L.D.K. by Ufufu Café (新都會廣場)

营业中

休息中

個日去到睇完menu，見食物吾太貴，賣相又吸引就試下。當日都排左陣隊先入得。超推介白芝士咖哩炸雞讚岐烏冬👍🏻炸雞Juicy～醬汁好濃郁～每條麵都掛上咖喱汁，烏冬仲好煙韌😍

試過新城市廣場同德福廣場嘅分店都覺得唔錯,今晚咁啱喺葵芳就試吓. 由於樓底比較矮,枱又細,枱與枱又擺得好近,所以整個環境嘈到不得了我同朋友都點咗熱八女抹茶,可能沖抹茶粉時水唔夠熱,抹茶粉有好多溶唔到.... 塊杏仁脆餅如常好食博多明太子烏賊忌廉汁意粉 - 點解唔擺好啲烏賊先上枱呢? 隻碟咁靚但食物擺到咁亂 明太子同忌廉汁好夾,意粉麵質有彈性而且入味,烏賊幾爽口唔會韌日式肉汁燴牛肉蛋包飯 - 賣相ok. 肉嘅份量比menu幅相多,而且好肥吓,個汁都比較厚身,個蛋好香滑,但整碟飯真係比較膩

玩完平台歷奇公園，湊住3個細，搵間舒服啲的餐廳食晚飯，可能時間尚早6:20p.m. 不用等枱直接入我們點了白芝士咖哩炸雞讚岐烏冬, 吉列豚肉佐咖哩蛋包飯, 牛肉壽喜燒烏冬, 另外加了$38 (酥皮湯 +沙律)白芝士咖哩炸雞讚岐烏冬, 烏冬好滑，唔辣，小朋友都啱食牛肉壽喜燒烏冬, 好新鮮，即煮即滾即送上，之後牛肉剛熟，好好食吉列豚肉佐咖哩蛋包飯, 份量夠，好多蛋而且夠滑, 不過吉列豚肉略遜一籌，比較乾同嚡環境舒適, 可以再來

有時候一間餐廳的好壞，除了食物質素、餐廳環境外，更重要的是有沒有以心侍客.. 今日因到附近上堂，到了新都會呢間餐廳食lunch。點完餐後不久，煙三文魚沙律同忌廉湯好快上桌，剛拿起餐具，主餐「明太子烏賊忌廉意粉」($98)亦同時到達.. 很可惜，回頭已是百年身，吃畢沙律和餐湯後，明太子忌廉意粉已經冷掉，結成一堆糊狀並和意粉糾結在一起；猶可幸的是烏賊新鮮嫩滑，加返少少分數以Lunch人均消費$130而言，我expect more than一個「快餐」，過份嗎😂

差唔多下午1600到，唔需要得位，可以直接入坐。一入到黎有陣陣焗嘢食嘅香味，應該都係黎自個甜品bar 枱，好吸引。哩個時間大部分人都食緊甜品做下午茶，但係我係黎食lunch嘅！佢有兩本menu ，一橙一綠。一本係甜品、飲品；一本係小食、主菜。今次係為飽肚而黎，就只係叫左一份「日式肉汁蛋包飯」。日式肉汁蛋包飯$78 （少飯）上枱時，飯有明顯岀煙。碟4/5嘅半徑都係蛋，側邊就係一圈肉汁。包住飯嘅蛋，仲有蛋汁。側邊嘅肉汁，有少少似牛尾湯嘅味道。撥開上面嘅蛋，原來入面嘅飯係有味飯。有菇片同牛肉絲。就咁睇好似咩都好重口味，但自己覺得味道適中，可以接受！🍈坐側邊嘅左右兩枱，都點左哈密瓜pancake ，睇落都好靚，係可以再黎嘅餐廳。🥞

尋晚同屋企人一齊食飯 喺新都會搵吓嘢食咁之後發現呢間蛋包飯都幾多人排隊我哋就一齊排 點知都排得幾快 兩三個字就入咗去我哋叫咗一個牛肉壽喜燒烏冬熱辣辣 啲牛肉都幾多 唔會得兩片啲烏冬都好好食仲叫咗一個博多明太子忌廉汁讚岐烏冬個烏冬好重忌廉味 仲有好多明太子係中間好快就食晒成碗點少得要嗌佢個蛋包飯 叫咗一個鹿兒島和牛漢堡扒咖喱蛋包飯個漢堡扒整得啱啱好 唔會太老咬唔開啲肉質好嫩 加埋個蛋包飯 真係好好食但太多食唔晒叫咗呢三樣嘢之後仲叫咗個小食就係黑松露可樂餅 黑松露醬個味好濃入邊啲薯仔都好好味

