Lady M

营业中

休息中

黑糖豆乳千層蛋糕$75蛋糕面係黑糖，千層蛋糕中間滲出陣陣豆乳香，配上豆乳其實我覺得都幾特別嘅，但我都比較喜歡香檳千層蛋糕或者玫瑰千層蛋糕😽，香檳千層蛋糕滲出淡淡的香檳味，又唔會喧賓奪主，至於玫瑰千層蛋糕做到清新嘅玫瑰香味，唔會好假都唔會太強勁，balance 得好好！

做為一位港女，點可以唔試下Lady M呢。其實食同好多次。最愛都係earl grey千層蛋糕。食落有茶香味，又唔太甜。今次買左3件cakes,🍓🍰strawberry sponge cake, tasted very average nothing special. Taro千層蛋糕, not bad, 食落有芋頭粒🥃whiskey chocolate cake. 幾特別，可能因為係朱古力關係好甜，我唔太鍾意。其實Lady M既蛋糕價錢就一定唔係抵架啦，不過得閒食下都開心既😁

一直都想試Lady M嘅蛋糕🍰，但真係好貴閒閒地一件都要$70、$80😓😓適逢有隻味要下架、又有隻味新上架，咁兩隻都試吓啦😜😜～～～香檳🍾️千層蛋糕🍰～～～$82蛋糕🍰面上會有半透明啫喱，係香檳🍾️甜甜地、少少酸，真係似飲緊香檳🍾️咁😙😙！cream方面好柔滑，比起其他$3-40件嘅有明顯分別，好味好多🤩🤩～～～黑糖豆乳千層蛋糕🍰～～～$75面層係黑糖味啫喱，中間cream係帶有豆乳味，滑度唔夠香檳🍾️千層，但都係合格之上😘😘，建議要連同黑糖啫喱一齊食，那黑糖同豆乳會互相支持，中和返大家嘅味道！🥰🥰坐低左會有隻暖暖地嘅叉提供，另外會用礦泉水招待客人，咁收咁貴係連埋呢D啦🥳🥳

行行下街突然好想食千層蛋糕, 即刻諗起Lady M!! 今日好好彩見到唔算多人, 所以去左排隊買!! (平時經過係會見到好長龍, 見到都唔想排)伯爵茶千層蛋糕$75一食落口有好濃郁既伯爵茶味, 中間夾雜住軟滑既忌廉同埋薄薄既千層皮，口感好滑! 個人覺得呢款口味係必試～香檳千層蛋糕 $82上層有好多啫喱, 係香檳味,酸酸地咁, 幾fresh幾新奇, 好少食到呢款口味! 中層d cream食唔出有香檳味, 似係普遍原味既cream, 但混埋一齊又好夾!

今日收工約咗朋友喺尖沙咀食飯✌🏻✌🏻✌🏻見有一個朋友未到 仲要Lady m 好小人排隊☺️☺️仲要可以用coupon❤️❤️食HK$200-HK$100 於是就去排隊☺️☺️見到每件蛋糕都好想食😂😂😂最後我揀咗綠抹茶千層蛋糕 HK$75 呢款綠茶味足夠 唔會太多搶咗啲cream味❤️伯爵茶千層蛋糕 HK$75 而呢款蛋糕就冇乜伯爵茶嘅味道 反而係多咗啲檸檬味 反正就蛋糕同個味道唔符合法式芝士蛋糕 HK $68 呢個芝士蛋糕我覺得係最出色 佢嘅芝士味好濃郁食落去又唔會溜口😋😋😋😋凍朱古力咖啡飲 HK$60 你杯咖啡我就覺得偏向苦咗少少同我想像都幾大出入 😅😅😅最後都係俾咗$178😋😋😋三件蛋糕加一杯飲品❤️😋😋

今晚食完飯就梗係要去下場，就係Lady M 啦😆😆😆，係尖沙咀最好嘅選擇😆😆，今晚8:00左右到Lady M, 一到就有位，咁真係好好彩，平時排隊都要等十幾廿人，今晚一入座即有位，爽到爆🤣🤣🤣🤣，跟著就叫呢度最好食嘅千層綠茶蛋糕，我次次都係食呢個，一層一層嘅千層蛋糕好有口感，加上環境又舒適，員工招呼都幾好，會自己主動幫你加水👍🏻👍🏻👍🏻，值得嘉許，我地都係邊食邊傾下計，座左一粒鐘到就離開👍🏻🥂

Lady M Earl Grey Mille Crêpes $480 for 6”Lady m既千層蛋糕好出名就唔洗講喇 咁啱屋企人生日又鐘意食千層蛋糕 就買咗原個既返屋企食喇😆 整個蛋糕大概分到7-8舊 都幾抵食😋 而每一塊皮都厚薄均勻 加埋伯爵茶忌廉 食落有淡淡茶香 不愧為千層既始祖😚評分: 9/10🌟———————————————————————Lady M (尖沙咀)尖沙咀廣東道3-27號海港城海運大廈2樓OT215K號舖

