LAB10 (裝修中)

🫓旺角雖然燒肉店唔少，但我都特別鍾意去朗豪坊lab10 , 主要因為真係做到無煙燒肉，番屋企嗰陣d頭髮同衫都唔會一陣燒肉味🧪餐廳以實驗室作主題，同一般韓燒店都幾唔同。今次食左$298 supreme set 燒肉放題，限時90分鐘。爐size唔大，2個人就好適合。🐮一開始店員會拎左1盆精選牛拼盆，一盆牛五花同首爾牛肋條黎。❤️牛五花第一次聽，薄身嘅牛五花輕輕一燒就食得，油脂比較重，似入口即化嘅肥牛🐮牛拼盤包括左：(❤️推薦）❤️安格斯牛板腱❤️安格斯牛脊肉安格斯一口牛英國特選牛仔骨❤️厚切牛舌牛板腱係冠軍，油花平均，入口軟嫩，薄切易燒。厚切牛舌真係夠厚切，口感軟嫩多汁又有脆度。🦐除左牛之外，都推介香蔥豬梅花肉同虎蝦。香蔥豬梅蔥調味好香口， 連蔥粒食好惹味，豬梅花邊燒到微焦邊。虎蝦大大隻，肉質爽口。🥢自助區唔有蔬菜、前菜、小食同甜品，例如泡菜、炸雞塊、brownie、棉花糖。泡菜比較軟同碎，好夠味唔會太辣Brownie 中規中矩，朱古力味再濃d就更開心棉花糖可以燒至外脆內半溶，好耐冇食呢個燒烤口感！🍹飲品種類都唔少，除左一般汽水外，仲有各種生果梳打，我地飲左西柚梳打、青檸梳打同士多啤梨梳打。好欣賞

係商場入面 價錢又相宜嘅韓燒最後都係揀左任食牛豬都幾好款牛肋 牛五花 牛粒 牛仔骨牛舌👍🏻👍🏻豬都咁多款真係少有啱哂同行唔食得牛嘅👀仲有雞翼 蜆 廣島蠔自助吧有炸薯條同nugget有泡菜 青瓜 蘿蔔 夾埋啲肉一齊食可以燒嘅蔬菜 🍍同棉花糖😎包埋飲品任飲 非常好🤣------👻回頭指數/Coming back?🍽食物/Food: 🔘🔘🔘🔘⚪️📷環境/Ambience: 🔘🔘🔘🔘🔘🛎服務/Services: 🔘🔘🔘🔘🔘💸性價比/CP: 🔘🔘🔘🔘⚪️------🐶寵物友善/Pet-friendly: ❌🏖室外用餐/Outdoor seating: ❌------

朗豪坊由頂行返落去，行過10樓見到有間燒肉放題，朋友話好耐無食韓燒就入左去。餐廳設計配合舖名以實驗室主題，環境寬敞又明亮，通風系統夠強，食完唔會一身油煙味咁，而且張枱夠大坐得舒服，啱晒同朋友傾計限時90分鐘 有三個set 分別係Premium (有和牛) $358、Supreme (有牛) $298、Selected (只有雞豬 沒有牛) $258我哋叫咗中間嘅Supreme set，店員一開始會先上個安格斯牛拼盤，可以先每樣牛都試一下，之後可以按個人喜好再喺QR code落單。外面有一個細細的自助區，有沙律、炸物小食、粟米、瓜&菇等。首盤這個安格斯牛拼盤有美國安格斯牛板腱、牛肩肉、牛脊肉、一口牛、韓式梨汁牛五花、和牛牛肋條、厚切牛舌。厚切牛舌好爽口，一口牛好juicy。牛肩肉、牛脊肉 牛板腱肉質嫩滑而且好有牛味，牛肋條、牛仔骨餣料好夠味，另外仲有蜆、蠔、蝦等 都好新鮮我個人最喜歡是厚切牛舌，之後encore左數次！其次是韓式梨汁牛五花，一大盤整齊靚靚排列好因為切得好薄，所以落到爐要快快炒開，好好控制火候因為油脂較多小心過乾另外首爾牛肋條也不錯，大大條原條牛肋條放入烤爐夠氣勢，打卡一流

