Hot Pot 熱‧海鮮火鍋私房菜

营业中

休息中

今日同朋友黎佐敦打邊爐🍲唔想逐樣揀食咩甘煩，有個二人火鍋套餐俾的揀，岩哂我呢d有選擇困難症既人🤣餐廳座位好闊落，仲有vip房俾你唱k，好似一間有得打邊爐既party room🤣鍋底我就揀左🌟香濃沙嗲湯底，有兩舊豬骨仲有菇😍 一上枱就好香沙嗲味，未食野前飲啖湯 好飲阿，唔會好重味精味😍火鍋配料方面，肉類可以揀一款🥩🥩我地揀左🌟手切安格斯牛小排紋理好靚，牛味濃郁，而且份量好多😍炸響鈴/炸魚皮二揀一🌟我揀左炸魚皮，完全索哂沙嗲湯，好正🤤另外丸類，餃類可以揀兩款🌟 手打墨丸，正常發揮👍🏻🌟 鮮蝦水餃，好有驚喜！超大粒🤣 水餃皮好簿，入面都見到有蝦🦐主食同蔬菜類可以各揀一款🌟烏冬🌟蔬菜拼盤，入面有冬菇，娃娃菜… 全部都好索味，特別係娃娃菜 好清甜套餐仲包兩款無酒精飲品🥤🌟水蜜桃沙𣲙🌟益力多沙冰飲品份量好多，而且唔會好快就溶哂，食哂d野仲有沙冰係到😍另外，我地仲叫多左🌟 牛黃喉🌟 去皮雞脾肉 雞脾肉好嫩滑，唔會淥到嚡哂😍

雖然話係火鍋私房菜，但依間餐廳定價可謂相當make sense ! 個人首推2人火鍋套餐，只需$488就有齊鮮熬湯底同足料配料✌️今次我鍋底揀咗夏天食相當開胃既酸菜白肉鍋，我個人來講都幾推薦依個鍋底，無論肉定豆卜都係滿滿的一鍋，愈煲愈入味😌.至於配料我就揀咗油花豐沛既手切安格斯牛小扒（超推薦，食到停唔到口），炸響鈴同手打墨魚丸，再額外加配咗我打邊爐最鐘意點既牛胸爽（$128）😼，好多人以為牛胸爽係牛既脂肪，其實佢係牛既軟骨部位，食落好爽口架！大家有機會一定要order佢試試😋依度既牛胸爽都無得彈呢😌

今晚同朋友一起到佐敦覓食，聽講餐廳是新開就試吓。見佢哋火鍋好似唔錯，好多款不同的湯底，餐廳都好多人，眼見每枱都火鍋，好吸引😍可惜友人唔舒服，唯有嗌小菜食飯。小菜餐牌得一張，唔多選擇。蜜椒薯仔牛柳粒$198當中有牛肉、薯仔、青紅辣椒等再加上蜜糖醬，具有豐富的口感和獨特的味道。薯仔輕炸過，十分脆口，份量多。牛肉的味道與蜜糖醬的香甜和微辣味相互融合，增添了層次感。牛油胡椒炒鱔球$178鱔球炸到金黃色又脆口，搭配牛油和胡椒調味，配菜有紫洋蔥、青紅辣椒落鍋炒，簡單而美味。鱔球質地柔軟嫩滑，油炸後保持到鮮美的口感，還吸收調味料的滋味，令人回味無窮。西芹炒雙蚌$208有西芹、珊瑚蚌、貴妃蚌結合在一起炒。西芹為這道菜增添了脆嫩的口感。西芹的纖維綿密、口感清脆，經過熱炒後仍保持著一定的嚼勁。雙蚌的加入為這道菜增添了豐富的海鮮風味。它們的鮮美和鮮甜口感能夠在炒製過程中釋放出來，令整道菜更加有層次。整體味道較咸🥹 下次過嚟會想試火鍋邊爐🫕

