Hunky Dory

营业中

休息中

星期日傍晚黎個快閃晚餐，渣咗車去科學園，園區好寧靜，但估唔到黎到依間餐廳咁旺～好彩唔使等位😁我地點左：原隻燒春雞隻雞雖然係春雞，但都算大隻，外面用左香草調味，所以帶點香草既味道，雞味濃郁，肉質嫩，皮又脆，燒後肉汁仍然保留，一點都唔乾，處理得好好🥰隻春雞入味可以唔點旁邊既醬汁都得，不過都試下佢啦😁係BBQ汁黎既～以為旁邊既係薯仔，好驚喜原來係調整過既啤啤，一啲都唔「林」暖暖的但爽口，好用左個特製蜜糖甜醬烹調，好好好好味👍🏻松葉蟹膏蕃紅意大利燴飯外貌精緻，香濃既松葉蟹膏加份綿綿既燴飯中，仍然嘗到其獨特既味道😋而且燴飯用左松葉蟹膏燴粒粒分明又入味，保持濕度，口感非常好。旁邊的脆貌好重芝士咸香又似飯焦，正呀喂！上面燒香左既大啡菇好香菇味，爽口炸魷魚圈即叫即炸熱辣辣，外面脆皮卜卜脆，內面魷魚彈牙煙靭，加上佢既他他醬，好味又就唔怕外面既炸皮熱氣又肥啦😁依度個景好靚，有個室外位對住草地，小朋友可以係旁邊玩，大人坐係旁邊食～

等咗好耐終於等到秋天接近冬天既時候來臨，呢啲天氣真係好適合郊遊嘅日子~今日我就相約好友一齊去科學園嗰邊踩單車順便食個lunch~我記得對上一次踩單車都係好耐之前，嗰次天氣又熱又多人，一啲感覺都唔好。講返間餐廳先，佢喺二樓，而且得佢一間，食嘢嘅環境非常好，望出去一片綠油油嘅草地，非常心曠神怡，自助掃二維碼嘅點餐系統亦都好貼身同方便，侍應有更多嘅時間做其他嘢佢覆我哋。嘢食方面都唔錯，份量都夠食既，驚喜嘅地方係啲嘢飲都好吸引，分別試左Berry Paradise同Pine Colada。推介Pine Colada，鳳梨同椰汁好夾，好Fresh。期待下次~

呢排天氣突然間轉涼，雖然有啲不知所措，但係安靜咗落嚟我覺得好舒服，所以就趁呢啲天氣去探一啱啱好耐冇見嘅朋友約出嚟聚下。因為朋友住喺科學園附近，所以我地就去咗科學園呢邊食嘢，唔洗點考慮，科學園首選一定係呢間西餐廳，因為佢環境好舒適，又可以坐，好岩大家班朋友傾下計食下野。餐廳嘅裝修環境嘅都好時尚，採光非常之好，日間基本上都唔使點開燈，我覺得佢整既野食嘅都好有水準，完全食得出係即叫即煮，附近有冇其他餐廳，所以都唔算好嘈，好多人，想假日舒服食下飯黎呢度真係一個唔錯嘅選擇~

天氣開始變得清涼，所以週末想走路到白石角走走發現科學園都有挺多餐廳所以選了一間半開放式的西餐廳可以選擇坐在室外，對著一大片草地進餐餐廳是用QR code下單的◭Beef Wellington $188 🅙🅙🅙🅙/5威靈頓即叫即製，上檯時剛出爐，熱騰騰的外層酥皮鬆鬆脆脆，牛柳大概五成熟配以蘑菇及煙肉，有層次，口感豐富保留到牛柳肉汁，配菜有焗薯及雜菜◭Double Fried Crispy Chicken Wing $68 🅙🅙🅙🅙🅙/5雞翼有六大隻，性價比高有驚喜，並不是一般普通的炸雞翼外表炸至香脆，但不是炸至很燶和乾肉汁亦能保留到，很欣賞◭Can't stop Truffle Fries $68 🅙🅙🅙🅙🅙/5薯條炸得香香脆脆的，份量足永遠對黑松露沙律醬都抗拒不了，吃不停口◭Iced Latte $48 🅙🅙🅙🅙/5◭Watermelon Juice $32 🅙🅙🅙🅙/5⚎⚎⚎Recommendation 🅙🅙🅙🅙/5⚍⚍⚍

