La Postre (永樂街) (已結業)

今晚約咗男朋友食飯，因為佢話想試吓新野食，我就叫佢上網搵吓想食咩，佢就提議一齊去試吓西班牙菜。為咗就返我係中環放工，所以就揀咗間近近地喺上環嘅La Postre。  食物選擇好多，傳統西班牙小食tapas、主菜、甜品同飲品一應俱全。  今次小食我哋揀咗黑松露薯條同芝士煎蟹餅。黑松露薯條擺盤方面十分有心思，薯條亦都炸得好香脆，而醬汁係用咗黑松露撈蛋黃醬，黑松露味好香同蛋黃醬亦都好夾。  芝士煎蟹餅邊有六隻蟹鉗，撈埋雞蛋、草菇、 薯仔粒、蟹肉等等煎成，蟹餅上加左木魚碎，材料十足，再配埋芝士嘅鹹香，十分好食。  主菜方面我哋叫咗兩人份嘅西班牙海鮮飯，配上青口、蜆、櫻花蝦同大蝦，海鮮嘅份量亦都好足夠。海鮮飯做法都好傳統，用咗茄汁、甜椒粉同青黃紅椒，加上海鮮嘅鮮味，成個飯香而不膩，絕對係必叫之選。  甜品方面，我哋叫咗抹茶麻糬窩夫。窩夫嘅粉漿加咗抹茶粉，再放左煙韌嘅麻薯，食落有兩種口感。配上抹茶雪糕，抹茶蛋糕，紅豆同糖漿，想落咩配料可以自己選擇。  食到咁上下，店員邀請我哋幫佢填一份問卷，填完之後仲送咗一個焦糖布丁俾我哋。  最後我同男朋友名自都叫咗飲品，佢揀咗凍嘅桂花荔枝茶，而我就揀咗熱嘅蜜桃

今日好開心可以早收工，可以同太太撐枱腳，去到一間舒適嘅餐廳傾吓計談下心。 呢度嘅裝修非常之特別，有卡位選擇，好有私人空間。西班牙菜平時都吃好多，但係呢度除咗西班牙菜式之外仲有好多各式各樣嘅西餐選擇。 仲有好多特色嘅甜品。我哋叫咗一個西班牙海鮮炒飯，二人分量剛剛好足夠，而且份量亦都十足，海鮮非常足料，有青口，帶子，鮮蝦等等😍😍😍 而且炒飯依然係用鐵板，但係一啲都唔覺得油膩。正呀小食方面我哋叫咗個芝士蟹肉餅，淡淡芝士配上蟹肉，呢個都好特別因為唔係度度地方都有得食。甜品同埋飲品方面我哋叫咗個，waffle , 配上雪糕，香脆熱辣辣。喜歡食甜品嘅我，梗係清碟啦😘😍飲品我哋叫咗鮮果茶，粒粒鮮果丶有熱飲同埋凍飲選擇。

好耐都無食西班牙野🤤自從有個friend帶我食過，就從此愛上！今晚約左朋友食飯，就揾左間公司啲嘅係上環嘅西班牙野！勁方便，一出地鐵站行兩分鐘就到左！間舖啲裝修好靚好stylish！被安排坐左卡位，我地兩個人叫左個starter，加個西班牙海鮮炒飯🤩starter叫左ham，好味喎，密瓜仲要好甜！有好多個main都好似好味，勁難揀，有豬手啦，又有啤酒鍋，唯有下次再黎試第二款！個海鮮炒飯似係兩人份量，好入味，海鮮都好fresh，係有少少辣，但係出色嘅！後尾我地再加左個藍芝士意粉，都好濃幾好味！不得不提係個dessert，叫左杽份綠色麻𥌓waffle，勁好食，又好煙un！

