ICONIC H 特色熱狗店 (已搬遷) 新店位置

是晚城城演唱會，每星期CHEAT DAY 時間又到，同朋友們一齊試試呢間邪惡核心！芝士控芝士控芝士！3個芝士控當然3個包都有熱熔芝士，其實我買前企左係度掙扎左十分鐘！鰻魚好定松露蛋好定自訂材料好？！！！！經店員強力推介╴最後買左和牛餐╴有熱狗加個前菜（栗米杯／沙律。。）同一罐汽水朋友點的松露蛋黎先，賣相好正！果然好多芝士！和牛黎啦！！！！！CHEESE！！呢D野，頭5啖通常上天堂！和牛肥美！芝士正！仲有條洋腸，個口細D 都會甩牙較。5啖之後，由好好味變好味，後半件開始好漏。食完飽到上心口，入場要大叫 來吻個激的！！！！要活就活得最激！！！下次會試下海膽！！ ：）

我同保姆鍾意食 hotdog，好耐之前已經幫襯過 iconic 嘅熱熔芝士狗; 知道呢期 "海膽狗" 同 "松葉蟹狗" 仲有菠蘿啤都好紅 終於上個禮拜夾到時間去紅磡店試下！！舖位實在係細嘅，為咗坐低食得舒服少少，都等咗 15-20 分鐘 ~ 先有位！再等多一陣先有得食未有嘢食先飲嘢，所謂啤酒其實係無酒精的，但入口味道真係幾似！不過飲飲下同菠蘿 mix 咗就好爽！熱狗餐加 $58跟餐小食揀咗粟米 美女店主推介一口牛粒，又真係堅正喎 一口牛粒 $48主角(1)：海膽狗 $98我本身唔食海膽，保姆話真係好正！配埋幾塊牛油果嘅感覺好 fresh！主角(2)：松葉蟹狗 $138一出場我已經嘩咗一聲 真係好吸引 入口更加覺得正爆炸！因為我堅鍾意蟹肉 啖啖蟹肉真係無得輸因為海膽狗先上，所以我未食完松葉蟹狗，保姆已經食完 突然間，佢轉身同美女店主講： 我即時反咗下白眼 *呢個人相當有可疑*結果，佢真係食晒可能好多人都覺得食熱狗食到過百蚊好貴！講堅，就咁睇價錢係有少少貴嘅，但係，質量都不能忽視啫！又唔係日日食，偶然食下都唔錯吖

經過紅磡好多次，雖然呢間鋪仔細細，但係就成日堆滿人！今日終於試到喇，叫咗一個超級黑松露森林餐熱狗有一條法蘭克福腸、有黑松露炒蛋，炒蛋真係好好味、好滑仲有熱熔芝士，超級夾！真係好好味！如果鍾意食熱溶芝士，呢個一定好岩！芝士好濃好多跟餐可以揀炸薯條、笑哈哈薯餅或者粟米杯！我揀咗薯條，超好味！係愛爾蘭瘋薯果種薯條泥既！熱辣辣，好香脆！嘢飲可以揀樽裝水、可樂、雪碧或coke Zero一個餐都係$68 抵呀，而且一個女仔食真係好飽BTW, 服務就認真一般，沒禮貌，個樣好不屑！問咩都唔想答你咁，真係唔知得罪咗佢咩囉後來另一位同事出泥就好好多

今日去到之前吾少人都有講的熱狗店，佢的海膽熱狗最出名，但反而我對最普通的熱狗有興趣。所以揀咗墨西哥辣腸 Chorizo + 熱熔芝士 Melted Cheese + 蜜糖芥末醬 Honey Mustard. 熱狗好大件，一個人食就好飽肚。芝士同個醬好夾，每一啖都好滿足。

今日又黎紅磡朝聖今次係人氣好高企既iconic h店入面迫滿曬人, 好難先攝到位落單我叫左芝士肉醬撈丁仲要等20分鐘左右芝士唔夠溶, 可能比我個陣唔夠熱,芝士已經硬曬, 個丁丁麵又太淋, 成pat野咁肉醬又好淡味食左一啖就算, 好失望呀

