Hungry Elephant (已結業)

來過好多次Hungry Elephant，很喜歡餐廳的環境，裝修風格和空間設計都很棒。餐廳位置正對叮叮車站，綠色風格店門很好找。我幾乎每次都是下午茶時間光顧，這時段客人不多適合hea住和朋友談天說地。今天我們兩個人點了三個下午茶set。1. 串燒汁味道很香，推薦，但是串燒的份量不多。建議如果下午茶set可以自行選擇加配薯條就更好。2. Pancake賣相很好，味道ok，不會太甜。3. 豬頸肉河粉，河粉比一般的細條，好吃。總體而言，餐廳環境是我一再光顧的原因。當然食物味道也不錯的。

秘製無骨慢煮海南雞飯突然之間好掛住海南雞飯，所以Lunch就走左去食🐥隻雞真係好滑，好香雞味，特別要讚下個油飯，炒到一粒粒咁，唔會好大舊痴住晒咁，而且唔會好油添，加埋個三色醬真係一流，份量雖然唔係好多，但食完都已經令我坐係office係咁釣魚😪

2018年7月28日。天后。晴。之前搭叮叮經過望到呢間餐廳，出面睇覺得好靚呢日有機會就約埋朋友來試下本來以為佢舖頭細細，應該唔多人點知12點幾去到滿座，要排隊等位咁就望下間餐廳嘅裝修先啦～～餐廳嘅特色牆就係一大幅色彩繽紛嘅壁畫傢私都係木製嘅，店中央就係一張木製大枱感覺好raw好簡約，設計型格，係天后區少有嘅型格小店菜式選擇唔算多，估計係想做到貴精不貴多想嗌海南雞飯，點知賣晒，咁改嗌墨西哥卷啦，點知都賣晒忍唔住問咗句「咁你哋有啲咩係有㗎？」最後嗌咗個生牛肉河，再加杯Flat White咖啡選擇頗多，有點食物可以用半價加Espresso咖啡生牛肉河送來，但因為太肚餓，唔記得影相就食咗牛肉味濃，第一塊牛肉肉質嫩滑，第二塊擺耐咗，食嘅時候就變咗好韌湯底鹹淡適中，鮮甜甘香，整體質素不過不失咖啡就非常出色奶泡綿滑順口，咖啡香濃但唔苦質素極高，會專登為杯咖啡再次幫襯當然如果下次試到個海南雞飯又或者個聞落好香嘅黑松露意粉就更好

約咗朋友喺天后飲過咖啡但係又想食少少野就入咗嚟、$40個下午茶包一杯迷你咖啡仔真係幾底！咖啡仲係好飲嘅！炒蛋炒得幾好！牛角包就正常、仲有薯餅、啱晒輕食嘅女士！重點緊要咖啡係好飲、我哋仲叫咗個乳酪熱香餅、不錯！下午茶真係好鬼抵！

好耐無黎過呢間依食早餐了，之前記得佢開業無耐過黎，但由於上早餐太慢所以無黎一段日子~今次再黎，有驚喜早餐餐牌有豐富版亦有輕盈版，小小地份量岩我呢類偽文青少婦唔記得左影佢既餐牌，由30零蚊去到full set ,約90蚊不等，如果以佢既咖啡，環境同食物，我覺得係天后炮台山都值的。一向覺得呢區周日早上除茶記外比較少cafe開門，我周日上午10點左右黎到都排左一陣小隊。叫了個黑松露炒蛋配腸仔，原本個餐係跟牛角包，但可轉做麥多士。賣相就一般，但食落去都ok, 再加杯flat white都係加4蚊~咖啡都好飲。總體黎講，過黎食個輕鬆早餐係不錯選擇

