Jariya Thai Food (已結業)

食左咩就唔係好記得，因為呢一餐係3個8婆講是非既一餐，食得當然開心架! 不過我第一次去食dinner~拼盤樣樣都好食，因為其中一個遲左尐，我另另一個餓到屎咁，就先叫左黎食，佢黎到凍哂真係唔好意思XD冬陰功加油飯我好少主動叫呢個架，但lunch食過真係會上癮架!肉碎飯我唔記得叫咩啦，因為我平時係唔會主動叫既，但食落又幾惹味幾好食! 好香口好正!馬拉盞通菜定飛天呢個當然好食啦，我最後都將佢清哂XD好又好在老細俾我地坐多陣講多陣粗口XD 反而係我地唔好意思阻人收工! 不過呢餐真係食得好開心，吹左堆水出黎個人好似refresh左~係同路既，食都食得開心尐~

個日又去#jariyathaifood ，呢間都算係我地呢排既熱門我個日典左好耐，又想食呢樣又想食個樣， 最後叫左呢個冬陰功(其實平時我好少叫呢樣野XP), 結果好開心，仲聽到隔離枱叫海南雞但要冬陰功... 我同男人即刻叮左，下次識叫啦! 哈哈哈哈~ 不過講留呢個河粉，係少有既闊身河粉，有少少船麵feel, 個人黎講會想佢辣尐，但佢其他香料拼埋係好味既! 或者下次我可以試下問下可唔可以加辣🤣另一個係豬頸肉飯，因為我地上次食完，佢一諗到黎就已經決定要豬頸肉! 呢間野對於唔係呢區既人黎講，應該唔難搵，但唔識既話真係有尐難搵，但有心食好野就周圍行下啦😂😂

尋日同家人行完山，細佬一早book左呢間泰國菜食dinner。整體黎講所有菜都很不錯，個炒金邊粉真係好好食，而條烏頭配冬陰功湯底簡直一流，所以成個湯我地都飲晒。另外不得不食個炸魚沙律，原來係成條魚既沙律!!! 所以我地4個人一晚食左2條大魚，但食法唔同，我地將佢K.O.晒XD 如果要挑剔一下，個蝦餅唔夠熱，味道OK但無咩特別，就係一個普通的蝦餅。另外我地仲叫左個通菜，好大碟!! 仲有串燒豬，都不錯。最尾當然不可不叫的芒果糯米飯同班蘭糕，呢2個甜品做結尾真係非常之好。有良心既鋪頭仲要品質OK,絕對要帶朋友黎試。店內既設計同餐牌設計都非常美觀，大家都要用心睇下。

今次呢間想試好耐，我只記得佢係J字頭，又唔多有見過，直至之前我搵間凍肉店，原來係呢到! 呢間係一個唔起眼唔係大路既位，但好食!一黎已經放低兩碗例湯，苦瓜我唔好，但呢碗野好甘，如果鍾意食苦瓜既應該覺得好好飲!蝦醬肉碎炒飯 $50佢個蝦醬味唔算好濃，但overall加埋好食!青咖哩雞配白飯 $48我覺得佢個咖哩好好味!唯一係有我唔食既紫色怪物(茄子)，會追住食XD 我個炒飯未到，我係咁追住佢個咖哩黎食XD豬頸肉唔記得影低個價錢，不過講開，其實我地個日爭扎叫咩，佢地介紹我地照個lunch set再加豬頸肉佢個豬頸肉唔係我地預期個隻，但又幾好食喎!我地食個時，同姐姐仔傾左兩句，都話食黃店條氣都順尐~ 賣單時攞左張印花卡出黎，我地問佢未畫走(我地其實儲滿左差唔多兩張)，佢指住其他已畫走既話，咪畫左囉~ 其實當大家同聲同氣，自己就氣氛好，食又覺得好食尐，消化都好尐!再一提，佢地本精心既menu, 你絕對要去欣賞!

成日相機食先當然都要同你開心share 啦！食親泰國野只會諗起九龍城，今次終於唔駛去咁遠食泰國人主理嘅泰國菜啦！全舖少過10張枱，去到有心理準備要等一段時間，最近要去工聯會先有冷氣涼下。一睇門就知你無去錯啦青木瓜沙律：睇落以為無咩料到，食落有殺氣，只係食到少少辣嘅要有心理準備，不過非常開胃，食落‘索索’，好爽口。飯粒粒分明，食有菜粒嘅炒飯最怕啲菜踗哂，呢個嘅菜粒仍然爽身嘅，煮嘅時間剛剛好。以為無咩餸個陣，原來喺哂入面。