好耐無食過貴價嘅好西了，所以今日平日都早d收工，book 左8pm 兩位。去到環境好吾錯，好乾淨，design 好有feel。叫左，一個前菜，一個Main dish, 一個Dessert, 兩杯野飲。 前菜叫左，黑毛豬配蜜瓜，都吾錯，性價比都算高，不過小弟鐘意食肥少少，油d。 Main dish 叫左西班牙炒飲，好香。其實個source 好入味，不過真心勁辣，吾識得辣嘅真心吾好叫。最後，黎埋個甜品，綠茶waffle, 都好好味好出色。好飽的一個晚上。

相約朋友共進晚餐，閒談短聚。餐廳位於3樓，有電梯直達。內部裝修典雅，氣氛輕鬆，座位舒適寬闊，店員服務殷勤。藍莓芒果莫希托68元，鮮雜果莫希托78元，顏色鮮明，一杯紅色，一杯黃色。味道似水果酒但不含酒精，內有多款水果，芒果香甜，士多啤梨爽，藍莓酸，菠蘿鮮甜。蜜瓜黑毛豬（24個月）198元，四大片風乾火腿芳香味濃，八小件蜜瓜很甜，一咸一甜強烈對比。西班牙海鮮飯(二人份量)298元，賣相吸引，橙色飯上面舖排了海鮮，6隻青口肥美，4隻蝦肉質彈牙鮮甜，兩塊風乾豬肉咸咸地，8隻蜆新鮮美味，飯粒吸收了香濃蝦味和海鮮辣汁，配料還有洋葱、青椒和蕃茄等。鮮雜果麻糬窩夫138元，外型似朶花，配有雪糕、蜜糖、糖霜、奇異果、橙、士多啤梨、藍莓、黑莓、桃和無花果，色彩繽紛，有酸有甜，很好吃。總結：氣氛和味道很好

相約朋友慶祝生日，來到上環A出口，行過一條小街就到。入到鋪頭，裝修精美，好有格調，歐美風格。侍應好好客，招呼我們坐梳化位。叫左2個主食加一個甜品：芝士煎蟹餅 - 招牌小食之一，見到openrice好多人order，煎蟹餅中間有芝士，係中間切左之後有芝士流出嚟。上面有木魚絲，入面有蛋漿同埋大量蟹肉，份量多，好味。西班牙海鮮炒飯 - 好多海鮮有4隻大蝦同埋好多青口，仲有蜆。西班牙飯放左青椒等，有少少辣，飯粒煮到剛剛好， 仲有蕃茄的甜味，好惹味，不過份量好大，2個女仔食唔晒。雜果窩夫一共8份，焗到岩岩好，中間有雪糕，窩夫里有麻糬，仲有好多雜果有無花果芒果士多啤梨藍莓等。賣相精美，淋上蜜糖非常可口。

一直久仰大名，今晚終於同朋友一試佢哋嘅晚餐。餐廳由外到內都裝修得好雅緻，侍應好有禮貌，餐枱擺設亦幾grand，未食已經預先好評。頭盤我哋叫咗個青檸凍蜆，好新鮮、好juicy，微微嘅青檸味令到蜆嘅鮮味更突出。d蜆全部都幾大隻，冇吉殼，絕對唔係大排檔貨仔。雖然話係頭盤，都夠3個人食有餘。我哋叫咗個西班牙豬手，雖然waiter 一早講明要等45分鐘，但我深信慢工出細貨，照order，果然冇失望。首先賣相靚，仲要起埋肉，夠細心。同我食開嘅德國版唔同，佢d酸配菜會溝埋入豬手，味道好調和合適。豬手d皮好香脆彈牙，一d都唔韌，食完好滿足。之後甜品叫咗個鲜果窩夫，唔單止好味，仲要以心型形狀上心型，真有心。最後，就係熱水果茶同水果沙冰，好真材實料。水果唔係罐頭，都有d餐廳做到，但沙冰做到最尾個啖都有果味，真係難得。堅材料，堅推薦。I’ll be back, La Postre。