聽朋友介紹佐敦hot pot 既環境同食物唔錯， 今日同朋友兩個人一齊去試下座位闊落，冷氣足夠👍🏻餐廳仲可以包房， 一邊唱k， 一邊打邊爐我地揀左熱鍋2人火鍋套餐胡椒老壇酸菜白肉鍋火鍋好多酸菜， 酸味足夠， 胡椒味道唔會太濃， 我同朋友加配料之前都先飲左一碗湯手切安格斯牛小排肥瘦均勻， 滿佈雪花， 入口嫩滑， 牛味十足！手打墨丸， 鮮蝦水餃墨丸好足料， 食到墨魚粒， 而且十分彈牙炸魚皮&烏東呢兩款食材都好吸湯，配上酸菜鍋既酸味， 份外惹味蔬菜拼盤我同朋友食落覺得餐廳既用料幾好， 所以再加一份鮮牛肉同炸午餐肉牛餐肉炸得十分香脆， 推介跟餐仲有2杯野飲， 超級大杯， 打完邊爐都仲有半杯😂

朋友推薦一間隱藏在佐敦新寶廣場5樓的美味火鍋店 - Hot Pot 海鮮火鍋私房菜。店鋪裝修別具創意。好開心我哋被安排坐一間二人VIP 房，房間一啲都唔細，張枱仲好大張，坐得舒服又可以靜靜地邊食邊傾計。點了2人火鍋套餐$488，選擇蕃茄薯仔湯底，好多蕃茄味道濃厚鮮甜。手切安格斯牛小排係火鍋店招牌之一，肉質鮮嫩，薄切吃起來一點也不膩。手打丸夠晒彈牙。韮菜豬肉餃及鮮蝦水餃脹卜卜，餡料飽滿多汁，一口咬下餡汁四溢。膳片厚肉爽脆。還有一大盤蔬菜拼盤，有蕃茄仔、鮮姑、粟米，都好新鮮。好怕炸魚皮有油溢味道，呢個完全冇，係下酒最好小食，可惜無叫啤酒，因為想試下益力多沙冰，超大柸，好好飲，酸酸地好消暑解渴。

今晚與太太去到佐敦一間位於新寶廣場5樓的私房菜館，Hot Pot 熱‧海鮮火鍋。這裡提供著多款美味海鮮火鍋。 我們揀選了2人火鍋套餐，以胡椒老壇酸菜白肉鍋作為湯底，我第一次嘗試這款湯底，確實不錯，味濃而且很適合作火鍋。套餐中包含了各種新鮮食材，手切安格斯牛小排肉質鮮嫩，放入熱鍋中數秒便可以食用。炸魚皮酥脆可口，同樣味美。手打墨丸Q彈有嚼勁，鮮蝦水餃鮮美爽口，烏冬入口彈牙，什菇拼盤豐富多樣。我們還加添了白蘿蔔片和清爽可口的油麥菜。無論是熱鍋湯底還是各道菜品，每一口都充滿濃濃的美味，絕對讓我們感到滿足。 而伴著用餐的益力多沙冰和芒果沙冰更是令人驚艷，非常大杯，每杯足足有一公升，而且清涼可口。 除了美食之外，Hot Pot 熱‧海鮮火鍋的環境也相當舒適。宽敞的座位讓我們可以盡情享受用餐的樂趣，整個空間充滿著溫馨的氛圍。而且我見有多vip房間，就算與一大班朋友來享用火鍋都非常合適。 這裏的服務亦是一流，上菜速度非常快，讓你完全沒有等待之苦。服務人員招呼周到，殷勤服務，而加湯更是隨傳隨到，讓你有賓至如歸的感覺。 總的來說，Hot Pot 熱‧海鮮火鍋私房菜是一家非常值得一試的餐廳。無論是美味的火

今天我跟朋友去了吃火鍋🍲。有熱鍋2人火鍋套餐（$488），非常抵！我們選了香濃沙嗲豬骨鍋沙嗲味非常香，好惹味。火鍋配料則選了手切安格斯牛小排，非常鮮味！牛的肉質好好，鮮嫩多汁，非常美味，幾正。蔬菜🥬拼盤：有唔少菜，都好豐富。手打蝦丸+手打墨丸：非常彈牙。好正，值得一吃，好有咬口。炸響鈴：炸得脆卜卜，幾好食，不錯。二人套餐加左$99追加了2人份的新鮮牛肉，份量都多，又幾好食。不過打邊爐來說，之前點的手切安格斯牛小排更合適打邊爐，肉質也較好。有好多不同醬料配塔，都不錯呢！總的來說，以呢個價錢可以兩個人去打邊爐食到飽，叫咁多野食，確實係幾抵食，加上沙嗲湯底夠出色，真的是值得一去。性價比好高，確實不錯。

