Le Cafe (香港諾富特世紀酒店)

营业中

休息中

好耐無食自助餐啦!今晚黎到Le Café，6月至8月晚市自助餐主題係【花樣嚐鮮】，而家只需讚好社交平台專頁 或 追蹤社交平台，即可尊享65折優惠，折左之後價錢好抵食! 值得再ENCORE!自助餐以「花」為主題，融入多款菜式，好似置身花花世界享用美食咁，影相打卡一流~有專人即開生蠔，細細隻口感爽脆。海鮮有松葉蟹腳、凍蝦、青口、翡翠螺等，推介鮮甜爽滑既凍蝦同肥美彈牙既翡翠螺。刺身方面都有唔少選擇，推介帶子，大大粒鮮嫩甘甜；呑拿魚軟滑無筋、魚味濃。熱葷不停REFILL，值得一讚，推介印式烤三文魚，嫩滑清香口感豐富；青咖哩雞濃香嫩滑夠入味；牛咖哩燉煮得柔軟，入口即化；原條蒸魚味道鮮美口感佳；燒四川香辣豬小腿啖啖肉，鬆化香口唔會韌。沙律選擇頗多，推介紫衣甘蘭燕麥木瓜沙律，口感豐富。甜品方面亦有好多選擇，估唔到竟然有榴槤蛋糕!味道好有驚喜，食落有絲絲榴槤肉，蛋糕鬆軟綿密又香甜，正~推介日式芝士撻，撻皮酥脆，流心芝士好香滑；班蘭蛋糕軟綿香甜唔會膩。仲可以無限享用四款Mövenpick雪糕，今晚真係勁滿足!

灣仔諾富特世紀酒店將於6月1日推出全新主題「花樣嚐鮮」晚市自助餐，以吞拿魚同三文魚 入饌烹調出多款創新菜式、並採用本港「魚菜共生」有機系統種植的 #食用花 配搭出一系列花樣甜品及前菜，夠晒特別🤩_🦞各式冷盤海鮮、刺身都幾新鮮，推介大家食松葉蟹腳同蝦🦐另外自助餐都有提供任食即開生蠔🦪每次限取2隻，質素唔錯👍另外熱盤嘅選擇都幾多，小編特別推介鹽焗原條三文魚、鐵板香橙鮪魚💜甜品方面除咗任食Mövenpick雪糕之外，都有多款特色甜品俾大家選擇😁包括三色堇宇治抹茶慕絲蛋糕、夏堇伯爵茶慕絲蛋糕、石竹花玫瑰果凍、三色堇日式柚子蕃茄等等，滋味又滿足😋

5月頭打來book抬，話有長者，安排個好d位，點知安排左去個後面就係樓梯口位（無安全感），風口又大，真係......提出調位，仲話快d, 以家開始左入座😑😑6：30pm都已經有人入坐，開始拿緊食物（快到咁）第一轉拿左蟹腳（好鹹食唔到鮮甜，最尾再拿多幾隻，好d,無咁鹹有返d鮮甜味），蝦 （正常大隻彈牙，不錯），青口（細隻鹹鹹一般），咖哩炒龍蝦（剩返龍蝦鉗，肉質韌，無鮮味，麻麻）唔覺有炒蟹，螺，毛蟹生蠔：細隻薄身，同行人話10隻有4隻吃到蠔殼😓😓😓刺身有4款，攞左帶子（鮮甜），三文魚，蝦（原隻不錯，幾大隻厚肉）壽司：賣相唔吸引紙米卷：本想試，放左向salads 個邊邊位，真係見到都唔想食熱食：魚餅，炸春卷，咖哩炸薯餅，炒雜菜，蒸魚，魚柳，湯麵，豬頸肉，燒雞，燒牛扒（ok啦）等燒大頭蝦，等好幾轉都未拿到，一次燒8隻10隻，一下子無晒，好在最後拿到3隻，一人一隻試到，無乜特別。有榴槤／香蕉pancake（榴槤口味不錯，餅皮吃完會好飽）海鮮冬蔭功湯（滿心期待）......試左啖，非常鹹又辣.......唔知自己飲咩......完全唔係冬蔭功湯個回事🙈🙈 甜品：類似朱古力opera幾好吃，榴槤蛋糕

