KURI Cafe

营业中

休息中

最近去咗呢間喺九龍灣附近嘅木系cafe😚 環境佈置得好得意 仲有大大隻QQ刺蝟仔公仔😗 叫咗主菜後仲可以加配沙律同特飲🥳-🍝蒜香蟹肉意粉 $82啖啖蟹肉夠哂足料 而且都幾鮮甜😋 蒜香味都濃郁 而且醬汁好夠 每條意粉都沾到醬😛-🍔煎蛋手打牛肉煙肉芝士漢堡 $85賣相好吸睛 大大個漢堡放咗一大塊高身嘅牛肉漢堡扒 煎到香脆嘅煙肉 芝士蔬菜 同半流心嘅太陽蛋🍳 漢堡包有預先用牛油烘香 外脆內軟 😘 食落口感豐富 另外薯條係我地鍾意嘅粗身路線🥰-🥪即炸蝦多士 $38即叫即炸 十分香脆😙 蝦肉都鋪滿多士表面 加上芝麻 好香口🍤 份量有三塊 自私食或者同朋友share都得😎-🍑蜜桃梳打🍵抹茶鮮奶特飲我地㨂咗好清爽嘅蜜桃梳打同有cute cute拉花pattern嘅抹茶鮮奶🥰 咖啡師除咗做咗拉花外 仲畫咗好得意嘅刺蝟仔 奶泡好厚好綿滑 而且抹茶超級濃郁 啱哂抹茶控😎-📍KURI Cafe (九龍灣)九龍灣牛頭角道3號得寶商場地下T104A號舖

Kuri Cafe 位於九龍灣得寶商場🤣 環境舒適 適合朋友聚會或者輕鬆下午茶😍 見到lunch time都幾多人嚟幫襯😆 呢間餐廳係以刺蝟作主題 入到餐廳見到唔少嘅刺蝟圖案🦔重點係佢哋係一間寵物友善餐廳😍香港真係冇乜餐廳做得到寵物友善 仲要就算有都可能唔係咁近市區😭冇諗過呢間Cafe竟然可以比食客帶寵物入去😆.🐷 黑松露忌廉野菌雞肉扁意粉
呢碗意粉真係唔錯 個份量係多到小編食唔晒嘅… （當日冇食早餐都食唔晒😂 真係好大份）黑松露嘅香氣濃郁 忌廉醬滑順 配上新鮮的野菌同嫩滑的雞肉 啖啖都勁掛汁.🐷 柚子雞翼
雞翼外脆內嫩 柚子醬帶出清新的酸甜味 食落去好開胃 真係唔怕膩 係咁一口接一口 特別適合做小食分享小編覺得自己一個食四隻係有啲飽 所以如果大家同朋友一齊嚟嘅話可以一齊share 😍.🐷 蜜桃冰茶
呢杯蜜桃冰茶非常fresh 蜜桃味道濃郁 茶香潤口 飲落去好解渴 夏天飲真係perfect.Kuri Cafe
📍 九龍灣牛頭角道3號得寶商場地下T104A號舖.#吃貨日常 #香港 #九龍灣 #KuriCafe #hkfoodie #foodiehk #九龍 #九龍好去處

九龍灣原來有刺蝟🦔Cafe ！！！本身想來睇下刺蝟😻 不過老細話疫情嚴重果陣送走曬自己養既家陣全部都百年歸老無諗住再養了🥹🙂‍↕️但依然有刺蝟周邊商品🥰 襪仔扣針好duck意🤓！前菜：☀️法式南瓜湯有南瓜蓉係裡面啲南瓜溶曬係湯度好甜好好味😋主菜：☀️蒜香蟹肉意粉好重蒜香味、蟹肉都多落咗少少辣椒係裡面！惹味又好食🤤☀️煎蛋手打牛肉煙肉芝士漢堡裡面有漢堡扒、煙肉、雞蛋、生菜、蕃茄、芝士煙肉煎得香脆、雞蛋一切落去就爆蛋漿😚漢堡扒肉香非常厚實足料！食肉獸一定會飽飽！😆小食：☀️自家製炸雞柳（6件）炸粉好薄身！可以再juicy D ! ☀️熱情果梳打☀️抹茶拿鐵 抹茶味好濃！熱飲會有用朱古力粉整既刺蝟樣😍

