Hungry Korean (D2 Place) (已結業)

位於D2 Place既Hungry Korean喺商場三樓，平時聽到Hungry Korean都要等好耐位。因朋友喺荔枝角返工，一於放工去試下啦，果然真係好易搵位兩個人叫左個辣辣步隊煱，韓式辣年糕，紫菜春卷，煎薄餅，炸雞粒，仲有兩杯飲品，都係200蚊左右，份量都好多食唔晒。不過美中不足，個薄餅煎燶左少少。下次約腳諗唔到去邊，都會再嚟呢度食。

七姐節2019年8月7日 農曆七月初七 去食平民韓國餐🤤🤤沒有豪華裝修，但坐位得寬闊、舒適服務員會幫你點餐，但自助拎餐具或抖水食物價錢公道，估不到平民韓國餐也同樣出色👍👍👍#辣味雞肉炒韓式年糕 甜甜辣辣味道適中 淋上甜辣汁在白飯上，非常醒胃 #韓式炸雞 炸雞件香脆 咬一口肉汁已流出 yummy 🤤🤤🤤#辣味雞肉炒韓國年糕 甜甜辣辣味道剛剛好 配上白配 淋上辣汁好野味👍👍#韓式炸雞件 香脆 咬下去雞肉流汁👍👍👍#韓式炒牛肉 好香 牛肉和菜也很多，牛肉汁甜甜地 也很野味👍👍👍

每日Lunch 都要諗諗食咩好，每次諗起Hungry Korean 就係要排下隊，今日同事五人決定排隊都要食！辣魷魚鐵板燒盛惠$55！ 如果需要刺激下既，簡呢個鐵板燒實在係不二之選，亦好適合當時既心情！椰菜好新鮮，仲好辣添，果種辣既味道好似食緊泡菜咁。魷魚都係新鮮彈牙，但份量多啲啲就好了。 因為食辣野，當然要叫番杯凍飲，我點左梅汁（加$11）酸酸甜甜，非常開胃！只係冇影到相因為午市太多人既關係，我地點左菜之後正常都等左幾個字先有得食。

早餐都未食，直接跳去食lunch, 一於餓住去試下Hungry Korean D2 place e 間 Hungry Korean 位置闊落，設計簡潔，乾淨，很舒服辣雞肉鐵板燒外觀：雞肉滿滿係鐵板，配上蔥花醬汁，視覺感味道：醬汁甜甜辣辣，好惹味，雞肉大細適中，超入味，刺激食慾泡菜豬肉豆腐鐵板燒外觀：相反，e個不是太吸引，肉類好少，豆腐埋相唔太吸引，從外觀看是淡而無味的硬豆腐，另外，泡菜和豆腐放在鐵板不久後就被焦黑了，有些許影響進食質素味道：e個的醬汁偏酸，豬肉好散好少，相反泡菜洋蔥較多，但不太入味，豆腐與他本質一樣，淡而無味會再去食，但會偏向辣雞肉辣牛肉系列

兩個人得閒過黎D2 place ，原來都有好幾間餐廳。由於係附近睇戲，所以就選擇咗一間快餐店！諗起快餐店，通常都係果幾個大牌子。不過原來韓國既快餐店都幾掂。入到黎其實無乜服務，斟水自己黎，拎餐具都係自己黎。不過可能未係好多人（比較早），所以啲員工都肯招呼下。因為未算好肚餓，所以叫咗三樣野黎試下。第一樣黎既係韓式魷魚壽司。味道幾好，可能加咗韓式辣醬，俾人感覺同日式壽司好唔同。啲魷魚都幾彈牙。第二樣黎既就係牛肉石頭窩飯，成個飯都幾有水準，加上成枝韓式辣醬任你落，食得好滋味。最後黎既就係主菜 -- 韓式炸雞。入到快餐店點可以唔嗌炸雞呢。果然無令人失望。炸雞好香脆，又多肉汁。 唔會話乾哂過哂火。最重要係佢啲蜜糖芥末醬好好食。