每次食完燒肉都會成身味，今次試咗朗豪坊呢間實驗室裝修主題嘅無煙燒肉，原來真係無煙架😂 啲衫唔會索曬味，而且仲要係任食，唔洗就住就住！餐廳仲有唔少特別打卡位，例如啲七彩嘅實驗室液體同埋墻上面嘅句子。今次試咗Supreme set ($298/位)， 90分鐘任食37款食物，仲可以任飲8款汽水同水果味梳打~仲食咗和牛肋條！🥩 牛拼盤一開始唔知叫咩梗係叫個拼盤先啦~唔洗諗呀嘛🤣拼盤有7款牛部位，包括牛舌、一口牛、安格斯牛板腱、西冷、牛肩肉等等我地最鐘意係安格斯牛板腱，因為花紋好靚又好食~ 另外就係肥肉多啲嘅牛脊肉，燒完肉質軟嫩好正！🥩 牛五花我嘅no.1 推介！超薄切片，好快燒熟就食得，入口即溶，淨係我一個人都食咗兩碟....🍚鵪鶉蛋紫菜飯蛋汁醬油紫菜撈飯，呢個組合應該好難唔好食！不過我嫌蛋汁少咗啲~🍍菠蘿梳打好飲呀~好重菠蘿味但而唔係好假嘅甜味~餐廳用QR code 落單好方便，蔬菜、前菜、甜品同埋炸物就要出去common area攞~ 好可惜我最鐘意食嘅燒翠玉瓜無曬 中間店員炸好咗新鮮出爐嘅炸物仲特登提醒我地~好貼心呀

去朗豪坊睇完去🎞經過見到韓式燒烤好似幾好😋平時食完韓燒又唔係即刻翻屋企，真係好怕食到成身都係燒烤味🥲但呢間就冇呢個問題啦！食完一啲味都冇😍我哋嗰日叫左B+C+D個套餐🤪大概介紹下啲野食比大家啦🫶🏻🧊首爾牛肋條大大條勁正勁吸引😍肉質鮮嫩多汁，帶有微妙的燒烤香氣✨口感豐富！醃得勁入味😆🧊魷魚燒完嘅魷魚散發住陣陣嘅焦香😍最鍾意加埋啲燒汁入去炒😚🧊牛五花薄薄地嘅一片片✨好淋好入味，初頭我哋都好溫柔咁樣續片續片燒，後尾太好食嘅關係，我哋成碟成碟燒🤣爽爆！🔥🔥🧊香蔥豬梅花肉呢個我哋encore 左3次🤣醃得入味，燒完又好香，唔會怕燒完乾淨淨咬極都唔開🤪🧊鵪鶉蛋紫菜飯食燒肉唔食飯硬係好似差啲野咁🤣點都要叫個飯送燒肉先過癮😆生嘅鵪鶉蛋撈埋紫菜同埋泡菜加肉飯，簡直係一流😚🧊 青檸梳打呢一杯我哋叫咗小甜同冇冰，用咗新鮮嘅青檸🍋味道酸酸甜甜✨🧊西柚梳打叫咗無糖小冰😚見到有得叫無糖都覺得奇怪🤔因為以為佢哋係用糖漿冲🤣點知點知！係用新鮮西柚冲㗎😍好健康😋😋除咗可以透過電話落單叫食物之外，出邊仲會有一個小小嘅自助小食Bar㗎😚有棉花糖、Brownie 、蔬菜🥬同埋沙律🥗款式都真係幾多😙👍🏻人均消費💵： $300-

