Kome Kushi (已結業)

If you’re looking for a casual yet relaxing Izakaya dining experience, Kome Kushi is the place for you.Far away from the bustling and hustling city area, situated in Stanley Plaza, overlooking the iconic historic landmarks Murray House and Blake Pier.  Sit back, relax and watch the sunset as the day fades into night, that is what we are here for.The restaurant takes on Japanese izakaya-style dining, yet with a creative and innovative twist, the assortment of Japanese tapas-style dishes can be sh

餐廳位於赤柱天幕廣場旁邊， Kome Kushi環境大之餘仲好靚。甜品好食之餘賣相仲靚到好似去咗日本咁🇯🇵 價錢仲出乎意料地抵😮 📌甜品拼盤 ($88) 一次過滿足晒我幾個願望🤤 有一件芝士蛋糕、兩件抹茶撻同雪糕🍦雪糕有唔同口味選擇，而我因為覺得哈密瓜味🍈比較特別，毫不猶豫就揀咗！首先雪糕口感十分軟滑同清爽，有啲似食緊雪葩，甜味亦唔似係人工甜味，感覺好清新好夏日⛱️ 抹茶撻同芝士蛋糕嘅質素都唔hea，尤其撻底薄脆之餘又唔會太乾👍🏻 📌士多啤梨刨冰($58) 🍓見到賣相覺得好日系吸引所以一嘢就鍾咗個頭埋去😆份量係中型size，下午茶嚟講十分夠食👍🏻頭頂仲有大大粒士多啤梨😍果醬份量都幾多，如果食到中間覺得太淡仲可以邊食邊溝隨冰附送嘅糖漿～ 另外仲有食刨冰不可少嘅白玉，煙煙韌韌真爽皮 💡成個拼盤色彩繽紛令人食指大動🌈 打卡一流！除咗甜品佢仲有好多日式主食同串燒，有機會再入赤柱都會想試下（冇記錯好似有個海膽soufflé🤔） 💡雖然嗰日係星期日+音樂節，赤柱人流都幾多，不過居然唔使排隊🥰 讚👍🏻

疫情反反覆覆，冇得去外國，唯有去有外國feel 既赤柱海邊咁多餐廳 今次就揀間未試過既居酒屋!果日赤柱好熱。。頂唔緊，即刻要嗌杯冰 消下暑凍一凍 成個人都精神哂，大大杯 有排嘆拎起個menu 嗌d 串燒食下先即刻黎串牛 試下師父手勢先肉味，有! 肉質，淋! 整正!唔記得影相的月見自家雞肉丸子大大粒，d 汁夠味得黎撈埋個蛋黃一齊食，極香口，入面有d 粒粒咬下， 幾過癮兩串燒白鱔。。見到個個都嗌 我都唔執輸勁厚肉，燒得焦香又唔會太硬，仲幾彈tim明太子pizza 極大pat 明太子， 餅底脆脆地，不過唔好預可以食飽。。過下口癮好了極足料的蟹籽沙律，沙律撈得咁均勻，每一夾都好實在， 最緊要係夠味朋友每次都嗌的燒菠蘿。。今次哩間是燒黑糖沖繩菠蘿，是有黑糖味，菠蘿都好甜， 不過我都係鍾意原味多d好似係招牌菜的梳呼梨鰻魚飯。。個面焗得勁靚。。唉 點解我影唔到好似其他人咁? 影相影得唔靚， 冇現場咁靚 好似嘥左個飯咁事實個蛋又真係幾靚 食落又幾滑咁。是不錯的不過我就為影相，淋太多湯。。。攪到太濕cream+煙肉+牛油果。。。乜哩個真係前菜黎??食左兩啖 立即濟左要抖下先食

