La Postre (永樂街) (已結業)

今晚放工陪老公到上環剪頭髮，估不到比想像中快離開，見時間尚早，決定找間精緻西餐廳好好享受一下。近上環地鐵站附近有一間樓上餐廳，環境舒適寫意，一於決定入去試試。西班牙海鮮飯（2人份量）份量比想像中大，上枱聞到濃濃蝦味，而且海鮮新鮮，大蝦鮮甜彈牙，青口嫩滑鮮味，而飯粒軟硬度適中，每粒都充滿海鮮鮮味，加上少少蔬菜粒，味道濃郁得來又有少少辣味，令人一試難忘。芝士煎蟹餅即叫即焗，鐵盤整個滿滿的，而材料非常豐盛，有薯仔、芝士、蘑菇、洋蔥，蟹拑等等，入口芝士味香濃特出，蛋香味美，而且每一口都好豐富，超正！綠茶麻糬窩夫擺盤精緻吸引，麻糬窩夫入口香脆內裏煙煙韌韌，配上綠茶雪糕加焦糖醬，香香甜甜，味道非常喜愛。仲夏水果茶水果茶入口酸酸甜甜，入面加上大量水果，清新又健康，非常適合愛健康的我。餐廳各款食物都非常出色，而且餐廳環境舒服，食物分量十足，好適合一大班朋友飯聚。

因為係慶祝飯， 下午去完長洲，番到中環，選左間唔錯既餐廳食晚飯。依間餐廳評價不錯，中高級餐廳，我地係平日晚飯時間去，唔洗等位 要比個讚！一入餐廳已經見到有幾桌都係外國人，即刻覺得成件事好高級店內仲有一個投影既大時鐘，用黎打卡呃like 一流！而我地亦都好幸運咁坐到係打卡位前真係正，好適合一大班姊妹黎慶祝食飯。到點菜，又一次眼闊肚窄咁想叫好多野！見佢有個啤酒火鍋好吸引，唯獨今次朋友食緊藥唔飲得酒，所以我地今餐係零酒精，下次有機會真係想試下點杯酒，再試下依個特色火鍋！我地前菜點左好多人都推薦既芝士煎蟹餅一黎到熱騰騰，係即叫即整，個蛋食落十分飽肚！又有滿滿既芝士，材料十分足料，有拉絲食完前菜已經飽飽地....依個時候加點左一杯蜂蜜玫瑰花茶換下口味，甜甜既花茶，入面仲加左藍莓！好養生！飲兩啖即刻開胃曬又可以再食！朋友點左杯桂花荔枝茶！有檸檬點驟，飲落酸酸地飽左都開胃番到主菜我地點左個龍蝦燉飯原本想一人點一個主菜，點知待應好細心，佢推介同比意見我地，話我地知好大份夠2個人食，於是我地只點左一份，結果黎到真係好大份！3個人食都夠個燉飯味道一流！唔會好軟又唔係太硬，完全做到risotto個效果，難怪

與朋友約去上環享用西班牙美食。 食肆位於一商業大廈的三樓。 升降機門一打開, 就予人一種與街外繁忙氣氛截然不同的感覺。 可能時間尚早, 店内寧靜舒適。我們坐下不久, 開始有其他客人到達。 有一家大小來用膳, 也有來聚餐的友人。 這裏的空間頗寬闊, 確實適合來聚會。 餐具亦頗糈美呢。今次我們點了這些美味食品 蜜瓜黑毛豬 : 二十四個月的黑毛豬油脂分布均勻, 入口甘香柔潤, 不會感到油膩 配上甜度十足的蜜瓜 西班牙海鮮飯 : 這個是二人份量, 可選辣或小辣, 我們就選了小辣。 青口丶蜆丶蝦和莎樂美腸鋪滿飯上, 聞到香噴噴的氣味。 海鮮固然味道好, 帶香辣的飯也很美味。 鮮雜果麻薯窩夫 : 很多新鮮生果, 無花果 丶士多啤梨 丶芒果丶 藍莓 丶桑葚和奇異果; 中間還有一個雪糕球 附上一杯蜜糖, 供客人按各自喜好加在窩夫上 特別是窩夫中有一層麻薯, 增添口感。 鮮雜果莫希托 : 清甜飲品, 杯內有新鮮青蘋果丶紅蘋果丶橙丶 藍莓和薄荷葉。

