I-Thai

营业中

休息中

夜晚十二點，買外賣打錯去大佬店，冬陰公無乜香料味，蠔仔炒蛋有兩舊蛋殼 勁油唔脆，重點店頭當時都唔算多客都整成咁😢 大佬店（IThai) 同細佬店（iThai)係味道上真係幾大分別，但logo同menu design 又咁似真係好易中伏，細佬店食過好幾次，真心好食d如圖示 油到傻 外賣盒個窿開得唔夠大 勁多倒汗水 搞到勁濕 無哂原本應該有既脆身 吸油紙 d 油多到 好似浸住咗個炒蛋一樣炒蛋殼 點解會出現係食物到 作為廚師真係好基本冬陰公 有酸味有辣味但就係無香料味 完全無佢應該有既香味 蝦一定唔係新鮮（雖然細佬店都一樣）但佢起碼用香料味cover 佢， 依家呢個湯真係有型無態其實一向都有幫襯開細佬店，睇完mill milk 條片又抽起條筋想去食，但自己傻仔無睇清楚名打錯電話（咁真係好L似呀嘛），但大佬店係味道上真係要加把勁，同埋有milkmilk 條片解釋佢地係分開經營但又點解會咁似，對細佬店絕對係好事

3/3/2024訂了個芒果糯米飯蛋糕，同日全數FPS俾埋錢，要求媽咪生日10/3/2024星期日約5點自取，到左10/3星期日，10:30左右whatsapp問是否可以5點取，佢答OK，4:00左右再whatsap確認地址，佢先話叫我去東沙島街店取，反正我揸車，所以都Ok, 點知4:10突然收到佢WhatsApp來電，同我講今日芒果唔甜，所以整唔到蛋糕，所以冇得攞，會安排退錢😨，仲有50分鐘就去攞蛋糕，你話整唔到？對話過程之中完全冇理過你感受，就係一直重複講芒果唔甜，佢都冇辦法，所以冇得攞！佢係完全冇理過你點樣可以50分鐘內去變第二個蛋糕出嚟，3分鐘後轉數快退返錢，只係隔咗個幾鐘，5:52回覆I'm truly sorry. I made a mistake. It was the shop's carelessness in not notifying you. And if you get unsweetened mangoes, It would probably be worse. I apologize from my heart. 簡直不知所謂！

唔係成日開，要提早打去問下先通常只開晚市，有時晚市6-7點亦未必開門多數去到9-10pm點先開如果摸門釘，亦可試吓對面美居間Thai street food ，都唔錯的

某天經過過見到這間食肆外的玻璃櫥櫃放著幾條烤魚。店内沒有怎樣裝修，燈光有點昏暗，簡單地放了幾張枱椅，想起了東南亞的街邊小檔。問店員魚可否外賣，他們介紹當天有烏頭和鱸魚，我隨便選了一條。以爲包起便可以帶走，自己回去加熱；原來他們先把魚拿到厨房再烹調，並配上泰式酸辣汁。在等他們加工時見到另一個櫥櫃内還有西米椰汁糕，是我最喜歡的甜品之一，當然也要一份。回去開吃時，魚皮還有點兒脆，魚肉烤得燙燙的，富有肉汁，加上酸辣汁很惹味。西米椰汁糕一份有六件，椰漿盛得滿滿的，芋頭粒煮得夠綿，雖然稍甜，但幾好味。很有泰國風味的實惠小店，樸素的美味值得推薦。