反了成個星期工, 決定星期五晚去遠少少的地方食餐好的揀左去赤柱, 順便看看有沒有中秋節的裝飾氣氛 (未感受到)在酒吧林立的赤柱, 我們搵到不是連所餐廳的西日式居酒屋意大利軟芝士牛油果配煙肉碎:顏色好吸引, 它的皮肉分離, 十分易食, 中間有意大利軟芝士及煙肉碎, 口感是有軟芝士的滑, 煙肉碎的硬, 牛油果味道是很淡的,但配上芝士及煙肉的咸味, 真是好夾, 牛油果是很健康的生果, 所以就算食了芝士及煙肉都不會有罪惡感燒白鱔: 本來怕會有腥味及多骨, 但完全不腥也沒有骨, 表皮望落以為是燒燶了, 但沒有苦味, 反而是皮脆肉嫰, 再配上檸檬汁, 真是很清新的味道自家製免治雞肉丸:2串, 每串有3粒, 每粒都很大粒, 比章魚丸大粒, 要將雞肉攪碎再搓成圓球, 真是一碟很費心的菜式, 佢真是淡淡肉, 除了雞肉外, 它應該也有少少攪碎了的雞軟骨, 增加了口感。它本身已帶有燒汁, 你也可以沾上配有醬油加蛋黃的配汁, 令味道更豐富沖繩黑糖菠蘿: 份量很足夠 每條都被切開幾小片, 方便入口, 菠蘿本身很鮮甜多汁, 它表面上都有薄薄被燒焦的黑糖, 原來菠蘿加黑糖的味道是很夾的牛柳粒: 帶有少少血色, 燒得

見到新餐廳裝修幾靚，本來對啲餐好期待， 但係真係有啲令人失望。 除咗刨冰食完滿意之外，其他完全無誠意。 鰻魚飯個樣好靚但係味道just ok。啲串燒食咗四吋冇一吋好食。牛脷過熟到咬得好辛苦，嘥曬啲食物。 上菜次序又奇怪 。四份主食， 有一份同前菜一齊上，其他嗰啲都係好正常咁食完前菜先上。 唯一好味嘅係甜品。刨冰個賣相好靚，啱曬鍾意打卡嘅朋友。 而且個啲配搭都唔錯。我哋嗌咗幾個唔同口味，最好味嘅係綠茶。 綠茶味好香又唔會太假。 但係整冰嗰位職員真係好恐怖。幾份冰都係徒手揸落去做定型。 依家咁嘅疫情底下仲係徒手做呢個動作佢都好冇衛生常識吓。 重點係佢唔係淨係負責做刨冰，又有做其他工作。我都唔係太肯定佢之前有冇洗乾淨隻手先做刨冰。 做樣都帶反對手套呀! 赤柱餐廳其實一啲都唔易經營。希望佢哋快啲進度，如果唔係都幾難捱。

依家飲酒好鍾意去居酒屋，皆因佐酒美食一定唔會失望。位於南區赤柱又有一間新開居酒屋，名叫Kome Kushi ，睇個名就知主打串燒😋 好適合去chill住食好西。✩芝士秋葵 $35第一次見到呢個配搭，出奇地又幾夾喎✩安格斯牛柳粒 廚師控制得生熟剛剛好，夠腍咬落去充滿肉汁✩士多啤梨豚肉卷串燒 $48新派fusion 串燒，士多啤梨中和豚肉油脂，食落口酸酸甜甜幾特別✩意大利芝士牛油果配煙肉碎 $58其中一個我最鍾意，牛油果芝士煙肉碎絕配，醬汁惹味開胃✩明太子白飯魚薄餅 $108餅底夠脆，每一塊都有明太子鹹香味，配啤酒一流✩和風鰻魚疏乎厘飯 $128疏乎厘蛋香味超濃，鰻魚份量超多，必食推介✩壽司類三文魚卷壽司 $108鰻魚芝士卷壽司 $98加州卷壽司 $88✩黑糖刨冰 $58✩Okinawa Expresso Tonic $128✩Guava Gimlet $128

赤柱好多餐廳都試過，今次就試下呢間新開西日式居酒屋。餐廳在赤柱廣場地下，好近海邊，地點非常方便。見到有人帶狗狗，原來餐廳係Pet friendly, 咁帶寵物出黎玩都唔驚冇嘢食👍👍行咗好耐又攰又口渴，即刻要咗杯Komi Kushi 賓治同芒果蜜瓜沙冰。芒果沙冰好真材實料，味道清甜，沙冰幼滑，非常解暑。熱辣辣冇咩胃口，食串燒啱晒。叫了士多啤梨豚肉卷，串燒會附上煉奶，味道甜甜酸酸鹹鹹，好特別。另外我好鍾意免治雞肉丸子，可以咬到一粒粒雞軟骨，好有口感。牛柳粒串燒肉味濃郁，充滿油脂香，必選！食串燒越食越肚餓，叫咗個明太子白飯魚Pizza墊肚。Pizza好薄，唔會油膩，上面佈滿了芝士同鹹香嘅明太子，好有日式風味。朋友叫咗個沖繩黑糖菠蘿做甜品，香甜解油膩感，又唔怕肥食飽飽，出去吹下海風，又一個週末