之前與男友吃過餐廳的銅鑼灣店，感覺很不錯，今日特意來上環分店回味一下。餐廳的紅磚外牆、鐵路掛畫感覺典雅，燈光柔和，氣氛浪漫。餐廳的西班牙菜選擇豐富，賣相出色。前菜是芝士煎蟹餅，以蛋、蟹肉和芝士混合香煎現成的蟹餅，咸香惹味，木魚碎令蟹餅的鮮味提升。主菜是啤酒海鮮鍋， 有帶子、蟹鉗、虎蝦、螺肉和蜆，以茶壺盛香辣海鮮湯來當火鍋，吃完火鍋還可以用迷你啤酒杯來飲湯底。海鮮入口鮮甜，無雪味。帶子肉質細嫩，虎蝦爽口，蜆肉無沙。這個創意火鍋令人十分回味。鮮雜果麻糬窩夫分量十足，充滿蛋和麵粉香，入口外脆內院。水果的種類豐富，更有少見的無花果和雜莓，旁邊的蜂蜜帶清新花香。男友的榛子咖啡香濃順滑， 鮮雜果莫希托酸甜中散發薄荷香，入口清新。La postre 不論是環境、食物和飲品都十分出色，極力推薦！

上到黎見到隻碟同餐具感覺似曾相識，再望下本餐牌，原來我已經去過尖沙咀厚福街的分店，可想而知餐廳設計的統一性多重要！整體服務態度十分好，讓他們來回添了多回水他們的表情、語氣沒有不耐煩，上菜速度亦整體亦十分快。一打開餐牌，其食品放置的版面設計一定有深思熟慮，否則怎麼會甜品放在前呢？第一下已經被窩夫吸引了！以下跟據個人喜愛程度排序：抹茶麻糬窩夫：除了雪糕在窩夫上外，紅豆蓉、糖漿、抹茶醬、吉士醬都是分開的，因此我們可以自行DIY，分配理想的份量 最後還剩餘糖漿、抹茶醬跟吉士醬！窩夫即叫即製，上臺時還是暖呼呼，烘得外脆內軟，還貼心的切好四份，配上雪糕及紅豆蓉，甜度已經剛剛好！西班牙海鮮飯：OpenRice 網上預訂優惠減$100，所以必點！🤣 雖然要了少辣，完全不受辣的友人還是感覺辣。飯粒煙韌乾身、蝦可能過熟略嫌不夠彈牙。無花果墨魚沙律：正正常常吧，沙律菜新鮮清甜，喜歡新鮮無花果及醋汁，唯墨魚沒有驚喜。芝士煎蟹餅：睇相及賣相相當吸引，芝士、菇加蛋這個組合絕對飽肚，原以為內有蟹肉，可是所謂的蟹只是6隻小蟹鉗，而且蛋餅煎得過為乾身，不夠嫩滑，稍為失色。

birthday dinner with my best friend since kindergarten, I have been to la postre for many times and never worry about their quality for food nor service. sheungwan's branch is usually quiet and won't be too crowded food great as always, we had spaghetti with blue cheese and chicken, chicken was soft and tender. also had truffle & mushroom risotto, one of my favourite. finally we ordered a half-portion waffle, topped with birthday message. perfect ending of the dinner meal.