位於D2的這間韓式菜館開左都有一段時間了，今日突然想辣下，就過去捧下場。店內裝修簡潔，座位擺得整齊分明。餐牌選擇也多，但沒有lunch set, 亦沒有小碟的前菜提供，要食便要自己叫，每碟$7也算合理。話左想辣當然要點我至愛的豆腐湯，鐵鍋上熱辣辣，裡頭材料尚算豐富，除了滑溜溜的豆腐外，有蝦有青口各一隻，並配有洋蔥及青瓜片，最後打上一隻蛋，算是不錯。大醬湯底並非太辣，但湯味還可以，足以填滿想食辣的心。配上的白飯黏黏的，口感不錯，至愛食日本，韓國及台灣的水晶米，煙煙韌韌，不會散。以$49來說，這絕對是物有所值。怪不得一到lunch time都幾多人，下次可以試試其他😊

Hungry korean係好多地方都有分店,今次就黎左荔枝角依間,環境都算分店之中幾大,幾好坐😝牛肉壽司雖然美中不足係包得有d鬆散,但牛肉同紫菜卷既味道好夾好好食!泡菜辣年糕公仔麵年糕好煙韌,而且配料都好多,辣度亦尚可接受,比想像中大碗,價錢黎講幾抵食!

今日去 D2 睇戲，散場就順便嚟商場搵地方食飯，見到 Hungry Korean，雖然它已經有唔少分店，見未食過，今日就食呢間啦。唔知係咪佢嘅位置問題，係商場埋便，只有幾枱客，叫左炸醬麵和鐵板牛小排。加多$16 就有份Ban Chan是泡菜、薯仔、薯餅。先上Ban Chan，正常前菜一份。炸醬麵賣相不錯， 醬汁稀傑正常，帶有洋蔥、爽口青瓜絲，食落不知如何形容，因為食唔出有什麼味道，又唔係喊又唔係淡，只可以講普通一碗撈麵。炸醬麵食完，牛小排都未到，等緊嗰陣佢都出咗幾份外賣單，一追再追單，真係好奇，只有三四枱客，出菜都咁慢，人多點算🤔牛小排終於到啦，有5件牛小排和幾條薯條配一碗白飯，味道偏淡，冇牛味，薄薄嘅牛小排都有点韌，要$90一份有點失望，不值推介。2人平均食$80，地方雖然寬敞，整潔，這價錢冇飲品，加上食物質數一般，還有很多選擇，下次會試別的。

想不到Hungry Korean在荔枝角區開設了分店！店舖設於D2 Place商場二期，也就是看電影的那幢，因此平日的時間也比較少人到那裡逛逛的。不過一到中午的用膳時間，這裡便座無虛席了。跟朋友二人點了魷魚紫菜飯卷、炒粉絲及加配前菜小食各一份。上菜速度挺快的，下單後約5分鐘便送上食物。前菜有3小碟：薯蓉、魚糕片及泡菜；薯蓉加了洋蔥及青瓜，味道酸酸的挺開胃；魚糕片則有點硬身（可能是剛開店，還未攤涼便上碟）；泡菜不是辣辣的那種，反而是偏咸，整體來說不過不失。魷魚韓式壽司飯卷幼身且紮實，內裡的配料豐富，當中的魷魚是加了辣醬醃製的那種，並帶點甜甜的味道，不知不覺就可以把整條飯卷給吃光光。韓式粉絲當中有牛肉片，牛肉片帶點甜甜的調味，粉絲炒得挺乾身，配料份量適中，不過整碟粉絲的份量偏少，男生單吃的話可能會不夠飽。不過在荔枝角區裡有韓國快餐的餐廳已很難得了，這裡的居民又多了一個選擇。

