I Cafe (已結業)

蝴蝶街市新裝修後未行過,多左好多食物館,但開西式cafe就好特別,門口已嗅到咖啡好香,下午茶時間就試試麵包啦碎蛋沙律牛角包-碎蛋沙律好新鮮,蛋冇腥味蛋黃整得夠溶醬夠滑,夾埋生菜口感好好冇咁膩,牛角包好脆又鬆軟,大大個好足料一啖咬落去餡吱晒出來美式咖啡-雖然冇加錢飲特別款式,但原味都好飲,小店用鮮奶唔好淡奶,令咖啡更香滑,冇苦澀冇酸味,唔錯係我喜歡嘅味道舖仔細細但選擇都多,係街市開但製作認真可以支持

星期六下午去蝴蝶邨探朋友，咁探完就有少少肚饑啦，本身唸住去街市食碗車仔麵，但係落到去就見到有間西式d嘅餐廳裝修幾得意，成架車咁，於是就過去望下啦。佢餐牌都好多款式，有漢堡，有熱狗，有pizza,甚至有飯，但係由於我唔係好肚餓，最後我都係選擇左個芝士吞拿魚厚多士，價值$28,另外我就再加左杯菠蘿梳打。等左十分鐘左右就起到菜啦。吞拿魚多士望落去就好多芝士，都焗得好靚，係我自己用把刀開到佢樣樣衰衰，第一啖食落去好香吞拿魚味，食得出佢地加左d洋蔥同埋沙律醬，d味非常夾，好好味。跟住到菠蘿梳打啦，甜左少少，但係都好解渴。總結黎講，e間野係e區都幾特別，又好味，款式又多，再有機會黎我會再試下其他野。

今日個女病左冇返學，去蝴蝶邨睇醫生，順便去醫肚，無意中發現呢間I cafe，舖頭門口裝修比較特別，就走入去睇下有咩好食，一眼睇倒「黯然銷魂漢堡」，唔駛諗喇，就睇下點黯然銷魂法。入到去裝修都幾得意，雖然地方唔算太大，但見佢客人都好多。我地叫左「黯然銷魂漢堡」、「番茄汁雞扒意大利式三文治」、「蝶豆花特飲-綠蝴蝶」。首先講下呢個「黯然銷魂漢堡」，最外面係黑 芝麻包皮，平時屯門比較小有得食，內裡夾住塊煎蛋同厚厚又炸過嘅免治牛肉，冇得彈，配合獨特醬汁，感覺很滋味。而囡囡食果個係「番茄汁雞扒意大利三文治」，平身鍾意食番茄汁嘅佢，咬一啖已經話好好味，配埋小小生菜絲，煎到好香口嘅雞扒，呢個係絕配。估唔倒位於街市都有d禁好食嘅Cafe小店，用心製作「綠蝴蝶」雖然係青萍果汁，但都唔會覺得太甜，囡囡飲得好開心。下次黎要試下咖啡，見佢咖啡都有好多選擇

太安樓一向出名多嘢食～今次食呢間有焦糖燉蛋嘅pancake 😆見到個樣都流晒口水啦～佢係每日發售除咗焦糖燉蛋之後仲有個綠茶奶凍😍想食嘅唔好咁晏去啦我嗰日大概四五點去都仲有得賣👍🏿👉🏿✨焦糖燉蛋雪糕班cake Hkd 32 💸我覺得個價錢都算合理呀，唔算貴！佢雪糕有幾款俾你揀嘅我自己就要左激酸檸檬🤣等左都唔算話好耐，佢個焦糖上面燒到脆卜卜一啖咬落去真係好好食!配埋入面個激孫檸檬雪糕～一甜一酸中和晒✔️其實佢個雪糕都唔係話特別酸食落去係啱啱好嘅～而且個pancake皮唔會話好厚，好重蛋香味🔥值得一試呀～

位於屯門蝴蝶邨街市的I cafe 舖面小小,人流卻好多,半開放式厨房,在遠處就望見廚師埋頭苦幹…………店內環境不華麗,但有小小型格,平凡之中帶着不經意,我喜歡,餐牌的食物種類不算多,但好有特式,我就被一個名叫黯然銷魂包,聽落好型,買相也好吸引,食落好熱,一咬裡面的芝土爆開,肉汁豐富,無得輸,正再配個青檸梳打,满足…餐牌種類雖不算多,但可能除時帶比你驚喜,就好似我今次—樣…下次去屯門必定再光顧實在太回味

