Joe椰

营业中

休息中

尋日去完鐵路博物館好渴就去左附近一間小店飲野叫左杯香蕉牛油果smoothie雖然都成45蚊杯不過就真係幾好飲 有好濃既生果味同埋好甜絕對對得住個價錢如果對smoothie有興趣既可以1試

舖仔細細，在一個唔起眼即轉角位，一直以為是買香料的雜貨店，原來是一間外賣果汁店🥤天氣熱辣辣，咁啱經過貴店，記得網上大埔友介紹過貴店400次咖啡☕️，唯有停低試一試，雙層是前排好hit的四百次咖啡泡沫，下層原來是鮮榨椰汁🥥，非常清新好飲、解渴！甜度適中，可以一試

看了 youtube 大埔 Louis 介紹 , 極力推薦金鑽菠蘿椰子汁，今日慕名而來， 買了一杯金鑽菠蘿椰子汁 $38大杯 , 另一杯 400次咖啡 $38大杯 . 菠蘿椰子汁淡味 似飲一杯有味水，400次咖啡似食咖啡雪條味， 如飲開咖啡的人，不會選擇 400次咖啡的味道， 淡而無味。中伏😩😡所謂大埔 Louis 極力推薦 Joe 爺這店，佢飲果支樽裝菠蘿椰子汁，我估計有幾倍份量特別濃郁而唔收錢，當然好好味。

作為一個斑蘭fan, 好耐之前已經想試下呢個斑蘭卷。 因為好近屋企， 其實之前已經黎過一次， 不過可能個次賣晒呢d小點心， 所以空手而回。今次我再早d, 買到最後一盒， 好野～～首先講講店舖位置係喺露天街市旁邊， 有啲近鐵路博物館， 鋪頭係正轉角位一啲都唔難搵。老闆仲超好同我介紹下其他佢做嘅小點心， 有一款焦糖脆脆， 老闆話好適合撈咖啡或者雪糕一齊食。 我都好想食， 可惜減緊肥。😢😢😢😢佢個樣望落超香又好味， 重點係20蚊超大盒。 我都係focus返喺我嘅班蘭捲到就心滿意足， 拎到返屋企， 急不及待就想打開黎食， 班蘭卷煙煙韌韌， 切開都有啲難度， 不過一啲都唔痴牙。 淡淡斑蘭香， 同埋個捲唔會好幼， 好薄咁。口感好好， 非常喜歡🥰🥰。

舖頭位置係鐵路博物館下面，買左兩款糕點去野餐食-椰汁斑蘭卷$20斑蘭卷係用鮮椰汁同斑蘭汁整，食落味道清香，有好香斑蘭味🤩-鮮味紅棗卷$25本身鍾意重味食物，所以我比較喜歡紅棗卷，食落超重紅棗味💕-兩款卷卷都好好食，咬落好煙韌。全部糕點都係老闆每日用粘米粉同木薯粉自家製，食完唔黏手又唔會膩😋呢個價錢真係超抵食，一盒兩條，大大卷！-老闆每日都會係fb page更新當日有咩卷卷可以買，可以睇左先去〰️

某個星期日小妹拎住一袋二袋餸菜，條街真係好熱，熱到核爆，天啊...夏天真的來了回家前決定好好酬謝自己這小店在舊墟街市外圍的角落，當正悵然選那一款的時候，咦？有400次咖啡椰汁喎？！居家抗疫期間小妹已經為家人用手打400次咖啡啦呀～知道整一次400次咖啡打到軟，未係街上試呀，梗係即刻點一杯啦，小妹+$5 轉做椰汁冰，正啊未飲都已經好期待主打椰汁的小店，仲有一些健康蔬果汁，羽衣甘藍🥬，紅菜頭汁，五青汁等等，可以選擇喔細心留意店面仲有其他馬來西亞/泰國/越南既公仔麵同調味料，又有一些甜點賣～～和老闆娘聊起來，原來係佢地自己整架，經過的小黃人可以去喔椰子同咖啡真係係好夾，佢地永遠係最好既朋友，不過咖啡同好多食物都好夾，哈哈陪住小妹行一段長長的涼浸浸的回家路，少有這種亂世中的淡淡幸福味道，但係呢樣野唔係必然架，要珍惜。