🦔全港首間以刺蝟為主題的KURI Cafe，店舖擺設裝潢佈滿刺蝟公仔卡通、花藝，配以木系的座位，簡約可愛。 主打西式fusion，價錢貼地係附近居民的街坊食堂。宜家用storellet仲有優惠禮遇🎁🍈巴馬火腿蜜瓜：肉質柔軟芳香，蜜瓜清甜正好與鹹香中和🍳全日早餐(Hk$88): 三文魚｜ 牛角包 ｜ 薯餅 ｜炒滑蛋｜ 腸仔｜煙肉｜ 炒雜菇 ｜田園沙律｜ 蕃茄，係餐廳新推出的組合🍔Kuri煎蛋手打牛肉煙肉芝士漢堡(Hk$88)： 肥瘦肉質比例平均，加入流心煎蛋更有層次，中身薯條亦非常脆口☕Mocha(Hk$35)：朱古力味香，咖啡有刺蝟拉花公仔，可愛到唔捨得飲🍹橙汁(Hk$28):超冰凍清新、開胃解膩(All subject to 10% service charge)P.S. 疫情前可以親親刺蝟互動，可惜現在沒有了刺蝟店長坐陣😢📍KURI Cafe九龍灣牛頭角道3號得寶商場地下T104A號舖(港鐵九龍灣站 B 出口, 步行約9分鐘)

最近發現呢間主題Cafe係全港首創以刺蝟作主題而且仲係友善餐廳．可以帶埋主子一齊用餐除咗店舖擺設裝潢佈滿刺蝟食物賣相同味道都好有水準難怪吸引不少附近街坊✨All Day Breakfast Kuri 全日早餐一碟放滿了9種食材炒蛋好嫩滑．配上香脆牛角包．新鮮蕃茄．薯餅．煙肉．菇．腸．沙律菜份量充足✨忌廉黑松露雞肉扁意粉尼廉汁滲出啖啖黑松露香味配上雞肉同意粉．口感Creamy✨柚子雞翼雞翼充滿柚子同蜂蜜嘅香甜味肉質嫩滑．係必點嘅小食✨抺茶鮮奶熱飲上面添上刺蝟公仔好有心思抺茶味道唔苦澀．同鮮奶比例恰好✨蜜桃梳打香甜嘅蜜桃味．配上充滿氣泡嘅梳打冰涼消暑．清新之選

依間係寵物友善餐廳👍🏼👍🏼今日食咗個午餐午餐餐湯係蕃茄湯🍅🍅好香濃嘅蕃茄味 😋😋今日午餐嘅意粉係白酒青口煮意粉佢個意粉似西式餐廳咁會太腍好好味🤤一個午餐有飲品，餐湯，意粉，仲可以追加多士好飽飽

