Lam Tei Grill (已結業)

我喺Lamtei 扒房忠實Fans, 幫趁咗好多年，屯門，元朗店都會去，最近一年都係去屯門總店多，尋晚因為朋友住元朗區所以就大家去元朗店！先講食物，我哋order都係主打菜，肉眼，牛柳都燒得好香好好味！而我喜愛嘅鵝肝黑松露飯因為鵝肝無貨，而改試帶子意大利飯，可惜味道真的唔夾，我點都唔明點解會改帶子，一鮮一濃口味，大廚唔通無試過？講到服務，我今次真係嚇親，侍應串嘴情度係令人覺得煩厭！首先朋友要牛扒3成medium rare , 侍應竟然話係5成，話朋友錯，然後再講我唔同你拗！到我問點解鵝肝缺貨半年之久？呢個係店主打菜式，無咗主打菜，客人仲點會再嚟？ 我係Fans當然想知！點知侍應答我，鵝肝係法國直接入口，供應商無貨，咁我問點解唔用第二間？又或用鴨肝呢？侍應再答：法國全國已經唔再出口鵝肝！我哋做正宗法國菜當然唔會改！侍應一講我真係俾佢嘅尊業嚇咗一跳！我真係未聽過法國正宗只有鵝肝，都未聽過法國唔出口鵝肝，我今年先去完法國，機場大把有售！再者法國人也愛鴨肝！我好少响open rice 寫食評！因為我希望我喜愛嘅餐廳長做落去，所以我希望餐廳老闆見到我嘅評語，除了食品質素外，員工尊業都好重要！請多

三個人叫左三個主菜轉餐，見咁多好評，點知中伏。有餐湯+沙律+主菜+餐飲，老實說，很失望，野唔好食，又收得貴，冇下次。環境：好「簡約」，像冇裝修，只係四幅牆油了油。餐湯：一般啦。沙律：唔錯。主菜：非常失望，好難「勤」。墨魚汁（色）的意粉，竟然配忌廉汁或蒜香汁……我選了忌廉汁，食落似藥水味，難頂。牛扒，超大件，要求低的肉食者至愛，五成熟仍然好鞋，冇肉汁，硬。豬手，皮唔脆，肉又係好鞋，難食。甜品：心太軟，小孩堅持要點，全餐最好食，但份量不多，個人認為suger mama好好多。值得一提，D玻璃水杯竟然全部都花碌碌，滿佈花痕，仲衰過茶餐廳D膠杯，衛生成疑。

終於等到weekend可出街輕鬆吓, 今日節目豐富, 先到屯門探朋友親身體驗現有私人屋苑club house既酒店級設施及餐廳.  再到天水圍探望親戚後, 享受老公為我預備的神秘晚餐.  哈哈, 因為除了出名的大大件魚生壽司店外, 我對元朗係陌生的, 他帶我從西鐵站左穿右插, 遠望見到出名的B仔涼粉, 再兜到好多車房的街巷, 便到逹這餐廳了. Lam Tei Grill, 藍地唔係在屯門咩? 原來這是分店.  懷著急不及待既心情第一次在元朗食西餐, 第一時間更係.....參觀洗手間  男女廁分開就在水吧對出, 女廁只得1個內裡較窄, 關門時要就一就位, 但總算清潔  我們揀了窗邊2人枱, 這時7點沒太多客人.  主要分兩排的木餐枱較逼, 如滿座時可能都會頗嘈雜.   Waitress遞上餐牌時順帶介紹如order主菜可加$45轉餐, 即是有湯, 沙律及飲品.   共5版既餐牌, 分別有頭盤, 廚師推介, 沙律, pasta, risotto, 意大利雲吞/千層麵, 甜品及飲品, 另有酒牌, 想食既都有, 一定滿足到多心既我 .  首先來杯house white邊飲邊揀食物, 第一

Lam Tei Grill 食過幾次，無論服務環境都覺得好好，價錢合理所以今次就再泥慶祝我們的週年紀念啦。叫左個肉眼（$318）千層面（$98）兩個主菜都加左$45轉餐，再叫左兩隻芝士焗蠔（我鍾意呢到既焗蠔唔會太過熟同乾，仲係好有蠔味），跟餐沙拉菜好新鮮，龍蝦湯好香好濃，連個餐包都做到外脆內軟👍🏻個扒好食，7成岩岩好，燒得好香又唔乾，略嫌燒汁無咩味，不過就咁食都已經好食。千層面我泥親都會叫，因為個汁係用新鮮蕃茄洋蔥肉碎煮，好鮮好開胃，令到成件事唔會又滯又漏，最後用個心太軟為我們呢餐畫上句號，唔會好甜，我鍾意！侍應們收碟換碟好擺快手，同埋我鍾意食完一樣先會上一樣，好體貼，甜品到了，我只舉起隻手不用多說就即刻為我們拍照留念，比個讚先。唯一一個問題係唔知我唔識用定點，個廁所門我真係唔識點鎖⋯⋯