呢間日式餐廳位於葵芳新都會廣場，一出地鐵站行幾分鐘就到，真係好方便。我哋一共嗌咗三樣主食，博多明太子忌廉汁讚岐烏冬、牛肉壽喜燒烏冬同埋鹿兒島和牛漢堡扒配咖喱蛋包飯，另外仲嗌咗個小食，就係黑松露忌廉可樂餅。首先，明太子忌廉汁讚岐烏冬真係好好食。上菜嘅時候見到佢唔係好大碗，以為唔係好多，但係因為佢啲忌廉汁超級濃郁，所以食到一半已經飽飽地。重點係佢有一大堆明太子係烏冬上面，撈埋啲忌廉汁，真係超級好食。牛肉烏冬嘅份量都唔少，大概有六至七片牛肉。個湯底好甜好好味，烏冬上面仲有一隻生雞蛋，整爛佢之後撈埋個湯同啲烏冬一齊食，真係好正。鹿兒島和牛漢堡扒好厚身，啲牛肉唔會煮得太熟。雖然唔係話好juicy，但係有好香嘅肉味。另外佢啲蛋應該係用牛奶煮嘅，所以又香又滑，可以同漢堡扒一齊食，真係唔錯。呢間日式餐廳位於葵芳新都會廣場，一出地鐵站行幾分鐘就到，真係好方便。我哋一共嗌咗三樣主食，博多明太子忌廉汁讚岐烏冬、牛肉壽喜燒烏冬同埋鹿兒島和牛漢堡扒配咖喱蛋包飯，另外仲嗌咗個小食，就係黑松露忌廉可樂餅。首先，明太子忌廉汁讚岐烏冬真係好好食。上菜嘅時候見到佢唔係好大碗，以為唔係好多，但係因為佢啲忌廉汁超級濃郁，所以

荃灣區日式餐廳呢幾年愈開愈多，中式、日式、西式多到唔識講我搞到莉莉子有時都覺得好混亂。今日下午同朋友去左新都會廣場，女仔梗係要行下街買下衫食下野嫁啦😎😎買完野當然要醫下莉莉子肚仔。新都會廣場超多野食選擇，我地最後揀左一間新開無幾耐既ufufucafe😌😌聽講係sell 西日式菜式，鍾意食刺身既我，當然叫左個三色刺身丼啦😊等左15分鐘終於有啦，三色刺身丼有燒牛肉丼、吞拿魚丼同帶子丼🥰🥰雖然只係迷你丼，價單去到150蚊左右，但味道真係好好。吞拿魚丼魚肉好濃好滑，而且肉質好實淨，撈埋日本醬油好正🐟🐟🐟帶子丼都幾大隻下，而且上面既大大粒魚籽魚油幾香，配帶子口感好得🥰食完生野到燒肉丼，燒肉夠濃、夠焦香，而且飯粒暖暖地，oishi 🤪🤪🤪最後友人點了牛肉火鍋，感覺不太特別，晚飯可試試😼😼😼

<第一次寫食評 希望大家支持follow+like>📍L.D.K by ufufu cafe🐷已經食第5次呢間日本過江龍Cafe，一如既往都幾好食啦，不過咁多次都冇食過芭菲！下次一定要食🤕—————————————————————❣️Ufufu滑蛋沙律($78) - 4.5/5因為今晚好夜先食dinner,🐷就揀左沙律（嘻冇咁肥）但估唔到有驚喜，個蛋好香好滑同沙律菜好夾，蛋有牛油味.❣️白芝士咖哩炸雞讚歧烏冬($88) -4/5第三次食喇，因為🐷媽好專一😂次次都食，但又真係幾好食嘅，咖哩味夠濃，雞炸得唔會太耐，點咖哩好好食，不過得兩件雞有d小.❣️手製餃子雞翼（$48）- 3/5又係🐷媽最愛，其實同出面嗰啲差不多啦，一隻芝士味，一隻明太子味，🐷就覺得有小小唔抵，成24蚊隻🤔.❣️福崗八女抹茶拿鐵 ($48) - 3/5係🐷屎忽痕，飲過又飲，抹茶味濃，出名唔苦澀嘅抹茶，所以都係差唔多，好在有得自己落糖水，想加幾多自己話事，抹茶控就試下—————————————————————不專業評分👅好味指數:4/5💰性價比:3/5👍🏻推薦:4/5—————————————————————🏡地