下雨天買了個午餐A 黃喱肉片飯 午餐，肉片有5片片，咖哩味道還可以，但外賣的收費令讓人卻步沒下次！午餐凍檸茶加 5元已比一般跟餐凍飲收貴了， 最讓人不能接受的是外賣膠盒一個餐竟收了4元，難以想像現在疫情下不單沒外賣優惠還有這樣的收費，幾十元貴平問題，而是生意手法的問題了，我就不會有下一次了。

呢間黃店系朋友介紹嘅，已經想試一段時間，支持同路人 😀。店員話我哋知佢哋差唔多全部店員、廚師、廚房幫工都系泰國第二代 。所以煮出嚟嘅嘢食真係零舍正宗啲。款式又多，價錢仲好平，每樣小菜都只係大概 $6X，呢個價錢第二到真係搵唔到。泰式炸蝦餅 ❤️ $68評分：9/10屋企人鍾意食蝦餅但出面好多都整得麻麻地好食。有時好膠，有時又好粉。呢到嘅蝦餅好有驚喜!! 首先上枱見到咁大舊已經嚇一跳。4舊切開分到成8舊。我哋仲驚食唔晒添但個個食完第一舊都讚不絕口 - 有蝦味又唔會膠 肉碎生菜包 (豬/雞) ❤️ $68評分：8/10呢個爸爸就覺得淡咗啲，但我又覺得啱啱好喎。啲豬肉唔會鞋，系濕潤油封嘅，但又唔會不斷出油。簡簡單單都唔錯串燒沙嗲半打 (豬/牛/雞) ❤️ $85評分：9/10呢個一定要重點推介，特別係豬同埋牛，真係好嫩，啖啖肉。佢個沙嗲醬嘅甜度恰到好處，食得出系自己溝出嚟嘅，正啊!!! 雞肉就相對遜色，唔知點解有啲酸味。泰式豬頸肉 ❤️ $68評分：9/10豬頸肉燒得嫩滑，濕潤，唔會柴皮。厚薄都岩岩好，當小食食又得，撈飯食又得。隻汁又係自己調嘅，好食到癲! 好特別，好香但係又唔辣，細問之下系落咗好多

味道幾好，價錢便宜，負責收銀的年青男子很有禮貌！光顧的時間已經下午兩點多，食物上枱時他要求先收錢，原來3:00是落場時間，解釋清楚有禮，找續並奉上優惠咭！店舖座落在後街，支持小店，日後還會再來

西灣河內街中一間黃色小店 泰國味濃侍應有幾個都係泰國🇹🇭人地方細細 尚算乾淨企理炸蝦餅皮蛋🦐炸得好好食👍🏼又香又脆配埋皮蛋感覺又幾特別 不會太油膩正x100青咖喱雞肉我哋楝左辣味最重嘅青咖喱佢辣得黎又易入口 比一般咖喱悕整體黎講都唔錯！老婆鐘意d咖哩點蒜蓉包黎食呢個配搭nice喎！(蒜蓉包單食都唔錯)飛天椰菜苗微辣 菜嫩我地仲order 左 沙嗲串燒(豬牛雞 各2)招牌蟹肉炒飯 好食！！！！太心急食冇影到相

🔎Jariya Thai Food (筲箕灣) 💛 #黃店系列📍筲箕灣西灣河街23號富欣閣地舖-💛文宣黃🔹香葉豬肉碎飯 $48 (煎蛋+$5)送例湯 熱飲+$3 凍飲+$5 (紙飲筒加分)蛋係必須 絕對要加 仲要有流心架肉碎幾香口 好多豆角 辣椒唔多辣度算係微辣 唔食得辣嘅朋友都可以食到D飯我都覺得ok 係粒粒分明嘅飯 份量都岩岩好#食在筲箕灣#90sfoodieshare_筲箕灣

平時好少寫食評，呢間真係難食到未出門口就要寫😑 希望大家唔好中伏🤮 喺開業嗰陣食過一次，嗰時係亂到爆 又落錯單又整錯野食，點知過左咁耐都係無改善一樣咁難食🤢 間舖係超細 完全係枱貼枱 好逼隨餐附送嘅湯好咸，好重味精叫左個雞肉金邊粉，賣相已經比平時嗰啲唔夠橙色，食落去係無酸味又無汁勁乾感覺係超級乾炒粉🤯 只係靠啲青檸汁先有青檸味 仲加左杯泰色奶茶，點知成杯都係糖水甜到飲唔落去 完全無茶味，普通餐廳都好飲過佢下次要食泰國野🇹🇭 都係唔好貪近，行番遠少少去東大街食正宗高質泰菜😌

