Hungry Korean (D2 Place) (已結業)

I rarely come to this area but today I went hanging out with some of my friends around the area. we are quite interested in Korean food so we went to this fast food shop. Upon looking at the menu, we were quite happy with the price. most of the food were around $50 to $80. I chose kimchi pork and tofu with rice and it cost me $55.the portion of the set was quite large and I basically couldn't finish it all by myself but I have to say the quality of the food is quite good. when compared to the a

行d2 place行到攰攰地想食個early dinner見到水牌有hungry korean我都即刻hungry了我最中意食hungry korean既牛肉飯同紫菜卷牛肉飯都係一如以往咁juicy個汁真係好好好好味呀撈飯💯成日都好糾結紫菜卷食咩味好因為牛肉同芝士都中意呀搞到我成日都1516但因為食左牛肉飯咁就叫芝士味啦呢間分店應該係新開 好新淨寬敞我食當日有個女仔店員係負責樓面佢服務非常好 有禮貌同細心

我同男友都唔太食辣，男友更是對韓國野抗拒，因為佢唔中意泡菜味，一開始帶佢入泥hungry korean佢都唔太想，但都係俾我捉左佢入泥最後叫左個韓式牛肉粉絲拌飯，鐵板甜雞肉同炸餃子，我最中意韓式粉絲粗身又彈牙，炒得甜甜地，好好味！！甜雞肉味道都ok, 係d雞肉應該落左好多粉，食落滑到唔似食緊雞。。餃子裡都夾住粉絲，正！！荔枝角呢間好大間，唔算多人，坐得舒服。

約朋友聚一聚，我地想食韓國餐，發現荔枝角現在有Hungry Korean 這間，一於去試試。壽司卷選擇有很多，我地叫左牛肉壽司同芝士壽司食，味道不錯，幾好食。另外，我地叫了辣年糕公仔麵，賣相吸引，幾豐富，好味道。這間環境比其他分店很寛敞舒服，食晚飯可以坐得舒適，價錢便宜，物超所值，我地會再來。

又到月尾，收工攰攰地諗住好嘅一餐，唔好嘅又一餐，求其搵間快餐店。想起呢間新開韓式快餐，便來幫襯吓！呢度位置比較入，人流相對少，坐得舒服，食物選擇都頗多。今晚點咗鐵板辣豬肉、鐵板韓式牛肉配飯辣豬肉好辣帶點甜，非常惹味醒胃。韓式牛肉亦是偏甜，配上大量椰菜，餸飯一流。泡菜辣年糕公仔麵又係好鬼辣🥵辣到個胃㷫烚烚，但汽水都要拾幾蚊一杯，違反食快餐嘅原則（平）所以冇叫野飲😂餃子餡係肉和粉絲仲有一個韓式牛肉飯堡，芝士同牛肉好夾，味道唔錯，但盛惠$46頗貴！

呢區食呢種韓式快餐真係好少，因為今日15既關係，同事話黎食泡菜鍋，點知一問之下，原來泡菜鍋個湯底係有肉，諗住要轉其他餐廳既時候，疑似老闆好好咁話，叫同事叫石鍋飯，咁就可以走肉，所以大家就坐低食。我呢就叫左豆腐海鮮鍋，包飯，$49，野飲就另加$10。雖然全鍋得1隻蝦1隻青口，但豆腐好滑亦都好多，湯底仲有啲青瓜薄片，洋蔥，味道都唔算太辣，真係可以送到一碗飯同場仲見到好多人食辣炒豬/牛/雞， 會同鐵板上，除左飲仲有好多椰菜同汁，份量都好多，下次會試。講真同區食個餐，下下都4十幾蚊，所以有時掛住啲韓式野都可以黎呢到食下

餐廳裝修簡約，就像一間韓式快餐，下午茶時間去食，標明份量同正餐一樣，價錢超值，餐前小菜並不是韓國餐廳一般的任食，係需要俾錢，但點了一份，都OK，點咗石鍋拌飯，味道偏甜，但飯太軟了，食起嚟無嗮口感，朋友點了一個豆腐湯，連佢食得辣的都覺得好辣，可能辣粉放多了。

係D2 ONE做完運動 好肚餓 但一個人唔知食咩好又唔想咁頹食茶記 就上網睇到hungry korean開左分店係D2 TWO！好開心 即刻衝去食由於下午茶時間，餐廳一個人都無正值員工午膳落場時間佢地自成一角坐係一邊 我坐另一邊畫面好尷尬😅一入門口 就係收飲處order 但唔需要比錢住店員會指示你坐係咩位置 同尖沙嘴一樣無得揀位上網都無留意有下午茶餐，伶到張單先知下午茶豆腐湯只係$37，比正價$49平好多，好意外😯豆腐湯配飯 $37色澤橙紅，配料有豆腐、蝦、青口、脆肉瓜片、洋蔥略嫌味道調控唔夠，個湯無濃郁既感覺，好似落唔夠韓式辣醬攪拌起來太多乾辣椒碎，有小小影響口感豆腐份量好多，不過完全唔入味你當係清清地下午茶餐就會食得好滿足但如果夜晚食都係呢個質素就不了