🚲趁住天氣轉涼 週末去左踩個單車 感受一下短暫嘅秋天氣息⛱去到科學園 揀左呢間係科學園嘅餐廳試下 平時都好少有機會黎呢邊🍃餐廳有室內座位同少量半露天座位 外而有一個大草地 環境好舒服🐟炸魚薯條 $118炸魚超級大條 大過成隻手掌 炸魚用左啤酒炸漿 食到有啤酒味 外皮炸得非常香脆薯條係粗薯條 同burger配嘅薯條唔同 呢款薯條比較粗同唔算脆🍝三文魚香草醬寬條麵 $148三文魚肉質好鮮嫩 唔似係雪藏魚 調味亦出色 香草醬好濃 寬條麵好掛汁 不過香草醬通常食到底會冇少少油🍎自家製蘋果批 $58見到都多人推介呢個 一試就覺得好滿意 賣相唔錯 雲呢拿雪糕係食到有雲呢拿籽 上面嘅焦糖醬冇搶過雲呢拿味蘋果批超多蘋果肉 帶有淡淡肉桂味 感覺健康又清新 外皮係香脆嘅曲奇皮 一個好食嘅甜品真係令成餐飯昇華🫐Berry Paradise $52沙冰非常足料 飲得出係用左好多紅桑子同藍莓打成 飲到唔少細細粒核😂🥭Mango juice $32唔會覺得酸 踩完單車飲好解喝🍴整體食物質素不錯 加埋環境真係好正 放假同屋企人揸車去 或者去開白石角科學園踩單車都可以揀呢間享受一個chill嘅下午

《悠閑輕旅行☀️》———————————————-weekend天氣超好，就嚟咗個輕旅行去沙田踩單車🚴‍♀️ 沿路踩到科學園，有啲肚餓就上咗去呢間超Chill 嘅餐廳，非常適合一家大細又或者情侶嚟拍拖，十分relax～ 望向中大後山景，我哋仲專登坐係草地旁嘅outdoor座位，感受舒服嘅自然涼風🌬 -🐮 Beef Wellington金黃色酥皮烤得金黃酥脆，外層乾爽，無濕濕腍腍😋內裏包住鮮嫩粉紅嘅牛扒，可遇不可求😏 牛香濃盛，一切開就溢出肉汁，都幾juicy😎-🍝 Cream of Mushroom & Truffle Angel Hair蘑菇忌廉汁味道香濃，濃稠度適中，天使麵麵質軟硬分明，黑松露味相當突出👍🏻-🦑 Deep Fried Calamari即叫即炸，熱辣辣🔥外層炸得相當酥脆，魷魚肉彈牙～-🍫 S‘ mores Dip呢一款甜品完全係邪惡之選，將燒到微微熔化嘅棉花糖，放喺厚厚嘅朱古力醬上面，用餅乾輕輕沾起就做到拉絲效果，口感超豐富😋-兩杯野飲Pina Colada🍹同Mango Yakult Soda 🥭 嘅水準都好出色，賣相更加係一流，非常吸睛🥰-⭐ 參考價錢︰Beef We

帶著小朋友，呢間餐廳真係一個好好嘅選擇，皆因半開放式嘅餐廳，外面一片大草地，小朋友可以盡情放電，爸媽們可以坐著享受美食，慢活一下...食物方面都好有質數，雖然全場爆滿，上菜依然好有效率。以價錢．食物．環境來講，性格比好高👍🏻特濃咖啡芝士蛋糕 Coffee Cheese CakeMango DreamWatermelon Juice & Kiwi Juice英國皇家牛肉漢堡愛爾蘭健力士牛肉批蕃茄蓉肉丸寬條麵芝士焗粟米片雙重炸脆雞中翼

