J.L. Private Kitchen

营业中

休息中

慶祝在股市有些少斬獲，再度光顧此私房菜（之前食過的好多已結業😓），是位於尖沙咀山林道的一間樓上私房菜，訂位時已預先選擇好想吃什麼，包括前菜、湯、first course, 主菜及甜品，我和老公都是選了沒有first course 的四度菜（$415）My choice: 意式海鮮沙拉（蟹肉、蝦、煙salmon)+ 黑松露蘑菇湯+海鮮大雜燴+apple crumble 加雪糕老公之選：頭盤沙拉（吞拿魚他他、吞拿魚腩、巴拿馬火腿）+龍蝦湯+和牛+apple crumble 加雪糕海鮮沙拉：材料新鮮，蝦彈牙吞拿魚他他：分別有三件，份量十足黑松露湯：配搭的長條多士脆口、好味龍蝦湯：標準的，鮮甜海鮮大雜燴（+80）：大大粒的帶子、半隻龍蝦仔、蠔及鱈魚，最美味的是帶子，份量較少日本A4和牛（+90）：肥美、有肉味整體都非常滿意，這餐廳免開瓶費，上菜速度剛好，不快不慢，服務周到，會再光顧的。

這西餐廳抵吃, 特別是在社交網站按讚之後會有生蠔, 然後本身又有餐酒, 就算菜式不是驚為天人也是夠滿足, 特別是與好友相聚吹水. 由頭盤, Pasta, 肉食和甜品, 人均三至四百多元, 而且用料並沒有揸流攤. 頭盤的鵝肝以原塊上碟, 切起來夠順, 也沒有筋, 兩邊煎得夠香, 做法不複雜, 但基本功做得好, 火候控制OK.Pasta點的是Ravioli, 用上黑松露忌廉醬烹煮, 醬身濃厚偏鹹香, 雲吞皮偏厚, 和醬汁也合拍, 略嫌內餡偏少, 味道和口感層次可以再提高. 主菜有燴海鮮及肉眼扒, 前者除了有鱈魚也是有龍蝦及帶子, 相當慷慨, 淋上龍蝦汁味道也夠鮮蝦; 後者是澳洲和牛, 肉香和油脂香相對平衡, 外焦脆內裏保持半熟口感, 簡單直接, 如此價錢有這樣質素, 真的不能要求太多.

前排響社交媒體網站都見到依間西餐，啲食評又好似幾好咁，所以今日放假就諗住去試下! 總結: 非常普通，似快餐店西餐，但中價西餐價錢，2個人食左1000蚊左右，但係食完係失望而回！前菜1. 焗釀蟹蓋拼松葉蟹沙律(+$20)- 依度餸其實都好難整得唔好食，但唔知係咪自己拆蟹肉? 食幾啖都成口蟹骨，食到牙都痛2. 花之戀- 有3件蝦刺身(沙律醬面)，2件三文魚&大拖羅他他，除左蝦刺身既沙律醬有味之外，全碟野都係無味既First Course1. 焗雜菜芝士薯蓉批- 普通薯蓉2. 和牛拉絲芝士Pizza- 普通麵包店既麵包Pizza主菜1. 燒帶骨豬鞍- 平時都鍾意食豬鞍，所以西餐通常都會叫，無諗過上到枱係一件巴西有骨豬扒!!! 未見到豬鞍係咁薄既，成度菜都似係快餐店50蚊貨色2. 香煎日本A4和牛西冷 (+$90)- 叫左5成熟，上到枱8成多啲咁，又未柴到要Dump，但食之無味棄之可惜人頭500蚊其實唔係貴，但食依啲質素就真係嬲，出面有更好既選擇💁🏻‍♂️