<第一次寫食評 希望大家支持follow+like>📍L.D.K by ufufu cafe🐷已經食第5次呢間日本過江龍Cafe，一如既往都幾好食啦，不過咁多次都冇食過芭菲！下次一定要食🤕—————————————————————❣️Ufufu滑蛋沙律($78) - 4.5/5因為今晚好夜先食dinner,🐷就揀左沙律（嘻冇咁肥）但估唔到有驚喜，個蛋好香好滑同沙律菜好夾，蛋有牛油味.❣️白芝士咖哩炸雞讚歧烏冬($88) -4/5第三次食喇，因為🐷媽好專一😂次次都食，但又真係幾好食嘅，咖哩味夠濃，雞炸得唔會太耐，點咖哩好好食，不過得兩件雞有d小.❣️手製餃子雞翼（$48）- 3/5又係🐷媽最愛，其實同出面嗰啲差不多啦，一隻芝士味，一隻明太子味，🐷就覺得有小小唔抵，成24蚊隻🤔.❣️福崗八女抹茶拿鐵 ($48) - 3/5係🐷屎忽痕，飲過又飲，抹茶味濃，出名唔苦澀嘅抹茶，所以都係差唔多，好在有得自己落糖水，想加幾多自己話事，抹茶控就試下—————————————————————不專業評分👅好味指數:4/5💰性價比:3/5👍🏻推薦:4/5—————————————————————🏡地

平時經過見到都好多人排隊諗住今日早少少過嚟可以唔使排啦點知都要排不過好彩排咗三個字然後就可以叫嘢食啦好彩啲嘢食都上得幾快如果唔係排又耐等又耐啦😚我哋叫咗一個漢堡扒蛋包飯仲有白咖喱芝士炸雞烏冬😀全部呢度嘅嘢食其實都好大份所以如果唔係太肚餓呢就可以其實share食嘅呢個漢堡扒蛋包飯首先其實佢個漢堡扒好厚實而且食落去唔會太乾好多肉汁配埋蛋包飯同埋咖喱汁其實幾夾架😙😙不過佢個白咖喱芝士烏冬就太濟啦😕首先佢落咗好多白咖喱面頭仲有好多芝士炸雞其實揸得幾好嘅不過比啲白咖哩冚住咗 脆嘅都變晒稔啦🤥🤥

放工後同久違嘅朋友們聚會，有見新都會開咗不少餐廳，但一直未有時間同機會試，呢間係openrice上嘅評價都正常，今次一於試試呢間。本來以為會大排長龍，夜晚8點左右到餐廳，竟然唔使等位直接可以入座。印象中餐廳唔算好大，走廊位稍嫌窄咗少少，不過枱櫈距離尚算接受到，唔會太逼。Menu大部分正餐都係過百（未加一），雖然想食得好啲飽啲，但都覺得有點太貴。最後揀咗壽喜燒烏冬，同行有位友人揀咗日式肉汁芝士蛋包飯。主菜：壽喜燒烏冬由於自己都幾鍾意食壽喜燒，但比較少有埋烏冬。見到佢比起其他餐平啲，就想試下。烏冬同牛肉份量建議可以再多啲，不過烏冬都幾入味，吸收咗壽喜燒湯味。烏冬煙煙韌韌，都幾好味。壽喜燒湯底唔會太甜或太鹹，幾清甜。肥牛唔會太薄身，入口有淡淡嘅壽喜燒湯汁味。至於朋友點嘅日式肉汁芝士蛋包飯，跟餐有酥皮湯，一吉就睇得出酥皮餡偏薄。我偷食咗一啖，朋友同我都覺得唔夠厚身同酥脆。而蛋包飯賣相雖然吸引又大份，大家試食後都認為味道好普通。芝士係有拉絲效果，但芝香味唔突出。飲品方面，我地叫咗兩款：抹茶&抹茶啫哩、抹茶紅豆白玉拿鐵我點咗抹茶紅豆白玉拿鐵（熱飲），朋友叫咗凍飲。熱飲個樣都幾特別，有啲似日本品嚐傳