慶祝朋友順利轉工，揾左呢間位於赤柱既海邊西日式居酒屋食晚餐🏮一去到感覺地方好大好新淨坐得好舒服😌店員好nice 食物都黎得好快我地叫左三碟串燒分別係牛柳粒$68士多啤梨豚肉卷$48自家製免治雞肉丸$68免治雞肉丸入面有雞軟骨 咬落好有質感牛柳粒好香咬落唔會韌士多啤梨豚肉卷🍓咸甜夾埋食落又唔錯喎😚個人覺得點埋煉奶增加甜味仲好食😍到主菜啦～梳乎厘鰻魚飯$128賣相好靚打卡一流店員好細心講解食法 值得一讚🥰中間開個洞再將鰹魚汁加埋落個飯度撈埋～鰻魚份量好多 性價比好高！甜品揀左刨冰🍧有三種味可以揀 分別係沖繩黑糖 士多啤梨同抹茶由於朋友係士多啤梨控 就揀左士多啤梨味啦😙附送白玉同煉奶 白玉好煙韌～配埋刨冰真係好正🥰夏天食一流！總括而言～呢間餐廳性價比好高！係赤柱海邊呢個價錢真係唔貴聽講仲係pet friendly～下次可以帶埋狗狗黎chill啦😌

⬘ 意大利軟芝士牛油果配煙肉碎 ⬙⬘ 自家製免治雞肉丸⬙外層燒得好香，加左雞軟骨嘅免治雞肉丸，食落軟滑得黎又爽口，配埋生蛋同唔會過咸嘅燒汁，更惹味😋⬘ 士多啤梨豚肉卷 ⬙豚肉卷住士多啤梨🍓 酸甜多汁嘅士多啤梨中和左豚肉嘅油膩感，加上香甜嘅煉奶，配搭新穎又好食😋⬘ 牛柳粒 ⬙⬘ 芝士年糕 ⬙⬘ 沖繩黑糖菠蘿 ⬙菠蘿多汁微酸，加上面頭燒過嘅黑糖，酸酸甜甜好醒胃😋⬘ 和風鰻魚梳乎厘飯 ⬙梳乎厘造型賣相好正，係中間整開少少再倒啲鰹魚汁落去，再撈埋鰻魚一齊食 (個汁落得太多攪到個飯好濕😅)⬘ 刨冰(士多啤梨) ⬙賣相好靚😍 刨冰係粗身個種，士多啤梨味唔假唔藥水味，加埋煉奶酸酸甜甜，旁邊嘅白玉幾煙韌😌⬘ 夕張蜜瓜/3.6牛乳軟雪糕 ⬙香甜嘅蜜瓜味加上香濃嘅3.6牛乳，又唔會話好甜，很不錯😋⬘ 巨峰提子梳打 ⬙⬘ Kome Kushi 賓治 ⬙位於赤柱廣場新開西日fusion居酒屋🏮 環境幾大幾寬敞，主打嘅串燒很不錯😌 Bar枱位置仲可以邊飲邊睇師傅整串燒添，真係好chill😌

