KURI Cafe

营业中

休息中

Kuri Cafe 位於九龍灣的.TBG mall， 是一間西式的小店！ 由於是小店，食物款式唔算多，主要以意粉，咖啡和花茶為主。卡邦尼意粉$68卡邦尼意粉味道唔錯，不過個人喜歡較諗身的意粉，若意粉煮耐一點會更好。碎蛋沙律牛角包$45碎蛋沙律做得唔錯， 牛角包亦算新鮮，味道唔錯。蒜蓉包$10蒜蓉包很香脆，可惜的是蒜蓉味不足，比較可惜。瑞士雞翼$25瑞士雞翼算入味，雞翼也不會太細隻，口感唔錯。焦糖咖啡是即磨咖啡，味道香濃，有一個小小的熊仔拉花，幾可愛的。整體而言，此小店味道唔錯，價位算唔貴，不過份量偏小，比較適合女孩子，另外，小店是以自助形式運作，所以服務就一般！

呢間不嬲係我哋既飯堂，因為佢哋既食物水準keep得好好，基本上揀乜都無死而且同區內都無乜好食西餐，所以想食意粉我一定會黎呢度今次食蕃茄海鮮意粉，佢海鮮係青口，蝦，墨魚，份量尚算合理，價錢唔平，但有呢個質素都對得住得價位👍🏻👍🏻👍🏻間唔中食一次okay 啦朋友食焗飯，雞肉係烤雞粒，還好，汁比較少，食到尾唔係好夠汁，我都係推薦食意粉😂叫多左個雞翼，$28有4隻，其實呢間啲小食係抵，廿零三十蚊已經有個小食，出面啲西餐點會咁平環境上係麻麻，open左d，繁忙時間都等左20分鐘，無計啦即叫即炒總結都係區內我最愛既小店之一😍

食材、味道、環境均與價格不相符Lunch set around 80蚊 仲要食完要自己執野呢個價錢有大把更好嘅選擇食物質素與連鎖快餐店差無幾但價錢則貴得多如果不是附近沒有同類選擇我也不會嘗試不會再來

相信呢間Cafe,附近街坊冇人唔識，都開咗有段時間，一開始是有一啲可愛嘅刺蝟仔🦔，但係疫情關係，冇得近距離接觸刺蝟🦔⋯⋯但係除咗刺蝟，佢啲意粉同咖啡質素都很不錯。環境位於商場中，沒有間隔，可以看到人來人往。餐牌選擇不算太多，但選擇很靈活，加錢就可以有前菜、沙律，煙三文魚、或者甜品🍮⋯⋯由於全部意粉即叫即做，所以需要等一些時間。蒜香蟹肉意粉$68，份量雖然不算很多，蟹肉及其他嘅配菜也非常足夠。煙肉蘆筍忌廉燴意粉$68，忌廉味香濃，同樣配料很足夠，非常欣賞的是意粉不會煮到好淋。加$12可以轉即磨咖啡，這裏的咖啡非常好，咖啡味香濃，奶味濃郁。榛子果仁咖啡☕️ 還有刺蝟仔圖案的拉花，很可愛總括來說，環境舒服乾淨，食物質素不錯，價錢便宜。但由於餐廳人手比較少，完餐後，餐具是需要自己放去回收的。另外，在這裏用餐，所有食物都是即點即做。是需要時間的，比較趕時間的，就要考慮一下啦。

本身想黎食tea set嘅蛋糕，不過趕唔切6點前黎到...🙈 不過佢哋嘅晚餐都唔錯、性價比高！而且呢度環境好闊落、人流唔多，一個人嘆個茶都幾舒服～ 香蒜蟹肉意粉🦀 意粉唔會太淋，食落韌度剛好、有咬口～加上香蒜、橄欖油黎炒，味道好香口👍🏼 而且啖啖意粉都有食到少少蟹肉絲，係真材實料！🤩加配嘅latte都好睇又好飲，刺蝟拉花超可愛💕 咖啡味香濃、泡沫綿滑可口～☕️聽講以前呢間cafe仲有真嘅刺蝟駐場，不過疫情之後暫時再冇相關活動喇，有少少可惜呢～ 🦔🦔

今日同同事嚟咗呢間食lunch，作為一個帶子控，比佢餐牌上講「刺身級帶子」吸引咗🥰所以叫咗個北海道刺身帶子香草扁意粉 ($88)加蜜桃冰茶 (加$7)🍝雖然只係得兩粒，但帶子煎到五成熟，啱啱好，係好好食嘅😆而意粉嘅香草醬都好濃味好多，唔會話好dry😋蜜桃冰茶原價$28，lunch set加$7就飲到，我叫咗走甜，味道啱啱好，有清香蜜桃味同伯爵茶味🤓呢間餐廳製作都幾認真，喺得寶嚟講都算係幾有特色😻我覺得佢價錢定位都偏高，但食物質素的確唔錯😌