尖沙咀的西餐廳很多，但西式私房菜餐廳算是比較少數。這晚特地帶了家人來嚐嚐，訂檯後，餐廳會預先send 了用餐當晚的Menu 供客人們提前選擇菜式，份量與口味均可根據每位客人各自喜好去選擇。4 course menu包括 Appetizer, Soup, First Course & Dessert，$440 / 位（部份菜式需要額外加錢），而餐廳免收開瓶費，對我們來說是非常貼心的服務。Appetizer 我選了「焗釀蟹蓋拼松葉蟹沙律」，蟹肉很鮮甜，釀焗的火喉也剛剛好，這個頭盤真的打開了我的味蕾。「黑松露野菌忌廉湯」，忌廉湯均混著打碎的野菌蓉，很喜歡這種濃郁的做法，每一口都真材實料的感覺。選了五成熟的「烤焗紐西蘭頂級羊架」，羊架的肉質軟嫩，不過羊味不算太突出，但很適合我這些很怕極濃羊味的客人，不得不大力推薦一下配搭的薯蓉，軟滑中有著充滿牛油香和粒粒薯仔肉（這樣說好像很對不起店家，但這個菜式我真的喜歡薯蓉比羊架多一點點🙈😂）甜品是「自家製手打榴槤雪糕」，喜歡榴槤的朋友真的不可不試，這裡的榴槤雪糕是我吃過最好吃的，混著榴槤果肉，每啖都是濃得化不開的榴槤香，這道菜簡直成了這晚的MVP。一整晚餐

早兩星期 見倒openeice推薦尖沙咀西餐廳 就book左同同事一行十人試下 book左之後冇幾耐就收倒餐廳whatsapp菜單 同埋留左間房俾我地 叫我地揀要咩set同埋食咩 見啲相好似都唔錯 大家都好期待點知當晚7點左右上到餐廳 原來西餐廳嗰邊俾人包左場 竟然安排我地去隔離火鍋店 喺火鍋店入面間間房俾我地 場地安排極差 如果西餐廳嗰邊冇位 應該都要問下我地介唔介意 冇諗過人均六百蚊係咁既環境 大家都好失望去到食野 啲食物質素都係差 全部雪藏急凍貨 我叫左前菜 ，湯，主菜加甜品set前菜：招牌五式焗蠔 味道正常 蠔都算肥美 但係其中一款係姜蓉焗蠔 個味唔夾 食落怪怪地湯：龍蝦湯蕃茄味蓋過龍蝦味 完全飲唔倒龍蝦鮮味 好稀 m記龍蝦湯仲好飲過佢 起碼有少少小龍蝦肉 呢個係完全冇料主菜：新鮮海鮮大雜燴極度失望 分別有半條龍蝦尾，蠔，帶子，白雪魚加薯仔 食得出全部係雪藏貨 完全冇鮮味 龍蝦尾又咸又痴殼 再加現成雞湯扮上菜甜品：肉桂菠蘿金寶加自家制雪櫃罐頭菠蘿加肉桂粉 個雪糕係完全冇味 食唔出係咩味 好似一舊有色冇味既冰有其他同事食牛扒 見倒牛扒極多肥膏 佢地話好un 完全咬唔開 食唔倒一半

早前有位識食朋友帶咗我地呢間西式私房菜食飯慶祝！話明私房菜，位置同門口又真係既隱世下🤣不過勝在性價比高、免開瓶費、私隱度高，好適合一大班朋友食飯慶祝！ 餐廳有一對夫婦主理，丈夫酒店出生，擅長烹調創意西式美食，比客人不一樣的西式體驗-✨凡惠顧餐廳，並Like & Share 餐廳社交平台Page，即送一隻法國生蠔 + 一杯白酒。-✍🏻/食評/餐廳只提供晚市私房菜，客人可以自由配搭以下1-5的選項，3道菜起，價錢由375起～，完整5道菜只需$470，以私房菜來說性價比很高呢～▫️私房5道菜▫️ // 1. Appetiser //☗ 炭燒冬陰功豬頸肉田園沙律+$10大概12片長而厚切的豬頸肉，口感爽嫩彈牙，帶點泰式冬陰功醬料香，鹹香味十足！☗ 焗釀蟹蓋拼松葉蟹沙律 +$20中式蟹蓋食得多，西式配上啖啖松葉蟹肉，襯熱食一流🤤☗ 招牌5式焗蠔 +$30朋友中意食生蠔點咗呢份拼盤，5隻生蠔5種調味，分別有 辣椒蒜蓉醬、薑蔥油、荷蘭汁菠、意大利蕃茄醬、野菌芝士磨菇，都幾過癮～// 2. Soup //☗ 法式千邑龍蝦濃湯// 3. First Course// ☗ 和牛拉絲芝士PIZZA大概4吋，配上