第一次上網見到，好似唔錯，就諗住試下，行到門口企係到，無人行出黎問下都唔緊要,一開門入去，成村人牛咁眼望住我…於是我問佢有無位，有個男人就好串咁話:你有無訂位㗎？無訂位就無位啦，我地呢到係要訂位㗎…我無言，但見佢講到咁，我都好想試下係米好食得咁緊要。於是今晚就打去book,接電話個個其實都幾無禮貌…有啲火火地想唔去！佢接電話聽唔到我講嘢，係米應該講:唔好意思，聽唔清楚，而唔係:我聽唔到你講咩呀！咁樣呢？！都算！因為我真係純粹想食嘢！係第一次幫襯，嘢食係幾好的，我叫左澳洲M5和牛，無記錯好似係$288，牛肉幾好，合格，價錢唔ok,size 都ok,但佢無講明係幾多安士，黑松露鵝肝意大利飯$168定198…一般的意大利飯，很普通，黑松露味道完全唔出，另外，我們加左$45轉左個餐，$45叫左一杯紅酒，that all.整體黎講，食環境同食物都會令我再食，但服務態度就很一般…

第一次光顧~兩公婆諗緊食雞煲好定西餐,結果都係比哩間西餐廳吸引住腳步。凱撒沙律:份量不是太多,但菜和配料都十分足料,芝士口感分常好!炸煙肉很脆,凱撒汁也調得不錯!什菜湯:茄味太濃,似蕃茄湯多啲！安格斯西冷扒七成熟)肉質很好,燒得也很好,入口口感鬆軟,七成熟沒有過火,配燒汁,但燒汁真的有燒焦味,不知道是否專登的!配菜不錯,份量剛好!

上星期六友人為我慶祝生日，連埋兩個寶貝仔一行6人到元朗既Lam Tei Grill餐廳享用晚餐，友人預先已政電訂座所以不用等候，餐廳環境氣氛都好舒服，無論情侶談心定朋友聚會都適合，當晚叫左白汁帶子意粉（個汁好味，不過最好share食，如果一人享用應該會好漏），豬肋骨（好惹味，不知幾想落手拎住食），芝士焗蠔（友人之前在藍地總店食過略嫌生左d,所以今次提出焗耐小小，不過都係5夠，但味道是可以的，可能我地鍾意入面乾身小小），安格斯肉眼（由於有小朋友所以不能太生，選擇了7成，但都比較韌，全晚牛扒略嫌失色）同埋千層面（個汁好開胃，好多茄茸，小朋友大愛），4個主菜可以加錢轉餐，餐湯有龍蝦或雜菜湯，本人要左龍蝦湯，味道5錯。但跟餐沙拉好dry,如果多點汁會好d.最後友人叫了兩個心太軟幫我慶祝生日，好味道，5太甜，5好好漏，餐飲方面選擇了凍朱古力不過好淡，總結，會有下次。

阿妹妹夫同我慶祝生日~ 呢間我想試好耐ga la~ 反而佢地就嚟過幾次~鍾意呢度可以揀任何main dish再加$40轉餐~ 唔駛set死晒d 餐無得揀~ 沙律d汁味道較淡...不過好新鮮~餐湯係同熱辣辣o既包一齊上~ 妹妹推介o既龍蝦湯真係好正~ 唔係忌廉底都好濃味~ d包外脆內軟又係一絕~ 加埋黑醋更正~ 叫o左幾個主菜:1) 牛肉千層麵: 超多汁~ 仲要係好多蕃茄肉o既汁~ 而且味唔會好濃好傑~成碟o野又足料又夠大件~ 不過好彩人多share...唔係都幾漏...2) 芝士菠菜雲吞: 好味不過無乜驚喜~ 唔好睇佢好似得幾隻咁少...食得嚟再食埋入面d菜其實都好夠皮啦...3) 咸豬手呢度d豬手唔係脆皮o個隻...雖然我鍾意脆皮o既...但係呢間o既豬手都唔錯~佢幫你界開晒一先上碟...所以好易切到d肉出嚟~ d皮勁多骨膠原~ 而且唔會好多肥膏...所以就算唔脆都ok~ 仲有一樣o野...呢度d芥茉係好強勁ga~ 超攻鼻~ 所以唔可以太貪心點咁多~4) 杏仁紫蘇葉豬鞍扒呢個係妹夫o既推介~ 佢話次次嚟都係叫呢個...我估一定好好味~wa~ 真係唔講得少~ 熱辣辣食o左一舊...真係