《I-Thai》大家食泰國菜一般都去九龍城，今次同大家介紹間系深水埗一樣可以食到好食正宗嘅泰國菜🤪💚老闆仲係泰國人，而且價錢仲好抵添😌岩曬宵夜食---蒜蓉麵包($25/4)必叫必叫‼️首先超級厚成個麵包磚咁咬落外脆內軟 超級香蒜蓉味😻每一啖都好滿足 正宗冬陰功湯($78)平時出去叫過冬陰功湯閒閒哋都要過百，而且佢做超級大碗 性價比都幾高，味道方面 偏鮮甜 用嚟點蒜蓉包食又 好食好食 泰式香辣炒濕河(雞肉$60)$60 我真係覺得泰國菜來講都幾抵食 平時夜晚泰國餐廳食碟炒河都要$90👏而且份量仲有好多調味啱啱好，唔會過油 雞肉嫩 秘製豬頸肉生菜包($68)呢個又係抵食😹😹秘製豬頸肉幾惹味 香氣十足 豬頸肉爽口，份量都幾多齋食嘢都好好食 再加埋生菜食更爽口清新 芒果糯米飯($30)當日芒果吾酸 都算甜，幾大份都幾飽😹😹舖頭，仲有芒果糯米飯蛋糕😹有新意，而且價錢都唔貴仲要幾大個 我有機會又去試吓先---(5🧸為滿分)賣相：🧸🧸🧸味道：🧸🧸🧸🧸環境：🧸🧸🧸價錢：🧸🧸🧸🧸服務：🧸🧸🧸---I-Thai地址: 深水埗營盤街138號地下7號舖電話: 52828125

夜晚遲咗食飯，八點幾先行到左近，諗住是旦搵間餐廳就行咗入嚟，本來都無乜寄望，點知原來好好彩。食咗幾串串燒，炒飯，同甜品。串燒有驚喜，一串長，一串強；炭燒豬頸肉，份量足足人哋x2，肥瘦適中，有炭燒香；菠蘿炒飯好多菠蘿，還有少有嘅提子乾，肉鬆腰果配搭一流；芒果糯米飯又多奶，芒果大大個；今時今日汽水仲賣$6一罐，平過去便利店，有良心餐廳；最後係送上一杯水，同個男仔講食藥，佢熱水會加啲冰，細心，唔計較，overall各方面都非常好評，值得鼓勵！

Late at night, we walked by a small Thai place called I-Thai. Curious, we just decided to have a few skewers and drinks. The place is very small with only a few tables.Menu is in Thai and Chinese. There is no English and no 10% service charge.Boyfriend ordered a Thai Milk Tea and I had the Thai Ice Lemon Tea. It looked strong but it wasn't. Sadly a bit diluted in taste.We shared some grilled items: chicken thigh, sausage, chicken gizzard, pork satay, beef satay and something called a sour meatba

咁啱黎長沙灣見到呢間小店比條魚吸引咗條魚幾抵食大大條，叫外賣返到去條魚都冇淋，外皮仲係脆啲肉好味好容易同啲骨分開另外叫咗個撈粉，呢個就比較普通啲冇乜驚喜不過勝在性價比都OK

呢一間係小店🏡黎位置🪑唔多 但都算坐得舒服🎈🧸泰式炒金邊粉🥢$60好入味🤤 係比較濕身d 💦酸鹹甜味 都調得好好 👩🏼‍🍳🧑🏽‍🍳好夠鍋氣🥣仲要好多料 🦐唔孤寒👍🏼經過都可以一試回頭度：🌟🌟🌟

早排見佢開已經想試，不過一直冇機會今日同friend女子會完，行緊翻屋企嘅時候路過聞到好香，翻到屋企另一半又話自己未食飯，就落左街試下呢間～串燒調味得好好，而且肉質鮮嫩！特別鍾意呢度嘅雞腎，好多年冇食過燒得咁爽口嘅雞腎。雞肉都係必點，相信唔駛多解釋～串燒會附送一碟兩味嘅汁：一邊係沙嗲、另一邊係酸酸甜甜嘅魚露汁，同串燒好搭！豬頸肉沙律都一樣燒得好嫩，唯一不足係菜嘅部分唔夠凍，不過整體都好高質～另外仲叫左泰式炒硯，不過冇影相。硯嘅比例唔算多。除左硯之外，仲有一啲菇同雜菜一齊炒，有啲似係咖哩炒咁，香甜之餘又有小小辣，碟底會有汁咁。都唔錯～最後想讚姐姐好nice，令用餐體驗更勝一籌～