ICONIC H 特色熱狗店 (已搬遷) 新店位置

次次去親都要排隊，今次避開曬啲繁忙時段，終於唔洗排啦～舖頭細細，只能提供幾個坐位，基本上次次去親都已經有人坐曬，所以決定order外賣拎走食!以特色熱狗為主，例如有和牛熱狗，黑松露熱狗等等時令主題熱狗，可以跟餐或者單點都可以!第一次真係全都想試曬，但胃嘅空間有限，就叫咗個限定嘅小龍蝦包，即叫即做，等咗15分鐘左右有得啦!熱狗包烘過，暖暖的夠軟熟!包住混有沙律醬，洋蔥同小龍蝦肉，都幾足料好多小龍蝦肉呀！

本來想食漢堡飽, 但朋友話不如食下呢間熱狗店, 出名有唔同口味既熱狗,佢地有分散叫及SET,  SET包薯條及汽水一杯.我地叫左一個和牛漢堡狗SET, 同單叫洋蔥肉麻狗,  SET加10元可以轉黑松露薯條, 再加10元可以轉其他飲品, 我轉左熱玫瑰花茶.兩個熱狗賣相都好好, 不過和牛係一D牛味都冇, 我覺得自己只係食緊兩舊野落肚,熱狗最重要的腸仔, 我都覺得真係唔太有味.而洋蔥肉麻可能因為係辣既關係, 味道就唔錯, 都好惹味, 就算腸仔冇咩味都可以遮蓋到,鍾意食辣就至啱.至於黑松露薯條都幾好味, 熱玫瑰花茶就真係好普通了.整體黎講, 貪得意試下都OK既, 不過味道就真係好普通下.  店員都NICE 的.      

農曆新年快樂!新年有咩做?緊係去拜年逗利是喇!熊妹初一二陪屋企人，初三四就返工，終於初五有時間出動去朋友家拜拜年喇。今日目標先係魏太太家，本來約實先吃下午茶再上家拜年，不過魏太太今天有點累，最後決定買外賣返家慢慢食。熊妹記得紅磡有間食特色熱狗的，仲唔係外賣下午茶之選?原來有推出下午茶餐，雖然好便宜好抵食咁，但熊妹心有所屬，下次有機會再試。其實係一間主打外賣小店，都有3張小椅內食的。所有熱狗都係即叫即整，製作大概5-10分鐘。一心黎都係想再試返上次試過的黑松露森林，因為熊妹記得好香黑松露味，芝士同蛋的材料都好豐富，好有份量的，完全岩哂熊妹口味的。外賣都pack得好整齊，combo係包埋一款小食，可選迷你沙律，粟米杯或者薯條，同埋一罐汽水。先講主題，熱狗攞到返魏太太家都仲係熱辣辣的，芝士同蛋依然係咁澎湃的，滑滑的蛋連熱溶芝士根本係無得彈，加埋佢條煙燻肉腸咸咸地，成件事真係好夾，熊妹一個人係會食得哂，不過係有啲漏同肥的。唯一少少失望的係今次黑松露味唔係好出，可能啲醬少左?熊妹記得上次食啲黑松露味堅係齒頰留香的，所以才念念不忘。小食選了粟米杯，熊妹今日唔係幾想食薯條，新年食濟左，有點熱氣。粟米

紅磡呢個美食天地，真係好耐冇去過!地鐵黃埔開左咁耐第一次去! 其實真係好方便!本來搵巴士搵路左穿右插既橫街窄巷都好似易去左好多! 呢間熱狗久仰大名! 黎到呢頭點可以唔食佢! 入到去舖頭細細得幾張櫈，但係!! 呢到既熱狗份量絕對唔欺場，因為仲要去掃街所以同朋友SHARE食. 叫左個黑松露森林。爆芝呢個一早出晒名都唔洗多講！但估唔到，面個個黑松露炒蛋放左上去，係會有咁幸福既感覺黑松露既份量，剛剛好！真係唔係越多就越好！佢黑松露既香，岩岩好夾返芝士令到成個熱狗唔會太單調。但成個熱狗又唔會淨係去左個黑松露既味道個到。越食越想食.. 其實半個真係唔係好夠 唯有下次再黎過。

呢間熱狗店鋪仔細細, 門口唔算好起眼,裡面得幾個坐位, 所以外賣會食得自在D!未入到去, 淨係睇佢門口D相同熱狗名都已經有幾款想食, 有選擇困難嘅人黎到應該有排諗!今次就點隻~超級黑松露森林熱狗厚厚嘅黑松露炒蛋, 覆蓋住滿瀉嘅溶岩芝, 一見到就流曬口水. 要一啖咬落隻熱狗, 黑松露味道濃郁, 炒蛋滑,再配埋黑松露沙律醬….冇得頂!!! 香港已經好少食店會落咁足料, 而價錢又大眾化…真心欣賞佢地有無限創意, 去設計多款咁有新鮮感嘅熱狗~下次再試埋其他先!!

