L.D.K. by Ufufu Cafe (太古城中心)

营业中

休息中

非常之難食 想挑戰底線既可以一試雜菌蛋包飯雜菌帶有苦味燒汁帶有酸味個飯加左蕃茄汁 但完全食唔出加上個飯係凍的個蛋又係無味最出色係罐可樂可惜都係要係對面拎 唔係出自此餐廳

本人點咗鹿兒島漢堡扒蛋包飯， 真係差到一個點， 首先個漢堡扒啲肉超酸， 我唔知係咪壞咗， 跟住啲飯好似漿糊咁，以為食緊珍珠雞， 啲咖哩無香味， 個餐128蚊加12蚊凍飲， cp值低到呢一個點，好心俾少少成意啦……

咖喱汁應該係隔夜，明顯係雪櫃攞出嚟叮熱。炸魚柳有濃重雪藏味。唔會有下次。價錢78蚊我覺得係貴既。Don’t think I will come here again. Gosh!

Carnival food court 入面，睇賣相好靚，但食落好普通，唔值呢個價錢。塊漢堡扒好似放响個爐慶住，所以佢表面已經乾晒，入面over cook咗，就算塊肉係靚食落有肉味，但就係太熟冇肉汁。個蛋係好食，亦都係即煮。個飯都有心思嘅，入面有啲磨菇，有啲汁炒過。個飯啲汁都俾得多嘅，就算個飯本身調味淡啲，加埋外面個汁都夠味。成個飯有一點好奇怪，望落去好似樣樣都熱，仲有少少煙添，但食落口唔熱。

最近天氣陰晴不定，尤其難得星期六日放假先嚟落雨😮‍💨 變咗出去搵食嘅心情大減，唯有喺商場搵吓有咩餐廳好食！黎到太古城中心早前新開幕嘅𝘍𝘰𝘰𝘥𝘤𝘰𝘶𝘳𝘵 「 𝘊𝘢𝘳𝘯𝘪𝘷𝘢𝘭 」，雲集左多國餐廳，部份仲係米芝蓮同過江龍添，一於睇下有咩好介紹😋😎𝘍𝘰𝘰𝘥𝘤𝘰𝘶𝘳𝘵黎講哩度燈光相對光猛，雖然人流旺盛，但好在座位好多空間感大，無刻意劃分餐廳區域，而且座位普遍寬敞，都叫坐得舒服😌👍🏻落餐方面亦有多部自動售賣機，點餐方便坐低等睇顯示叫號就得，智能化真係好😎《 雙重芝士熔岩和牛漢堡🍔 》 $98 4.5 / 5之前食過分店估唔到佢地都會進駐𝘧𝘰𝘰𝘥𝘤𝘰𝘶𝘳𝘵界🤪 食物仍然有質素保證，仲要上菜都幾快🥴 澎湃嘅🧀相當吸睛，美中不足在過多沙律醬搶走咗部份芝士嘅鹹香，亦令底層嘅麵包過濕🤏 但漢堡扒十分厚身彈牙，又鮮嫩多汁，整體都係好香😋 另一亮點係薯條香脆得黎唔油膩，外表仍然偏雪白，證明用嘅炸油都好乾淨👍🏻