Joe's Billiards & Bar

营业中

休息中

這裡跟朋友相聚的好地方，想坐底傾偈把酒言歡，想企起身郁吓又有Beer pong 掟，環境舒適，地方很大，好多鏢機，仲有飛行棋枱，很有兒時回憶，桌球要收錢，食物也有質素，我地5個人21：00左右到，叫左個4個食品，比目魚煎得好香同好大件，卡邦尼意粉重芝士味，德國咸豬手外脆內軟～忘記影相，麥樂雞薯條，食物份量都足夠，食完飯，大家仲開左支酒飲返杯，掟吓鏢，有D3機玩，輕鬆吓，始終旺角走時好方便，地方唔太迫。

話說我8/4晚上8點左右上左5樓睇波掟鏢，叫左一支asahi ，佢來左1set，我話唔好意思我係要1支咋，8:50分問我使唔使留酒，我話唔使了，到咗21:30我掟緊鏢另一個女仔走過來話今晚低消2支飲品，我掟到一半無咩心情咁我掟完嗰局唔憤氣走去理論，點解唔係一早入場講，佢(中等身形，馬尾，無帶眼鏡，有帶口罩）叫我冷靜啲，咁可以唔叫都得嘅，無道歉，我想知係佢嘅意思定係場地意思，我返埋位示意埋單，等左5分鐘無人理我，我走去自己埋單，你入場講兩支，我咪九點前叫囉，去到中途加規矩，係叫屈，我唔係無錢係唔鍾意咁樣突然加規條，係好反感，本身諗著掟到12點，睇多場波，但心情情緒已經唔可以平伏得到，於是我埋單走人。

星期日去無咩人，鏢機都好多可以玩。3個人叫左客buffallo chicken wings ($98/6隻)同1 set asahi ($256/6bottles）雞翼好大隻，啖啖肉， buffalo醬酸酸地好開胃，但都真係幾辣，食唔到辣唔好試。

Joe真係勁糟囉，有個女服務員啲態度勁糟囉，我以為我殺左佢全家，人地叫野食之嘛，佢好似好唔想啲人叫咁，話要等好耐，成個鐘㗎喎。好肚餓囉，飲橙汁，杯橙汁勁淡好似水咁。