好少來紅磡，今日有事專登入來，順便來朝聖，食芝士狗啦。 即叫即做，等了10分鐘，送上小盤，盒子設計精美，侍應客氣有禮教我地撕開盒的一端來食熱狗。朋友叫#3，肉醬小小辣，份外惹味，珍寶腸外皮脆香可口，上面熱溶芝士冇得輸。我呢個傳統熱狗，酸菜醒胃，青瓜酸脆，包輕微焗脆鬆軟好味，熱溶芝士有微拉芝效果。建議加mozzarella cheese, 增加拉芝效果，酸菜及酸瓜宜加多小小。下次來食套餐會抵D。今次有coupon派，下次減$9。

雖然佢舖仔細細，但骨骨子子，一直以黎見佢排哂長隆 ，都好想一試，你知道嗎？好多大學生係呢到排隊㗎，相信價錢一定好商宜。（ 佢有另一分店喺上環） 見到門口個午餐牌都只係35蚊一set ，今日就因為趕時間食lunch，咁啱經過就中！ 我終於可以一嘗佢嘅滋味。等咗冇耐已經到我喇，我梗係揀佢嘅熱狗啦，iconic hot dog吖嘛！熱辣辣送到你面前，店員超級有禮貌，見我影相仲提我記得趁熱可拉cheese！我另外仲加咗松露蛋，都只係十蚊；如果你想加薯條都只係加五蚊咋；汽水呢就係跟餐免費嘅 ！其實中、西、日我都係鍾意趁熱食㗎，我呢次就大大啖咬落個熱狗到，好香芝士味呀😋用口黎拉cheese, 再加上好清香既松露蛋，真係令我暈得一陣陣，點解有咁豐富口味嘅熱狗㗎 ?！仲有呀成個感覺返曬去中學時代，不過高貴咗好多啦😅提提大家，佢餐店內只有五個位，所以如果幾個朋友一齊去堂食嘅話，真係要望一望先。又或者咁好彩比你包場呢？

心血來潮想食熱狗，結果老公帶我黎到紅磡嘅呢間熱狗店。店內面積不算太大，但也有日本的客人光顧，看來也吸引了不同國籍的客人前來光顧。和老公點了外賣返上車食，因為暫時未有位。點了一客和牛芝士熱狗，份量十分足料。一個女仔未必食得曬，所以還是要老公替我食埋😂😂😂

超級黑松露森林熱狗💞係由有 黑松露煙肉腸😊, 黑松露蛋🌸, 熱溶芝士😍 黑松露沙律醬🌟, 聽個名就俾佢吸引住, 賣相一流👍見到個黑松露蛋 真係流曬口水💦😋 ,蛋好滑❤黑松露味都ok ,材料好夾👍熱溶芝士薯條好正,岩曬芝士控💕d薯條好淋, 但少芝士, 食到下面嘅薯條就無曬d芝士😢 記得記得❗一定要趁熱食薯條🍟, 如果唔係, d芝士最後會變凝固左, 與薯條🍟同在😅 ------------------------------店舖仲有好多其他款式嘅熱狗 🔼大鰻狗🔼芝士牛🐮🔼傳統風味🔼地獄芝士四重奏 岩曬#芝士控❗❗❗❗🔼魚蛋狗 等等...........

兩個4點幾餓到爆😵就諗緊食Café定熱狗好最後都係簡間近D嘅熱狗食🌭🌭去到又有下午茶食😏😏-🔸芝士熱狗+汽水 $35👅：❤❤️❤️❤️(滿分為5個❤)全部食物都係即叫即整😋上到枱見到好多芝士🧀🧀溶左係上面睇落好正😝😝食落麵包熱熱的🍞而且好鬆軟😈亦食得出有落到牛油😍成件事一D都唔馬虎😚😚🌭香腸👧🏻覺得做唔到外脆內軟比較軟身嘅😗芝士味香濃🧀食落啖啖芝士嘅咸香夾埋熱狗真係好正啊啊啊啊😚醬汁方面呢😎就有茄汁🍅係熱狗最基本嘅配搭😆👍🏻-🔹薯條 +$5👅：❤❤️❤️❤️(滿分為5個❤)見到薯條🍟下午茶跟餐加$5😍👧🏻表示：唔係唔叫啊😍😝即叫即炸😈😈我哋邊食邊覺得手指好熱😂食一陣就要放一放底條薯條😂😂薯條食得出薯仔🥔嘅味道好似好廢話😂😂外脆內軟❤️食完表示好感動🤣我哋仲羅左熱狗D芝士🧀點落薯條黎食😂😝巧巧吃啊👍🏻食左成15分鐘🕓薯條都仲Keep到熱同脆卜卜❤️好勁啊～😋😋-整體評分：4/5店內面積較細🤔座位都只得5個😛如果繁忙時段都可能要叫外賣啦🚶🏻🚶🏻‍♀下午茶真係幾抵食😆😆份量都係幾多🤤兩個食完飽到9點幾😂😂而且店員都幾友善😚去到點餐都會問好多嘢😝🌟但記住如果堂食食完要放翻D垃圾同盤比d店員啦🐽🐷另外一提嘅係熱

