影片
以上资料只供参考，请与餐厅确认详情
招牌菜
食记 (16)
早排睇openrice見到呢間野好似好靚,睇相都以為食物ok點知今日去左食完就知出事啦事關今日約左朋友食飯大家都係中環番工我就早一日打去book位我12點8去到都唔係好多人,環境都唔坐幾好坐等埋朋友黎到就點野食,set lunch佢有5,6款揀頭盤有一個細細地既包同埋醬我就叫左個磨茹雞粒忌lim湯個湯都幾好飲,不過就咸左d我叫左個美國肥牛burger + 薯條我朋友叫左個牛仔骨配意粉黎到既時候,佢既外貌都吸引到我因為幾靚同埋真係好大個不過靚既野多數都係呃人我食落去d肥牛超硬,完全係咬緊象根禁反而個薯條仲好食 ...我食左一半都係放棄而我朋友個牛仔骨又係硬到切唔到我地食左一半就叫人收野嗌餐飲我地同個經理反映番,佢都好好禮貌因為時間關係我走先,我朋友就食埋甜品先走佢地個甜品係chocolate cake即叫即焗既....我相信呢個應該可以試下侍應服務態度都好好一入到去就會問你想要凍水定熱水,幫你set好哂野不過main course就真係扣哂分如果想試既話都唔好禁高期望入去食
继续阅读
今日同d朋友去食lunch, 一去到見到個area 都幾好我地一早book左table,所以有round table 坐, 幾得意既睇睇menu, 見到d set lunch 差不多次次一樣不過亦都知係咁,一早問定去過既朋友有咩野介紹我地4個人, 個個頭盤都叫左個菠菜湯個portion好在唔係好大,唔想太飽嘛味道麻麻啦,不過唔熱所以扣分!之後我地4個叫左1) Pasta - 完全冇味!!! 2) Steak - 唔錯既,個portion都夠食3) 魚 - 太細喇,得一塊仔...個味都唔錯4) Burger - 得個'''大''字,唔好以為係steak burger / mince beef burger,因為係好失望!而且個pouch egg係cold既,有d怪!! overall 麻麻地啦,不過應該唔會再去...
继续阅读
一行七人的lunch,大枱似乎一定係坐圓梳化,幸好都唔算太逼。侍應細心招呼,問道幾位要熱水,幾位要凍水。時不時睇睇人客需要/take order/收碟等。order了2 course x 6, 3 course x 1。餐前麵包非常好食!有層好似脆皮腸既衣,焗過後,麵包軟糯,"查"埋雞芯豆蒜蓉醬,good good good!前菜:菇菌忌廉湯(同事說好味,有菇味仲好重糊椒味,那枝脆條也不求其,好香蒜味)。香桃菜沙律,睇黎無乜特別。煎龍利柳帶子：煎得頗香脆,如果可以再煎脆D更好,帶子太薄和過火!墊底的薯蓉都非常好食!三片細細魚柳,食完o岩o岩好。同事的牛肉片漢堡,賣相極吸引,(因為有水煮蛋吧),牛肉片是打邊爐的肥牛,可能又蛋又肥牛,又沙律醬,仲有熱辣辣的薯條(正!),所以實在重量,底片麵包都食唔落喇。雞胸,我試了少少,雖然釀左紅蘿蔔,西芹,靚靚地,但雞胸始終係鞋口而無味既野,同事都食唔晒,唯有吃薯蓉慰藉。餐飲：熱朱古力,好好味~裝唔滿,太細杯,大啖D,一啖都無了。甜品：朱古力mousse薄脆,雖然食完像一陣風,不過確實整得唔錯!mousse不是dark choc,但朱古力味都好濃,夾埋脆餅食,是個幾特別既甜品。
继续阅读
同事生日，想食西餐，係Open Rice 見到Comment 幾好，於是就book檯試一試！一入到黎就覺得幾decent，有d西方流行曲氣氛relaxed。$88 - 2 courses $108 - 3 courses 配 coffee or tea 我叫左南瓜湯同Mussels Risotto，個湯幾好，好多南瓜，唔多cream，唔會覺得好膩。但個Risotto就非常麻麻！個飯好硬，一點兒都唔覺得自已食緊Risotto... 同事叫左蟹肉沙律同Sirloin Steak，沙律賣相不俗，而Sirloin 呢，我試左一舊，好香牛味同juicy，真係好有水準。甜品係mango沙冰，因為太飽，所以冇叫到。黎呢度一定要book位，如果唔book就好有可能坐門口，冇哂feel。
继续阅读
今天第二次來lunch，覺得佢環境幾靜，可以同朋友talk吓。今日午餐要了蝦柚子沙律、扒石班，朋友order 了煙肉豬柳。沙律上有蝦刺生、柚子肉，不過味道淡了點，個扒石班就好好味，連皮grill，皮脆脆地肉好嫩，加上檸檬忌廉汁就好正，底層是薯蓉、紫椰菜，都ok，朋友個豬柳都好好賣相，下次試吓。甜品是朱古力something，不過好飽所以冇order。
继续阅读