唔特登搵都唔知呢度有呢間咁好味嘅泰菜因為平時都好少會行入呢條街但黃店就要多多支持可能係平日去而且時間較早，所以都唔洗等就入得泰地道生蝦刺身 -128生蝦爽口大隻，不過辣椒太大嚿，都唔係好敢撈埋一齊食😂椰汁青咖喱 -68好香，又唔會太辣，而且料好足，D牛肉好似食極都重有咁🤣蒜蓉包 -35好脆好大塊，用泥點青咖喱又得，就咁食都得！沙嗲串燒 -160雞，豬，牛各4串平時D串燒通常上咗菜都要快d食，如果唔係就會變到好乾，特別係豬，所以我都有少少怕食但係呢度係上咗一陣唔即刻食都唔怕重係Keep住好熱同好juicy連唔太食豬串燒嘅我都覺得好好味沙嗲醬都好好，俾咗2兜，唔驚唔夠泰式冬蔭公湯 -78好足料，好濃郁馬拉盞炒通菜 -68不過不失肉碎生菜包 -68肉碎炒得惹味，不過D生菜就好似有D唔夠，竟然係包剩咗D肉碎🤣🤣但就咁食就好似有D太濃味泰式炒粉絲 -78岀色，覺得炒粉絲重好食過炒金邊粉🤣🤣不過略嫌食到尾就覺得有少少乾但好彩有D青咖喱係度，撈落又幾夾龍眼冰 -28D龍眼肉多到😍😍😍張單重好貼心咁岀埋人均消費唔洗我哋自己計

忽然興起搵野食。見到筲箕灣有間泰菜。作為半個泰國人既我。無奶油唔捉個泰國媽媽黎試遮。3個人叫左5樣野。。我去親d泰泰餐廳一定會試柚子沙律。但我食得落口既，真係寥寥可數,而呢道🥺🥺🥺竟然係好好味，又大碟。波羅炒飯。有提子乾架。好耐無食過啦～串燒，濕炒河同拼盤都好好味。屋企附近終於有間好味既泰菜。可以做飯堂啦～🥰🥰🥰🥰

尋晚我同老公去食飯，叫左香葉海鮮炒媽咪麵、椰子雞湯、海南雞三樣野。炒媽咪麵好油，一pat pat，菜係苦既，海鮮就係一隻唔完整既青口，有一、兩隻蝦同兩件魷魚，食食下已經停手，因為唔岩口味。椰子雞湯都多料，菇都多，湯入面有3-4件雞肉，有椰香味，酸得來都飲到既。至於海南雞，就無咩特別。但係衛生方面，有待改善。雖然職員一見我地坐底，就話比杯熱水我地洗食具，（但由老闆、職員、廚房煮嘢食既呀姐，都無帶口罩，除左我眼見有一個廚師呀姐帶口罩，但係係好薄，仲要見到鼻哥既。）疫情咁嚴重，出街食飯已經盡量避免，但職員既衛生意識真係好低！我見到整飲品既職員，挖完鼻哥，摸落件衫度，老闆係客面前大聲吹水而唔帶罩（封閉空間），職員之間緊係有吹水，仲要放野入口食，轉個頭就上餐（唔知係咪正常，如果正常請包食我既無知🙇‍♀️）我出post目的唔係要寫衰間鋪，而係想大家叫外賣/堂食時大家有多個參考。始終成日講「有圖有真相」，今次我無影，因為野食唔多吸引。職員同老闆有無帶口罩，大家行過門口可以見到（依件事比佢見到，佢帶返既話，我諗大家會食待得安心d)至於煮野食既職員會唔會因為依個post帶返，我諗大家決左幫唔幫襯，因為我唔

最近才來過這裡晚餐，感覺不錯，尤其是沙爹牛肉串，但當時沒拍照，已打算找機會再來。今天約好晚上10點二人世界的宵夜，就選這裡了～夜晚10點，這裡還幾乎滿位，我進去佔了最後一個雙人座✌️天氣冷，不想喝啤酒了🍺，改試一下這裡的椰子！，HKD25.- 沒想到這椰子的內涵好正👍白白的椰子果肉非常軟滑，用勺子很容易從椰殼內刮下...入口清香順氣，難怪人用椰子肉煲雞，確實滋潤喔！以下一盤泰式木瓜絲沙律，沒想到非常辣😰！我就挑了一些白色的像豆芽菜一樣的菜吃，沙律裡的四季豆很生，我沒碰，怕消化不了生豆鹼...相信這個沙律不是一般人能接受的🥵因為晚上10點多了，除了以下的冬蔭功湯粉，沒有別的湯麵了。這份冬蔭功河粉，一看就知道是足料吧！裡面的河粉比普通的廣東河粉寬許多，但我嫌油了些🤭最後，沙爹牛肉串 半打（6串） HKD68.- 👇👇👇建議慢慢品嚐這份肉串，肉醃的有味，每串牛肉的量也不少，沾些沙爹醬/花生醬...滋滋悠悠慢慢嘆😍小店夜晚11點打烊，我們是最後的食客了，買單時，老闆和夥計已經自己開餐了...這晚以上消費 共計 HKD194.-，好抵吧！