慶祝結婚十五周年，因為前一日先醒起呢個日子，拿拿淋卜呢間係老公office附近嘅fusion餐廳，當然卜之前都有上黎睇食評啦⋯⋯星期四晚，幾旺場噃，reserve都有不少⋯⋯叫左最平個款小食拼盤、卡邦尼意粉同超多好評嘅薑汁炒芥蘭。冷氣超凍，都等左幾耐，芥蘭先來，好重薑味，幾淋，我覺得ok，不過後來凍左就覺得幾鹹⋯⋯跟住到卡邦尼意粉，特點係多菇同重芝士，汁好杰，一凍就有D一舊舊同鹹⋯⋯對小食拼盤好有期待，本來⋯⋯全碟明顯整得over左，好乾⋯⋯串燒最好食係雞肉，沙爹醬明明見到花生，但又係鹹味蓋過其他味⋯⋯蝦餅、雞翼雖然都over左，仍然好食⋯⋯香葉包雞又乾又硬帶酸，超不ok！⋯⋯春卷好細條，食左都冇印象⋯⋯服務是ok的，但不會有人主動加水，是想客人叫飲品吧？埋單三百五左右，不算飽也不會餓，不算難吃也不算好吃，試一次就夠了。

咁岩經過天后，有少少肚餓，見到門口嘅餐牌都幾吸引，於是入餐廳。其實本身諗住淨係飲咖啡，但係侍應拎左份下午茶餐Menu俾我，望一望都幾多嘢食同埋幾大，於是就改咗食下午茶啦。炒蛋多士田園沙律配牛油果 $42足足有兩份牛油果多士，牛油果夠多有成隻，而且好好味。多士亦都好鬆脆，非常滿足。加上下午茶餐仲送餐飲Americano，而且唔收加一。不過炒蛋就麻麻，同茶記嘅水準差唔多。見到Menu都幾多選擇，下次再經過嘅時候試吓其他嘢。

今日又約左舊同事食飯, 就佢係呢區炮台山, 天后交界.今次呢間餐廳幾好, 唔錯, 雖然我地冇訂位. WALKIN 好在早一步. 遲少少都冇位. 入到黎好闊落, 中間樣大台好有以前係學校傾PROJECT 既感覺!D位唔迫, 所以入到黎真係幾舒服, 對住大馬路車來車往.我就係入面由然自得~朋友黎到後就揀下食乜. 佢就LUNCH 久唔久黎下, 我就第一次黎, 原來食亞洲菜乜都有D咁~由於我食得太多扒喇.. 係時候收下手...呢一餐咁多啦. 我係揀左意粉既.秘製冬陰公蝦意粉. $88見到呢款咁特別, 就試下啦.. .D蝦又幾大粒WOR... 都算抵食.意粉入味既. 可以再辣D 會惹味D~紐西蘭肉眼.8OZ $148 另外兩個朋友都係叫牛扒..原來一個叫泰式豬脾飯, 可惜落單後話賣哂.咁佢就叫左牛喇.塊牛係薄片黎. 我食左少少都OK 啦~ 然後呢度D 積木, 可以畀你地等人時玩下, 又可畀小朋友分散注意力!!即係話呢度都好歡迎客人係度長HEA XDDDDDDDDDDDDDD

一直知道天后出名多野食，但都未有機會來過，今次約了朋友在天后吃dinner，見這間餐廳泰式fusion西餐好似幾特別，所以就決定來食個dinner。餐廳內樓底高，而且座位寛敞，環境十分舒適，加上晚市人流不多，詩歌可久座的聚會好地方。我們一行二人叫了一個小食拼盤，份量大得基本上吃完拼盤後已經飽了，款式之多亦滿足了想吃泰國菜的口癮，特別喜歡拼盤裏的炸蝦餅，果然是店中王牌，蝦餅非常彈口且蝦味香濃。這碟青咖喱軟殻蟹長通粉光聽名字已經覺得十分新穎，每條通粉都吸收了濃郁的青咖喱汁，可惜軟殼蟹的漿粉略嫌太厚，而份量亦大得我地沒法食曬。這碟薑汁炒芥蘭幾乎每枱都叫，整碟芥蘭用大量姜蓉炒成，而芥蘭亦炒得脆嫩。

Best food ever highly recommended. perfect for families that are looking for something different. easily the best asian food in hong kong. it is far better than anywhere else in hong kong. a Quiet happy chilled place in an awesome place they have there🤙  😃😄😀