聲稱為泰式自助餐 但剩係炒金邊粉已經露餡無色無味燒大頭蝦尚算新鮮沒有用死貨海南雞飯全胸 啲脾位唔知去晒邊榴連蛋糕得面嗰層忌廉有榴連味 入面係一個活生生嘅海綿蛋糕其餘麵檔熱盤中規中矩 以六折後不需四百蚊一個人嘅價錢叫有交代重點中伏級別 千祈唔好中伏食物警告訊號！！！！！刺身！！！！！包括食落完全 零 新鮮。完全係怪味兼暗色嘅油甘魚標榜為呑拿魚 但一食就知係代用魚建議各位只食帶子和牡丹蝦

今日一家來到灣仔諾富特Le Cafe 食自助餐，提早慶祝母親節。今日係平日，入座率大概六成，疫情之下少啲人安全啲。刺身有大粒帶子，啖啖肉連殼大隻甜蝦，我就覺得有點腥，但可接受。亦有三文魚，呑拿魚等有蠔供應，話係法國蠔，都鮮甜，但好瘦好細隻，鐘意食蠔可能會有點失望。有長腳蟹，翡翠螺，青口，凍蝦長腳蟹海水味重，鮮甜新鮮，螺肉彈牙，但小心有沙。泰式沙律吧熱葷有炒龍蝦🦞，蒸魚，鮮菇蔬菜，牛肋條，煎大頭蝦，牛扒 ，薄餅，辣魷魚鬚，三文魚等，我淨係試了牛，蝦和龍蝦😆龍蝦新鮮彈牙，可以試下。今期做緊泰式主題，甜品款式算多，有牛奶布甸，芝士蛋糕，雜果啫喱，朱古力蛋糕，椰子蛋糕等等，最好味就係榴連蛋糕, 蛋糕鬆軟，榴連味濃，仲有即製香蕉班戟和貓山榴槤班戟，榴連控必食仲有維記榴連雪糕和m 字雪糕，有合桃，士多啤梨味，朱古力和雲呢拿選擇，但有士多啤梨雲糕一打開係似溶咗之後再雪返硬(因入面雪糕傾側)，怕肚痛就沒有吃，試左合桃味，應該試一次夠🤣飲品有泰式奶茶，橙汁，熱啡仼斟每人$548六折，原價加一，折完都唔洗$400呢個價錢其實都抵食。

👉香港人被困咗咁耐，大家都想盡辦法，自製食咗 / 住咗就當去咗旅行🧳✈️📌泰式主題自助餐，有一眾泰式沙律冷盤、沙爹炒龍蝦、鐵板燒大頭蝦、海南雞飯、泰式豬手飯、榴連蛋糕、芒果糯米飯⋯當然唔少得即開生蠔🦪、長腳蟹、魚生刺身、燒牛肉⋯太多太多⋯📌各式冷盤海鮮、刺身都好新鮮，生蠔每次限取2隻，質素唔錯，師傅都密密開冇停手，所以都唔使點排👍📌熱盤都清得好快，有時仲會轉吓款，成晚各師傅都冇停過，所以都會即時補給👏📌甜品都有好多選擇：中西泰式都有，榴連蛋糕真係超重榴連味。芒果糯米飯ok啦，1杯仔止吓癮！都係食返有4隻味嘅Movenpick小杯雪糕好啲😆🇹🇭泰式主題自助晚餐 18:30 - 21:30星期一至四 $548星期五至日，公眾假期及前夕 $578✅成為酒店社交平台專頁粉絲可獲6折優惠

去咗灣仔Novotel食dinner buffet，地方好大，可以容納好多人～Buffet最近既主題係Sawadee泰，有泰國風味既菜式，食物種類算多，特別係甜品，有好多選擇！Buffet我最鍾意都係食即開生蠔、刺身、海鮮凍盤、岩口味既主菜🤣刺身幾肥美、夠新鮮👍🏻特別係帶子，勁大粒呀🤤即切牛都唔錯～星期一至四 $548, 小童$ 338星期五至日 $578, 小童$358可以同埋親戚/朋友一齊去！🥳記得book位呀🤣

