J.L. Private Kitchen

营业中

休息中

隱藏在山林道樓上的西餐廳~不過似乎老細中西通吃,因為隔壁就是自己的火鍋店……裝修都算別緻,有一盞會變色的電蠟燭把玩。Menu是不需要看的，因為看了也白看，有咩野可以吃完全看廚師的心情,或者當日街市的行情。前菜焗蟹蓋沙律，龍蝦湯or蘑菇湯🍄，冬蔭功意大利麵，煎鱈魚，日本A4和牛(不要問我點解記得那麼複杂的菜名……)。擺盤很用心，湯稍微鹹了些，冬蔭功意大利麵第一次吃(泰國風味的麵條🍜)，鱈魚和牛排就是正常味道。價格不便宜，兩人大約950港幣。waiter暗中觀察的能力有待向海底撈學習，哈哈😄

是日晚上收工獨自黎到尖沙咀山林道的J.L.Private Kitchen，揀呢間餐廳係因為知道佢人氣極高，所以想來試試到底有幾好食！餐廳主打西式私房菜，裝修得頗型格，燈光同環境都昏暗有格調，好適合情侶來用餐菜單有單點食物，又有晚市套餐，價錢唔算貴，仲有好多選擇添香焗鮮龍蝦伴芝士xo醬及珍寶帶子龍蝦同帶子都係我最愛，所以我二話不說就叫左個呢道菜！珍寶帶子真係好大粒又好厚身，口感鮮嫩甜美，好好食呢！龍蝦都好大隻架，肥美又厚肉，爽口彈牙，好新鮮！芝士xo醬味道好特別，鹹香得來又提升咗龍蝦嘅鮮味，真係好好食，正啊！

和老公慶祝結婚二週年,我地預早於一星期前訂左一間位置尖沙咀既私房菜館,套餐菜式預先說好,我們在未去之前都滿其待這餐二人晚餐。當天我們準時到達,雖然花了不少時間找地點。場內裝潢另具一格,廚房是開放式,我們可以欣賞廚師細膩的烹調技巧。重點介紹幾道菜意大利雜莓果醋海鮮沙律-作為頭盤,沙律是最好不過,海鮮有頗多種類,三文魚,阿拉斯加蟹,海膽,原隻虎蝦它們味道鮮美,配上特色雜莓果醋,使鮮味更特出。香煎阿特蘭大鱈魚-外皮微微煎香,魚肉肉質嫩滑,稍為多骨。黑松露意大利蕃茄雲吞-黑松露搭蕃茄味道唔會很怪,雲吞在兩種調料下,有另一種味道。

係尖沙咀打完Bridge比賽,以2IMP差壓倒第2名,拿了冠軍,Captain請我們隊食晚飯,我地黎到一間係尖沙咀較偏僻既私房菜館-J.L Private Kitchen。MENU其本有5個菜,以下介紹幾樣有特色的意大利雜莓果醋海鮮沙律-海鮮有三文魚,阿拉斯加蟹,海膽,原隻虎蝦,本身味道鮮美,配上特色雜莓果醋,味道更鮮。黑松露意大利蕃茄雲吞-外皮口感煙韌,皮較厚身,蕃茄味道很出,以西式的方方處理中式菜,十分新穎。法國牛油香焗珍寶帶子-帶子口感豐腴,一顆有乒乓球般大,配上牛油用焗爐加熱,牛油的香與帶子的鮮甜相互交融,是一道十分出色的主菜。

之前係網上見到呢間餐廳都幾多人講下，所以係今個月嗰時就同女朋友去試下呢間係尖沙咀嘅西式私房菜。去到嗰環境格局都唔錯，半開放式廚房睇到廚師嘅如何去煮，環境乾淨，幾舒服😌到野食方面，前菜我地叫咗挪威煙三文魚拌伊朗魚子醬，海赤蝦配三文魚子還有大拖羅他他，挪威煙三文魚同伊朗魚子醬係味道上唔會有太大出入，幾夾，海赤蝦亦都襯托到三文魚子嘅鮮味，互相配合，又能帶出海赤蝦嘅口感，大拖羅他他魚香味都夠濃，入口亦易溶化，作為前菜黎講，都適中唔會話太飽亦都唔會太少，都幾開胃。主菜就叫咗紅酒燴羊膝，兩個人食嘅話份量好足，啲肉質很軟腍，肉汁亦都很多，配上紅酒汁，幾match，羊膝又唔會太膻，又唔會太膩。最後，甜品呢，叫左個新鮮水果朱古力火鍋配手打雪糕，新鮮水果亦都真係好新鮮，果汁豐富，配上朱古力火鍋啲朱古力一流，甜得黎又帶有朱古力嘅甘味，手打雪糕方面很軟滑得黎又好有口感，唔會話入口即溶，一啖水果一啖雪糕，好滿意環境舒適食物有一定質素，會係拍拖之選