早前見到報章介紹刺蝟餐廳，今日終於可以來嚐一嚐啦！ 未到餐廳，遠處已看到大大可愛的刺蝟擺設，很可愛呀! 我叫左個lunch set: 黑松露野菌炒意粉配Cappuccino。Cuppuccino率先到步，想不到連咖啡也有刺蝟圖案，得意到唔捨得飲! 而黑松露野菌炒意粉亦有不少驚喜! 原來黑松露跟野菌味道咁夾，而經過廚師精心調配後味道不會過重，淡淡的黑松露野菌味道剛剛好，也好似為意粉着了色。 而lunch set性價比十分高，約$70。(價錢已加$12升級至Cuppuccino)，如果唔升級咖啡，只需50多元。唯一可惜的是之前的可愛刺蝟區，已於半年前沒有了，希望之後會恢復返!

冇諗過小店嘅意粉味道都出色，裝修一般，正常Cafe，自助形式叫咗兩個意粉，一個係蟹肉蒜蓉意粉，你都已經有浸浸嘅蒜蓉香味，仲有唔少蟹肉，仲加咗少少蕃茄，味道可口另外叫咗個黑松露蘑菇意粉，雖然就真係冇乜黑松露味， 勝在個意粉彈牙，一啲都唔林，雖然唔係大師嘅味道，但係勝在有鑊氣，以小店嘅形式，呢個味道，都相當唔錯本身會送個茶，正常貨色啦，另外加$12咖啡，其實味道都係一般整體來講，正常價錢，炒意粉，味道都相當唔錯，讚

今天在九龍灣行商場，晚餐來到了得寶商場的kuri cafe，這間西餐廳的價錢不貴，而且食品款式也不少。我們點了煙三文魚牛油果他他，大蝦意式香草醬意粉，一口牛野菌芝士焗飯，飲品蜜桃冰茶和焦糖咖啡。先說前菜的牛油果他他，牛油果很足料果香夠味道很好，但黑椒落多點會更惹味 。大蝦意粉的也不錯，香草汁不會太濃，而且收汁收得好，不會水汪汪，焗飯牛味濃郁，芝士也很豐富。而且飲品也很好，咖啡焦糖味足而且不苦澀，公仔圖案也很可愛。蜜桃冰茶桃香而不會太甜，這間餐廳價性比很高。

我同朋友們常常係德寶淘大附近出沒。想搵間cafe坐下飲下野傾下計。終於...我地搵到呢間小小的店舖。地方對我地來講超方便。其實我自己，或同朋友都食過好多次。野飲同食品都有水準！今次想介紹個驚喜之作。就係呢個小食他他牛油果煙三文魚。28蚊我估唔到佢整得咁靚，再加上啲法包烘到好脆身，配埋個醬啱啱好！真心要試下！當然佢地其他意粉焗飯都好好味。

〰️〰️〰️〰️〰️〰️〰️〰️〰️〰️〰️〰️〰️〰️【晚餐】🍝 煙三文魚忌廉燴扁意粉 $68🥘 一口牛野菌芝士焗飯 $68☕️ 鮮奶咖啡 ($8)🥛熱泡抹鮮奶 ($8)（2個人用Storellet Apps join會員仲送左2個movenpick雪糕🍦）〰️〰️〰️〰️〰️〰️〰️〰️〰️〰️〰️〰️〰️〰️依間cafe位於得寶地下嗰層，行入少少就會見到有間鋪係木嘅裝修，刺蝟🦔做主題嘅cafe，入面有好多刺蝟公仔，勁可愛😍🍝 煙三文魚忌廉燴扁意粉 $68個煙三文魚又比得幾多，扁意粉剛好唔會太淋身，個汁已經撈好左，食落啱啱好🥘 一口牛野菌芝士焗飯 $68牛咬落同平時食嘅一口牛一樣，菇切粒，兩樣野夾埋個口感好好，☕️ 鮮奶咖啡 ($8)咖啡我覺得飲落同貴嘅caffè latte一樣味，拉花好似散左少少，個刺蝟🦔公仔就冇泡沫鮮奶咁明顯，依個價錢嚟講有平時$40幾蚊都未必有嘅質素，我自己真係好鍾意🙈🥛熱泡沫鮮奶 ($8)依個價錢有咁靚嘅拉花，打卡一流，隻刺蝟🦔勁可愛，同埋飲落唔甜，正常鮮奶