媽咪成日都講話想食自助餐，見到Novotel而家既泰式自助餐做緊優惠，只要成為社交平台專頁嘅粉絲就可以有六折優惠，折完價錢唔貴，就帶媽咪去試下首先我地都會食左冷盤先，冷盤有即開生蠔，松葉蟹腳、北海道毛蟹、凍蝦、翡翠螺同青口等等淨係食海鮮都已經值回票價泰式食品有龍蝦海鮮冬陰功湯、泰國辣椒膏炒蝦、沙嗲醬炒龍蝦等等！真係整得幾惹味架甜品一樣咁正，有椰汁芒果糯米飯、貓山王榴槤班戟、榴槤雪糕🍦，全部都係泰國必食食品！除此之外仲有好多糖果BAR，MOVENPICK雪糕同其他甜品仲有好多唔同款式既熟食最好既地方佢地既飲品都係無限添飲，唔需要額外加錢呢個價錢黎講性價比真係幾高

Food was fine for its value. No one touched sushi bc everyone interested in oyster and sashimi (limited selection of white fish, salmon, 2-3 other kinds). Other cold seafood was mussels and one other snail variety. Steak was good and lots of delicious desserts.

呢個staycation package ($994) 包左雙人高級客房一晚，連房內享用二人份泰式Fushion晚餐，再加Le Cafe咖啡廳食自助早餐。由於我地係情人節去，所以仲會有送紅酒一支、心型朱古力、Macaroon同埋氣球佈置等等！ In-Room Dining 🍴原個椰皇兩個+青木瓜沙律+大蝦配泰式辣醬+冬陰公湯+泰式醬炒原隻龍蝦和牛珍寶貝殼粉+香芒椰汁糯米飯 ⭐️⭐️⭐️⭐️ 呢餐晚餐比我想像中好食，送到嚟嘅時候仲係熱辣辣，份量又多，蝦同龍蝦都算新鮮多肉。連冬陰公湯入面都有隻蝦，咁足料真係抵讚！望到嗰份珍寶貝殼粉咁巨型，真係未食已經飽，味道唔錯，CP值好高！ 🍴 自助早餐 @ Le Cafe ⭐️⭐️⭐️💫 早餐選擇都算幾多，熟食、前菜、即煮嘅奄列以及咖啡果汁都有，但係味道就一般啦，座位坐得都舒服嘅。 .............................. 香港諾富特世紀酒店 地址📍: 灣仔謝斐道238號 總評分: 6.8/10 .............................. 味道😋: ⭐️⭐️⭐️⭐️ 環境👀: ⭐️⭐️⭐️ 服務👨🏻‍🍳: ⭐️⭐️⭐️ 衛生🧹: ⭐️⭐️⭐️ 抵食💰:

好掛住泰國嘅美食呀😢點算好？🤔 等我帶你去 一次過食勻曬泰國嘅美食😋。💓@novotel_century_hong_kong自助晚餐 -有泰式咖喱雞🐣、 泰式龍蝦、 椰子雞湯， 煎蝦餅春捲 ，迷你海南雞飯，即煮泰式湯麵🍲， 即燒海蝦 帶子 等等～特別喜歡佢地的泰式龍蝦，用左香葉去煮味道十分特別，出面食吾到！🥰海鮮類最吸引有松葉蟹腳、凍蝦、即開生蠔等等🦪.雪糕有Mövenpick、好喜歡佢地的蛋糕，滿滿的椰絲，泰式甜品🍰，包括椰汁芒果糯米飯、貓山王榴槤蛋糕等等.. 除左泰國菜，其實佢地都仲有小小中菜咖～食完今餐跑返十個圈先得！🤣