之前食過銅鑼灣分店，印象唔錯。今晚係上環覓食，呢間La Postre就係地鐵站附近，行一分鐘就到，地理位置優勝。大約七點入座，環境唔錯，座位舒適，裝潢光鮮。因為我哋早book枱，可以坐窗邊嘅卡位。蜜瓜黑毛豬(24個月) $198一上到枱，我即刻心心眼，好大份，勁多Parma ham，配密瓜好夾啦當然。佢嘅密瓜都又甜又多汁，中和返parma ham嘅咸味，份量夠多龍蝦燉飯 (for two persons) $298真係有一整隻龍蝦，都幾大隻同多肉肉質彈牙，口感算新鮮。呢個飯嘅汁唔係普通出邊個啲龍蝦汁，好似有少少咖喱味，幾特別，同龍蝦都好夾。而且除咗龍蝦之外，嗰份入邊都仲有好多海鮮，我食到勁多帶子，差唔多每幾啖就一粒，材料方面係好大方，味道都唔錯。飯嘅軟硬度啱啱好，因為燉飯所以偏濕少少，佢個醬汁調得好味，令到人食唔停口。但係食到後面有啲漏，加上咁大盤我同朋友兩個人都食唔哂，再多人share會更好。抹茶麻糬窩夫（半份) $98因為太飽了但又想食下甜品頂下癮，呢到好好有得嗌半份。窩夫一上枱係熱辣辣，外脆內軟，抹茶味唔算好濃，係淡淡的抹茶香。入邊嘅麻糬好啱我口味，口感勁煙韌。仲配其他抹茶蛋糕同

試咗呢間餐廳set lunch，可以揀湯/沙律，我哋要咗湯，係周打蜆湯，但其實稱唔上周打蜆湯，只係蜆肉湯。是日精選係香辣蝦意粉。雖然等咗一陣但熱辣辣好味道。最後仲有一小件香蕉蛋糕。係間環境好靚嘅餐廳。

與好久不見的姊妹來到上環的La Postre 一聚、餐廳採歐陸式設計、背景牆上貼上巴黎鐵塔海報。無花果章魚黑醋沙律 以鮮無花果作沙律比較少有、微甜、跟沙律菜幾夾、不過章魚略嫌有點太韌。西班牙海鮮炒飯 有蜆、青口、火腿、大蝦、材料豐富、飯粒煙韌、微辣、二人分量非常足夠。熱仲夏水果茶 好多水果、不太甜剛好友人點的蜂蜜柚子Mojito同樣清爽宜人雜果麻糬窩夫色彩繽紛、賣相好靚！ 窩夫香脆可口、伴上蜜糕、黑莓和無花果等雜果、美味滿足。

環境舒適，大部份的食物，質素很好。只是今天的午餐，麻醬豬肉片沙律超咸，蕃茄雜菜湯比較淡，好似加左水咁，我好少食唔晒佢哋啲食物，但今天就………………，希望下次會有改善。

因為好朋友生日，想挑選一間環境比較華麗的西餐廳，好友之前有提過想吃西班牙炒飯，這家餐廳正合心意。由於好友工作繁忙，幸好這家餐廳有幾間分店，所以挑選了上環這一家比較近朋友公司。餐廳裝修像一個英國地鐵站，牆壁有一個大鐘。上環分店位於三樓，卡位坐在玻璃旁邊可以望到附近的公司仍然在挑燈工作。餐具也很優雅。宇治抹茶紅豆滿滿的忌廉，茶底綠茶味濃厚，加上底部滿滿的紅豆，很滿足。鮮雜果莫希托容器像花樽一樣，是鐵叉也是鐵匙羹，方便飲料喝乾後把水果挑出來吃。飲品清甜，有淡淡的水果香味，很清新，為胃部準備下來美味的大餐。芝士煎蟹餅蟹餅切開後來流心芝士，煎餅味道像烤蛋餅加芝士，蟹鉗的蟹肉有蟹味。西班牙海鮮飯令到主角西班牙海鮮飯，一上枱見到豐富嘅海鮮，視覺爆炸。炒飯帶有淡淡的海鮮味道，有少少辣有點像泡菜味，飯微濕的炒得剛剛好，海蝦新鮮大隻，青口也很肥美啖啖肉。綠茶麻薯窩夫跟朋友比較喜歡抹茶的食品所以挑了這個綠茶麻薯窩夫，窩夫很有咬口可能加了麻薯的關係，加配上面的雪糕同吃，有點像吃茶木的厚多士，配料還有小巧的抺茶蛋糕和蜜紅豆，很豐富。侍應服務態度好好，和好友坐了良久也沒有催趕，還不時幫我們添水。