Let's Go 為你搜羅吃喝玩樂情報〰實驗室風格裝修｜ 無煙韓式燒肉放題-#letsgo香港美食 #letsgo香港美食情報 #letsgo香港好去處 #letsgo旺角美 #韓式 #燒肉. 「Lab10」於旺角朗豪坊設店主打無煙燒肉，提供11款牛部位，包括安格斯牛板腱、安格斯牛肩肉、梨汁牛五花等，另外還有超過10款的豬肉、雞肉及海鮮；Lab 10 亦提供韓式豆腐湯、紫菜醬油飯等熟食。『Supreme Set』$298 +10%多款牛肉包括安格斯牛板腱、安格斯牛肩肉、安格斯牛脊肉、一口牛等等，安格斯牛肩肉薄薄一片好快燒熟，肉質軟腍油脂分佈均勻；牛舌大片但不屬於厚切，其他牛肉整體屬於正常水平。豬肉包括韓式豬五花、秘製豬肋骨、柚子豬頸肉等等，整體味道不太入味，經燒烤後肉質偏乾，需要搭配醬汁。虎蝦肉質正常；蜆肉偏細小；炸物有薯條、炸雞，甜食有棉花糖及布朗尼，選擇不多。飲品有大杯裝汽水及梳打，配搭燒肉一流。.🏡環境舒適：👍🏻👍🏻👍🏻😋好味指數：😋😋🏼親切服務：👍🏻👍🏻📸打卡able：📸📸-📍Lab 10@lab10.h地址： 旺角亞皆老街8號朗豪坊10樓26號舖時間：12：00 - 22：0

無煙韓燒真心過癮！肉類味道都好豐富，令人食唔夠！我就揀左B Supreme Set!$298 貪佢夠多安格斯牛部位食！仲送和牛肋條～個和牛肋條要特別講講！鮮嫩可口，炭火味濃，每一口肉質極佳，入口即化，令人回味無窮！！安格斯牛嘅板腿、肩肉同埋脊肉都十分鮮嫩，飽滿嘅肉質散發出濃厚嘅肉香同埋炭燒嘅煙味，讓人食得好過癮。而另外一款美國安格斯一口牛，更是特別，帶有濃郁嘅肉汁味，每一口咬落去都有爽脆嘅口感。韓式燒汁牛排同埋牛肋條都燒得帶有微焦嘅外皮，肉質鮮嫩豐腴，而且燒汁非常入味，令人欲罷不能。韓式梨汁牛五花帶有梨汁甜味，肉質十分嫩滑，在炭火上燒烤後呈現淡淡嘅甜味香氣，令人嘆為觀止。至於厚切牛舌，則是鮮香四溢，酥軟美味，入口即化，讓人流連忘返。仲有甜品🍮可以食，我就燒左棉花糖，勁正！

之前經過左好多次覺得好吸引，覺得裝修好得意。🥰今日終於就岩朋友時間可以黎一試呢間lab 10。😋😋我地揀左B餐，比較多肉類揀🥓🥩🍗🍖。同埋都包埋野飲🥤🧃，我地之後叫左熱情果梳打同檸檬梳打，酸酸地都好開胃。等待上餐期間都見到有沙律🥗，瓜類🥒🥒同棉花糖可以無限自取，拎完沙律同瓜類坐底無耐就已經好快上到菜。牛拼盤同牛五花—肉質好好🐼🐮，同埋每舊肉唔會有太多肥膏。一口牛同厚切牛舌都比較大粒同厚身，所以點都要燒耐D先食落肚！蠔好🦪🦪大粒好肥美，然後牛舌🐮👅同雞腎真係好驚喜，兩個都厚身得黎唔硬身，我地都翻叫左兩轉。不過覺得好可惜未試到朋友講一定要試既鵪鶉蛋紫菜飯🍚🍚，下次一定會再黎試下。