是日在大埔墟一帶遊走行到身水身汗，想買杯飲品解渴，想起仍未試過這家店的椰汁，就特意來買一杯試試～～雖然有好幾款椰汁類飲品選擇，但還是先試最原汁原味的一款！而妹妹就選了四合一果汁～～～個人都幾喜歡喝椰汁太炎熱的關係，飲品到手時都立即喝了幾口，之後才想起要拍個照Joe椰的椰汁是帶點椰青水的清甜有別於過往試過的椰汁～～雖然碎椰絲不多，椰子味不是最濃郁，但這樣的椰汁令人感覺清爽，不會膩！消暑一流～～～四合一果汁，原本是西瓜﹑菠蘿﹑雪梨及檸檬但雪梨無貨，店主就先詢問用蘋果來代替是否ok？妹妹沒所謂，所以就要這款果汁了！果汁的比例調配恰好，不會是某一款水果的味道特別突出，味道幾有層次！可以嚐到每種水果本身的味道！雖然椰汁及果汁好像比其他店舖貴，不太抵飲但當一杯珍奶都賣差不多的價錢而這裡的飲品都用上真材實料時，覺得價錢尚算合理吧！另店舖還有售賣甜點小食﹑醬料調味料等不過今次就未有買來試啊！

✨冷門黃店🥥400次椰汁咖啡☕️✨————————————————————💛#littlefatwest良心小店 💛#littlefatwest大埔黃店 ..非常冷門既黃店 位置比較偏又冇乜宣傳連ig 既相都係得幾張😭openrice食評得兩篇大埔人要優先懲罰 保番自己區小店6.12就有罷工表態💛老闆接受訪問表示支持爭取訴求💪🏼————————————————————🥥400次椰汁咖啡 $36 (8.5/10)近排好hit既400次系列！估唔到加椰汁係咁夾😍每杯即叫即整咖啡好香濃 鮮榨椰汁香甜幼滑🤤味道幾有驚喜 仲有其他果汁同糯米糍賣😛————————————————————📍 Joe椰 (大埔) 大埔墟安富道9號B2地鋪 .

早前上網見這間小店有400次咖啡系列，於是收工去試吓，太和火車站落，過橋，穿過街市，好快見到，店子小小，一人店，本身主打鮮椰汁的店現在也趕上潮流製作了近期人氣爆燈嘅400次系列，由於本身也鍾意飲椰汁，於是專程去買杯400次咖啡鮮椰汁試吓，椰汁原汁原味，清甜，加上相信是老闆（因為得佢一個人🤣）用心製作的400次咖啡，頗有生意諗頭👍🏻老闆服務又好👍🏻本身打算買埋糯米糍，但已售罄，只好下次再試

舖仔細細間咁,有各式糕點,果汁舖名叫Joe椰,真係有好多椰子味ge產品,平時都鐘意食椰子味產品,今次轉轉新口味,買左一盒斑蘭紅豆糯米糍店員好nice好有禮貌舖頭無位坐,帶返屋企先慢慢嘆啦糯米糍都幾大粒下,比平時係其他舖頭買個啲大粒啲啲面頭均勻咁鋪滿左椰絲,咁樣今日都算係食左椰子味產品呀外皮厚薄適中,煙韌有咬口,中間ge紅豆餡唔會太多唔會太少,質感係比較smooth ge質地,唔係粒粒紅豆個種整體糯米糍唔會太甜,清淡好食

行過大埔墟見到呢間【joe 椰】嘅小店記得係網上見過一直都想試但未試，好似係椰子汁🥥同埋鮮榨蔬菜汁🥬出名不過今次我無飲椰子汁/蔬菜汁，反而試左佢啲糕點🤩🤩🤩🌟【黑武士糯米糍 】$30顧名思義"黑媽媽",因為佢係出面係芝麻個皮同餡都係芝麻🤩鍾意芝麻嘅真係唔可以錯過❤️❤️❤️🌟【班蘭糯米糍 】$30平時嘅普通糯米糍都食得多，但班蘭皮就真係未食過🥜花生餡但係有淡淡的班蘭味都幾特別😋😋😋