價錢親民合理，職員親切有禮，上菜快，味道好，食物份量剛好，四個人每人叫一個餐，連飲料，加一個小食，合共264元，300元有找，地點也方便，近地鐵站，有機會會跟朋友一起再次光臨。

今日同兩位朋友一齊行D2 Place，到晚飯時間見到呢間韓式餐廳，見到餐牌食物幾吸引又有位就行左入去，座位幾舒適寬敞。本來以為要自助點餐，入到去原來侍應落單，之後有送餐既，服務態度良好。食物選擇都多，有一位朋友喜歡吃辣，揀左石頭鍋魷魚飯。唔食辣既我同另一位朋友就叫左石頭雞肉飯。另外，我地叫左個吞拿魚壽司一齊食。吞拿魚壽司好好食，食到吞拿魚，仲有紅蘿蔔同黃蘿蔔既味道。石頭雞肉飯既雞肉都幾滑，甜甜地，撈完雞蛋同其他配菜味道適中。至於個石頭魷魚鍋飯，朋友話魷魚好食，唔算好辣。總結黎講，係抵食既。

本來想用網上外賣平台  或  Food  Panda  外送！點知我用他們app搞了半小時也搞不到下單，打了幾次去Hungry Korean 問原因！態度也很好！但原來因為外送果度太多單人手不夠所以下不到單！我説我在長沙灣行去太遠了，一定要坐MTR!最後老闆親自送去荔枝角mtr比我！他説覺得我好想好想食🤣非常感謝他！食物同其他分店質素一樣！我今次點了我最愛的魷魚壽司，仔仔食雞肉壽司（因為要唔辣），仲有韓式粉絲都好吃！豆腐湯在其他分店食過也非常美味！😍價錢又經濟！其實我一篇食評也未寫過！第一次就寫比佢地啦！

發現荔枝角食好西嘅地方, 知道荔枝角開咗間hungry Korean 於是放工同老朋友聚舊. 發現呢間hungry korean同其他分店有d唔同. 地方超級闊落開楊, 環境舒適, 店員服務質素ok, 仲見到老闆親自落場招呼, 親力親為 嘢食又平, 約朋友聚腳食飯有多一個好地方. 當晚試咗好幾款食物, 特別推介有牛肉湯, 鐵板雞同炸雞, 嘢飲方面試咗人蔘茶, 玉竹茶 同凍梅茶, 都吾錯....what a cheerful night @ lai chi kok! 首先請炸雞，皮脆內嫰，加上有Honey Mustard 醬配搭, 今油膩感大減. 至於牛肉湯, 湯底亦有鮮味. 以呢個平民價有咁既水準巳經算係唔錯, Like! 另外仲有個鐵板雞, 雞肉亦一樣鮮嫰多汁. 略嫌個汁偏濃, 不過有大量野菜配搭, very good!

數次經過尖沙嘴看到這間韓式快餐都沒有試，怕是得個樣的假韓式。今天行D2Place看到店外的menu有點吸引而且不多人，於是一試。鐵板泡菜豬肉豆腐豬肉甜甜的好啱送飯，豆腐則普通，可能對滑滑的韓國豆腐太大期望魷魚韓式壽司向來抗拒不了任何壽司，韓式的紫菜卷也不放過，好味！加$15有三款前菜-泡菜，魚餅，薯仔泡菜少少辣幾好味，魚餅有點像豆乾，薯仔是甜甜的，可以追加就好了，如果沒有洋蔥更好😝想試柚子蜜以外的飲品，要了熱玉竹茶和凍綠茶鮮奶這餐$120左右，不用加一，吃得很滿足，會再來的。

I  don’t  understand  why  they  give me  98%  rice.  Beef and  vegetables  are  less  that  imaginable  amount.  Paying  for  $46.  Maybe  the  price  is  too  cheap?  I  won’t  come  here  again

Visiting place: revamped old factory district. Located on the third floor of D2 Place Two, the Lai Chi Kok Hungry Korean looked grand. Unlike the branch in Tsim Sha Tsui, this one was a lot more spacious. In terms of comfort, it does a pretty good job (although the seats could be softer). For starters, we had Dumplings ($34) and Honey Garlic Chicken Wings ($46). The dumplings were crispy and dry on the outside, and soft and moist on the inside. For more flavour, dip them in the lightly spicy soy