餐廳位於山林道，成個餐廳環境都幾舒服企理，仲要佢係免開瓶費，所以啱晒帶啲酒同朋友飲酒食飯👏👏🤭不過想食嘅朋友仔記住要提前預約啊，因為佢所有嘢食都係pre order ，餐廳職員會提前send個Menu俾客人，等你揀你哋想食嘅嘢，所以餐廳用料食材全部都係按照客人提前嘅選擇即日新鮮購買同埋製作，幾鍾意呢個做法，因為一定新鮮同埋全部都係自己鍾意嘅嘢，可以度身訂造自己嘅菜單🐷成餐飯嘅水準都冇令我失望，🖤黑白配⚪️揀咗 four course menu🧸Appetiser + Soup + First Course + Dessert $440 花之戀：大拖羅他他，挪威煙三文魚伴伊朗魚子醬，海赤蝦配三文魚子三款前菜都好足料，自己特別鍾意食大拖羅他他 法式干邑龍蝦湯 🦞🥣 龍蝦湯都幾濃味黑松露意大利雲吞佢個黑松露味道好出，然後個意大利雲吞整得好滑，食落去夠晒creamy 鮮雜果脆多士配自家製手打雪糕 🍦 +$40個多士整到好似餅乾🍪嗰種口感好脆口，生果食落去都好新鮮，再配埋個雲呢拿雪糕成個層次即刻昇華晒

呢間西式私房菜我已經食過三次因為性價比實在太高💛💛真係超級高😂😂係飽到傻咗仲要免開瓶費要預早同餐廳講定食咩佢哋先會準備到但係食物質素同埋擺盤實在太好啦再同朋友，家人聚會都一定會再嚟

朋友介紹既西式私房菜，一上到去環境好大好岩同朋友上去傾計食飯。 本身like同share會送隻法國生蠔同杯白酒，但係見到隻生蠔甘肥美，我又太愛生蠔，未影相已經比我食左嚕😅我同朋友叫左個$ 415(要加一)+$ 25(鵝肝)+$180(龍蝦)既套餐👇🏿👇🏿👇🏿首先係個龍蝦濃湯，已經好驚喜。大廚話隻龍蝦已經煲左兩日兩夜，比起出面既餐廳，真係飲到好濃既龍蝦味。前菜方面，我同朋友叫左個魚子醬帶子青蘋果沙律，酸酸甜甜好開胃。仲有個鵝肝配蕃茄多士，我本身就吾食蕃茄既，但係我朋友叫我試啖，最後比我食曬。吾知大廚點整，完全冇我平時吾仲意食個種青味。主菜我地又係一人簡一款，我朋友就簡左魷魚釀牛肝菌意大利燴飯，個魷魚好鮮煮得岩岩好一啲都吾韌。另外我就簡左芝士焗龍蝦米多，過到黎一定要食！真係好好味！啲龍蝦肉係食到一大舊一大舊，絕對吾係龍蝦碎黎。最後食埋個甜品，芒果拿破崙就食得多，綠茶拿破崙就第一次食，都幾特別。仲有我好仲意食佢個自家製手打雪糕，個雲尼拿味又吾會係好假雲尼拿油味同吾會好死甜。總括而言，價錢黎講真係好合理好抵食，我地一開頭以為啲野食會好細碟驚吾夠飽，點知食到勁飽，啲野食又好好味。同埋大廚會留意住