日前喺佐敦新寶廣場五樓呢間「Hot Pot熱」打邊爐，整體用餐體驗好好，值得推薦。餐廳喺地鐵站A出口旁邊，非常方便。裝修喺火鍋店黎講算係頗有特色，加上佔地面積大，所以坐得好舒服。呢度咁啱有個$488二人火鍋餐，咁抵食就一於試下！湯底選擇頗多，我選左店員推薦嘅「沙爹豬骨濃湯鍋」，平時單點都要$208！果然好濃好香，仲有啲菇喺湯底，正！作為牛魔王，梗係要食牛啦。除左套餐可以選嘅牛小排之外，我地再加$99要埋新鮮牛肉。兩款牛都賣相一流，肉味十足，配合埋沙爹湯底真係好正！丸類我選擇食手打蝦丸同墨魚丸，食落去就知道真係手打，口感同味道都好好！蔬菜拼盤好新鮮，特別一讚係擺得幾精緻！飲品包左兩杯，我同朋友都叫左沙冰，調味唔錯，最啱消暑呀！

食得太多任食火鍋，朋友話想試下啲精緻火鍋，作為老友梗係要陪佢去啦！佐敦反工既佢，叫我去啲間係佐敦地鐵站一出附近就係既火鍋店！真係好易搵，好方便！2個人可以坐卡座，位置舒服如果人多，都有大枱，仲有VIP房仲可以有電視睇，岩曬我😂😂而且環境唔嘈，同朋友傾計一流！睇左餐牌，我地選擇左🔆2人火鍋套餐揀左皮蛋芫茜湯底、手切安格斯牛小排、手打蝦丸+鮮蝦水餃、烏冬、蔬菜拼盤益力多沙冰 + 提子沙冰先黎調味料，選擇都不少雖然2人餐份量都唔小，但都想再追加🔆新鮮牛肉🔆原條沙巴䠢（細）全部食材都真係好新鮮！牛肉質素高，有牛味又新鮮！條魚全條超肉切片，啖啖肉，好正！ 仲有個蔬菜拼盆，好多份量！好健康👍🏻👍🏻2杯沙冰超大杯飲足成晚都未飲曬，傾極計都仲有得飲，岩曬我地！

超有人情味既餐廳 叫左熱鍋 2 人火鍋套餐首先,湯底是番茄薯仔鍋,味道酸甜適中,非常開胃。搭配的食材也很豐富,有手切安格斯牛小排、炸響鈴、手打蝦丸、烏冬以及新鮮蔬菜拼盤等，已經可以食到好滿足。牛小排質地鮮嫩,入口即化,搭配鍋中的蔬菜非常適合。炸響鈴酥脆可口,蝦丸彈牙鮮甜,烏冬Q彈有嚼勁,令人胃口大開。另外,追加的新鮮牛肉和三文魚刺身也非常值得一試。牛肉超入味,三文魚刺身鮮嫩，可謂是前菜佳選。仲叫左杯芒果沙杯飲落清爽可口！超級爽爆。總的來說,這是一道物超所值的火鍋套餐,不論是食材的新鮮程度、款式的多樣性,還是份量的充足程度,都堪稱一流。仲好有人情味 職員會同你傾下計，如果你喜歡火鍋,不妨來試試這個套餐,我相信你一定會流連忘返。

第一次評論俾到呢間火鍋🍲店，原來裡面仲有包房可以唱歌🎤⋯值得推薦。價格非常友好，兩人餐400幾，再加其他，埋單800幾。重點食材新鮮，高性價比🏅，龍蝦🦞鍋好味😋，墨丸蝦丸唔係凍品熟食個啲，新鮮手工做嘅，非常好😌，套餐裡面嘅免費飲品，芒果沙冰🍧好大一杯，好味😋⋯