係D2 搵到依間韓國🇰🇷菜系荔枝角冇韓國菜，價錢合理，不過見到佢地做外賣都幾多下😊😍👍🏻食物種類都算幾多💕👍🏻座位寬闊，燈光明亮，不過好多時都要自助，例如飲水，要多隻碗等等韓國炒粉絲味道甜甜地，配料幾多下，分量唔算太多！炒年糕味道不錯👌水準還能接受鐵板炒牛肉呢個清清地，有好多菜，配上一起吃10分好吃😋10分推薦這一個，好好食，辣辣地，好開胃🙈🙆🏻‍♀️好有韓國嘅味道😍😍仲有豆腐，滑lulu🙈🙈

第一次黎食呢間韓國餐廳，中午都幾多打工仔，人好多，要等一等位，不過都唔算耐。野食係即叫即整，有定心理準備都要等，我叫左個辣雞飯，都炒得好香，味道唔錯，男同事話雞粒好少，但我覺得都岩岩好既。同事叫左個韓式牛肉飯，牛肉軟熟入味！

係附近上完堂，肚子餓即刻揾野食D2都係貴野多，但罕有地有間 hungry Korea, 食開都係抵食，就試下呢間質素如何!點了一個 韓式肥牛餐本人覺得比其他分店這個菜有點不一樣!之前食過牛肉餐覺得麻麻地，便試下肥牛。原來肥牛好食好多，有味又有肉感又有肉汁，質素很好!有埋個白飯，正常男仔食都夠晒飽白飯有啲偏軟，唔想食軟飯既男士就唔好叫白飯啦 🤣🤣🤣這裡環境比尖沙咀分店舒適，有梳化位，桌面椅子大張，大家經過不況一試 埋單都唔洗一百蚊!

本身唔係好鍾意韓國野，但有時都會想食下啲炒年糕，hungry korean最好就係又平又快味道又ok今次叫左韓式炒年糕韓式辣醬甜甜地令沒有辣味易入口啲，雖然唔算好大碟，但有埋蛋其實已經夠飽，年糕當然係最重要啦😍入面仲有魚糕，好鍾意食煙韌野韓式炒牛肉配飯最主要係佢個汁甜甜地好好送飯～加左啲椰菜都冇咁膩🤓哩間分店比其他分店舒服，因為人流的確較少，店員亦比較慇勤👍🏻

Hungry Korean 一直係我想頂下韓國菜癮個時會食嘅餐廳～每間分店嘅質素都不一樣，今次係荔枝角呢間就幾好食啦～石頭鍋飯 |石鍋上菜時夠熱～牛肉同其他配料嘅份量都好平均同充足，醬料都一樣，所以撈完食落都唔會好乾。最鍾意就係食飯焦嘅部份，非常脆口～辣炒年糕 |年糕偏淋咗小小，但係勝在夠辣，好有韓國嘅風味～炸粉絲紫菜卷 |每一次食韓國菜都會叫嘅小食，因為實在太好食，粉絲仲係軟淋淋，炸粉不太厚紫菜又香～所以咬落就係外脆內軟嘅感覺，必叫～辣炒豬肉 ＋ 飯 |豬肉都幾彈口又唔鞋，辣炒豬肉嘅醬汁對我而言算係小辣同埋偏甜，都幾開胃。成碟餸嘅份量送得曬成碗飯有餘～野菜雞肉 ＋ 飯 |睇個名以為無咩味，但其實一啲都唔淡，雞味好出，而且夠多菜，夠曬健康又啱唔食辣嘅朋友～

今日放工，約咗班同事去公司附近商場睇戲。距離睇戲時間唔多，只好選擇一啲食得比較快嘅餐廳。荔枝角區晚上食肆會比較冷清，即使晚餐時間七點到都冇乜人。我哋三個女仔叫咗一個韓式壽司，一個石鍋牛肉飯，泡菜煎餅同埋炸醬麵。韓式魷魚壽司（做得有D鬆散，，紫菜有少少林，味道一般）石鍋牛肉飯（份量偏細，牛肉好碎濕濕，無乜口感，無菠菜好似差咁D野咁）泡菜煎餅（泡菜多返D會比較有味同口感）炸醬麵 （麵質唔夠彈牙，普普通通）