Interval (The LOHAS康城) (已結業)

因為就腳再試，食物中規中矩，服務懶散！不會再試😜入到餐廳約中午12點，不是太多人，有一個服務員似教梗新人，叫我哋用QR code落單，個system不是太user friendly！最後，我問個「似是主管」的reconfirm 我的order，他的態度既不友善又不耐煩！最後還留咗我的咖啡order！在整個用餐情況，我見他對每個人沒有笑容，雖然戴住口罩，絕對感覺到⋯⋯這間餐廳就是被他拖垮給人「負評」😏

之前已經食過一次，但因為食物好高質嘅關係，忍唔住又嚟二刷！今次我哋4個人，都叫咗個二人餐$298，再另外加啲嘢食主食叫咗🥢帕馬臣忌麻磨菇意大利飯🥢蘑菇煙腩肉薄餅🥢飯對比上次嘅長通粉稍微遜色，味道淡咗啲；pizza就同上次一樣，因為我哋比較過其他，都係覺得依款最吸引🤭套餐加配咗小食🥢蒜蓉蜜法包 +$38🥢蒜蓉包好鬆軟，有蜜糖甜甜地，好食另外我哋仲叫咗🥢烤春雞（半隻）$138🥢味道都係偏淡，隻雞唔係好入味唔知係咪有啲嘢食比較濃味，顯得某啲偏淡🫣食完覺得第一次食好味啲

今次叫咗個set，二人餐$298，包二個湯同兩份主菜，因為我哋有三個人，所以另外仲加咗份煙三文魚羽衣甘藍凱撒沙律 （+30）同甜品 提拉米蘇（+45）。可能我哋都唔係好大食，所以share依個二人餐啱啱好。本身店員話無晒pizza，我哋係為個pizza嚟，有啲失望。但過咗一陣又話有翻🤣好彩湯好濃好夠味，加錢嘅沙律同甜品 提拉米蘇就普普通通，反出兩個主菜都好食！🥢帕馬臣忌廉磨菇大通粉🥢通粉個汁整得好好，黑松露味好香。🥢蘑菇煙腩肉薄餅🥢夠大份！Pizza個皮好鬆軟，有啲似麵包嘅口感。

在戲院隔離，諗住飲杯咖啡先入場。呢間冇下次。首先門口的阿姐發緊夢，咩都唔知，連安心出行都唔識掃，要客人自己攪。之後坐低左，好一陣先有職員埋嚟話自已掃qr code 落單，跟住落單，都等左好耐先整好2杯咖啡，見到職員掛住玩手機。我叫左2杯dirty ,真心麻麻，杯底有咖啡粉，收費唔平，唔值，仲要加一。另外佢地有室外，但啲職員打開左道門又唔關上，我地已經叫左2次，啲熱氣吹晒入室內，而且啲職員service 麻麻。

今晚約咗朋友係康城食晚飯，見呢間餐廳幾有文青風，同埋感覺可以靜靜地傾計，就揀左入去😅首先，叫左份煙三文魚沙律，煙三文魚鹹香味夠，仲配有啲碎芝士，撈埋啲菜，味道啱啱好餐湯味道正常。而呢個烤雞，烤得岩岩好，唔會烤到好乾好柴口，皮脆肉嫩既，份量再多d會更加好另外，仲叫左個手工pizza,好似係黑松露味同好香蒜香味，味道都好唔錯，兩個人食都岩岩好餐廳入面係用大玻璃做間隔，仲可以出室外坐，日頭應該感覺會好舒服好光猛

山長水遠入Lohas 竟然有驚喜！户外seating 超爽，沙發位好舒服仲望到啲啲山境好寫意子Staff friendly 而且食物水準唔錯，二人餐有湯有沙律仲有兩個main course 都係二百幾蚊，性價比好高，遠啲入嚟都抵Starters 同 Pasta 都好食，朋友話pizza 都正不過是日quota 實在有限就下次先再try try佢；估唔到反而最貴嘅ribs 就乾咗啲，不過整體都係食得開心又滿意。（啲酒都好平，抵玩）呢度仲係animal friendly ，好多狗狗好打意🥰 成餐飯都好有渡假 feel （一餐飯食咗四個鐘，返咗去歐洲時區咁🤣）

