Kome Kushi (已結業)

呢幾個週末赤柱都有音樂活動，所以就算無論落住大雨細雨，都一樣有好多人會為咗近距離聽到偶像唱歌嚟赤柱，感覺上都有帶旺咗呢邊嘅食肆(?) 至少我自己呢一日都係專程入嚟的赤柱都有唔少特色餐廳，呢間喺赤柱廣場嘅Kome Kushi開張冇耐，鋪面幾大闊落，高樓底營造咗空間感，選用木製桌椅，據講餐廳晚上會變成酒吧，所以比傳統日式居酒屋多一份型格。廚房採用透明玻璃設計，客人可以大約見到裡面燒串燒嘅情況。餐牌方面，主打一系列日式料理，前菜、串燒、壽司卷物、天婦羅、主食等，另有甜品例如芝士蛋糕、抹茶撻及三款刨冰。煙燻三文魚 $98三文魚肥美，比較特別嘅反而係伴碟嘅醬汁，炸蒜口感同味道配三文魚，係意料之外咁夾。意大利軟芝士牛油果配煙肉碎香滑牛油果配軟滑芝士同帶鹹香嘅煙肉碎，食一份實在唔夠呢串燒串燒款式多，花多眼亂，由於是即叫即燒，需時等候。白鱔串燒 $78/串鐘意燒鱔嘅朋友唔好錯過，外皮燒到薄脆，肉質有彈性，冇油膩感，調味恰到好處而不失鮮味，點咗一串都忍唔住要加單呢士多啤梨豚肉卷串燒 $48/串曾經喺其他居酒屋食過士多啤梨豚肉卷，味道好唔錯，所以今次都有試下。豚肉油脂感重，包裹多汁嘅士多啤梨，配埋煉奶，外

買單要check清楚先單，收多錢道歉都冇一聲，還有點不耐煩似的，離開現場一句多謝也沒有，因為單是全英文的，博你唔識睇 ,冇order嘅食物可以喺張單度出現兩次，你有道歉我都順啲啊，但係什麼也沒有也沒有

難得入一次赤柱， 竟然係一片西餐中發現左一間日式串燒店。同傳統居酒屋唔一樣，地方好大好闊落，又有特色的日本海報同霓虹燈做裝飾，成間餐廳感覺好chill。二話不說，即刻拉左朋友入去試下。Starter 先來一份Kome Kushi沙律。二人份量 ，入面有煙三文魚，薄燒牛肉同parma ham。用料充足，沙律汁亦都好開胃。兩款招牌串燒士多啤梨豚肉卷同自家製免治雞肉丸 侍應話如果怕士多啤梨酸，可以沾練奶中和下。個人覺得唔沾都好好食。免治雞肉丸好紮實，咬落唔會散開，再加上月見汁，忍唔住想encore幾串。燒白鱔，沖繩黑糖菠蘿。再點了一個充滿和風味的明太子白飯魚薄餅。皮薄餡靚，再加上粒粒明太子，口感非常好。最後用開心果味雪糕配窩夫做ending.今餐食得非常開心，staff都好友善，態度好好。下次如果再去赤柱都會再光顧。

番到香港隔離完食左14日頹飯，特別需要食一餐好嘅安慰自己。 朋友簡左新開嘅日式餐廳， 食熱辣辣嘅日式串燒。先黎食個 Kome Kushi 沙律，醬汁好開胃。個意大利較芝士牛油果出奇地夾味，食多個都得。日式串燒重點當然係牛肉🤣，牛柳粒真係燒得好好，好juicy ，生熟剛剛好，一解我要食肉嘅感覺。 免治雞肉丸串，個staff話係自家製每日新鮮打，亦好細心咁細細粒方便食，唔會食到散晒，配上日本雞蛋，我哋又encore 左串。 白鱔香脆，士多啤梨豚肉卷酸酸甜甜，開膩一流。 主菜叫左個明太子白飯魚pizza, 原本以為無特別，點知超級好食，勁脆薄身餅底加上明太子嘅咸香，希望佢哋快啲有酒牌，配啤酒一流。最後當然唔少得甜品，個雪糕用窩夫脆碗，唔係用一般來貨嘅雪糕，係即製嘅軟雪糕🍦開心果味嘅軟雪糕真係好特別💜。多謝朋友介紹哩間餐廳，期待下次再試其他野😁

朋友話赤住有新餐廳開，咪星期二坐的士入去試。過左一日咁忙，去赤住咁靜既地方都幾relaxing。d 野食都黎得好快，熱lat lat 。但係portion 有d細，對住我哋大食既有d唔係好夠。overall 唔錯

星期日入到赤柱咁啱見到有呢間新嘅餐廳，同友人決定一齊試下，睇完個menu發現原來係食日本嘢，裝飾風格唔似一般居酒屋，偏係西日式個類，仲有好多甜品揀同朋友揀左啲比較特別嘅嘢食，明太子白飯魚薄餅似係即叫即做，都等左一陣，不過冇失望，餅底好脆，加埋明太子有啲啲辣咁，仲有啲菇，味道好唔錯仲有串燒提供，店員服務態度幾好，推介左我地試啲招牌菜，我地揀左自家製免治雞肉丸，自己手打真係同出面個啲有唔同，佢似係有啲雞軟骨係入面，口感唔錯仲叫左客雞泡魚乾，味道係好，但係略嫌份量有啲少最後仲食左個刨冰，真係透心涼

上星期日黃昏去咗赤柱hea 吓 無意中發現廣場開咗間居酒屋 裝修好日本風 餐廳睇落價位okay, 喺好肚餓同好熱嘅天氣吓見到門口有壽司，刨冰同西瓜冰就俾佢吸引咗應該係新開，都幾多人，好多family 客， 店前有啲毛孩同外國人坐露天位，感覺幾chill! 餐廳都幾乾淨，啲staff 好nice, 推介咗啲海鮮串燒同signature dishes燒扇貝 好正 🤤 (好似$48隻) 味道好好 好足料店長仲推介咗荔枝豚肉串 ($38) 荔枝好清甜 正！ 值得encore!!!! 牛柳粒好夠淋 高質 都唔貴！另外 一定要提呢個白雞湯拉麵 超級濃厚！ 好好味 好似去咗日本食拉麵咁 .....甜品 點咗個抹茶刨冰 怕佢溶得快 唔記得影相🤣🤣🤣 總括嚟講 幾好幾高質 但選擇多啲會更好！算係喺赤柱可以再encore嘅餐廳! 🤤🤤🤤

呢間餐廳 主要係食日本串燒🍡🍡🍡飲左杯banana & green apple shake 好正好足料嘅香蕉🍌 咁熱飲沙冰真係好正前菜有雞泡魚乾 佢冇燒到好硬 味道幾香呢個係雞肉加埋啲軟骨串 個汁到有個蛋黃 食個陣要撈均佢 點個串燒 食落比較甜牛肉串燒牛舌 唔算好厚 有牛味煙熏三文魚 上枱會出煙 環境幾舒服 如果有酒飲 配埋串燒會更加好（我估遲啲會有掛😂）價錢方面 大約3-50蚊串如果入開赤柱都可以試下 Staff都好nice 同helpful 👩🏻‍🍳👨🏻‍🍳環境幾大幾舒服💆🏻‍♀️如果入赤柱都可以試一試👌🏼