是次兩人晚餐，即日透過openrice進行訂座，地點容易找，餐廳環境舒適，安排卡位位置，不擠迫，食物尚算滿意，試了啤酒湯底海鮮，有新意，但食物太少，價錢便偏貴。

西班牙菜在中環區來說比較罕見， 這裏店子不大 扮裝修精緻帶有點點歐陸色彩。剛坐下來點了兩個特色飲品， 一個是鮮水果Mojito(78元), 一杯是青檸蜜糖Mojito(68元)。 傳統上，Mojito(莫希托)是一種由五種材料製成的雞尾酒：淡蘭姆酒、白砂糖（傳統上是用甘蔗汁）、青柠汁、蘇打水和薄荷。 這裏都做得很正宗。這裏是西班牙菜館 前菜當然就選了 西班牙黑毛豬火腿 配上鮮甜哈密瓜， 鹹香撞上了清香成為了味覺的大衝擊， 清甜的哈密瓜汁在嘴角流出。主菜是海鮮 火鍋（368元）， 是西式的火鍋， 有點像瑞士芝士火鍋， 但這裏的湯底是蕃茄湯底， 食材放進 茶壺裏灼滾， 火鍋之後 能把內裏的湯汁 倒出 小杯子內慢慢品嚐， 真的連一滴湯汁也不能放過! 非常有心思。甜品是芝士蛋糕配無花果 及 雪葩， 擺碟精緻， 真的不捨得就這樣把牠吃進肚子。

1）點餐後，職員便會送上熱烘烘的蒜蓉包，雖然是隨餐附送的餐包，但質量還是很好呢！蒜蓉牛油味香濃，麵包🥯鬆脆可口，小編吃完一件，還想吃多一件呢！可惜，麵包🥯只有一人一件🥺.2）重點推介！ ！ ！西班牙海鮮炒飯 $298小編一看到職員上菜時，看到這麼足料的西班牙海鮮炒飯，雙眼立即發光🤤這碟飯，我們四人也吃不完呢！海鮮沒有腥味，海鮮味完全滲透了到飯入面，飯粒粒分明，更充滿了海鮮的香濃味.3）芝士煎蟹餅 $168蛋餅切完一份一份後，芝士從中湧出，跟蛋餅互相配合，吃起來芝士和蛋味也香味惹味！還有大量蟹肉，蟹肉鮮甜美味！.整體來說，小pop也會推薦這間食店，尤其是那碟西班牙海鮮炒菜呢！食過一次後，小pop便念念不忘呢🤤

我極少食西班牙菜， 自己去搵食都唔會專登search 西班牙菜， 所以唔係朋友約我bpok 埋都未必會食到， haha......今次跟朋友去食上環 La Postre 晚餐， 因為佢食過話唔錯， 所以去到佢負責叫野食， 我唔駛煩。 我地4人食， 有驚喜， 全部野都好好食， 我地叫左煙三文魚香香辣麻薯窩夫配青瓜沙律， 燒汁蠔肉華倫西亞炒飯，蘆筍雞絲橄欖油意粉， 黑松露西班牙黑毛豬扒， 熱水果茶好好飲， 仲有是日甜品， 今次係 Bailey's cake🍰推介：⭐️⭐️⭐️⭐️⭐️

今日慶祝爸爸生日，15大2小2bb預約晚上6.45食晚飯，準時入座，店內環境雖小但未滿座，最高峰約坐左一半客人，不算特別忙。由於我地坐長枱，頭至尾都幾遠，我地叫女侍應加左兩三次水後，女店員非常黑面，然後我媽媽話："不如你放低樽水我地自己斟？"佢就指住枱邊話："我已經放低左一樽俾你地"(其實成19個人，一支一公升水真係分一次都唔夠，好快已經無)如是者繼續食，至到約9.15pm, 店員話last order, 我地即刻點了四款甜品(絕對無拖延！)，然後師傅整左大約半個鐘，當時其他客人都走晒，只剩我地一枱，期間女侍應就喺我地隔離同男侍應大聲講："啲客都唔識做嘅，阻住晒人地收工" 到9.45pm就拎甜品出嚟，生日的爸爸影左兩張個人相(不是長時間的大合照)，然後女店員都持續黑面。我地好快食完9.56pm離開。當時家人講："廢事阻人收工啦，俾人話喇", 女侍應仲串串大聲答:" 又唔算好阻嘅！"埋單約$10000Last order後我地已即刻落單，廚房製作需時，我地一句說話都無催過，竟然俾個侍應話。後來我諗會唔會餐廳收10點呢？所以員工怕我地遲，點知回家後再睇，原來收11點架喎