已是第二次來幫襯藍地「嬌」，上次來好像是大半年前了，水準仍保持得很好啊！這日因為挨了一天冷風，所以打算早些吃完了便打道回府。和夫君又真是有夠早的，人家才6:30開門，我們6:25已到步，幸好餐廳已讓人客入坐，不用罰站 XD快講講今次點了什麼︰這款是第一次試的，凱撒沙律是水準之上，焗麵包粒是粒粒脆口，伴在碟邊的芝士和香草乾不只是伴碟，粘著沙律菜一起吃更好味，本來是要 share 的份量，這散落的芝士和香草全歸我所有 ...還有要提一下這巴馬火腿 .... 怎麼說呢，不像是風乾的巴馬火腿，但因為有「厚度」，口感很不錯。這是 encore 的菜式，因為上次吃過，今次再回味的。以往自己都不大願意吃意大利飯，怕飯的中心太硬，第一次改變我想法的好像就是在這裡。要了七成熟，廚師的火候拿揑得不錯，配菜的味道和口感也很豐富，吃得出薯蓉都略略煎過，可見廚師很認真處理每個細節。安格斯肉眼扒比澳洲和牛少油一點，但牛味一樣甘香，吃多了也不會太罪惡感 XDD我們還把其中一主菜加錢轉餐，多吃一個田園沙律還有南瓜湯和好好味餐包 ^^

book左枱，唔駛等環境適服。。。打開menu 好多野都想食最後叫左蟹肉蕃茄意大利飯，豬手，燒吞拿魚，安格斯牛排上菜速度都幾慢，所以一黎就切開左想食，冇咩點影相！個飯。。。。有陣類似肉桂咁嘅味，有少少怪，唔知係咪茄乾味燒吞拿魚個汁甜左d, 味道都幾一般！豬手，安格斯牛排，心太軟都ok~一位男仔頭的女服務員十分好太態度！！！！！就只有扎馬尾的阿姐實在太有問題話說呢餐係生日飯，我地帶左個蛋糕黎，主角係唔知的朋友出去食煙，打算一陣返黎神秘地叫人上蛋糕就o係佢未返黎時，那位阿姐就走出黎話：“幫你地上埋餐飲”。。。。我地叫完餐飲之後，佢竟然當住大家面前問“個蛋糕上得未？”我地靜晒啦～＝＝ 心諗你都爆左出黎啦！唔上等下世咩？！呢下真係嬲喎！我地安排小驚喜，你就同我搞禍佢～其實呢個阿姐之前倒水比我地，執抬等都好似茶餐廳職員咁架啦！仲要全程黑爆臉架！到埋單，以為佢知衰，張單係背向生日果位朋友。。。。。。點知。。。大大聲講：“多謝你＄9XX 吖” 我嬲到唔記得確實銀碼！！只想粗口問候阿姐囉！喂！你幾時食過一間西餐廳係咁唔識do ga???收我＄50切餅費，但搞禍我地嘅小小小小小驚喜，仲要自己切架！咁咩叫

Both of the main dishes are so yummya little bit pricy in yuen long area but the portion is quite large. my stomach don't have space for the desert (even I'm a desert lover)i cant finish the risotto not bcoz of it doesn't taste good, it tastes super nice and the risotto is rich in texture and this is what I like most. The leg is crispy and is well prepared before cooking. T bone one steak cook just right as medium rare and u can taste the 炭燒味道~ 牛味好重！醃得夠味...但配菜略為單調！bcoz it's just boiled veggies i

久聞藍地燒這個大名，原先諗住book總店，但上openrice到見到係元朗開左分店喎，心諗分店應該靜d少人d，所以就book左呢間分店啦。出發前，我同朋友仔講，陪我黎試食丫，做番隻白老鼠，但其實慶祝生日(當然又的確係試食團黎)。唔知頭唔知路咁終於搵到個餐廳個位，坐低後發現原來好多野揀架喎，除左openrice食評度有寫既之外，仲有好多選擇喎。不過第一次黎，都係叫番d大路野。(btw, 多謝waitress盡力介紹各種美食)頭盤叫左火腿蜜瓜，火腿好咸同難咬，但個蜜瓜幾好食。跟住就加左40蚊要左個set，叫左一客南瓜忌廉湯、一客XX清雞湯，同個溫暖軟熟豬仔餐包。從未飲過這種清雞湯，望落有D似麵豉湯，但飲落個味好特別，唔識形容，我覺得OK啦！朋友仔就話一般。南瓜湯就真係幾好飲喎，厚身得黎又唔太流，南瓜味同忌廉真係做到各一半，好正。個包就因為我以前係第度食過，所以覺得冇咩特別，幾香幾夠豬仔包味啦！咸豬手係呢度既其中一個招牌菜。唔太咸，但幾乾，真係無咩心機切黎食，仲有個芥茉醫也不太討好。最後係呢個M5西冷，叫左5成熟，炭香、重味、JUICY、有點外脆內軟，十分之好味道呀，配埋個燒汁，朋友都話真係

