Kimchi Korean Fusion

营业中

休息中

收工後同老公想去食啲嘢先返屋企，經過門口見到唔係連鎖經營就入去試吓，點知⋯⋯⋯⋯餐廳員工主要由外籍人士打理，雖然呢個唔算係重點，睇完餐牌之後決定叫兩碗麵試吓。由於天氣熱老公話要食水冷麵，咁咪即管嗌嚟試吓啦，而我自己就揀咗人蔘雞。大概10分鐘過後水冷麵先到，麵質係非常之腍嗰種，湯底亦冇乜味，食上去只係一碗普通嘅麵。跟住人蔘雞都嚟埋，一嚟到嘅時候真係大家都呆咗😱，首先隻雞🐔唔係完全完整嘅一只，係全部散晒連雞嘅形狀都睇唔到，感覺就似預制食品打開翻熱嗰隻。味道更加唔使講，入邊嘅嘢全部都係腍啤啤溶溶爛爛，冇牙都食到嗰隻。呼籲各位唔好好似我咁比門面簡單嘅裝修而吸引入去，反而旁邊嘅連鎖式餐廳一定會好食過佢。總結埋單大概二百幾蚊，應該返屋企煮公仔麵🍜仲開心。

嗰日心血來潮，諗住去食韓國🇰🇷嘢，點知就中大伏🫠記憶中金巴利街有幾間韓國嘢食過都唔錯，諗住同老公去食，但我哋食飯嘅時間已經差唔多四五點，好多韓國餐廳已經落咗場，見呢間仲有開睇吓個Menu，個印度籍嘅侍應就向我哋招手，點知係惡夢嘅開始🥲由於都係第一次幫襯，我都好小心，淨係叫咗三碟餸。但我哋第一碟食嘅係全宇宙最難食嘅韓式小菜。試幻想一下，韓式小菜係冇可能難食㗎，但佢真係好難食，啲芽菜係冇味㗎！😫😫😫然後上個蛋捲，個presentation Hea到我懷疑佢有冇心做飲食，完全冇誠意，仲疑似發咗霉。似係喺韓國街買返嚟嘅蛋捲返叮再返叮。然後個冷麵，個湯係冇味㗎 ！我食啲冷麵係有啲好似梅子嘅酸味㗎嘛😤😤😤😤認真，我煮都好食過佢。我份人都好公道，個炸雞係OK嘅。埋單三百幾蚊，有種我唔知食咗啲乜嘅感覺。我將我經歷寫出嚟，唔係要投訴討回公道，純粹係想警世，希望唔好有人好似我咁再中伏🙏🏽🙏🏽🙏🏽

星期五晚成條街啲餐廳都full唔想等見到間kimchi有幾個位入咗去食真係唔係講笑好難食，叫咗個石鍋拌飯 一個年糕 一個炸雞石鍋拌飯連埋個飯都係凍夏天都唔使咁過分啦年糕就成碟黐埋一舊炸雞硬過石頭嬲到完全冇影相食咗兩啖就走咗成間鋪嘅客人都係南亞人員工都係見到老闆入嚟都係南亞人其實唔係韓國人，又唔識煮韓國嘢真係唔明點解要開韓國餐廳？好地地做返穆斯林餐廳咪算😅😅😅上到Openrice先見到原來咁多負評希望加埋我呢篇食評 可以令到大家唔好中伏

一坐低，侍應就即刻行過嚟問：「食咩呀？」搞到我哋連餐牌都未睇清楚，成個氣氛好似趕客咁。但最嬲係叫埋單，叫咗好幾次都冇人理1. 海鮮煎餅 - $168**厚到冇朋友，完全唔脆，食落係淋，又多粉，好似係食緊塊海綿咁。呢個價錢嚟講，真係唔值。2. 牛肉紫菜卷食落去冇乜特別，好普通，完全冇「韓味」。如果你話係平時便利店買嘅紫菜卷，我都信。呢個真係食完都唔記得有咩味。3. 拉麵年糕呢個真係最離譜。所謂嘅拉麵，其實同港式公仔麵冇分別，冇彈性，冇口感。至於年糕，數量少唔緊要，仲要好硬，好似未煮透咁。呢間餐廳無論係食物定係服務都係一個大災難。食物唔好食，價錢偏高，仲話咩韓式，根本同韓國兩回事。服務仲差，叫埋單嗌到喉嚨都乾。仲有，杯水入面都有油！係咪杯洗唔乾淨？大家千祈唔好中伏！

行過韓國街想去個間又要等位求其入咗一間食叫咗三樣嘢食牛肉拌飯正常味道疏菜薄餅都係正常味道韓式炸雞就係酥炸感唔係真正韓式炸雞咁脆又係普普通通好在夠熱夠新鮮唔叫難食但真心一般

劣質前菜最穩陣的石頭煱飯 都唔好食見佢唔使排隊 先入去試吓點知中晒伏好失望🙍🏻‍♂️🤦🏻‍♀️🤦🏻‍♀️🤦🏻‍♀️🤦🏻‍♀️🤦🏻‍♀️🤦🏻‍♀️🤦🏻‍♀️🤦🏻‍♀️