是日去完搵朋友一齊去左佢屋企樓下既蝴蝶村街市搵食。朋友話呢間係佢成日食既飯堂,主打新穎既菜式。我就叫左招牌既黯然銷魂堡($49),同食神入面既黯然銷魂飯有過之而無不及。餐廳用左黑炭面包,外表上已經嬴左，加上漢堡扒份量好足，男仔應該都食得飽。用刀切開,半熟既蛋加上juicy既漢堡扒，真係好好味!係屋村食到咁特別既漢堡真係好驚喜,呢種用心既小店要好好支持一下!

之前食過熱狗覺得幾好，叫左杯咖啡唔算非常好味，不過都覺得可以接受，跟餐都幾抵飲！不過今日諗住再試多次咖啡，坐低慢慢飲.....點知真係好唔掂，Cappuccino既溫度極高，飲入口即刻燙親....好似唔太正常！然後飲落去就好似即沖三個一咖啡咁....舖頭有咁多手沖咖啡既器具係到真係誤導到人，以為佢既咖啡會ok....發現佢既環境都有d唔同左，做熱狗同咖啡之餘仲有茶餐廳快餐，真係生意難做。一間cafe, 但並無少少咖啡既氣味....$24 杯咖啡，質素好似三個一即沖，真係好唔抵！屯門碼頭幾時先會有一間普通既coffee shop，可以買返杯正正常常既咖啡呢？

是日去小欖bbq之前入左蝴蝶邨一趟順便探親戚，經表哥介紹下午茶就去左街市揾食。今日到訪既就係I ❤CAFE 入面座位不多，應該大多數人都外賣居多。再睇睇餐牌，吸引到我的是黯然銷魂漢堡，真好奇有多銷魂。男友較肚餓則點左焗豬扒飯。飲品方面就點左紅蝴蝶同黑加侖子梳打，飲品方面其實好多選擇。相信I cafe既咖啡應該都相當唔錯好快黯然銷魂漢堡就嚟我面前。老闆用左竹炭麵包成件事的確好潮好型，而且份量幾大！個漢堡太足料要用刀叉切開食，漢堡好厚好juicy，加上太陽蛋成件事好港式但又好配合！雖然份量大但其實好惹味，女仔食做午餐剛剛好！男友既焗豬扒飯都好唔錯，豬扒勁厚身又大塊，加上酸酸甜甜蕃茄醬，好味又飽肚！飲品賣相港分，顏色靚到星空咁而且甜味唔太重，比較似甜甜地既梳打水，想keep fit既女仔都唔怕飲多杯！

今日返入屯門碼頭見到街市好吾同，竟然有間咖啡店當然入去試下先，入面位置不多，幸好一個人不用等位就可以食。野食方面都多選擇，飲品都係，最後決定食漢堡加咖啡，味道不錯，下次可戲試其他。自家手打牛肉蘑菇芝牛堡$39……牛肉味濃郁又軟熟，份量大而芝士多，竟然仲要用熱呼呼的香草包整好味同超飽肚。玫瑰鮮奶咖啡 $24 可以減$5……粉紅杯加上玫瑰花乾已十分吸引，玫瑰味濃但保持到咖啡香的確吾錯，仲要這價錢十分抵飲。

諗住街市應該只係買菜買肉既地方，點知而家街市都有番條食街，想食咩好野唔駛周圍走，落一落樓下街市就有。 去到野叫I cafe 既見到有個burger 叫 "黯然銷魂堡" ，真係聽到個名既都想即刻睇下佢有幾銷魂。 咬左個包一啖，麵包軟熟，黑椒汁同煎蛋牛堡融為一體。雖然材料唔算非常豐富，各種材料份量卻配搭得啱啱好。牛堡既肉汁亦唔少，成個包只會係多汁到濕哂，好難有乾既機會。 黯然銷魂堡 食完咁銷魂既漢堡之後就梗係要飲番杯野先喇。呢杯睇得又飲得既叫白蝴蝶。係雲呢拿奶黎，味道清淡得黎帶有一陣淡淡既奶味。食完濃味野之後飲番杯就啱哂。 食物餐牌 飲品餐牌門面

