La Mensa Grill & Bar (Oasis Place)

营业中

休息中

呢間 La Mensa Grill & Bar 真係好有異國情調,佢哋嘅菜式都好豐富,而且價錢都唔算貴,好適合平時星期六日同朋友去飲杯嘢同食吓嘢。首先我試咗佢哋個雞肉墨西哥玉米片($140),超級好食呀!薄脆嘅玉米片上面鋪滿了好嫩好多汁的雞肉,咬落去酥脆多汁。然後仲有一層特製的salsa醬汁,就係由新鮮番茄、洋蔥同埋香菜調製而成,配埋濃濃的guacamole同sour cream,整個口感又幼滑又濃郁,超級配襯住玉米片同雞肉。咬落去,幾種口味完美融合,簡直就係一場味蕾盛宴!另一道我試過嘅就係意大利海鮮飯($210),飯粒好鬆軟,入口就融化咗,配料就有蝦蜆肉青口魷魚咁,都幾新鮮。之後試咗個蟹肉扁麵($155),麵條彈牙程度啱啱好,而且超多鮮甜嘅蟹肉碎。仲叫咗個瑪格麗塔薄餅($140),薄餅邊仲好脆,中間就幾軟身,芝士加蕃茄醬,配料簡單但超級好食。

自從啟德開咗Airside，周邊環境好chill而且Pet Friendly，係假日好去處。早前去探朋友嘅時候佢介紹咗樓下一間西餐廳，食物質素完全唔遜色於市區餐廳，而且價格仲好抵👍🏻餐廳裝修好骨緻，尤其是係吧枱位，燈光會不停轉色，有feel~ 佢有分a la carte同埋套餐，套餐只係$238，包前菜主食甜品同埋飲品。我哋叫咗兩set。餐湯係超濃厚嘅蕃茄湯，裏面仲有通粉，超有誠意。個沙律都比出邊大份，仲有勁多芝士，個橄欖油為佢添上多一份層次。配埋烤麵包佐蕃茄，好開胃。我哋加咗$110食新鮮生蠔，總共有六隻咁多，size好大，而且冇腥味，大推。至於主菜就叫咗BBQ HALF RIBS半排骨，同埋牛柳。個ribs大過我隻手！嗰調味好好食，貫穿晒肉嘅每個部份，係我今餐嘅favourite。至於個牛都好軟腍，連配菜舊薯仔都好好食。最正係飲酒唔使加錢，個set包埋。食生蠔梗係要飲番杯白酒，友人就揀咗Sapporo生啤，渡過咗一個愉快嘅晚上。兩個人買單人均都係三百幾，性價比一流👍🏻

位於啟德站附近，環境闊落的半開放式西餐廳🍴主打多款意大利及地中海美食🥘午餐更有半自助餐，提供沙律🥗餐湯🫕及甜品蛋糕🍰肋眼扒是牛的肋脊部位🐮肉質嫩且油花分佈均勻🥩煎烤至5~7分熟，肉質鮮嫩🔥同時也保留牛扒多汁的美味😋意粉滿滿香濃的番茄味🍅口感帶煙韌🍝配上爽口的帶子、青口及魷魚🦑啖啖鮮甜味道，口感滿足😙咖啡滿滿烘烤香氣，味道香醇濃郁☕️質感純厚，入口順滑😃咖啡杯更加是賣相精緻吸引🤩

好少機會去啟德，穿過airside商場，原來都有一排食肆對住商場嘅空地。今日食吓西餐做晚餐，有promotion六隻生蠔加一杯酒吸引咗我入去。Menu選擇都唔少，有pasta，Burger，salad, 薄餅等等。本身餐廳無門，好在冷氣充足，唯一係會有蚊，waitress 俾咗支驅蚊水好有效。quesadilla 有芝士，碎豬肉，薄餅幾脆口。海鮮蕃茄pasta個醬汁夠濃，每條pasta都充滿着蕃茄醬。火雞sandwich就較為乾身，可以隨意加沙律醬或茄汁。甜品當然唔少得lava cake 雲呢拿雪糕，有冰凍同火熱感覺。

上星期五跟一位很久沒有聯絡的朋友見面，她在啟德那邊上班的，告訴我那附近很好逛，那邊的商場及附近有很多餐廳可以選，所以我們就約在那裡見面。因為我們約的時間比較早，所以在商場逛完就出去外面的公園散步，就在途中就發現了這間餐廳，感覺坐落地窗的位置很舒服就決定晚餐在這間餐廳食。我們一坐下沒多久，店員也打開了落地窗，整個日落景色一目了然，還未食飯已經感覺很好。打開餐牌，選項有好多，但我們也不是很餓所以就選了3碟。第一個先來的是前菜Caprese Salad，是一個經典的意大利菜色，小蕃茄很新鮮，再配上Mozzarella Cheese及油醋汁，非常清新好食。第二個我們點了Ribeye Steak，份量很大，牛味濃，熟度我們選了medium rare，他們烹調的很好，真是我們要求的熟度，而且這裡的小蕃茄真的好好食!!!最後一個是Crab Linguini，平時出去食都沒有蟹味，但這個卻是滿滿的蟹肉及蟹味，完全沒有偷工減料，而且這個看似是小份量的，但實際上並不是。整體以言，這個晚餐真的很滿足，這裡風景好、食物好 、音樂好、氣氛好，真是一個Happy Friday! 而且幸好我們早點進餐廳，不然就要錯