落單時個服務員東張西望咁，人哋以為唔知以為佢泊咗架車喺出面驚俾人抄牌，冇留心聽客人嘅order，我仲要重複咗幾次，上菜前人地每枱都有小菜，我地就冇，到上菜時，我明明冇叫到嘅吃物就話我有叫，仲好意思話我冇講清楚，我叫左2杯飲料只黎到一杯，心諗咁嘅服務都係快啲吃完走算了，到埋單比錢時睇一睇張單，咁樣嘅服務仲要收「加一服務費」？個女人仲要用啲鄙視眼光咁望住我哋，我真係吾會再有下次，各位去食之前真係要諗清楚

嗰晚想食韓國嘢，行過見到有位，所以就入咗去食。我哋嗌咗一個Bibimbap 同埋海煎餅，上菜速度都OK，但係啲嘢就幾難食。個Bibimbap 配一個凍冰冰嘅辣醬，個海鮮煎餅冇乜味，煎得一啲都唔香口，又腍滋滋。但係最嬲嘅係我哋我哋坐低20分鐘，啲嘢食食到只係三分之一，隔離張四人枱走咗，佢就叫咗六個人入嚟坐。佢間鋪已經好細，而入嚟嘅內地人又冇禮貌，背貼背咁貼住我哋，跟住個姐姐就係咁清我哋枱面啲嘢，同佢哋講我哋走咗之後拍埋張枱俾佢。跟住姐姐就企喺我哋後面望住我哋食嘢，最後我哋好嬲嘢都唔食就走咗喇。啲嘢食只係上咗15分鐘，就係咁樣講人走，真係唔會食唔切。冇下次。

係尖沙咀行完街就食個dinner, 突然好想食韓國野就黎左呢間。呢個鐘數咁岩walkin 有位，但d 坐位有dd逼。叫左個烤牛飯，d 牛都幾香既不過份量唔算太多。叫埋個泡菜薄餅，薄餅算唔錯好有口感，但個味道比較酸。叫左份炸雞蒜蓉汁，份雞d 皮有d 軟，但幾好咪，不過個汁好瓊。

明明寫明75分鐘，我哋由落單到佢隊張單俾我哋都係30分鐘，已經俾單我哋叫我哋埋單！會唔會離譜咗啲話出邊好多人等位喎！但明明我後邊嗰台都未走，早過我哋入嚟，呢間嘢以後都唔會嚟，冇下次！ 啲嘢食難食都不特止，圖片與實物不符！明明嗌咗個蛋捲係有八舊，嚟到得五舊，仲要唔好食，最似樣就係個辛辣麵，因為就咁落調味料就得，未試過食一個韓式炒粉絲個粉絲係濕嘅，我仲以為我食緊個濕炒牛河！如果大家經過又想試嘅話，我勸大家唔好令自己後悔！

好難食喎，我未食過甘難食嘅韓國野 叫左3樣野 3樣都勁唔好食 最基本牛肉紫菜包飯都可以差到咁😅完全無味 勁乾！泡菜炒飯無泡菜味！唔香口！仲難食過白飯！泡菜煎餅成口粉 真係食到好嬲

CS行混條韓國街選擇黎間Kimchi…so bad！試左三個比較有代表性同經典嘅菜品.結果最好食係支米酒！！！excuse me？！個泡菜炒飯油味好Q重😩過左期咁個拉麵年糕少到可憐..（BHC炸雞年糕套餐啲年糕都多過距😅）個蔬菜餅……Just so so

成條街都係韓國野，見到呢間門面ok，都有幾枱客，心諗唔會中伏就入左去，當時係禮拜五夜晚7黑幾。點知呢 🫥完全顛覆我對韓國菜既認識。我地兩個人，叫左一個泡菜湯麵，一個水冷麵，一碟炸雞 (8件，燒烤醬)。餐前小食有芽菜，酸黃瓜，泡菜。芽菜係搵滾水白烚完全無味，泡菜無乜酸味辣味，個酸瓜完全無掂過。泡菜湯麵，得少少地兩啖，似係一個辛辣麵落3份1個，餸只得幾粒豆腐，肉都無粒。水冷麵，無乜湯，得三條青瓜絲，三條酸黃瓜，一粒青提子。炸雞，個醬係麥記麥樂雞個款bbq醬，炸雞有陣油益味。老闆係中東人，所以無豬肉。客人有超過一半係中東人。無相，信不信由你。埋單335，有史以嚟最差最唔抵食既韓國野 🤬。故事教訓就係，出去食飯點都要做少少資料蒐集。

I had a REALLY BADLY TASTED meal served in COLD in this restaurant at 2pm. The staff told me I needed to leave when I didn't even finish my food and tried to take away my drinks three times. Then she randomly put a bill in front of me and told me I need to 埋單 now. I told her I haven't finished my meal why do I need to leave now. She said there's a booking. A Booking at 2pm??? are you serious ?! The whole restaurant was half empty and there were still empty tables with no customers. If there is a

未食過咁油的豆腐湯，味道是沒有味道完全像喝油的感覺蛋卷味…怪怪的$68完全不值與外面招牌都是不一樣，圖文不符感覺顏色是隔夜的紫菜甩色影響嗎？（原圖相）本身諗住食過隔離間好食，今次試下呢間，點知中晒伏只有送的泡菜還好178元消費😨