Kimchi Korean Fusion

营业中

休息中

𠮶晚想食韩国嘢，行过见到有位，所以就入咗去食。我哋嗌咗一个Bibimbap 同埋海煎饼，上菜速度都OK，但系啲嘢就几难食。个Bibimbap 配一个冻冰冰嘅辣酱，个海鲜煎饼冇乜味，煎得一啲都唔香口，又腍滋滋。但系最嬲嘅系我哋我哋坐低20分钟，啲嘢食食到只系三分之一，隔离张四人枱走咗，佢就叫咗六个人入嚟坐。佢间铺已经好细，而入嚟嘅内地人又冇礼貌，背贴背咁贴住我哋，跟住个姐姐就系咁清我哋枱面啲嘢，同佢哋讲我哋走咗之后拍埋张枱俾佢。跟住姐姐就企喺我哋后面望住我哋食嘢，最后我哋好嬲嘢都唔食就走咗喇。啲嘢食只系上咗15分钟，就系咁样讲人走，真系唔会食唔切。冇下次。