叫左個二人餐， 揀左黑松露risotto， 一個烤豬梅頭扒， 加30 蚊一個煙三交魚沙律一黎沙律同湯 都正正常常， 跟住黎risotto ， 無味既… 又無乜料，但未算難食， 再到梅頭扒就大鑊…. 好苦… 似係燶左， 個waiter 話係咁，因為用左苦白菜一齊烤， 明明舊豬肉都烤到黑哂…佢問有冇野幫到我，又話送甜品， 我話免了… 無下次一個餐四百蚊埋單，仲要無野飲，服務員算係咁啦， 但野食 真係唔掂… 有時市民d 錢唔係咁呃的， 住康城無乜選擇你都唔係咁做

入戲院前，先在旁邊的「Interval」食晏。裝修簡約，似一間輕食咖啡店多於餐廳。天朗氣清、微風送爽的日子，最佳座位並非室內，而是室外的露天平台。餐廳走美式意大利餐路線，以意大利麵及Pizza為主，肉類主菜只有三款，還有幾款沙律及頭盤小吃。Spaghettini Carbonara ($128) 用料相當正宗，有齊 pancetta、pork cheek 及 Parmesan cheese，只是最重要的食材pancetta 切得太細粒、份量亦偏少，口感及鹹香煙熏味道未夠突出。醬汁方面，雖然未至於好似某些港式餐廳用上大量忌廉烹調，亦沒有出現水汪汪的情況；但仍然欠缺直接加入雞蛋黃烹製，醬汁整體未夠濃稠、亦稍嫌偏少。不過，總算有很多 Parmesan cheese。既然在餐廳烹調，真的不太明白為什麼還要用上半生熟溫泉玉子，由客人自己拌勻意大利麵？正宗 Carbonara 醬汁應該用芝士及雞蛋黃直接調制，確保每條意大利麵掛滿香濃兼有蛋香的醬汁。Grilled Spring Chicken (half) ($138) 賣相吸引，雞皮烤得金黃、又帶少少焦香，但入口發覺原來春雞質素只是一般。蒜蓉燒汁

話說小女第一次去The LOHAS😆一場來到當然要好好chill一下啊🥰就算距離晚餐時間比較近 還是要吃一下Egg Benedict❤️醬汁很濃🧀味 除了有基本🥚裡面還有🥓跟大啡菇😳超飽😆🥗也好吃到讓不太愛吃🥗的我也吃光了😛環境也很適合休假的時候來放空💭

康城終於有咖啡店，之前一直知得starbucks，但原來樓上個層有間好大間，仲要坐落幾舒服。仲要有outdoor位置，望住個景都幾開陽，我地揀咗室外住，見個日好天。仲要係dog friendly ，好熱鬧，好似去咗野餐咁😂即刻叫咗杯最愛嘅flatwhite，咖啡師介紹黎自丹麥嘅咖啡豆，仲推介我下次可以飲其他豆，細問之下原來好多款咖啡豆可以揀😍之後再叫咗一份西冷、虎蝦意大利飯、同埋椰菜花。講咗西冷先，好juicy😍，咬口啱啱好，冇request，好彩都煎咗5成熟比我啱啱好！啲side都好好食，不過可惜我唔食蒜頭😂嘥咗！虎蝦意大利飯，想講個廚專登用咗龍蝦汁黎煮個飯！好濃味！雖然$188有啲貴，但絕對物超所值！🦐🦐🦐食飽咗，想叫個甜品，不過甜品選擇小啲，叫咗個tiramisu ，佢地都好細心幫我換過份碟同匙羹，so sweet😍呢度嘅感覺好friendly，即係入到黎個感覺好開心❤️啲staff都好nice！😊但星期六日好多人，想舒服啲可以平日先黎，野食真係要一推再推！

餐廳雖然細間，但環境氣氛唔錯，可惜當日落雨，不能戶外享餐，唯獨服務方面有待進步，食物質素唔錯，連碟都預先預熱，細節位做得唔錯，可能由於地理位置問題，價錢上相對進取。由於限聚令關係，餐廳都提早Last Order 甚至提前結帳，有點趕客感覺。整體用餐都還可以。