講起甜品，我諗好多女仔都會諗起Lady M，確實佢哋嘅千層蛋糕真係做得好出色，今日試左幾隻口味🤪❣️抹茶千層蛋糕$75抹茶味濃郁，但視乎個人口味，我就唔太好綠茶嘅食品🤣❣️原味千層蛋糕$68相比其他口味會較為遜色🙈❣️伯爵茶千層蛋糕$75好似飲緊一杯濃郁嘅伯爵茶🤩❣️玫瑰千層蛋糕$75賣相一流，略嫌有啲甜😎❣️桂花千層蛋糕$75味道偏甜，好重桂花味🤠❣️法式士多啤梨千層酥$62酥皮非常脆口，士多啤梨有啲酸😲好味度：9（10分滿分）咁多隻味裏面伯爵茶千層蛋糕最突出，食得出香濃嘅伯爵茶味，配上軟滑嘅忌廉同埋薄薄嘅外皮，食完有幸福嘅感覺🤤

做港女～🍰香檳千層蛋糕（$62）：頂面是香檳啫喱，聞落有酒精味，但冇嘜果氣味。千層蛋糕用的cream，應該是普通原味。個人覺得威士忌🥃朱古力慕絲比較值得試。🍰威士忌朱古力慕絲（$68）：外層是鏡面威士忌朱古力、中間是朱古力慕絲、下層是朱古力海綿蛋糕及朱古力餅底。整體感覺威士忌味道好突出，朱古力味濃郁，慕絲質地軟滑，呢個有驚喜👍🏻

見到有新口味香檳味千層蛋糕已經想試好耐，次次都太多人，今日咁岩2:00嚟到等咗四個人左右就有得入座呢間餐廳係先俾錢後送餐，不過俾錢嘅時候先發現新口味香檳口味千層蛋糕貴過其他口味差唔多$20，唔明白點解要貴過其他口味咁多錢一如以往千層蛋糕都係好薄同埋口感好滑其實上面嗰啲啫喱真係有酒味同埋酸酸地，食落喉嚨會有種熱熱地嘅感覺，不過蛋糕本身就唔重香檳口味，反而有啲似原味覺得呢個新口味都比到新鮮感，不過性價比唔高，會下次叫返原味

依家好多蛋糕舖都有做千層蛋糕，而且都做得唔錯，Lady M突出之處就係水準穩定，每層餅皮厚薄都好一致，啲cream唔多唔少剛剛好，食晒一舊都冇好滯嘅感覺，不過原味有啲單調，下次會試吓其他味。

因為商場推出現金飲食券，所以商場嘅餐廳好多都好多人排隊買嘢。今次我都用咗商場嘅現金卷買蛋糕。我叫咗嘅係桂花千層蛋糕，朱古力棋盤蛋糕。桂花千層蛋糕上層係桂花味果凍，千層糕有淡淡嘅桂花味，好似食緊中式嘅桂花糕咁，非常清香，有驚喜。另外，朱古力棋盤蛋糕，相對來講味道就濃烈好多，有好香濃嘅朱古力味，亦都唔會好甜膩。好耐之前曾經推出過綠茶棋盤蛋糕，這個蛋糕係我最喜歡吃的，可惜只係期間限定，就沒有再推出。佢嘅綠茶味非常濃烈，入口回甘，真係好希望佢可以再推出。

因為本人對千層蛋糕唔好，所以一直以嚟都無幫襯過。。。終於搵到呢個機會喇每年兄弟生日我都會周圍搵特別嘅蛋糕為佢地慶祝，諗咗好耐。。附合佢地口味就決定試吓Lady M啦！上網訂分兩個size，諗住10人就訂個9寸玫瑰啦！去到見到一條長龍，一個牌係堂食物，長龍係外賣，我諗住我都係攞走，咪排外賣隊，大概10分終於行排到外賣牌，睇吓發現佢有一行細字寫住買咖啡或已網上訂購蛋糕可直接入柜台，點解會咁架。。。點解我咁大鄉里入到去一掃QR code 好快就攞到。的確千層蛋糕做到咁薄又軟綿綿，忌廉香滑，唔怪得咁耐都依然咁受歡迎。都不枉我訂佢嚟慶祝生日

落單時間：普通星期一1545今日見手頭上仲有幾張海港城coupons，就決定去買蛋糕翻屋企食。coupon係海港城dining coupon B，每買夠$100可以減$50，所以就大概係半價。今日買左6舊蛋糕，本身$419，用左4張coupons之後就係$219。原味千層蛋糕(評分:5/5) : lady m 最出色既都係千層蛋糕，而原味雖然唔會好花巧，但永遠都唔會令人失望。伯爵茶千層蛋糕(5/5) :用伯爵茶味溝千層蛋糕都幾夾幾好食！抹茶千層蛋糕(4/5) :整體上都唔錯，不過綠茶同千層蛋糕唔算好夾，所以比唔上原味+伯爵茶。芋頭千層蛋糕(5/5) : 千層蛋糕配上一粒粒既芋頭，令千層蛋糕更加有口感！法式芝士蛋糕(3/5) : 食落太漏，而且以芝士蛋糕黎講無乜特別。士多啤梨海綿蛋糕(5/5) : 士多啤梨好甜，cream既份量適可而止，係除左千層蛋糕之外既其他好選擇。總括而言每件蛋糕大概$30-$40真係好抵食。不過如果無coupons用既話我覺得性價比就一般般。

屋企人生日買咗一個「Lady M」，玫瑰千層蛋糕一試難忘，終於明白佢呢個價錢，係值得🙈。佢嘅皮超薄D cream又香又甜，食完之後會好掛念的感覺🙈🙈但真係好多人食，每一次經過都見到有人排隊。