呢一間西式私房菜位於尖沙咀山林道樓上既鋪黎，都係朋友介紹同在網上留意到有人介紹隱世餐廳吸引而黎🤤上到去門口有好大個招牌表示係J.L Private Kitchen。需要早一日預留位置，上到去要撳鐘等候開門✨聽到私房菜已經好期待😍我已經喺佢哋社交平台做定功課 只需要like and share 就可以免費有一隻生蠔同一杯白酒🔥仲要親民價錢食到五星級質素野食❤️‍🔥😍每位都只係四百幾蚊位 令我已經好期待✨一般都係會有餐前餐包比客人先，因為我同朋友2人所以係2人份量。然後提前一日喺WhatsApp訂枱嘅時候已經揀好所有菜式等待上菜✨價錢都會提早一日已經知道🌟✨法式乾邑龍蝦濃湯🍲我揀咗呢個龍蝦湯果然係冇錯嘅選擇✨龍蝦湯真係唔係間間西餐館都有得飲，第一個印象分會係個湯夠哂熱，湯係食飯前好重要既一部分，暧胃好緊要而且呢到既龍蝦湯非常香濃同creamy、飲落去已經知道係自家製加上飲落有蝦肉嘅鮮甜，同蝦膏嘅甘，覺得個湯都真係好用心烹調🤩絕對飲一碗唔夠喉❤️‍🔥❤️‍🔥伊朗魚子醬．北海道帶子．青蘋果有機田園沙律🥗飲完個湯之後就會跟住就會上自己揀嘅頭盤，呢個係我朋友揀嘅，等我都試一試🤣呢到做左小小層次感增加美觀

為朋友慶祝生日，OpenRice搜尋見到有不少好評就試一試。前一日WhatsApp問定你食乜，預備好食材，睇Menu都有啲期待。準時去到，一開門勁勁勁嘈，我睇op嘅相都知有較多位置，但冇諗過嘈到咁，可能樓底矮 + 室內，啲聲困住晒嘈過大排檔。前菜係沙律，我哋兩個都揀咗意大利雜莓果醋海鮮沙律，勁大個沙律兜擺上檯，冇美感可言。到龍蝦湯，稀過水。中間嘈到好難頂，可能我地黑仔，遇到兩檯中年客狂歡暢飲。期望主菜會加番啲啲分啦，一上檯，嘩⋯ 燒澳洲M8和牛肉，賣相已經唔得，肉質還可以，但好普通，仲要啲舊牛肉係另加$60。打算食完甜品快啲走，啲評語唔知係咪有啲打手，講到個cream brûlée 好好味，好滑。誇張失實！失望到極點。咩自製雪糕同cream brûlée 都係完全冇味。每人$440 + $60和牛再加一，夾埋兩個人大約$1100，佢呢啲價位其實都冇太大期望，唔係話難食到嘔返出嚟，但真係完全唔值，食物唔出色、環境差、冇service，似係二百零蚊貨色。

最近朋友派帖訂咗呢間位於尖沙咀的私房菜西餐，咁耐冇見都想傾吓計飲下酒，座落於山林道，有不少飲酒小酌的地方，三道菜連餐湯幾款特色焗包加甜品和服務費後約$500，記得預約好先去，因為都是即日預備新鮮食材製作，事前功夫準備要好充足餐廳主理人酒店餐飲經驗豐富，因此對食物出品要求很高，整體水準令人滿意，最喜歡的菜式是澳洲肉眼扒，外層燒得香口惹味，脂肪度不算高感覺不油膩，偏愛medium 肉質鮮嫩牛味很豐富。薯蓉配菜又一驚喜，薯香軟滑有細細粒薯仔，牛油味濃濃香香是日甜品是焦糖燉蛋，薄脆的焦糖及香滑的雞蛋布丁，飯後的小確幸❤️—————————————————J.L. Private Kitchen (尖沙咀)尖沙咀山林道23號2樓—————————————————⠀⠀⠀⠀⠀⠀⠀⠀⠀#hkfoodie #hkfood #hkfoodblogger #hkfoodpic #hkfoodstagram #foodie #foodporn #foodphotography #foodgasm #lunch #尖沙咀西餐 #尖沙嘴美食 #私房菜___🥇Follow @eathkgirls #eathkgirl