之前食過Hungry Elephant早餐已經對呢度有好感，今日心血來潮入去試個午餐先。對於走low carb嘅我首選係沙侓。好喜歡set lunch可以加小食，満足一個人有多個選擇。豬頸肉沙律~淋上酸酸嘅dressing感覺好清新，豬頸肉texture啱啱好唔嚡。小食一：炸蝦餅～爽口而且裡面有啲蔥同芫茜一齊，雖則炸粉少少硬，但食落惹味。小食二：沙爹雞肉串燒～上碟係熱辣辣架，醃得入味配埋個醬幾滋味。呢餐連埋杯凍檸茶盛惠$122冇加一，值得再嚟。

放工約左朋友食飯，由於我地兩個都好餓，所以就食個early dinner啦😆上網見到呢間泰菜fusion西餐幾特別，所以就決定嚟呢間食啦。鋪頭個位置其實唔太方便，係位於天后同炮台山嘅中間，地鐵站一啲都唔近，所以最後我同朋友去喺係銅鑼灣行完街搭叮叮，搭幾個站就到，間鋪啱啱好係電車站隔離，所以都推薦大家搭叮叮過嚟會係最方便啊！間鋪出邊有個落地大玻璃，行到入去入邊好闊落，可以見到入邊枱與枱之間都隔得幾遠㗎，所以我同朋友都坐得好舒服。- 冬陰公蝦意大利粉 $105👍🏻👍🏻👍🏻👍🏻👍🏻唔好睇佢細細碟其實份量一啲都唔細，一黎到已經聞到好香嘅冬陰公味，小小辣🌶食落口真係超重冬陰公味，蝦佢又俾得好闊綽，有成五大隻！雖然係冰鮮蝦但係都做得好彈牙，都好唔錯！鍾意冬陰公嘅朋友一定要試呀！大大推！- 炭燒豬頸肉 $88 👍🏻👍🏻👍🏻👍🏻👍🏻呢個豬頸肉真係不得了！你可以喺圖入邊都見到佢肥瘦均勻，炭燒燒得啱啱好，唔會特別燶，而且每塊都切得好厚！總之就超級無敵好味！大大推！必食！- 泰式生蝦刺身 $88 👍🏻👍🏻👍🏻👍🏻生蝦刺身係我至愛，去到邊嘅泰菜都要叫🤤呢間嘅生蝦冇令我失望，如圖所見，生蝦隻隻都好新鮮！好大隻！

1. Chic cafe with nice space for you to chillax or work/co-work. I chose a window seat to enjoy the raining view and did a bit of people watching2. I wonder if this coffee machine works3. Plenty of coffee beans for you to choose from4. This Bailey’s Latte has a nice portion of Bailey’s and coffee5. I wish the cup is larger…

一向多在銅鑼灣吃午餐比較多。人多，嘈吵。大家都知道。所以今天星期一。放假。決定過黎呢邊睇下。響冇太大期望之下，見到hungry elephant。環境真係唔錯。空間感好大。星期一，12:55pm。都大致坐滿，但唔太嘈。因為大，樓底高。有唔同size嘅枱，有望窗bar枱。一個人，或者同幾個朋友黎都會適合。佢有一hidden嘅雜誌架。有cosmopolitan, Jet 等等。服務好好。每一個侍應都面露笑容。食物還可以。叫左carbonara penne，味道一般。咖啡好飲。整體來說，合格嘅一間舒服餐廳。 價錢合理。

第三次食hungry elephant，覺得dinner食好過lunch~~今次叫了盲曹，加錢點了份青木瓜沙律，估唔到會辣到差d放唔到入口(我食得辣的)...魚肉份量唔少但我可以食得好淡都覺得無咩味，然後有一下就好有鹽味可能廚師只係灑到嗰個位置… 配菜都係清淡調味但都幾油…可以的話都會比3.5分，不過下次我應該會試其他菜式~~因為上次dinner食過好多菜式都幾好食的…