今日放假瞓晏咗！就打算去住在屯門蝴蝶邨探親戚，因未食早餐，所以去到蝴蝶邨停車場泊好車後，就搵地方去醫肚!落到已翻新蝴蝶邨街市，又光猛又整潔，還有多種類型嘅食肆，不過最特別嘅就見到街市有一間Cafe，所以今天就選擇佢地方光猛整潔餐牌亦有好多選擇全日早餐、熱狗、漢堡、焗飯同意粉，價錢方面亦非常經濟🤣！飲品方面，除有多款咖啡外，還有沙冰丶梳打丶豆花特飲、可可、朱古力等！黯然銷魂漢堡，麵包夾著一片手打牛肉，非常鬆軟牛肉味濃👍🏻😋😋全日早餐，芝士薯角非常脆口，黑松露炒蛋味道非常濃郁😋女神咖啡，咖啡味濃郁👍🏻泡沫咖啡其實用咁嘅價錢，就可食到高質嘅食物大讚👍🏻👍🏻

係FB睇介紹知道屯門蝴蝶村有間抵食好味餐廳，特登同老公來探店，位置的確唔多好坐，但勝在食物ok性價比高，早餐套餐都係30蚊，可以任揀野飲，0800-11:15供應，剛好趕得及哈哈～食完兩個三文治唔夠再來個心形帕尼尼下次再來試試個黯然銷魂漢堡先

自從蝴蝶村翻新之後， 多左好多熟食店， 有集團式， 有出名的...從來村內只有茶記， 無一間係cafe, 真佩服有呢個膽量開舖每日去食早餐， 見到都好多係熟客， 店主有禮熱情嘅招待， 感覺和藹可親...希望小店一路經營落去， 香港需要呢啲服務態度..

屯門蝴蝶邨不近市中心，但這裡有個新式的蝴蝶街市，店舖井井有條，也不乏尋寶的地方呢，很多雜貨店賣入口食品，價錢也很便宜有趣的是，街市裡有間平民Cafe！很抵食呀！還送美式即磨咖啡！在這裡吃一餐比外面的連鎖餐廳抵得多。晚午市優惠套餐更是超抵！廿幾三十元一餐，連飲品，超抵！作為Cafe，飲品選擇也很多呢！見有黑松露炒蛋，就點了這個All day breakfast不失所望，這個炒蛋黑松露味道很濃郁，食材也挺豐富，有豬肉腸、芝士薯角等，性價比高！抵食！點飲品的小角落我喜歡甜甜的咖啡而這杯焦糖味道很足夠甜入心清涼的薄荷為夏日帶來涼意性價比高的屋邨Cafe

同事剛剛生完BB不久, 在家休息, 我和朋友入屯門探望這位同事和BB, 經過蝴蝶街市打算買些生果, 見到這個大型街市又大又光猛, 而且裡面都有不同類型的食肆.見到I Cafe 這間舖, 雖然舗頭细细, 都好似幾多選擇, 早餐, 午餐, 意大利式三文治, 牛角包, 漢堡, 熱狗和全日早餐等。雖然坐位只有數個, 但因绝大部份人會外賣取走, 所以我們便可以坐下慢慢嘆。黯然銷魂漢堡 $46從餐牌上見到呢個名, 隨即在腦海裡出現"黯然銷魂掌, 是楊過自創武功。甘唔知黯然銷魂漢堡係咪此店的獨創漢堡呢？見餐牌上有皇冠, 即店長推介。故我們便試試有幾黯然銷魂😀。店員奉上黯然銷魂漢堡時有驚喜, 驚係點解個包會係黑色既, 可能這就是黯然feel。 喜就係好大份好特別嘅一份漢堡, 唔通這個就是銷魂感覺?😂黯然銷魂漢堡除了黑色的麵包皮, 內裡夾著一隻太陽蛋, 生菜絲, 醬汁，仲有一片又厚又大塊的手打牛肉漢堡, 真的很大塊，漢堡外露於麵包外。原來黑色的麵包皮係用上竹炭漢堡包, 所以係黒色的, 麵包皮又甜又香脆的, 而上面灑滿芝麻, 故好香芝麻味。至於那一塊又大又厚的手打漢堡，好鬆化, 鬆軟, 好香牛肉味, 醃製