朋友推薦我嚟呢一間私房菜食，好特別嘅體驗，因為朋友前一日book定揀好食咩，所以我當日去到餐廳上菜先知道食啲咩😆有麵包+沙律+餐湯+主菜+甜品麵包籃有幾款唔同嘅口感嘅麵包，麵包醬口感好特別，係秘製千島醬，最鍾意麵包條。意大利雜莓果醋海鮮沙律有煙三文魚、虎蝦、蟹肉，搭配沙律同果醋剛剛好。意大利黑松露野菌忌廉湯湯係濃稠嗰一種，蘑菇味好濃郁，配麵包剛剛好。澳洲和牛肉眼肉嘅熟度剛剛好，肉質鮮嫩，搭配嘅薯泥都好好食😋法式焦糖燉蛋配自家手打雪糕好鍾意焦糖燉蛋，表面嘅焦糖好香脆，裏面嘅燉蛋入口即溶。整體而言，食物方面都好好，環境都舒適而安靜，值得一試！

依間私房菜有啲隱蔽，首先搭lift上2樓，沒有一個當眼的reception，要撳鐘開門。餐廳裝修有格調，氣氛浪漫，幾適合拍拖。通常私房菜都好好食，所以今次都有啲期待。前菜沙律的黑醋汁甜甜地，配上蕃茄酸酸地，甜甜酸酸很開胃。平時有些沙律食粗體Shuan太強烈，這款就很平和。沙律有一隻蝦和一塊三文魚。餐湯濃郁的蘑菇湯，麵包很好食，脆卜卜暖暖地。平時不會食意大利雲吞，覺得皮太厚，餡太少。這個意大利雲吞係我食過最好食嘅，首先包皮很滑，配上白汁，好似食緊超闊嘅闊條麵。豬肉串燒都好正，豬肉燒得剛剛好，有肉汁之餘，豬肉嫩口。配上些蘑菇翠玉瓜蕃茄黃黃朝，感覺不肥膩。法式焦糖燉蛋配雪糕呢個燉蛋真係不得了，嫩滑到好似食緊豆腐，奶味好濃，可惜蛋可以更香，不過整體都是好好食。上面的焦糖比較厚身，可以簿些脆些更好。

今日同朋友諗住去嘆一嘆 所以就去咗呢間J.L. Private Kitchen 試下佢個私房菜🍷伊朗黑魚子蟹肉蘋果呢個前菜整得都幾靚 好有心思 下面鋪滿儲好多青蘋果碎 所以食落好Fresh同埋帶有少少甜味 另外佢上面仲po咗好多蟹肉 帶有鹹味 再配埋黑魚子 成個感覺昇華晒🤤油漬五味藍鯨吞拿魚配巴馬火腿日本大拖羅他他田園沙律上一個前菜未到就比較清淡 呢一個就比較濃味啲 每一件上面都有好多大拖羅他他 裏面中Miss咗啲洋蔥 底下仲有一塊巴馬火腿 一啖個食幾有層次😆另外佢仲配咗啲沙律菜喺旁邊 令到成個前菜都唔會話特別濃味啱啱好意大利黑松露野菌忌廉湯呢個忌廉湯嘅黑松露味好濃郁 啖啖都可以飲到好香嘅黑松露味 而且忌廉湯裏面仲落足料 裏面有好多嘢菌同菇 所以飲落去都有幾種層次 有得飲之餘仲有得咬吓😍法式干邑龍蝦湯呢個係龍蝦湯嚟到嘅時候已經聞到好香嘅龍蝦味 而且飲落仲少少地 再配埋佢條既一條長方條 帶有少少鹹味 可以帶個龍蝦味更突出😍澳洲和牛牛排呢個牛排嚟到既時候已經好香 牛排好有光澤 切落去仲幾淋😆 佢煮得啱啱好 唔太生又唔太熟 啖啖肉既感覺真係好正 另外佢仲配咗啲薯蓉 薯蓉裏面仲有大粒少少既薯仔