環境完全不同了，比以前更加闊落，大鐘用電子螢幕背景更有動感，餐廳播着外國音樂，全程有在外國用餐的感覺除了適合朋友聚餐，我覺得這裏亦適合家庭聚餐，這裏除了大人可以點海鮮點酒外亦有兒童Menu鮮雜果Mojito藍莓芒果Mojito芝士煎蟹餅🦀又香又熱，蟹鉗被蛋包著，上面鋪滿滿的芝士和鰹魚龍蝦燉飯 沒想過是原隻龍蝦🦞，肥美的龍蝦肉和膏不能停口，飯每粒都被龍蝦汁包著，味道濃郁🤤今日慶祝朋友生日🎂，我事前同餐廳溝通了安排驚喜，餐廳亦都有為我安排而且之前還有打電話跟我confirm，非常細心，甜品上寫上Happy birthday字，又好看又好食

咁岩幫襯呢間餐廳前，某大電視台播個節目就係介紹呢度一行四人lunch試下呢間店門外招牌清晰可見其實餐廳名嘅Postre喺西班牙文就係指甜品咁解咁即係呢間餐廳出名嘅應該係甜品吧另一招牌，好有歐陸色彩店內最大特別裝飾可算係呢個大鐘用上羅馬數字好靚是日餐牌每位都有一塊蒜蓉多士可選沙律或湯，沙律上面有兩三塊芝士，唔錯餐湯另跟一塊多士南瓜蟹鉗忌廉飯其實就係risotto我叫左雙重芝士肉醬意粉，賣相樸實唔算特別，但食落都幾好味，意粉亦唔會太“林”黑毛豬芝士麻糬窩夫，配凱撒沙律呢個幾特別，正餐會有窩夫，賣相亦好吸睛感覺唔算好heavy德國香腸鮮菌欖油意粉最後有甜品，貌似雲石蛋糕食落有朱古力，texture好soft，仲以為係硬身個種整體而言都算唔錯，但唔算話十分正冇試過嘅朋友可以一試

近期返工忙完一大輪想對自己好D，就去左位於上環站附近既樓上食肆La Postre食返餐好既，佢門面很有特色，似歐式車站為藍本，好古典，好Relax。見佢樣樣都幾好咁，一於樣樣都叫一啲啦。蜜瓜煙黑毛豬首先店員送上了前菜，蜜瓜清爽新鮮，很鮮甜凍凍地，很不錯的，加埋煙黑毛豬，配合得很好，令人哋感覺好清新好舒服。龍蝦西班牙飯好開心可以喺這裏食到原隻原料又好味嘅波士頓龍蝦。佢地一樣製作得好認真，龍蝦非常大隻爽口彈牙，仲有非常多龍蝦膏，淡淡肉，非常不錯。特色推介之選！西班牙飯方面，不太油又不太咸，仲熱辣辣，非常之大碟，正！原個綠茶麻糬窩夫比較少食到同比較特色嘅甜品，內裡係綠茶醬，一樣大大個好足料之餘，甜甜地不錯的。另一推介之選！青檸蜜桃沙冰 鮮雜果莫希托兩杯飲品都係用鮮果製做出來，真係可以逐件食，逐啖飲。新鮮清爽的解渴足料推介。