La 0rostte今天，我要跟一個更好朋友的飯聚，雖然多年沒見，但是她選了這間餐廳就讓我覺得她的品味一直都那麼好。餐廳位於樓上，但是很易找，而且佈置簡約舒適，令人感覺輕鬆愉快。這家餐廳的份量比較多，所以我們二人除了各自點了一杯消暑飲品外，只是叫了一份前菜一份二人火鍋和一份甜品。由於我們二人都沒有太餓的感覺，所以主菜就點了海鮮火鍋。海鮮火鍋的賣點是他的湯底是啤酒。我從來都沒有吃過火鍋啤酒，今次真的是一個很新奇的嘗試。一上枱眼見的海鮮種類頗多，而且很精緻。不過很多都是煮熟了的。聽說是由於啤酒不會再煮沸，所以海鮮配料只是放落啤酒加熱。我跟侍應的方法把海鮮加熱，這些海鮮配搭了啤酒後感覺清甜外多了一股清香的麥味，真的是冇得頂👍。我們二人點了一個水果夾餅，真的很好看而且每份都成心形🧡令人心情暖暖的。吃着吃着，發覺享受美食加跟好朋友聊天是人生一大樂事。

這是一間西班牙小店，舖頭唔算大，但優雅別緻。店舖位於商業大廈內，在地鐡站出口行幾分鐘就到，一d都唔難搵。未食之前當然去OpenRice 睇下有乜推薦，見到個個都叫蟹餅，當然叫返個試，都ok嘅，個樣好靚，同唔係度度都食到，兩個人食不過都幾飽沙律都okay正常，叫做大大碟，同靚靚地。叫左個意粉，正常野，都不錯。其實好想試西班牙飯，不過點都唔可以錯過大家激讚的甜品。全晚我覺得最最最不可錯過的真係個甜品。依個麻糬窩夫有少少荔枝味，我本身已經好飽都忍唔住食左一大半個，真係有得睇又好食。下次再黎都會再叫呀

Took one hour and a quarter for our food to arrive and the restaurant was only half full. I cant imagine how slow if the restaurant was full. No communication about the delay. Food was fairly average and not worth the price (even with a money off voucher). Service was awful, no asking for more drinks had to get our napkins, etc. My advice, dont bother.

今天和朋友到上環晚餐，餐廳比較易找，地鐵站一出行幾分鐘便到達我和朋友點了一個小食，海鮮火鍋及甜品芝士煎蟹餅 - 賣相非常討好，原隻蟹鉗再配上芝士，什菇和焗蛋每一個蟹鉗都沾滿了半溶芝士和焗蛋，內裡還有什菇，增加了多重口感啤酒海鮮火鍋 - 我和朋友都是喜歡嘗試新事物的，第一次見有啤酒火鍋配海鮮，非常有創意。我們點了蕃茄忌廉湯底。海鮮有海蜆，蟹鉗，螺肉，海蝦和帶子。海鮮非常新鮮也很乾淨。上菜時店員會介紹並建議順序去吃。還有自家製的醬料去配海鮮吃湯底非常濃郁，帶有微微的啤酒味道，是出奇地夾，真的非常有驚喜！海鮮其實不用加其他醬料也非常入味和有鮮味！自家製的醬料有點似美奶滋醬，但我們都是比較喜歡原汁原味此海鮮火鍋最特別之處便是吃完所有海鮮的時候，店員建議我們喝這個所有海鮮精華集於一身的湯底！是非常鮮味好喝！雜果麻薯窩夫 - 最後點了甜品，雜果色彩繽紛令人心情愉快，而且也有一些如無花果這些特别的生果。窩夫則非常香脆可口，再配上雲呢拿雪糕和蜜糖去吃，真的令人吃得十分滿足今天的晚餐真的非常滿意，環境舒適，食物創新又好吃，下次會再來試試其他菜式