今天母親節，阿女一早約定去食個靚早餐。覺得呢間環境不錯，11點幾又唔係太多人，一於入去揀咗戶外座位, 天氣唔太熱又唔太哂。我哋order 兩份all day breakfast同埋flat white. 先嚟咗兩杯flat white之後等咗好耐都未有嘢食，員工只照顧入面客人好少行出户外，終於要行入去同佢話我哋啲食物未到，店員只係問我哋點咗咩之後我哋就只有繼續等！我開始留意到之前戶外有兩枱遲過我哋半個鐘嚟但係佢地已經成枱嘢食😠我再問店員係咪漏咗單，佢話唔係只係多單，我再問咁係咪次序混亂點解遲過我哋個啲已經有食物。佢先話再睇睇！終於有嘢食不過只係上一份先喎😒唔明點解一模一樣要分開上？隔咗差不多十幾分鐘，店員攞住一份all day 心諗一定係我哋架啦，係就係不過唔明點解佢唔即刻攞嚟仲要行遠咗路去招呼其他客人再兜路先放低俾我😠至於食物完全好一般的質素，失望😟最後想講客人多唔係一個藉口俾啲咁嘅服務，實在有需要提升內部培訓！

🍴🍴話說之前食過brunch, 今次襯平日，試吓set lunch. Set lunch大概百零蚊，包餐湯，主菜，餐飲，比起單點，感覺抵好多。平日嘅關係，可能冇咁多客，上菜速度快咗。🍝🍝今次二人叫咗一個「意式羅勒番茄大通粉」同「龍蝦汁鮮蝦扁意粉」。個蕃茄大通粉雖然唔係太多材料，但個蕃茄sauce配合蕃茄整得幾好味。龍蝦計鮮蝦扁意粉頗有驚喜，龍蝦汁好夠味，扁意粉好滑，味道好好。🦞🦞🍶🍶餐飲方面，我哋要咗Peppermint ginger, 用一個玻璃小樽裝住，再跟隻杯仔自己斟。感覺幾精𡟹，飲到咁上下職員都有主動問需唔需要加熱水。值得一讚，餐廳用嘅餐具都幾有style，食物擺盤有心思。總括嚟講，餐廳環境舒服，食物質素唔錯，餐具同擺款都靚靚，適合情侶同朋友食飯傾偈打卡。📸📸

簡而言之，攝牙罅都唔夠。嬲嬲地，抵食連一星都唔想比🥲假日經過見佢入面裝修幾靚又幾chill咁就諗住同屋企人試下。但到叫餐時發現選擇偏少，同佢menu唔一樣🥲個tiramisu好似得一啖咁唔係好簡得落手。最後我地分別叫左一個 croissant， 一個北海道牛乳cheesecake。croissant黎講都fair prize既，size同料都正常，都香同脆。但見到個cheesecake真係震驚😂細個女仔既拳頭，冇奶香都唔好食，屋企人形容話同聖安娜啲cheap cheap cake差唔多😂而呢兩個餐都係要HKD68?! 跟餐係得茶/Americano, 要飲latte/flat white要另加hkd19🤷🏾‍♀️latte不過不失la。啲豆有冇特別好飲就唔清楚啦因為冇試。service都ok geh。入座嗰時個位杯又冇餐具又冇，有位waitress都主動幫我地換左既。但整體而言個人覺得好唔抵，比左連service charge差唔多200蚊同冇食過一樣。重要比錢嗰時有見到啲tart上面有好生猛既烏蠅🙊😂

幫襯左好幾次，今次一入到嚟見到有tea set諗住試吓，點知一坐低掃QR code落單，tea set款式剩返三款，冇晒鹹點。咁唔緊要，我就叫左Hokkiaido 3.6 milk cake。雖然話係tea set，但係所有嘢飲都要加錢先有得飲 (+$18 salted chocolate)。點知嚟到個蛋糕細過我個拳頭…真心無奈。仲要食落去係無味…如果你話$68，真係超級唔抵。奉勸大家唔好嚟食😵‍💫😵‍💫😵‍💫