心果軟心cheesecake 😍😍😍- 好靚😊餅底係用開心果碎整成，面頭再有開心果醬，係好有心機之作- 軟心cheesecake 真係做到軟心效果，唔太硬，容易入口，仲要甜度適中，感覺較健康😉😉食物真係唔錯，今次就淨係叫件cheesecake 先，有機會再試其他😊Horizon (觀塘)觀塘開源道55號開聯工業中心A座7樓07室
继续阅读
卷蛋成日食，但燒卷蛋就第一次。店主有推薦幾款當日口味，包括最佳好hit的開心果口味，亦有日本當造的水果香印提子及九鬼芝麻。小編係開心果Fans，毫無疑問一定係佢😂。店主推薦可以試下燒卷，價錢只是相差2蚊，主要係令到表面有一陣焦香味，小編覺得呢個idea可以值得一試就決定呢個口味。開心果仁麻薯最令我印象深刻係食的每一口都十分輕盈無負擔，甜度微甜，食材的原味更突出。開心果主要係開心果忌廉同特濃醬，忌廉的開心果味比特濃醬更加突出，口感超輕及順滑；特濃醬反而突出被烤過的果仁香氣及散發出的熱度。卷蛋係原味，經過火炙之後帶有焦香味，濕潤的口感同時變得不明顯，反而彈軟口感更顯。麻糬有別於坊間主打的煙韌拉絲，反而著重實在。小編最欣賞的是這麻糬是原味而不是奶味，加上其他食材都涉及奶類品，奶味好容易先聲奪人，所以這配搭比例係好好👍👍從份量來看，每個材料都是主角，不會太多太少，各有所長👍👍👍空間只有2臺，無論堂食或外帶都好多人，小編收工當日就要企係度食，所以要避免繁忙時間，或者改為外帶🤣Horizon觀塘開源道55號開聯工業中心A座7樓07室#觀塘美食 #觀塘 #開聯工業中心 #horizon #甜度 #甜品 #卷蛋 #燒卷蛋 #首創 #開心果 #特濃醬 #麻糬 #foodie#foodiehk #hkfoodie
继续阅读