去過啟德好多次，基本上次次都係Airside入面食，今日聽住附近嘅朋友嘅介紹，原來商場一出嚟好近都有其他西餐。餐廳係商場出面嘅公園隔離，而且係半開放式，基本上一眼就望到，而且望住個公園咁chill，都令餐廳感覺更有空間感。當日星期五收工時間嚟，基本上餐廳都滿座，睇嚟都好受附近居民或者上班族歡迎，好彩有book位啫 兩個人食，首先叫咗一個「卡布里沙津($155)」，細細粒唔同嘅水牛芝士，配上蕃茄仔，連埋佢本身嘅醬料好開胃，幾好食跟住就叫咗個「美國肋眼排($370)」，本身想揀牛裡肌，但貪呢道菜有薯條食：P牛我哋叫咗三成熟，肉質好軟熟，唔會太韌，加埋本身配上嘅玫瑰鹽好好味！最後就叫咗個「蟹肉扁麵 ($155)」，呢個麵啲蟹肉唔係講笑，真係成個麵入面都有超多蟹肉，料超足！另外都好creamy，正！

今晚同frd黎食夜晚， 餐廳係整airside對面，都幾好人流。餐廳都幾多野揀，有d墨西哥，印度，義大利，東南亞野。鮮蝦米紙捲都幾多份量，個皮非常淋肯定係新鮮整。蝦肉爽彈，米紙包住蝦肉同爽脆嘅紅蘿蔔同米粉，都幾開胃。Parma Ham Pizza熱辣辣嘅芝士同帕馬火腿嘅鹹香一向都好夾。薄脆嘅pizza底，熱辣辣，都幾煙韌好食。份量都好多，佢切嘅size幾好唔會太大塊。Seafood Marinara Pasta麵條煮得剛剛好，有啲彈牙嘅口感，海鮮嘅鮮甜同醬汁嘅酸甜味平衡得好好。意粉入面有蝦同青口。份量都幾足。餐廳整體都幾好坐，唔會有人趕。同friend黎飲杯野慢慢食就最適合。

今晚出來工作，咁啱黎到啟德airside附近。估唔到啟德比人的感覺都舒服，仲發現左一間半露天的墨西哥餐廳，感覺幾唔錯，就入去晚餐。先來個Sapporo啤酒，涼一涼先。前菜叫左Chicken Quesadillas（墨西哥烤餅），烤餅鬆脆，雞肉多汁夠嫩，配小小茄辣醬，好正😋。另外有海鮮紅醬意大利麵，份量都幾多，這個紅醬類似蕃茄醬，帶小小甜，幾醒胃，還有芝士碎，幾好。再來有雞肉牛油果烤麵包配粗薯條。薯條熱辣辣新鮮炸起，烤麵包好好食，除咗嫩雞肉及牛油果，仲有新鮮蕃茄，超juice😋😋。最後係甜品時間，熔岩朱古力蛋糕配雲呢拿雪糕，切開蛋糕，熱辣辣朱古力醬流出黎，蛋糕+朱古力醬+雪糕一齊食，口感超一流👍🏻👍🏻👍🏻。好滿足🫰🏻

好少可有得食墨西哥菜😍好耐之前係荃灣食過好深刻，今日路過忍唔住都入咗去食！Chicken Quesadilla $145里個烤餅入面夾住勁多芝士同蕃茄醬同雞肉 perfect match😭😭外脆內軟，每啖咬落去都係濃濃芝士！食到停唔到口🥺佢仲配有牛油果醬，薄荷醬，沙沙蕃茄醬，俾你點😝我自己比較鐘意牛油果醬，多咗層油香味！！Butter chicken Curry $182有得揀配飲定配naan bread!我地梗係naan bread la😍超大塊，有蔥油，好香！再點埋個咖里，好得咼！！個汁係超好食，又唔辣，但又有濃濃咖里香味！！雞件唔係最嫩嘅，但個汁已經贏唒！！Chicken Tikka pizza $155好特別口味!!係外面勁少有得食！！有印度香草果，原來配pizza食又幾match!!一個pizza有成8塊，2個人食唔唒😂😂

走入店內一股陽光灑落的感覺讓我頓時心曠神怡。這間餐廳坐落於一處大型花園旁，讓人有種置身大自然之中的悠閒感受。首先我點了一道 CRAB LINGUINE 蟹肉扁麵。扁麵煮至恰到好處的al dente,入口即化的蟹肉配上香濃的蒜香和微酸的櫻桃番茄,形成一種清新淡雅的味道。辣椒為這道菜增添了一絲微辣,與其餘佐料完美融合,令人忍不住一口接一口。這道菜不僅口感層次豐富,視覺上也是極其誘人。再來我點了 POP CORN CHICKEN 雞米花。這道菜外層酥脆,裡層鮮嫩多汁,雞肉粒粒飽滿,可見功夫下足。店家自製的燒烤醬和辣椒醬,酸甜辣三味俱全,切合香脆多汁的雞米花,令人欲罷不能。