陪家人吃晚飯,我地訂左一間係尖沙咀既私房菜館,私房菜館一直是媽媽的至愛,因為私房菜的菜式都很特別,由廚師精心烹調,平常出面食係食唔到。呢間菜館要預早一星期訂位,在訂位的同時要簡好當日上既菜式。首先是前菜意大利雜莓果醋海鮮沙律,沙律很新鮮,配上獨特的雜莓果醋,帶點酸甜,海鮮有蝦,蟹,三文魚,海膽,味道鮮甜十足。再來的是黑松露野菌忌廉湯,忌廉比一般既忌廉湯濃,吃起上來有一粒粒的野菌,帶著黑松露的香。然後是鮮蝦冬蔭公燴海蝦意粉,海蝦有淡淡的海水味,味道十分鮮美,冬蔭公唔會好辣,意粉煙煙韌韌。

今日母親節，作為一個廿四孝嘅孝子，就緊係一早就諗定食咩餐廳啦，帶老母食餐好西架嗎，就帶咗娘親去食呢間J.L.Private Kitchen 啦，一盡孝心-我地就叫咗一個招牌拼盤，有帕爾馬火腿田園沙律、法式香煎鵝肝、日式凍豆腐同挪威煙三文魚拌伊朗魚子醬，火腿好咸好夠味，香煎鵝肝入口即溶又帶點脆，凍豆腐好滑好甜，挪威煙三文魚大有口感，好味之後再咗一個北海道先雪場蟹棒拌紅咖喱蟹肉燴意粉，雪場蟹棒好有鮮味，蟹肉亦都好人咖哩味，估唔到咖哩燴意粉可以咁正，都係第一次呢嗰嚐試娘親都好鐘意今餐，下次會再帶娘親食好西

—朋友介紹咗間私房菜館呢間餐廳要book枱嗰陣預先選訂菜式 WowwwwAppetizer + Main Course + Soup/Dessert($355)意大利雜莓果醋海鮮沙律可能為咗保持食材新鮮 知道當晚要準備咩菜式而預返每日採購數量?!海鮮包括 阿拉斯加蟹肉 海膽 虎蝦伴上特色果醋 酸酸甜甜令味道更有層次紅酒燴羊膝(另+$30)羊膝比較難處理 會有一陣羊膻味而膝關節嘅部份 因肉質緊實 如果烹調時間不足 好容易會食起上嚟很韌呢道菜廚師處理得幾好 味道很完整甜品 唔記得咗影就食咗haha 都唔錯嘅————————————————————J.L. Private Kitchen尖沙咀山林道23號2樓

知道尖沙咀有間隱世私房菜館,今次就同友人去呢間餐廳試下,呢間餐廳叫J.L Prviate Kitchen,位於山林道較隔涉的地方。去呢間餐廳前要預早BOOK枱,並且在電話中講埋當日既餐式。這次叫了一SET5個菜,以下重點介紹其中三款:紅酒燴羊膝-羊膝酒香味濃,沒有多餘的羊膻味,由於羊膝是羊的膝關節部份，肉質緊實、含有豐富的膠質。黑毛和牛野菌拉絲芝士比薩-PIZZA烤得很香,配料有牛肉,野菌,芝士,味道挺配搭。香焗鮮龍蝦伴芝士XO醬-龍蝦鮮甜鮮美,肉質較軟身而小巧,芝士味很香。甜品還有手打雪糕,湯有黑松露野菌湯,這些就不介紹了,你們有興趣可以試下。

小妹食量比較少所以係今次都只叫咗少少野食就夠分別叫咗一個焗日本廣島蠔(配荷蘭汁菠菜、脆煙肉芝士、芝士磨菇)同埋綠茶拿破崙焗日本廣島蠔有三個味道，分別係荷蘭汁菠菜、脆煙肉芝士同埋芝士磨菇，我個人就覺得脆煙肉芝士最好味，因為呢嗰配撘係最夾，當然另外兩個都好不差，芝士磨茹亦都好入口，荷蘭汁菠菜撘落焗蠔都一流由於小妹係綠茶控，當然就一定要食甜品啦，有綠茶拿破崙，我就緊係即叫啦，擺設得好靚影上ig打卡一流，好脆口，好好食，綠茶味好濃好好食，再食一啖雪糕，真係難以形容嘅好味