ICONIC H位於食店林立的紅磡，不過由黃埔站行去會快啲。舖頭比較細，唔太起眼，店內只有四五個位。熱狗的選擇多，有十幾款，搞到選擇困難嘅我都唔知點揀。另外可以揀Combo（有薯條/沙律）或者單買。我最尾揀左一號芝士狗(Combo: $63)，一層厚厚的芝士佈滿面層，好吸引！不過味道就正正常常。薯條就係粗嘅，味道比較有驚喜。朋友揀嘅沙律就比較普通了，只有菜同粟米。整體嚟講屬可以一試嘅食店，再去食就未必了

The best hotdog shop I’ve tried in HKG so far...Random searched on Openrice and saw this shop with good high ratings, and gave it a try.Ordered 2 different hotdogs out of the 10+ choices of hotdogs from the menu.Scramble egg with truffles hotdog:Nicely fried soft scramble egg with great smell of truffles and with a sausage in hotdog bun. Must try !!!!! Snowcrab Avocado hotdog:A lot of snowcrab meat with few slices of avocado. Super delicious!!!

呢間餐廳有一個缺點就係太多選擇絕對唔適合我呢類有選擇困難症嘅人企喺鋪頭諗左5分鐘終於決定食之前食過嘅和牛漢堡狗咁樣睇佢平平無奇但其實呢兩塊牛嘅牛味非常足夠再配合埋中間夾左一塊菠蘿一啖咬落去係三種滋味一齊食一啖熱狗所以加埋黑松露薯條兩件事加埋一齊絕對係天衣無縫嘅午餐

因為佢鋪仔細，加埋都係得5個位，有3分2係廚房黎，有時行過都冇位坐黎食，其實好多人多數都係買外賣，不過我買完番到屋企都凍哂，本身其實都坐滿人，好彩我諗更食乜好同食唔食既時候，有人剛剛好食完離開，我當然即刻霸位諗左陣佢最出名係芝士熱狗，咁就叫左個招牌地獄芝味(好睇有得走辣)，加多10蚊就加埋黑松露，同加12蚊有小食野飲當然跟埋，另外再要個大饅狗本來廚房得兩個姐姐係到，明顯唔夠人做到踢哂腳，好彩原來有兩個救援，如果唔係應該要等好耐兩隻狗同其他野係一次過黎，個熱狗都有半隻男人前臂大，因為芝士要熱食先正，所以食芝味先，一口咬落去濃濃芝士味，再加少少石油氣味既蛋味，當然少不得拉番芝士絲出黎啦，其實佢話有四重芝士，但我只係食到3隻芝士味，冇計，我唔識食之後當然條饅魚啦，原條饅魚長過熱狗少少，一口咬落滿滿饅魚，其實條腸都可以無視，原全集中哂係條饅魚到，不過可能我前面已經食左個芝味都已經夠哂肥膩，我食左一半饅魚已經好飽，我應該叫左小饅，問番人先知熱狗都係咁大，只係饅魚打直一半，或者大饅應該兩個人食，個感覺其實幾似食左一個饅魚飯

經過知道呢間熱狗都出名 星期六晏畫見裡面冇咩人 可以坐下叫左個套餐 好似包薯條?野飲不過太多選擇 樣樣都睇到流曬口水 唸左好耐先決定呢個孖腸 上面層芝士真係太邪惡喇 估唔到夾係芝士菠蘿腸仔 味道都咁夾 一路食已經想試埋其他熱狗呢個黑松露薯條 薯條係新鮮炸 味道都唔錯 不過如果d醬同薯條分開仲好 食完仲有現金卷送 (只可以下次用) 整體都好滿意 推薦