趁着假日，朋友介紹嚟科學園呢間餐廳，環境好舒適。有室內同Outdoor座位。果然無介紹錯。手機自助落單好方便，Menu款式都好多選擇。價錢好大眾化，真係唔錯。「英國皇家牛肉漢堡」食Burger我一定首選牛肉，厚厚嘅漢堡，真係要分開兩層來吃，裡面肉汁好Juicy, 外層包嘅口感超正，非一般嘅漢堡。「愛爾蘭健力士牛肉批」即叫即焗面層係鬆脆嘅酥皮，裡面牛肉有點似中式牛腩，呢個配搭好創新，唔錯「蕃茄蓉肉丸寬條麵」喜歡呢種肉丸嘅口感，蕃茄醬汁濃郁醒胃「芝士焗粟米片」粟米片上溶入芝士拉絲，勁脆口，食唔停「雙重炸脆雞中翼」熱辣辣，雞翼好大隻，炸完依然保留肉汁。「特濃咖啡芝士蛋糕 Coffee Cheese Cake」「Mango Dream」「Kiwi Juice」「Watermelon Juice」

喺科學園呢個美食沙漠，呢間都算係沙漠入面嘅一個小綠洲。我地幾個科學園打工仔間唔中都會黎食下lunch, chill下。平時因為呢到都好多公司，所以一到食飯時間就超多人，通常要12點左右到餐廳就可以直接入座，過咗12:15就要開始排隊等位😌呢到每個星期都會換午餐餐單，所以唔怕悶，每次黎食都有新野揀👍🏻平時黎食個人覺得性價比最高嘅就係佢嘅burger餐（每個星期都會有），份量超大，漢堡肉亦做得好好食👍🏻今次食呢個海鮮意粉都不錯👍🏻蝦仁好大粒，都有6-7粒度左右，意粉醬都調得啱啱好，整體來講質素都不錯👍🏻整體來講，呢間餐廳喺科學園咁多間餐廳入面來講算係top3, 環境舒適，食物水準不錯，價錢亦都唔會離地👍🏻長期都會繼續幫襯👍🏻

Hunky Dory位於科學園內，一間隱世的高質西餐。呢度環境真係好似世外桃源感，可以望到中大校園園區的building，一片綠草如茵草地係餐廳外面，有少少涼意的天氣加上半開放式的空間，媽啊，好chill！炸魚薯條($118）係感chill的環境當然要配埋fish $ chips 啦，原本唸住係啲咁嘅地方，都係細細份，點知黎到真係驚為天人，份量超大份，係我塊面嘅兩倍大，入面魚肉仲好多汁好juicy，炸衣可以再薄啲就perfect池啦美味拼盤($158）一開始覺得呢啲小食拼盤都係食少少，可能一兩個人份量，但點知呢個拼盤份量又係超大，3-4個人食完全冇問題，有肉丸，炸豆腐，炸魷魚同雞翼，全部都好好食😋Hazelnut Latte（$52）不過不失的hazelnut lattePeach Tea ($42）桃味超香，唔會搶晒啲茶味，呢杯peach tea好推薦，下次會再叫

午餐打算揾間西餐，見openrice有咁多好評咪試下。環境係吾錯，不過坐出面風景好d嘅地方要打左針先。落單都係用QR code，叫左個set lunch - 炭燒肉眼牛排，要五成熟，包一碗紅湯同一杯餐飲，埋單HK$152。落左單冇耐，就先上湯同餐飲，紅湯飲落偏淡，不過都味道仲算合格，餐飲要左杯organic breakfast tea，茶味正常，合乎預期。再等多一陣，牛排終於嚟到，塊排嚟到睇落吾錯，亦聞到陣陣牛排香味，可惜切落去就發現係三成熟，諗住吾信邪照試下食，點知真係生到咬吾開，真心令人失望。配錯係蕃薯，紅蘿蔔同菜，同一般西餐廳嘅薯菜吾同，不過冇特別烹調/調味過，以過百蚊嘅價位嚟講略為不足。蕃薯有甜味，品質吾錯，紅蘿蔔因為冇調味，所以食得出佢本身嘅草青味，菜就因為已經冇心機再試所以比吾到評價。整體嚟講，主菜嘅失敗將餐廳其他地方嘅亮點全部掩蓋，你問我會吾會再去食，我會答：可能，不過牛排就可免則免了。（p.s. 冇影到牛排切面係我失誤，因為習慣食緊果時就吾再影相）