紅磡熱溶熱狗店今次終於試到地獄芝味四重奏聽個名已經好吸引加上黑松露薯條熱狗包有烘過，脆皮腸外面脆入面仲有芝士香，d芝士多到滿哂，少少鹹香味口感好豐富，拉絲效果一流，真係冇得輸～不過一定要趁熱食唔好等，凍左芝士會變硬就差少少.....下次我會試下加埋黑松露炒蛋上去套餐有小食，揀左炸薯條配黑松露芝士醬～薯條粗直，夠脆而且松露醬比例岩岩好，好味到停唔到口今日既午餐邪惡到一個點，我覺得自己已經重左2磅，不過愈邪惡就愈想食.....一定有下次

前幾日返咗學校幫professor手做野，大概十二點幾就做完，跟著又有d肚餓，所以就打算係紅磡食d野先返補習社。之前有同學請過紅磡有一間好出名嘅熱狗店，佢地話好邪惡架咁我就上網search到個地址，就諗住一試。一去到覺得好厲害，有好多款唔同嘅熱狗，例如，芝士牛肉丶韓風熱狗丶辣芝士熱狗等等，我最尾叫咗個地獄芝味四重奏由於我太心急加上個熱狗又熱，我唔小心辣親條脷仔，但係最印象深刻就係中間d芝士！因為可以拉到好長，又好食又好玩玩；個熱狗麵包好鬆軟，整體又唔算好辣，辣辣地先過隱XD，所有野一齊食好正呀！聽個收銀姐姐講，原來銅鑼灣都有分店，等我下次係補習社放工又去食先

外國的平民飲食文化早已經滲透入香港飲食界的每一個層次，單是以茶餐廳同快餐店為例，就是外國勢力滲透的好例子。近日，也許要多謝飲食雜誌，若不是看了介紹，我也不會想起來這一間位於紅磡，名叫《Iconic H》的熱狗小店。而我是日的目的，是食該雜誌上說的邪惡熱狗的其中一款。是什麼邪惡熱狗? 賣下關子先。我首先當然要說說這一間小店。我說得出是小店，其地方是真心的小。因為可以坐的地方，就只有大概四至五個面壁的高檯位，果真是一間地方淺窄的小小食店。每一個熱狗都可以加錢變做套餐。套餐多了些什麼，咪就係多了一份薯條同一罐汽水。加加埋埋，要成 $110 埋單。要食最有特色的熱狗，的確是不便宜。之不過，若是大家只打算普普通通地食 hot dog，這地方也有經濟的配搭。薯條，是即叫即炸的，非常香脆。輕輕的有鹽味，再加上少少的香草，我可以用香脆可口的形容。是日的主角是熱狗，店方給它取了一個會令曼聯及曼城球迷憤怒的名字，叫做大鰻狗....大鰻狗，是原條鰻魚再加上大香腸在底的一假巨形熱狗。原條照燒鰻魚，感覺上是超市 pre packed 及 pre cooked 的級別，味道比起在日本店食過的甜得多，亦薄得多。不過

睇一睇自己嘅'想食list'...既然今日去開紅磡就試呢間熱狗店啦...見門口呢張相嘅芝士好澎湃...一於邪惡一番！個盒係幾好笑嘅 一打開...size都好巨吓...好彩有朋友share一齊食...見加$10有黑松露滑蛋..又走去加...'滑蛋'佢一定唔係滑...幸好，蛋內幾juicy...黑松露亦比得好大方...今次加咗辣...建議唔加比較好...因為太搶味喇...悉隨尊便啦...麵包、脆皮腸、同hotdog汁（即茄汁、黃介辣）唔算特別出色...中規中矩...食店門前有一級...店內較細...BB車入去亦難以有位放...手推+電動輪椅使用者...就買外賣吧...附近不難搵到地方停低進食...準備好紙巾就ok 無問題=p