見到呢間樓上私房菜嘅二人火鍋套餐幾抵食，就同朋友嚟試吓🍻餐廳好近佐敦站A出口，行一兩分鐘就到。個裝修有啲宮庭feel，座位闊落；有麻雀檯又有可以唱k嘅vip房，一大班人嚟開party都幾開心。叫咗個$488二人火鍋套餐，套餐本身已經包曬打邊爐必點嘅牛肉、丸餃、蔬菜、粉麵同飲品等，嗜牛嘅我哋再另外追加咗一份$99新鮮牛肉😏揀咗沙嗲豬骨湯底，先夾咗啲湯底本身有嘅菇菇嚟食吓，沙嗲香濃惹味，唔使點醬油都好夠味。🥢手切安格斯牛小排睇啲雪花都知靚，切得都算厚，入口油脂豐富，肉質軟腍，推薦😍🥢新鮮牛肉肥瘦均勻，幾有咬口，而且牛味濃郁，食得出嘅新鮮😋🥢韭菜豬肉餃、手打墨丸、炸響鈴炸響鈴脆口得嚟又索曬啲沙嗲味，正👍🏻韭菜豬肉餃個皮係綠色嘅，又幾得意😆手打墨丸彈牙大粒，有墨魚嘅鮮味。🥢紅薯粉🥢蔬菜拼盤都幾大份，有娃娃菜、冬菇、栗米同車厘茄等。🥢零系可樂、加多寶

同朋友仔約左一齊食麻辣底的火鍋，返工壓力大，系要靠辣野緩解下壓力嘅啦。咁巧有二人火鍋套餐，488包埋鍋底同6樣菜同兩杯野飲，好抵。我哋嗌左個麻辣鍋底，鍋底上得很快，表面鋪滿桂圓，好有藥膳feel。牛小排好新鮮，肉色粉嫩，份量足，切成大大的薄片，滾個10秒就食得，又嫩又香。炸響鈴跟麻辣鍋底是絕配，索滿晒湯汁，又香又辣。墨魚丸同蝦丸都幾新鮮，QQ彈彈，雖然份量每樣只有兩粒，都食得好開心。紅薯粉系個麻辣鍋裡越煮越入味，又軟又滑又辣，當主食食好過癮。蔬菜拼盤種類好多，有生菜娃娃菜香菇油麥菜同皇帝菜，仲有兩粒番茄仔點綴，份量足。除左套餐，我哋加點了黑毛肚和獅頭鵝腸。黑毛肚都幾脆。獅頭鵝腸抵讚，洗得好乾淨，又保留左腸入面的脂肪，滾個半分鐘就可以食，脆口，咬落仲有汁水feel，值得encore。兩杯野飲我哋點左生啤同芒果冰沙。兩杯野飲都同今晚的火鍋好配。總體食物質素同服務都好，值得再來。

火鍋熱私房菜顧名思義除咗打邊爐，仲可以點小菜。今次主要係點左一個火鍋二人餐，餐廳有好多vip房，想包場或者同朋友做生日等等非常適合。二人餐一份安格斯牛小排，牛味幾香濃，烚一烚即起肉質嫩滑，入口即溶，吸收咗蕃茄薯仔湯底嘅味道更加開胃醒神。一餐好味嘅邊爐，選料都相當重要，而火鍋熱嘅食材都唔錯，蝦丸墨丸口感彈牙，蝦丸亦都放入原隻蝦肉更加鮮味更有層次。魚皮脆卜卜炸得好香口，酥化得嚟又唔唔會感覺太油。薯粉都好有嚼勁，尤其是吸收晒成煲湯嘅精華，煙靭爽口。最後，杯芒果沙冰都好抵飲，超大杯多芒肉，夠晒凍甜甜地打邊爐一流。整體而言，火鍋熱私房菜食物好味，環境寬敞闊落，地點都方便，最緊要係抵食，唔使下下返內地消費，近近哋嚟整個二人餐性價比相當高😋

啱啱喺佐敦做完嘢，就見到地下有一間打邊爐舖頭有唔同嘅餐選擇，最後我哋就諗住上去試一試熱鍋二人火鍋套餐。上面嘅裝修都唔錯，有打卡位，而且坐得都好舒服卡位十分之大。等咗唔使10分鐘完成就開始嚟到。湯底要咗胡椒酸菜白肉鍋，當初覺得淡咗少少，但係之後越煲越濃郁，而且加咗湯之後都唔會特別變得淡。酸菜份量都唔少，配白肉不錯。牛肉要了小牛排，油脂剛好，而且牛肉味都幾濃。炸魚皮，我同朋友都覺得好好食，炸得好香脆，而且食落不會有油益味。手打墨丸都幾大牙，水餃冇諗過都幾大隻。烏冬和蔬菜拼盤，烏冬都幾滑身，菜份量十足飲品可以選擇兩杯無酒精，其中一個就要咗益力多沙冰，益力多味好濃郁甜度我覺得都OK所以整杯好解暑，而且打邊爐一齊飲好啱。