九龍灣除咗office仲有好多高質餐廳🤓刺蝟拉花真係好得意！今日終於得閒嚟朋友推薦嘅呢間打卡cafe啦👻中午lunch set好親民，出品仲好高質😍🐚帶子腸忌廉芝士焗飯 $68帶子腸真係第一次見，食落啖啖帶子肉，95%帶子果然係鮮味十足。配埋香滑嘅忌廉同芝士焗飯，濃郁順滑嘅醬汁，滿口奶香超滋味！🍶泡沫鮮奶 & 特濃朱古力🍫 +$8高質鮮奶，配埋奶泡得意之餘更creamy；朱古力好香，欣賞餐廳好有心機，面頭更用奶泡整咗個特色拉花🥰可愛嘅刺蝟，一定幫你呃到like!🧁藍莓芝士蛋糕諗唔到甜品都好有驚喜，精心點綴，微酸嘅藍莓醬，配埋香濃芝士蛋糕，一定係我嘅最愛💓🍫松露朱古力慕斯蛋糕同樣有滋味，朱古力甜度perfect，而且慕斯嘅軟硬度啱啱好，少少硬身之餘，🥄啖啖食到香滑朱古力，值得推薦！

近年香港愈來愈流行養刺蝟🦔，不但所需的空間少，更無須帶其散步，適合寸金尺土的繁忙香港家庭。位於九龍灣得寶花園的Kuri Cafe是全港首間以刺蝟🦔作主題的咖啡店，因疫情關係，現在只提供餐飲服務；但昔日客人可在刺蝟🦔學習坊體驗和學習照顧刺蝟🦔，適合大人及小朋友參加，別具教育意義，希望疫情過後能恢復正常吧。蒜香蟹肉扁意粉 ($68包一杯花茶)意粉略有光澤，尚算濕潤而不油膩，蟹肉碎增添了口感和風味，惟蒜味有待加強。特濃朱古力 (另加$8) 面層有薄薄的奶泡，可愛的刺蝟🦔拉花圖案很奪目。入口嘗到朱古力味，不算太甜，質地適中，稍稍掛杯，是一杯合格的熱朱古力。總結（5分滿分）餐廳環境🖼🖼🖼🖼餐廳服務🤵🏻🤵🏻🤵🏻🤵🏻食物賣相🌸🌸🌸🌸味道質素👅👅👅👅整體價錢💸💸性價比值⚖️⚖️⚖️⚖️

從來係九龍灣搵黃店都係一件難事，唔係無，不過唔多。呢間真係又高質又好食又抵食又大份一次過滿足你五個願望，有沙律飲品小食主菜雪糕，一個人都係80$左右絕對encore!!!買滿$100加$10有4隻又滑又香嘅瑞士雞翼！加$10嘅沙律又有士多啤梨又有藍莓，抵食又大份仲要加$1一個雪糕球，肥都要食🤣叫咁多野食，除返開一個人都係$80左右間間斷斷幫襯過幾次水準都維持得好好，唯獨個抽油煙機如果可以勁啲就完美haha

平日因為太攰太忙宜家慣性一個星期一次的週末先會出去搵好西食🤎所以每次都會珍惜一下假期 食啲自己真係好想去試去食既野🤎toeatlist林林總總堆咗好多但以我呢個慢吞吞小姐永遠都試唔切🤣🙈(從出po頻率大家應該好感受到我既慢🤣🙈🙈無喇 今次就揀又係啲近近地既地方所以就去咗九龍灣kuri呢度呢間cafe其實係一個以木色為主既open area但特色在於真係有刺蝟係度🦔🦔🦔不過唔知你有無去過呢間cafe但宜家由於現實上既限制(動物餐廳餐飲條例/疫情蔓延/店方資金等因素)所以店方既刺蝟體驗區被逼無奈關閉😔😔雖然見唔到刺蝟有少少可惜 但更可惜既係原本既刺蝟體驗區其實唔單止係比客人欣賞同見識一下刺蝟動物🦔🦔仲係一個有教育成份既workshop🦔🦔比客人可以了解下刺蝟既生活習性同需要等等 教導人學習如何愛惜動物同照顧佢地生活所需🦔🦔真係好希望店方有一日可以再重建呢個區域繼續可以進行教育既工作同吸引更多客人認識呢間咁特別既cafe☺🤎🤎講咗咁多 其實除咗餐廳環境同裝潢不錯之外食物質素都好好架🤎就算刺蝟區暫時停業 但都係一間好值得我地去支持既餐廳🤎🤎🦔重點係咩？價錢都唔貴～主題餐廳黎講算係好平民好貼地了