餐廳位於科學園大樓之中，半開放式既設計，坐低就可以望落外面一片綠油油既草地🌿假日入黎感覺都幾chill，天氣好既話景色會更加令，打卡之選🥰踩單車經過呢度入黎食下野休息下都吾錯👍韓式烤牛肉泡菜Eggs Benedict 未試過韓式既Eggs Benedict，個配搭都幾新鮮🤣 泡菜既酸味減少左整道菜膩既感覺，搭配埋沙律菜，十分開胃😋松葉蟹膏番紅花意大利燴飯一上枱就聞到好香，充滿濃濃既蟹膏味，濃稠既醬汁包裹住軟硬適中既飯粒，食完非常滿足，推介🤤炸魚薯條超大舊既炸魚🤣炸衣酥脆， 魚肉嫩滑，調味恰到好處，配搭既薯條係薯味十足既粗薯條，可以蘸上茄汁&黑松露醬，吾錯👍Hazelnut Latte 榛子嘅微甜減少咖啡既苦澀，又唔會蓋過佢嘅果香味，入口幾smooth

🐝Hunky Dory (沙田)🐝…今日同男朋友去左科學園行，之後就喺到揀左間餐廳食，個人覺得性價比都幾高！👍👍👍…✨威靈頓牛柳 $188個威靈頓牛柳都幾唔錯🤩，啲牛柳大概係5成熟左右，一啲都唔韌，幾易切，又幾有咬口。而個酥皮都幾脆，食得出有幾層。份量好足，側邊仲有醬汁同埋薯仔，食得好飽。😋😋…✨松葉蟹膏蕃紅花意大利燴飯 $138個人覺得個蟹膏味都幾重🤩🤩，而個意大利燴飯都好有好口感。個意大利飯入面仲好多菇，仲有個大大粒嘅大啡菇，鍾意食菇類嘅人一定要嗌啦！😍😍…✨Caramel Latte $42個人覺得呢個caramel latte嘅甜味好夠，蓋過曬咖啡嘅苦味，拉花都幾靚！👍👍…整體評分食物：🤍🤍🤍🤍服務：🤍🤍🤍🤍環境：🤍🤍🤍🤍🤍價錢：🤍🤍🤍🤍🤍…📍沙田白石角香港科學園科技大道西19號19W大樓2樓245室

今日係科學園做完野同媽咪黎左呢間bookmark左好耐既餐廳，環境好輕鬆之如野食都幾高質而且唔貴！‍三文魚柳香草醬寬條麵($148)佢Menu相好細，但係上碟好大！而且佢一啲都唔孤寒，三文魚勁大塊，反而麵都冇三文魚咁多🤣但絕對夠食！三文魚煎得好香，而且寬條麵淋身同埋好掛香草醬嘅汁，美中不足係有啲油！威爾士式豬肉丸($88） 佢個肉丸都幾彈牙有肉味，有肉既質感唔膠唔似平時個急凍丸，而且有啲黑椒好開胃！愛爾蘭健力士牛肉批（$138）佢個Portion好大😂裏面D肉好諗同埋煮得好香，有蔬菜平衡返。佢酥皮係香既，但因為佢好大塊酥皮所以整得比較厚，如果薄少少要印度薄餅感覺就更加Perfect！🌟整體評分：4.213/5

週末既科學園，只係會諗倒成日有跑步比賽的地方。無意中俾我哋發現有間咁chill，可以對住個草地食飯既餐廳。原來依度落單，都係用QR code落。發現原來依家好多餐廳都轉左用依個方法落單。我同男朋友仔好快咁揀左以下兩款主食:☑️#威靈頓牛柳　$188這款本身係英國菜色，首先煎香牛柳，加些蘑菇醬，再用酥皮包裹焗香。依度做得都幾出色，整到到5成熟剛剛好，食落好Juicy😍👍🏻☑️美味併盤 $158有4款食物：炸豆腐、魷魚、炸雞翼、意式肉丸。配合埋三款醬汁點黎食。每樣都炸得剛好。最適合一啲樣樣都想試下，花心既朋友。🤣☑️另外，我地叫左飲品 #BerryParadise $52 酸酸甜甜好醒神😍☑️#PinaColada $58 有著淡淡香香的菠蘿味及耶香味😍總結：環境好正，可以坐喺度，望住咁靚既環境，食少少嘢，飲下嘢~同朋友吹下水，又可以渡過一個下晏💖💝♥️