呢間店半開放咁,好似係戶外,又好似係室內咁。好岩有毛孩既人。呢度既水有薄荷,detox得黎又清新。叫左個steak sandwich跟薯條同埋沙律,面包香脆帶焦香，鹹香惹味。調味簡簡單單，牛肉熟度剛剛好，食到肉既原味。雞taco係印度tandori chicken,馬薩拉雞以乳酪和香料醃製再炭烤，酸酸辣辣。切碎左再跟唔同爽脆既蔬菜、順滑既醬汁，呢一切被薄餅包裹，鹹得黎又帶酸辣，清爽得黎又濃郁。唔錯!

今晚同朋友收工後去了啟德行街，看到這間西餐廳，覺得幾吸引，於是便決定進去吃晚餐。餐牌都幾多唔同選擇，而且價錢又唔貴。Z4 BBQ chicken pizza🍕($145): 裡面有醃製雞肉配自製燒烤醬，蕃茄醬，甜椒，洋蔥，馬蘇里拉芝士🧀材料真的非常豐富，好好食，雞肉都烤得好香口，非常好食。Pizza份量好多，又香又好食，男仔尼食都一定夠飽。蟹肉扁面（$155）, 材料有蟹肉，辣椒，櫻桃番茄。辣辣🌶️地都幾香口，不錯，蟹🦀肉份量都多，幾正。番茄🍅酸酸甜甜幾好食，不錯。又幾開胃。埋單都係大約$300，幾抵食，值得一去，性價比好高。入面仲有得睇波，個mon又幾大，氣氛幾好。環境都幾靚，唔錯，又坐得舒服。

啟德站除咗有新開商場 Airside ，喺另一邊出口嘅Oasis Place都有唔少食肆😆😆朋友就介紹咗我去一間墨西哥菜嘅餐廳 La Mensa Gril & Bar 除咗有唔少墨西哥風嘅菜式，夜晚仲會搖身一變成為Restaurant Bar😎😎啱晒大家星期五放工之後嚟chill 下🍻🥂雞肉牛油果酸種麵包 🥖 $155 份量足夠兩位女士分享🤭自製酸種麵包相當脆身，中間夾住熟透嘅牛油果🥑同新鮮嘅沙津菜，為整體加添清新感，重點係香煎雞柳恰到好處，咬落去仲有肉汁飛出嚟，只係用咗黑胡椒同鹽調味已經好足夠。另外仲有一籃炸粗薯條，即叫即炸熱㷫㷫🤤🤤巧克力新地🍫🍦 $80唔好俾佢個菜式名呃到🤭🤭其實呢一個set有巧克力布朗尼、雲呢拿雪糕球同埋巧克力雪糕球。Brownie 朱古力味超級濃郁，因為用咗黑朱古力所以整體味道唔算甜，中食到粒粒朱古力碎添，蛋糕睇夠晒濕潤😋😋配上兩種味道嘅雪糕，真係大滿足🥰🥰

La Mensa Grill & Bar啟德新填海區一帶發展得幾好 啟德站一出好大片，休閒綠化空間行兩步就係住宅區 住呢邊嘅居民有福 旁邊呢間有印度人開嘅餐廳 日頭唔使點樣開燈已經好光猛 裏面設計裝修充滿典雅感餐湯 沙律 餐前小食 甜品喺自助區自己拎惠顧lunch set 自助區可以任食 當係Semi buffet GRILLED FISH with MASHED POTATO$125可以揀烤蔬菜 薯蓉 飯 意粉 蒜蓉就Creamy 混合埋芫荽粒 烤魚外層脆香裏面油脂豐富 兩大嚿好夠食Sesame Crusted TunaChunks $135外層黑白芝麻吞拿魚肉 裏面粉嫩外面熟 半生熟狀態幾好食 而且每片吞拿魚上面會有油碎洋蔥粒蕃茄粒芒果粒整成嘅醬汁 酸酸甜甜，加上本身吞拿魚刺身嘅鹹味

夜晚約咗屋企人喺Airside食飯，早咗放工未夠鐘又有少少肚餓，就去咗Oasis Place地鋪happy hour一下，成間舖頭好開陽，我哋揀咗坐出面，落緊毛毛雨但有cover涼涼地幾舒服Chicken Quesadillas $145兩個人叫一份Quesadillas做下午茶嘅話分量啱啱好，軟身嘅粟米餅夾住蕃茄雞肉，落咗少少墨西哥調味料帶微微辣味開胃，當然唔少得墨西哥式莎莎醬、牛油果同乳酪AIR MAIL $68 (HH)呢杯cocktail用dark rum、lime juice、蜜糖，再加少少prosecco，少少sparkling令rum味更突出，蜜糖同青靈酸酸甜甜好易入口FRESH POMEGRANATE FIZZ $58 (HH) 夏天必飲Fizz! 入面有新鮮石榴肉同薄荷葉，好清新，打卡仲好靚😆