第一次黎呢度吃野…..服務態度幾好😊～～意粉🍝披薩🍕味道都可以～～坐得都好舒服～～😌咖啡刺蝟個樣好cute～～甜品蛋糕仲畫左笑臉好可愛🫰下次可以再黎～

呢間九龍灣嘅Cafe已經食過好多次，坐得好舒服，嘢食都保持到高質素價錢又唔貴，而家網上訂座仲有九折優惠優惠添！真係要大力推廣希望小店撐得住唔好執笠🥹🥗田園沙律 (8/10)沙律都好有心思，有藍莓士多啤梨青瓜，配咗酸酸哋嘅醋汁，非常開胃，$68一啲都唔求其！🍝忌廉雞肉野菌意粉 $68 (8.5/10)冇諗過份量咁多，好似多過以前！食落去真係食到忌廉嘅香味，仲有三色椒雜菌同埋雞肉粒，仲有得加芝士粉，真心係好食，拍得住百幾蚊蚊嘅質素！☕️泡沫咖啡 $5 (7.5/10)咖啡味道就比較淡少少，不過奶泡都打得幾唔錯，仲有可愛嘅刺蝟仔！🍰藍莓芝士蛋糕 $28 (7.5/10)冇諗過藍莓蛋糕係藍莓醬蛋糕🤣擺盤都幾靚，不過芝士味都係有少少唔算好香濃，不過平平哋食吓都唔錯嘅！推薦指數: 8.5/10大家去九龍灣真係可以試吓呢間Cafe，記得網上訂座有九折優惠，可惜高質又抵食，真係一定要去試，服務態度都唔錯，支持小店，希望佢一直做落去唔好執笠🥹

Intro: 呢一日夜晚就去左九龍灣嘅得寶商場搵食，見到一間用刺蝟做主題嘅西餐廳，座位都多；餐廳就比較open area，但環境都唔錯；呢次就揀左意粉同意大利飯～ ___________________🍽 蟹肉意大利飯伴火炙吞拿魚💰 128 ⭐️7/10✍🏻 意大利飯就偏硬，可能煮嘅火候太大，以致啲汁收晒，但飯心完全未熟透；✍🏻 火炙吞拿魚有六塊，都幾厚肉，不過口感同味道就麻麻，帶點鹹味；✍🏻 芝士同意大利飯嘅配搭麻麻哋，仲好似唔係好夾火炙吞拿魚。🍽 青醬大蝦意粉💰 78 ⭐️7.5/10✍🏻 意粉嘅口感偏硬，如果煮耐少少收汁效果更佳；✍🏻 青醬味十分足夠，好夾蝦嘅味道；✍🏻 蝦就有三至四大粒，唔會食到咁多雪味，仲幾彈牙，不過就冇咁新鮮；🍹 泡沫鮮奶💰 加配 + 12 ⭐️6/10✍🏻 本身睇完人哋嘅食評有刺蝟嘅圖案唧上去，但最後冇真係有啲失望，打卡冇咁靚；✍🏻 其實就係先喺上面放一層打咗泡嘅鮮奶，不過奶味就偏淡，味道正正常常。___________________🏠 kuri cafe📍 九龍灣牛頭角道3號得寶商場地下T104A號舖⭐️ 7/10___________________

之前都推介過呢間九龍灣嘅Cafe，位置雖然唔算好就腳，但勝在非常高嘅性價比，過咗牌冇去見到佢換咗Menu，全日餐$68去到$140不等，送埋沙律或湯，嘢飲，真係抵到不得了，仲要可以任坐。個人感覺好似換咗廚師同之前煮嘅味道唔太一樣🤔🥗沙律 (7.5/10)冇諗過咁大份，蕃茄仔，藍莓，士多啤梨，梨，好新鮮爽口，開咗個酸酸地嘅醋汁，好開胃。🍴特色卡邦尼意粉 $78 (7.5/10)意粉比較幼身，份量都好足，比較偏鹹香，冇咩忌廉味，但有少少蛋味，煙肉好鹹香有少少雜菌，好在店舖有得加芝士粉加完之後就香濃好多，OK嘅。☕️鮮奶咖啡 +$12 (7/10)咖啡味好香濃，入口偏苦，冇咩奶香，下次可以試吓多奶，但都ok嘅！推薦指數: 8/10真心$100唔使又唔收加一，可以食到有質素嘅意粉沙律同埋嘢飲，真係冇得頂，可能係九龍灣最抵食又坐得耐嘅Cafe。