次次經過新都會廣場都見到勁多人排隊，搞到心思思想試吓呢間Cafe。有次同中堂聚會，就揀咗呢間Cafe試吓。嗰陣都等左成半個鐘先有位，好似大概七點幾平日，心諗唔通真係咁好食，平日都咁多人排。咁我就點左一個牛肉壽喜燒, friend就點左鹿兒島漢堡扒蛋包飯我自己覺得個壽喜燒真心好正，啲牛肉幾嫰有肉汁，個湯底都啱啱好。試過朋友少少蛋包飯我覺得個漢堡個份量其實都幾多如果細食嘅話可能食唔晒。牛肉漢堡係例子鹿兒島，比起平時食嗰d juicy啲,都唔錯。跟住我哋就點左個士多啤梨西多士，本身想食疏乎厘Pancake，但點知佢係限時發售，不過都有少少貴，加埋一成$160，不過啲士多啤梨全部都好新鮮好大粒又甜，都值回票價嘅！

平時行開新都會都會見到呢間好多人係門口排隊,今次因為同朋友慶祝生日,佢指定要食呢間既甜品,我地坐左入去就見到門口開始多人排隊,好彩我地早姐。我地就揀左冬日限定餐牌既西京焗龍蝦配鮭魚味噌意粉同埋豚肉生羌燒撈烏冬,另外仲叫左佢既招牌Ufufu三色丼,想食啲菜就叫左個自家製煙三文魚大葉沙律。佢既西京焗龍蝦配鮭魚味噌意粉真係有成半隻龍蝦係度架,而且仲好有肉,食落仲好彈牙,而個意粉係偏多汁,但係都彈牙,唔會軟晒。豚肉生羌燒撈烏冬既烏冬係好滑而且仲好彈牙,撈埋蛋食係更滑,而豚肉生羌燒都好香,有生羌味,配烏冬估唔到都幾夾。Ufufu三色丼就岩晒三心兩意既人啦,一次過俾你試晒三款飯,最鍾意吞拿魚蓉丼,吞拿魚蓉食得出係新鮮,魚油味都好香。沙律都幾大兜同埋足料。甜品我地就叫左TIRAMISU蛋糕朱古力芭菲同埋心太軟抹茶芭菲, TIRAMISU蛋糕朱古力芭菲上面真係有好大舊TIRAMISU蛋糕係上面,凈係食個蛋糕同雪糕都好滿足。心太軟抹茶芭菲又係有一大件心太軟係上面,一個甜品就滿足晒我地兩個願望,為我地呢餐畫左完美句號。

剩返知己諗住喺葵芳聚一聚👯‍♀️，想搵一間坐得來嘅Cafe坐下傾吓計，就嚟到呢一間有西日式fusion嘅餐廳試吓菜💁🏻‍♀️和風博多明太子意粉🍝（$98）呢個明太子意粉做得好出色😱，第一擺上枱賣相已經好靚🤩，明太子會掛滿意粉🍝，撈埋忌廉芝士醬汁一齊食擺入口簡直有豐滿嘅感覺，加上明太子有粒粒口爆的感覺😲，食過返尋味🤠。牛肉壽喜燒烏冬 🥘（$98）其實我自己就好鍾意食烏冬，加上係壽喜燒烏冬係甜豉油湯底而成，呢個湯底會有一種鮮味👍🏻，配料會有溫泉蛋🍳牛肉金菇同埋一啲蔬菜🥗，配上甜豉油湯底的確入味😌肉汁繪牛肉蛋包飯🍛（$128）蛋包飯雞蛋超嫩滑，配上牛肉淡淡肉汁🐂，大概有六件左右，配上去特有嘅牛肉醬汁整個飯都好juicy🤤🤤不過食得太多會好膩😵焦糖香蕉法式吐司🍯🍌🥞（$78）厚吐司上有雪糕🍦，忌廉，再加焦糖香蕉🍯🍌，倒小小嘅糖漿已經係超甜啦🥞，吐司真係外脆內軟，入面係濕軟嘅麵包，加埋脆皮香蕉一齊食，簡直係甜到入心☺️。