週未同朋友去赤柱玩左一日，朋友識飲識食搵到呢間西日fusion新派高質居酒屋。前菜叫了招牌推介，Komi Kushi 沙律和葱吞拿魚牛油果他他。 吞拿魚他他好有驚喜，新鮮滑嫩充滿油香，加上魚子的鹹香和脆脆口感，好滿足。至於Komi Kushi, 分量十足，啱晒我哋四人分享👍去居酒屋一定要叫串燒🤪 我們人多試了不少串燒款式。大家嘅至愛安格斯牛柳粒，油脂感豐富，火候控制得好好，每一條都係五成熟。另一個必選就係燒白鱔，鱔魚厚身肥美，魚皮烤得香脆，肉質乾身有保留魚汁，油脂感豐盈不膩口。另外都試咗自家製免治雞肉丸士多啤梨豚肉卷，沖繩黑糖菠蘿，全部都係高質之選😃食得好盡興串燒食唔飽，叫返兩個澱粉質主菜，明太子白飯魚薄餅同和風鰻魚疏乎厘飯。本來叫鰻魚飯係諗住打卡🤪點知食落好有驚喜。鰻魚份量唔少，肉質細嫩無骨，帶有淡淡焦香味。黏糯的日本米沾上香甜鰻魚汁，再倒入附上嘅鰹魚汁，加強鮮味，伴飯一流。甜品叫了抹茶刨冰和雪糕窩夫脆脆。3.6牛乳雪糕香滑有奶香，為晚餐劃上完美作結。

星期五一班朋友要清年假 約埋一齊去赤柱chill 一下，晚上都要醫下肚，見到赤柱廣場有一間裝修得唔錯的日式fusion餐廳，出面有白色凹凸石牆，都帶D外國風我地一行四人 先點左個前菜同飲品：前菜先來個吞拿魚TATA 吞拿魚都是淡色肥美的拖羅，有醬汁同蟹子吊味，都幾match D 吞拿魚，Recommendation: ⭐️⭐️⭐️⭐️⭐️飲品真係值得一提沙冰，好大杯，可能兩個人share 都okay，味道又吾係話好甜，recommendation: ⭐️⭐️⭐️⭐️我地再點左五種寸燒: 白鱔，一口牛，雞肉同焦糖菠蘿同士多啤梨豚肉白鱔係全晚的亮點，一咬就好肥好多油香滲出，非常有鱔香味，但鱔始終多骨，食的時候要小心小心，recommendation:⭐️⭐️⭐️⭐️⭐️一口牛都係好好食，好肥同好有牛香味，唔會太硬，但就冇白鱔咁驚喜，recommendation: ⭐️⭐️⭐️⭐️士多啤梨豚肉就真心有D奇怪，士多啤梨太酸，酸味帶出左豬肉的酥味，一般一般，recommendation:⭐️⭐️雞肉寸燒都係另一個驚喜，免治雞肉中有雞軟骨，再造成肉丸，好有口感好正，一定要點生雞蛋豉油，好正,recommendation : ⭐️⭐️⭐️⭐️⭐️最

最近赤柱有一間新開既日本餐廳，離遠睇已經好易spot out到，走日系黑白型格路線同周邊既餐廳/店舖好唔同。【和風鰻魚梳乎厘飯 • $128】(7/10)作為鰻魚迷同埋見好多枱都有叫，所以我地都跟住叫埋一份🤪簡單黎講，就係鰻魚飯加梳乎厘蓋(好似酥皮湯既原理)，仲有配熱既鰹魚汁，賣相幾特別而味道就無咩特別，鰹魚汁唔錯🤔叫左4串串燒(8/10)：【白鱔 • $78/串】肥美厚肉塊皮燒到好脆【雞翼 • $38/串】燒得啱啱好d肉好滑但無咩味【青葡萄豚肉卷 • $38/串】而家越黎越多串燒店/居酒屋都有唔同水果既豚肉卷，但個人覺得青葡萄既甜同豚肉既味道唔係好夾…【自家製免治雞肉丸 • $68/串】雞肉丸因為有雞軟骨係入面幾有咬口同層次，仲要配埋蛋黃同燒汁，幾好飲品就叫左【西瓜冰 • $58】，消暑一流🥶總結就係去開赤柱可以一試/再訪，但特登入去食就唔會啦🤓

