影片
之前屋企人母亲节叫咗80 catering到会，中晒伏出晒事，难食+比错嘢食捞乱单+唔肯退差额钱，仲要俾个老板cut线同埋话我屋企人黐线😡贴钱买难受，最后屋企人都有放上OpenRice诉苦😢点知今次到我揸旗到我帮手安排食物，竟然再遇到佢！！点都估唔到，佢竟然有分身，一间喺葵芳，一间喺红磡！之前屋企人上网订葵芳个间，今次到我谂住喺我返工附近见到应该有地舖差极有个谱，谂都谂唔到竟然我会中计俾钱再帮衬佢地！今次佢哋好好啦，终于冇比错单冇比错食物，亦都冇迟到，但啲食物依然简直劣食到不得了！睇返之前𠮶个OpenRice评语都有人讲佢哋啲嘢真系好难食，我想讲佢哋啲嘢真系真系好难食，真系完全系唔识煮，我极度怀疑过老板唔系做开饮食😟点解我会知道佢哋系同一间？因为当你同一时间两间都食过，佢哋一样都系咁难食嘅味道，食物个样卖相都系一样，餐牌一样，网站图片都系一样，你就会知道佢哋就系同一间老板😒系我蠢，自己一时冇睇清楚😭搞到屋企人要赖多一次嘢😭所以我喺呢度提大家一次，呢间嘢系80 catering嘅分身，因为80 catering已经好多劣评（因为个老细不停闹客），所以应该要开分身嚟再揾大家钱😒睇返啲OpenRice嘅评语，呢个老板真系跳跳地制😒学前两篇食评话斋「希望冇下一位受害者啦」
继续阅读
第2次去，想试香草牛肋条但售罄，食返猪颈肉，今次令我惊喜既系杯泰式奶茶，微甜又有泰式调味；我连叫两杯，每杯+$10，因为食紧泰式辣面，要中和下个口，佢间铺背景音乐系jazz cafe playlist，无d烦人既香港流行曲，非常chill 😋
继续阅读
佢个餐牌就系我唯一cap咗佢嘅相。 而之前留言，𠮶位话食物同餐牌不符嘅朋友系非常之中肯我叫咗猪颈肉面，谂住餐牌上个样应该唔会争好远。 跟住嚟到嘅猪颈肉系一阵油味同佢个样系同餐牌上系两回事（佢系炸，不是烤）。我开翻佢个网上餐牌嚟睇先发现原来佢系cap人地panasonic 个图（伏）。 跟住我都即刻掂都冇掂碟野，同老板娘讲，佢都话可以换另外一样嘢。 但系个老板再过嚟话系好食嘅，但系我话我接受唔到咁油亦都同佢网上餐牌个图不符，我已经赶时间， 所以我就话有边啲快嘅就俾我。 佢就俾咗一碟所谓嘅素菜， 其实都系好难食，我都冇再出声，点知个老板冲过嚟话唔收我钱，因为我话上网会威胁到佢，我根本连谂住放上网嘅心都冇（我相都冇影，有就放埋上嚟啦），净系话佢个𩠌样同网上餐牌唔同，点知佢会自己理亏都系咁闹我话我威胁佢唔收我钱，我掉低$70走人（ 素菜面衹系$58，但已唔想留系度受气）跟住我去open rice睇返佢间铺先发现我唔系第一个受害者，我极少会open rice留言, 但俾呢间店咁嘅对待，我真系唔想有下一个受害者
继续阅读
我与朋友共聚要求炮制一杯热迷迭香柠檬水加姜店长做到给我们，很意外姜、迷迭香与柠檬三个元素混合在一起 三个不同层次，个别发挥独特口味，合起来又有另一种口味，下次应可试后者了，例如玉桂奶咖啡另外，我自己点了泰式酸辣汤底配溏心蛋配面加配菜 主要是啖汤，味道与泰国接近，调较得岩香港人口味，够酸而只是小辣，口味合我心意仲有秘制炸鸡中翼及一份超人气猪颈肉接近烫口的鸡翼外皮，内肉质温暖可口，调味刚好、不咸、爽脆，好想再食多一件，结果加点一份。猪颈肉也是刚离锅的温度，厚切程度前所未见，肉质爽滑，调味到家，清纯甜美
继续阅读
工作关系经常游走港九各区，行到边食到边，但每次开饭只会选择茶记或小店今日行到红磡启岸，见到新开小店，舖头细细装修几新，干净，坐位尚算舒服，坐低店员推介黑椒猪手面，猪手唔会干柴有肉汁，黑椒味香浓，配上自家酱汁甜甜辣辣几开胃，碗面正常水准，都几Q弹，最后配杯冻柠茶，加咗一束泰式香叶，成杯柠茶多咗一种风味几得意，价钱尚算合理，下次有机会经过再试其他嘢
继续阅读