.經過呢間cafe幾次都冇入過去，今次過開黎就去食個tea，周末未算好多人，即刻有位幾好😄▫️慢煮雞絲千島醬熱狗 ($48)配Coconut latte (+$12）熱狗包好鬆軟，雞絲份量都幾多，因為慢煮食落幾嫩唔鞋口，有千島醬、蕃茄、生菜，好豐富，味道亦正常發揮。Coconut latte幾好飲，聞到幾香椰子味，咖啡奶味會重啲，有小刺蝟既朱古力粉裝飾幾得意。▫️迷你墨西哥烤雞餅 ($48)配Twinings Jasmin tea即叫即整熱焫焫，同正宗既墨西哥烤餅唔同，呢到既餡料只有雞肉同芝士，點茄汁同酸忌廉醬，如果有洋蔥辣蕃茄粒就更加好食。不過佢既烤餅都幾好食，食到芝士可以拉絲，好香口，餅底都好脆。茉莉花茶係twinings既茶包，唔錯的👍🏼

食物質素好，價錢合理，我同朋友食甜品慶祝佢生日，我吾知間店有得寫字，所以無request,間店員見到我地自己諗住插蠟燭，就問我哋係咪慶祝生日，然後主動幫我們即場寫字，超有心👍🏻👍🏻值得一讚👍🏻👍🏻服務態度一流❤️❤️❤️❤️希望老闆嘉許那位員工～很喜歡這間店👍🏻👍🏻

位於九龍灣得寶的刺蝟主題cafe是間價錢親民自助形式的小店下午茶$48-$58除了免費飲品外加$10就可轉咖啡或其他飲品蟹肉牛油果開放式多士$48這個份量下午茶來說實在豐富四至五片牛油果加上大量蟹肉配合蕃茄和沙律菜非常健康多士烤得香脆又不會太燶加$14有Iced mocha煙三文魚碎蛋牛角包$48牛角包層層酥脆大大塊三文魚和碎蛋即叫即製凡是熱飲都有刺蝟公仔拉花呢不喝咖啡也可以選擇泡沫鮮奶或特濃朱古力可惜現在已沒有了刺蝟店長坐陣聽說以前還可報名學習照顧刺蝟的技巧難怪可以在商場多年仍屹立不倒

呢間餐廳平時好多街坊食，位置比較偏僻啲，唔係好多人發現到，佢個Menu全日係一樣價錢，夜晚食會好高性價比！佢係自助落單形式，坐幾耐冇限時，真係可以慢慢傾偈😆🍴 蒜香蟹肉意粉 $78 (8/10)份量適中，有蘑菇蕃茄蟹肉紅椒，意粉彈牙，蟹肉都算多，好香濃蒜味，再加咗少少茄汁調味，香濃得嚟幾清新！真心好食😋☕️ cappuccino +$10 (7.5/10)隻刺蝟真係好得意🤩真係打到卡，鮮奶奶泡好滑，有奶香，咖啡味都幾香，未算好濃，帶少少微苦，都唔錯！推薦指數: 8/10寶藏收埋好耐嘅餐廳，真心高性價比又好食，希望下次去唔使排隊，私心分享😆

朋友好推介這一間刺蝟仔Cafe。Cafe在寶商場入面，裝修好簡單日系，感覺舒服。大大隻刺蝟仔公仔在門口。餐牌簡單，由中午12點至晚上9點。蒜香蟹肉意粉 $78賣相不錯，意粉煙靭，蟹肉頗多，蒜香味很濃郁。去Cafe可以唔飲咖啡，加$12 特色咖啡榛子咖啡☕️ ：奶泡上有一隻可愛的小刺蝟，榛子味道濃郁，稍為有少少甜，蓋過了咖啡的味道。泡沫咖啡☕️ ：奶泡打得很綿，咖啡味相對比較特出。中午12點多， Cafe不是太多人，客人可以好休閒地慢慢食，食完需要自助式收拾餐具🍴，Cafe食物質素唔錯，小店更加值得支持。