餐廳位於超方便嘅朗豪坊，主打韓式燒烤，90分鐘任食放題。有三款A/B/C餐選擇，選A同時包括B同C，選B同時包括C，A/B/C餐都一樣包括D餐飲品。A/B餐是牛，A餐是和牛，而C是豬雞同其他雜項。小編覺得B/C/D都好夠，決定揀B餐。B餐有各部位牛肉，比較出色係牛肩同牛脊，鮮嫩多汁，而印象最深刻係韓式梨汁牛五花，牛肉入口即化，而嗰醬汁韓式梨汁味道獨特兼特別討好，必試。B餐份量都唔少，食完都飽飽地，所以喺C餐度，小編冇揀豬雞，反而揀咗兩款海鮮同一款雜菇。魷魚，主要係魷魚鬚，唔係好多條，但肉質係爽口，虎蝦亦係新鮮，雜菇素素地可以清清腸胃。D餐飲品有可樂同6款生果味梳打，小編揀咗菠蘿梳打，大大杯甜度適中。☀︎ 𝓑 𝓢𝓾𝓹𝓻𝓮𝓶𝓮 𝓢𝓮𝓽 ☀︎ ◇ 𝗕 𝗦𝗲𝘁美國安格斯牛板腱 / 牛肩肉 / 牛脊肉 / 一口牛 韓式梨汁牛五花 / 韓式燒汁牛排 / 首爾牛肋條英國特選牛仔骨 / 厚切牛舌◇ 𝗖 𝗦𝗲𝘁 魷魚 / 虎蝦 / 牛油雜菇◇ 𝗗 𝗗𝗿𝗶𝗻𝗸𝘀菠蘿梳打

📌 LAB10 - 旺角亞皆老街8號朗豪坊10樓26號舖🗓(12/4) 星期三 ⏰ 晚上7點左右💈特式：長假期後要開始返工，所以要搵返d好野食去緩和返個心情，呢間LAB10位於朗豪坊，地理位置超方便，每次經過都見到好多人，今次特登早d book定位，今日終於可以試到喇。🥩🍔🌭🌮🥗🥯🥘🍲🍝🍣🥟🍤🍱食物：呢間餐廳係屬於韓式燒烤，可以選擇90分鐘放題或者散叫，放題就分有A/B/C三個等級，揀任何一款都會配埋D(任飲8款汽水/梳打)，當然仲可以加錢飲埋E或F嘅酒精類飲品，而家等我同大家講下🍖味道先。Supreme Set - 我就揀左中間價位呢個B set，可以食埋C set嘅所有食物，種類就中規中矩，大約有40款食物，包括燒烤嘅牛/豬/雞/海鮮/蔬菜，加埋幾款熟食/主食/甜品，另外亦設有一個少少自助區比大家夾下前菜/沙律等等。咁多選擇，等我主力同大家講下有咩最好食/抵食嘅回本位啦：因為中間個set先會有牛肉類，所以叫得呢個set一定係主力食牛肉啦，當中最好食/最吸引就係美國安格斯牛肩肉同牛脊肉，安格斯肉味濃又唔會好多脂肪，唔會食到好油膩感；仲有佢地個韓式梨汁牛五花同厚切牛舌，都係必點，我覺得

依家香港開左好多唔同類型嘅燒肉近日去左朗豪坊入面嘅韓式燒肉餐廳其實之前都有食過佢地嘅lunch 原來依家仲有90分鐘任食放題好鍾意依間燒肉店佢個紫菜醬油飯非常出色用左鵪鶉蛋去撈飯而且餐廳環境抽氣做得好好 食完都唔會周身油煙味油笠笠唔尷尬一共有三款等級揀我食左Supreme Set外面仲有沙律食物自助吧見到店員都不時都添加食物保持新鮮可以食下泡菜蘿蔔做前菜先見到仲有炸物同棉花糖意外地開心滿足bbq嘅慾望預先訂檯仲送份美國和牛助條（數量有限 詳情打去問店員）見到佢成卷咁 份量十足味道係全晚最好食嘅一種牛肉醃嘅醬汁好甜好滋味另外當然要食必選嘅牛肉拼盤7款牛分別牛舌 牛板腱 西冷 牛肩肉 等等依個價錢有咁多款任食好抵唔同口感都有齊 牛五花都好惹味 沾滿特製梨汁 另外仲有海鮮 同豬 雞 可以點如果有需要店員都可以幫你換網整體食物都非常好 種類又多最重要係好食又唔會成身油煙氣