環境暗暗帶點情調，地方屬中size！Set ：前菜+湯+頭盤+主菜+甜品藍鮨吞拿魚新鮮，口感較粘再配薄巴馬火腿，味道混合來很特別！日本拖羅田園沙律清爽開胃！意大利黑松露野菌忌廉湯粒粒磨菇+黑松露菌碎提鮮，質感較厚身，最正係麵包條既空間都吸曬湯既精華！香煎北海道帶子龍蝦汁燴意大利飯龍蝦濃汁厚厚包住每粒米飯，飯身偏身，肥厚煎帶子。燒澳洲M7和牛肉眼肉質偏嫩，食落juicy，份量適中，薯蓉、烤既蘑菇、小番茄！甜品：Crème brulee伴自家製手打雪糕呢款屬於厚身，燉蛋滑嫩，焦糖部份都偏厚！雪糕好滑，手打出品，牛奶味重！

今日出尖沙咀見客見完客之後嗰客就介紹咗呢間餐廳俾我我就緊係去試下啦入到去啲服務員態度好好又會主動協助我地態度滿分我係menu到就叫咗鮮蝦冬陰功燴海蝦意粉⭐️⭐️⭐️⭐️一個香煎阿特蘭大鱈魚配香濃龍蝦汁⭐️⭐️⭐️⭐️⭐️鮮蝦冬陰功燴海蝦意粉味道不錯冬陰功味道不會太濃亦都好入味但又不會遮蓋咗鮮蝦嘅味道10分中俾到7至8分還有香煎阿特蘭大鱈魚配香濃龍蝦汁，煎得十分香脆，魚嘅味道再點上香濃龍蝦汁，十分之夾，兩個配合下有口感之餘又不會無味10分可以俾到9分呢間餐廳值得一試

open kitchen睇到師傅既烹調過程，望落都衛生，師傅好專注咁整每一味餸菜每一款新鮮食材精緻咁放上碟，食得又睇得，睇住都流曬口水🤤特別喜歡清湯蛋，好滑同清甜！厚薄適中，口感小小爽，帶點惹味前菜：黑松露意大利蕃茄香草雲吞意想唔到連裡面既肉都好嫩滑，加上黑松露提香，香氣撲鼻！主菜：烤美國PRIME安格斯牛小排串標有咬感唔算韌，烤得剛好，肉汁仍有鎖住，半烤香既小小焦面既狀態最惹味！特別講講旁邊足料薯蓉，薯不簡單啖啖濃厚薯味加上小小薯粒，的確有心思！

朋友介紹左一間私房菜俾我，話係相熟大廚開嘅，好得喎。早一個禮拜訂枱，因為要預備食材，餐廳send左啲餐牌俾我哋，要揀定菜。有六個套餐組合，湯、頭盤、第一道菜、主菜、甜品，每個course都有好幾個選擇，可以按自己喜好揀選，$345 - $450不等。終於等到今日，一開門見到場面好熱鬧，好多客人，呢個場面喺私房菜比較少見，未食已經令我好有信心。朋友們未到齊，店員溫馨提示可以自己去咖啡吧斟杯嘢飲先，免費的，可以一路飲一路等。估唔到係膠囊咖啡機，oh yes，呢款我識用。由頭到尾自己攪掂，有唔同口味嘅咖啡揀，仲有齋朱古力味，可以自製Mocha添，唔飲咖啡嘅，飲杯齋朱古力奶亦得，得左！齊人可以起菜：意大利雜莓果醋海鮮沙律阿拉斯加蟹肉拆左絲，仲有虎蝦、海膽、煙三文魚，配合啲沙律菜，先嚟開開胃。意大利黑松露野菌忌廉湯野菌係切細粒，好濃郁，又保留少少咬口。黑松露意大利蕃茄香草雲吞一碟有五隻，脹卜卜，黑松露味幾香。香煎阿特蘭大鱈魚 香濃龍蝦汁全個餐最好食係呢度菜，鱈魚厚身多汁，冇骨又好嫩滑，味道香甜，個魚皮仲煎到香一香，一入口就知掂。但香濃龍蝦汁就少左啲，多啲啲會更好。有機鮮柚子配自家手打雪糕以為係新

Was here for my friends 🎂Birthday party~ and the food was an amazing experience let’s start.I guess it’s the starter as it came first~ it was fair and juicy with no sand haha 😆 so thank god as I had bad experience in pass with a mouth full of sand LOLthis was my choice for starter the shrimp were fresh and juicy the vegetables was good follow up with more seafood~ as u can see there tuna , shrimp and salmon~ it’s all tasty and not fishy mix mushroom soup 🥣 very smooth and creamy The is the lobst