在大雨後的下午，躲到了這一家小店一睹希望品嚐已久的邪惡芝士熱狗小小的店內，不能容納太多人記憶中只有七個位置左右吧我想大部分人都是邊走邊食，既省時又方便但大雨過後我們想坐下來休息一下撇開其他所有因素光是收銀的店員姐姐，已經令店舖值得滿分了她不厭其煩的各種建議，介紹希望客人食得開心更會教客人怎樣食得最方便這樣的真誠態度令人佩服簡單的兩個餐牌，已經令人煩惱太多選擇令人不知道該如何選擇更煩惱的是，除了餐牌上的幾款熱狗牆上更有不同的新推介亦有價錢比較相宜的簡單熱狗款式能夠滿足不同人的不同需要經過一輪爭扎後最後選了以下兩種三重芝士熱狗＋洋蔥肉麻狗先說洋蔥肉麻狗為什麼會肉麻呢？原來是肉碎加上了麻辣，每一日也充滿刺激配上洋蔥，不太覺得肉麻，反而覺得有點麻甩另外是最期待的－三重芝士熱狗一層又一層的芝士光從視覺上已經得到滿足感了勉強將口張開將所有配料在一口內品嚐那一種奢侈，那一份豪邁，完全釋放出來滿滿的芝士味溢於口中，令人滿足不已配上飲品和薯條在簡單中嚐著不簡單在小店裡遇見了人情味

聽左好耐好出名既紅磡熱溶熱狗，今次終於試到～店員姐姐推介草飼和牛🐂漢堡狗！+$10可選擇加上熱溶芝士係面（我個人認為必加！）和牛漢堡一d都唔渣流！好有牛味😍配上香腸同芝士，口感豐富！完全無遺和感！套餐另有小食，我揀左炸薯條🍟配黑松露芝士醬～薯條係粗切，黑松露同芝士既比例岩岩好，唔會一隻味搶去另一隻味～不過重點提提大家一定要熱食，拎上手就唔好等，凍左薯條既口感就差好遠架啦，而且熱浴芝士都會變硬，味道就無咁濃郁了～

來到紅磡一間熱狗店 見網上食評唔錯決定入去一試 叫左芝士四重奏同埋韓風狗 個韓風狗D肉醬好好味 有小小辣 可惜自己輪盡食咗一半就跌坐落地 芝士四重奏就真係一般 唔值48尼個價錢

終於到我試熱溶芝士熱狗，入到去唔使排即落單，等6分鐘就有得食。加左十蚊要黑松露炒滑蛋非常足料，第一啖咬落去唔係麵包，係拉極唔斷嘅芝士，好邪惡但勁滿足。我由佢地鋪頭門口一路行一路食，行到去馬頭圍蘋果圖書館終於食完，全程成隻狗仲係熱嘅，好滿足，不過就食唔落晚飯😂考完試再黎過

放假當然最好去食新野！😋😋😋腸同配料全部自己揀，我選擇左辣肉腸加菠蘿同熱溶芝士！一打開呢個熱溶芝士狗嚇到呆左，芝士多到滿瀉！加埋燒菠蘿就無咁漏又juicy啦！😍😍包包鬆軟，熱溶芝士梗係要趁熱食！相都要一shot就好了！我唔客氣啦！🙏😋😋😋不過咁多芝士真係驚越食越肥，唔可以成日食hahahaa

Iconic H憑住望落已垂涎三尺既海量熱熔芝士熱狗廣為人知 店鋪小小初初大排長龍仲曾經聽聞要排達兩小時鋪內只有數個座位 地方比較狹窄 不過我覺得食物同服務質素更加重要魚蛋狗 加熱熔芝士 ($58)魚蛋狗其實係三文魚腸熱狗加明太子炒滑蛋同明太子沙律醬 一場黎到當然唔可以唔加熱熔芝士啦 加十蚊就有瀑布一樣既芝士絕對係超值呀熱狗比想像中巨大得多 好開心好滿足熱熔芝士每啖都瘋狂拉絲 多到好似熔岩咁湧出黎不過覺得三文魚腸太乾身同鹹 唔似其他肉腸咁Juicy 但係感覺上健康一啲明太子炒滑蛋真係超滑 滑到我食到一半既時候店員就好細心咁比左個叉我提醒我滑蛋就黎係熱狗另一邊滑走 薄薄既蛋皮包住既係極度流心既蛋液真係回味無窮 而且見到店員都好親切 仲會問客人意見同改善空間 好細心呀