每個月的八號，是必然相聚的一天。這晚來到元朗的「藍地燒」，雖然藍地店的位置較為方便我們，但是還是選了元朗分店，畢竟飯後還需要活動活動。星期一的晚上，店內的訂座主要為家庭聚會，環境雖然有點吵雜，但是亦無損用餐的雅興。每項主菜只要額外40個大洋便可轉為套餐，套餐包括沙律、餐湯、餐包和餐茶，相當划算。雜菜沙律雜菜沙律永遠離不開車厘茄和火箭菜，再伴上意式油醋汁。這裡的油醋汁，醋的比例稍油高一些，而且有微微的蒜味，再搭配紅洋蔥的辣味，簡單醒胃又不沉悶。當然，如果沙律有更多選擇的話，相信更吸引。小法包外皮鬆脆可口，毫不需要牙力，內裡鬆軟綿密，食包有包味。燙手的法包，半溶的牛油，吃一口塗一口，這些卡路里是該省的嗎?忌廉南瓜湯概括地說，水準之作。南瓜味濃郁自然不用說，能做到細緻幼滑，南瓜和忌廉在一起更是讓人無法抗拒。若然在面頭再加點忌廉作點綴和調味，更是完美無瑕。美國安格斯肉眼牛扒 (HKD188)扒上的網紋已然令人動心，再看看那一塊肥美的油花，未吃已先肥。外皮確確實實有香濃的炭燒味，卻未到焦。這次點了五成，內裡的鮮紅色更令人醉心，肉質雖未至鬆化卻非常鮮嫩，肉汁被鎖在內裡，叫人回味。燒汁濃度不高，作為

是日相約幾位友人去食浪漫又有水準的西式晚餐, 無意中搜尋到元朗這一家 lam tei grill, 名字好特別, 好像是為新界人而開設咁 於是就好興致勃勃咁去食喇 愛好食西餐既我, 一入去就被餐牌上各種食物都吸引住 , 有好多招牌菜都好想食呢無奈肚只有一個~哈哈 ! 於是我地就叫左意大利雲吞, 牛排 同羊架!!set 附上既salad 好新鮮,已經加入調製好既sauce , 仲有得撒上黑淑好good ,如果有油醋汁附上就更好而餐包有我成餐飯最大既驚喜 看似脆卜卜既餐包仔切下去竟然係無比鬆軟, 當一個人肚餓既時候去食飯,最先接觸到既應該會係個餐包同碗湯, 如果個餐包係凍冰冰/硬掘掘既話, 其實都幾失望嫁!所以當呢間餐廳用心思去焊到一個簡單既餐包, 我認為值得嘉許!!!main course - 意大利雲吞 好cheese 令人好滿足牛排唔需要點汁已經好夠味 , 味覺上食到一粒粒既鹽平均分佈係上面!!! 不過就有d肥同幾多根.. 我個朋友差d比 d根哽死 而main course上面既薯容都值得一讚 !!! 薯泥中有一粒粒既薯仔容, 而且好夠味相信都有用心去調味過!! - 心太軟就額外

今年週年紀念沒有什麼特別搞作, 只想在家附近吃一餐紀念飯~起初還在煩惱到哪裡吃,無意間給我在openrice 發現了這間意大利餐廳~這間主店是在藍地, 元朗分店應該是開了沒多久~見評語好像不錯, 下班回家後就跟老公說試試這間吧~~可能因為是星期一, 所以沒有訂位也有座位~店員安排我們坐下後, 很有禮貌地問我們有沒有來過他們餐廳, 沒有來過, 他便講解餐牌上的主菜也可加錢轉套餐, 套餐包括什麼什麼等等... 點菜後, 環顧四周, 燈光昏暗, 牆邊地下有射燈照上來. 很有情調~而我也發現他們擺放餐紙及餐具也一絲不苟, 放完後還續一對好餐具位置不久, 開始上菜了~首先來的是沙律, 菜很新鮮, 沙律中已加了酸酸的沙律汁, 很開胃~之後到餐湯及餐包, 我跟老公各叫了龍蝦湯及雜菜湯, 雜菜湯味道ok, 還是龍蝦湯鮮味及濃郁~我很欣賞這個餐包, 外面脆卜卜, 內裡是鬆軟的, 還有少許溫熱, 質感不會像石頭~加牛油或黑醋吃也很好吃~頭盤我們另外叫了兩隻芝士焗生蠔, 起初還以為是焗熟了, 咬了一口後才發現生蠔並不是全熟, 我又破戒了...口感真的很正, 生蠔滑嘟嘟, 而且海水味頗重, 很新鮮, 吃完一陣