Lassana Coffee (Centre Parc)

营业中

休息中

喺九龍灣行街shopping,行到累就俾我地喺mega box附近搵到間又靚又舒適嘅coffee shop 食下野傾下計!💕😍.我地叫左兩個set, 前菜有田園沙律+甘筍湯!沙律菜好新鮮而甘筍湯又香又滑!👍 ·主菜方面我就叫了個蟹肉雜菜沙律配自家製芝麻醬! 大大份好足料,有大量嘅蟹肉舖面,賣相好靚!食落口仲啖啖肉. 沙律菜新鮮爽脆!配上香口嘅自家製芝麻醬,簡直係味覺嘅享受!👍·而朋友叫嘅煙三文魚配水寫蛋黑麥包賣相亦都好靚,水煮蛋煮得很滑易入口!👍·甜品仲有件cream brulee cheese cake同埋mocha cake! 兩件cake嘅味道都唔太甜!食晒成件都唔會覺得膩!👍呢間餐廳環境寛敞舒適, 食物健康又好味!下次一定要再黎！😍...

LASSANA COFFEE的焦糖Cheesecake好受歡迎⋯ 見到公司附近都開左間，二話不說同同事去食Lunch。今次試左Frozen Hot Chocolate，朱古力味入口濃郁，味道香而唔會太甜。如果鍾意朱古力的人，呢杯相信都唔會令大家失望。Cafe最近出左冰凍星塵茶系列，有四種生果沙冰配以不同的茶。朋友仔胃口麻麻，所以叫左一杯橙柚伯爵茶，橙加西柚味道帶少許酸，而且整體味道不太甜，入口好開胃。我就叫左一份Egg Benedict。兩塊麵包上，各自放上煙三文魚及水波蛋。淋上香滑的荷蘭汁，當切開水波蛋就慢慢淋入麵包內，令到精華滲曬入去。咬落去，蛋黃汁的香加埋煙三文魚的咸香，味道好豐富。大大份的蟹肉沙律除了有沙律菜外，仲有大量的蟹肉。配以麻醬，入口夠香。Cafe的蛋糕其實都好高質，所以我地都買左兩做Tea。焦糖芝士蛋糕的焦糖係即叫即燒，所以食的時候脆脆地。芝士蛋糕的口感夠厚實，而且入口夠滑。如果係朱古力Die Heart Fans就唔可以錯過呢件朱古力切餅。入口的口感豐富，除了有Mousse的軟，蛋糕的海綿感，加上入口即溶的朱古力，相信佢會得到好多人的歡心。=============

無諗過九龍灣都有間咁闊落嘅咖啡店、新開當然新淨企理、梳化好坐、重點當然係咖啡，好有水準、好飲過樓下間p字頭幾十倍！最怕咖啡太熱、佢真係啱啱好、沖果個都睇得出係專業嘅咖啡師，所以好啱我呢啲偏濃口味人士、唔係奶水咁！ 啲staff 好friendly, 唔會趕你走、約客傾野或者偶然要工作嘅好地方！今日試左latte 同一個菌類芝士toast, 份量唔太大很好！會多啲幫襯希望佢做落去、好飲嘅咖啡店唔多、一定要支持一下！

間中要嚟九龍灣開會，隔咗幾個禮拜，今日返嚟竟然有新發現呢間cafe 以前係天后幫襯開，原來開咗分店過嚟呢邊，對我呢d絕不踏足 S乜乜同埋P乜乜嘅咖啡精嚟講，無疑係意外驚喜! 同同事兩個人開完會嚟食個 late lunch，都有唔錯嘅選擇。Eggs Benedict + 沙律 + 咖啡80零蚊嘅lunch set真心OK，consider 佢嘅食物同咖啡質素，可以俾句物有所值👍🏻Cafe 係大堂上層，幾清靜，梳化好舒服，幾啱tea time 嚟hea 下或者傾下嘢呢杯唔係我飲過最正嘅啡，但比較一般連鎖咖啡店，佢哋算係誠意之作，絕對交到貨。平日飲開Espresso, 今日試佢嘅Piccolo亦相當唔錯，佢哋用嘅奶應該係好嘢嚟話時話，逆市開店仲要開咁大間，真心勁，俾個👍🏻老細

同朋友約左喺呢度lunch，發現地方都約寬敞，又夠靜。岩晒我地傾計談心。我今日就食左Smoked Salmon Egg Benedict，賣相超好食落超好食，佢個蛋同sauce做得好好。朋友就食蟹肉沙律，超靚超大碟，賣相都超吸引。另外我地每人一個甘筍湯，都好好味，bbju仲追住飲。再加我叫左Matcha latte，都好香，比例都剛剛好👍🏻重頭戲係個cream brulee cheese cake，超級好味，又唔太甜，我下次都要再食😍

去開九龍灣揾咗個附近番工嘅朋友lunch，佢話試下呢間新開cafe，去到見個環境都唔錯好清静又寬敞，開頭以為只有麵包咖啡之類簡單食品估唔到有我鍾意嘅egg Benedict 😋😋味道仲唔錯添！

今日天氣好清爽，又忙完一個project，想舒舒服服食個early and relaxing lunch！呢間新開嘅cafe環境好好，非常寬敞舒適，啲salad同pastry日日新鮮製造salad有5款總有一兩款啱口味，個人好唔鍾意啲好多 dressings 嘅沙律，呢度嗰啲就just right啦！再加上杯house blend coffee已經made my day 啦！快樂其實可以好簡單加油btw 多謝同事介紹！如果唔係都唔知Centre Parc 呢度二樓有個咁正嘅地方hea下～

經過一星期嘅勞累，真係需要一點點甜提振一下大家嘅士氣！一向很愛lassana嘅咖啡，知道佢地最近喺九龍灣開咗間分店，噚日途經附近忽然想起就試下搵，原來好近九龍灣地鐵，就喺lexus車行上面，環境仲好到不得了，空間感十足，坐低望住窗外藍天同零碳天地啲🌲好chill呀！同幾個partners見到好幾款cake真係好難揀，最後有人話想試榴蓮cheese cake，本來我都唔算太好食榴蓮，點知一試❤️上！榴蓮好足料又唔太甜，質感綿密，一個大概1磅嘅蛋糕6個人分！個個食到😋😋😋話好介紹！真係一個滿足嘅星期五！我地當然有襯埋咖啡，我係會員仲有折㖭！不過可能係新開張未有準備瓦杯，我覺得用紙杯唔太襯個環境所以冇影相，希望下次嚟可以用瓦杯☺️