朋友介紹咗我另一間食完身上都唔會特別大味嘅韓燒店，佢主打係無煙燒肉，午市除咗放題仲有set lunch可以揀。我哋就揀咗中間價錢嘅放題，佢有各種嘅肉類、海鮮、小食、蔬菜同主食。佢會先上一份牛肉拼盤，包括佢哋最有特色嘅梨汁牛五花同埋秘製牛肋骨，佢哋嘅牛五花切到好薄，同埋用雪梨汁去腌所以好香果味，而牛肋骨就腌到好淋。而佢哋嘅海鮮都唔錯，大蝦好彈牙，啲蜆都好甜而且冇沙，我都忍唔住叫咗幾碟，如果食得太飽，仲可以喺佢哋嘅自助區度夾啲泡菜，非常之解膩，最特別係竟然有棉花糖可以燒。

由Bb出世到依家 我地13個月無去韓燒🤣 因為好勁味同好大煙 但爸爸真係好想惦記韓燒燒肉既味道🥹 竟然俾媽媽搵到旺角朗豪坊有間「真無煙」韓燒😍 經電話訂座任食放題送M7和牛肋條 ，金標同埋牛頸脊排 😍一開始燒 Bb仲訓緊覺🤣 我地好驚嘆 🫡 真係無嘜煙！ 一路燒都唔勁味 Bb完全訓得好好 🤫 食完件衫同頭髮都完全無韓燒味👍 而且餐廳裝修好特別 主題係實驗室為主 d擺設都勁有心思🤍 我地點左B+C+D Supreme Set 任食90分鐘 😍餐廳中間有個任食既Salad Bar 🤤 有沙律、薯條 、韓式小食、棉花糖等等 😌 ▫️澳洲M7牛柳呢個M7牛柳油脂分布好均勻 肉質超軟腍 😍 一分錢一分貨 真係好想再encore ▪️牛肉拼盤包括厚切牛舌、牛板腱、牛肩肉 、牛脊肉、一口牛、牛肋條、牛仔骨🐂 除左一口牛好大粒要燒耐d 其他基本上一落鐵板一燒就熟 🥩 牛肉肉質好新鮮 嫩滑多汁😍 牛既味道超濃郁 ▫️韓式梨汁牛五花 牛五花肉質好嫩好鮮 超重牛味 加埋本身調好左既學汁 燒出嚟真係好惹味 岩哂食肉獸既爸爸😂

周三嚟咗幫襯呢間燒肉，食物質素ok啦，不過熟食同甜品就冇乜，但係最最最犀利嘅都係鋪頭員工睜眼説瞎話嘅本事😃首先佢哋安排咗我哋坐一張個爐壞壞地嘅檯，我哋點發現嘅呢？個爐tak著之後較大中細火，個火就會熄，開頭傻更更以為係冇煤氣之類同在場stuff講，佢哋用個公文夾卡住個掣喺tak火位，就當解決咗件事咁梗係唔work啦，我哋勉強用咗陣，發現真係太大火，舊舊肉都變肉乾🥓問staff可唔可以轉檯staff：個爐冇問題㗎，我哋餐廳set個夾喺度，主要係為客人你設定一個最佳燒烤溫度（燒炭溫度就有你份）當下太無語冇出聲，諗住拿拿臨燒完以後bye 9 bye，咁燒肉要keep住換鐵板㗎嘛，（舉手）唔該想換塊鐵板staff：我哋冇曬鐵板，你哋不如埋單先？一係我幫你哋喺舊嗰塊鐵板上噴啲油你哋繼續燒？其他客人都係咁（🌝🌝🌝唔知係當我弱智定點仲要拉其他客落水）

有曱甴有曱甴有曱甴有曱甴有曱甴有曱甴. 冇諗過隔咗咁耐返嚟食會變得如此惡劣. 呢間我之前嚟過兩次都係OK..食飯時有曱甴喺枱面度爬！ 衛生真係惡劣. 同埋個燒烤爐嚴重失控. 開完又關，關完又開，爐不停喺度響. 同埋價錢唔算平選擇種類少味道真係一般. 真係就算冇曱甴都唔會再去. 服務都唔掂. 我哋話個爐熄咗，佢叫我哋唔好整…我哋都冇掂過. Wtf..喺你哋個爐（腦）有問題. 所以咁多負面評價，就真係應該要相信. 呢個係我喺OpenRice 第一個review. 事關嚴重，所以我希望大家知道…唔好去呢間餐廳！