藍天白雲嘅夏日 去咗赤柱拍拖仔赤柱實在有太多好靚嘅建築物同埋特色嘅餐廳嗰日嚟咗赤柱最後book咗呢一間餐廳相信佢哋都係新開無耐 人手有啲短缺 但整體來講服務態度都好好。前幾日去食，用咗OpenRice book7點 基本上去到門口都唔使等位㗎啦 同staff 講聲便可以了我地兩個人食 唔算叫左好多野食 只係order 左四樣野 叫左呢四樣野 兩人埋單就三百幾呢 由於餐廳定位應該算係日式西餐，所以大家睇下個日想食西式定日式啦😻三文魚炒飯，味道唔錯。呢一間餐廳可讚之處應該就係即叫即煮，因每一碟送黎都係熱辣辣 出哂煙的雖然份量唔係好多，但都多材料。加埋蟹籽係飯面，增加左口味。另外，仲叫左鰻魚芝士壽司，其實都好好味，但得一試。同埋呢間餐廳都有好多串燒order 的，不過由於我哋太肚餓只係叫咗一條蘆筍豚肉串。反而呢條串燒就係最後嚟，相信都係即叫即燒。因為都是香噴噴，熱辣辣的我地仲叫左個炒野菜，不過唔記得左影相😆😆 最後，送上一個餐廳門口的月光比大家睇😇

山長水遠入到赤柱，就梗係要食餐好啦。以前尼赤柱都係食西餐廳多，今次就見到有間門面睇落都幾chill嘅日本餐廳，望下餐牌見到係串燒為主，不過都有壽司同其他主食，就決定入去試下啦由於我哋都肚餓，所以都嗌咗好多嘢食，首先就係兩個前菜，有牛油果軟芝士加煙肉粒同埋煙熏三文魚。焗牛油果加上軟芝士，好creamy，味道濃郁加埋脆口嘅煙肉碎，好食煙熏三文魚擺盤相當精美，有乾冰煙嘅效果不過太快影唔到相，有四種醬汁俾你點，分別係青醬,果醋,黑蒜油同Mayo。黑蒜油係炒過嘅，夾三文魚好惹味之後就食左幾串串燒，有比較少見嘅燒白鱔，大大嚿肉質夠爽脆又juicy燒雞肉丸又係燒到外脆內軟，點埋生雞蛋食，正另外仲有士多啤梨豚肉卷配煉奶食，感覺幾新奇。食串燒點少得燒菠蘿，表面少少燶，菠蘿甜又多汁，有焦糖嘅感覺主食有個好得意嘅鰻魚梳乎厘飯，打卡一流，味道都唔錯，餐廳有樽”木魚？”汁俾自己調味，鰻魚嘅份量多得驚人，性價比值得一讚甜品我地叫左黑糖刨冰，有附上蕨餅同白玉一粒，又係甜甜嘅煉奶完結美滿嘅一餐我哋都叫左兩杯飲品，分別係巨峰提子梳打同fruit punch，好refreshing，消暑一流

以前去赤柱玩搵野食嘅時候都係一個難題，因為種類黎黎去去都係西餐廳同埋連鎖快餐店…不過最近有朋友話我知，係赤廣開左間新派西日居酒屋，襯平日放假決定去試試佢！地點：位於赤柱廣場嘅最底果層，赤柱景店嘅正中心，係正天幕廣場嘅隔離，超級當眼超級方便環境：雖然話係居酒屋，但佢係行西日fusion風格，裝修走時尚風格，而bar枱嘅正中就係一個大大嘅cocktail bar位，隔離仲有特大玻璃可以邊飲邊望住師傅整串燒，十分之chill加上餐廳臨海，寬闊嘅大門吹來微微嘅海風，好舒服😌食物質素：即席煙燻三文魚先黎第一個頭盤，見到即席煙燻，我初初以為係即叫即燻，點知原來係真·煙燻首先會用個玻璃圓蓋吸住三文魚，然後會搵啲煙焗住佢（可惜唔記得影底成個煙燻過程😂），仲以為無乜料到，點知啲煙燻味比想像中fresh好多三文魚會蛋黃醬、黑醋、青醬同黑蒜，本人覺得黑蒜同煙三文魚竟然係最夾最特別香口得黎又能帶出三文魚嘅鮮味！另外蛋黃醬都好夾，很好👍意大利芝士牛油果配煙肉碎牛油果嘅表面會着先輕輕燒一燒，然後核嘅部位會加上意大利芝士同煙肉碎，牛油果嘅選材好新鮮，熟嘅程度啱啱好，係表面輕輕燒一燒，製造出兩種唔同嘅口感，只可惜份量