【#Sawadee泰 Buffet 】辛苦搵黎自在食，最自在就梗係食自助餐啦 ～冇得飛好掛住泰國嘅生蝦刺身、芒果糯米飯、海鮮冬陰宮、咖喱炒蟹....知道Novotel 推出Sawadee泰式主題自助晚餐，仲等咩搵食要及時，即刻去試試啦 ！！！【#Sawadee泰 Buffet 】Novotel 自助晚餐好多款泰式美食選擇：泰式生蝦刺身、燒魔鬼魚、咖喱蟹、龍蝦海鮮冬陰功湯和牛生菜包～燒大頭蝦超多蝦膏，蝦肉彈牙，鮮甜味美，仲試左龍蝦海鮮冬陰功湯，超多海鮮熬製，足料之作。必食海鮮：專人即開鮮嫩生蠔、松葉蟹腳、凍蝦、凍蟹、青口、翡翠螺及多款壽司刺身其中巨型甜蝦同珍寶帶子刺身更被我 ecore 左幾次，超級爽口清甜，啖啖都充滿鮮味。飯後點少得人氣甜品：椰汁芒果糯米飯、貓山王榴槤班戟、榴槤雪糕、蝶豆花泰式特飲及Mövenpick雪糕，仲有朱古力噴泉、西式甜點、蛋糕等。即製班戟好香蛋香味，每口都充滿貓山王榴槤嘅滋味。由即日起在#LeCafé 尋找熟悉的地道泰式風味，「讚好」酒店社交平台專頁可享「泰式主題」自助晚餐 6折優惠，成人折後低至$329起。

呢間酒店嘅自助餐食過好多次，一直都覺得性價比唔錯，又有生蠔食🦪上兩個星期又過咗嚟，一家人慶祝埋爸爸生日🙌🏻今期做緊泰式自助餐主題， 唔單止有生蠔同其他新鮮海鮮任食，仲有多款泰式美食😚😚有泰式生蝦刺身/青咖喱/泰式炒蟹等等超惹味泰國菜🤩甜品就必食貓山王榴連pancake同芒果糯米飯！正宗泰式奶茶都有得任飲㗎🙌🏻🙌🏻🙌🏻超滿足，一家人食到捧住個肚走🤣.星期一至四成人$548星期五至日成人$578另收加一服務費

無得去泰國旅行🇹🇭不如食返餐勁🥰見到灣仔Novotel 3月份推出左Sawadee泰自助晚餐🥰仲有折扣即刻黎試下! 酒店服務都幾好😌入座仲送左酒店出品既口罩套👏🏻今次buffet除左有多款泰國熱盤美食，唔少得我最愛既即開生蠔🦪日式刺身方面重點推介巨型帶子同埋三文魚！🧡 帶子真係大大粒又鮮甜🤪 三文魚又厚切又肥美🥰仲有赤蝦、吞拿魚、油甘魚都係師傅即叫即切； 仲有好多種類又精美嘅壽司🍣海鮮亦都好多元化～而且都會keep住refill😋有松葉蟹腳、北海道栗毛蟹、青口、凍蝦、翡翠螺。沙律吧除左有多款新鮮蔬菜食材🥗 仲有多款泰式salad😋龍蝦柚子沙律、燒豬頸肉沙律清新開胃☺️👍🏻👍🏻仲有少見既龍蝦米紙卷、泰式粉絲沙律、炸豆腐沙律🤩除咗沙律，仲有好多泰式小食：泰式魚餅、泰式春卷、燒豬頸肉、魔鬼魚❗️重點推薦：👉🏻泰式香煎大頭蝦🦐🦐司傅新鮮即煎😜 啖啖肉而且爽脆鮮甜😍👉🏻燒牛肉賣相吸引🥩 即叫即切牛味🤪連醬料都好講究，有法式芥辣、芥茉籽、黑椒汁、燒汁可以試哂幾個口味🤤👉🏻 泰式紅咖喱雞、青咖喱牛極高質🤪 如果唔係驚飽真係送飯一流！勁濃郁😋👉🏻沙嗲炒龍蝦🦞同泰國辣椒炒蟹🦀泰式燒魔鬼魚🐠都係心機之作，香辣

因為search staycation資料而發現灣仔Novotel 酒店現在正做【Novotel Sawadee泰】自助晚餐，有生蠔和各樣海鮮，又有泰式食品，成人星期一至四 $548加一/ 星期五至日 $578 加一，再看看優惠資料，成為酒店社交平台專頁粉絲可獲6折優惠！即是計加一 每位$400有找，感覺抵食，於是就follow了酒店餐廳社會媒體專業再預訂了星期日晚去吃。地方大，食客都斯文有秩序。有各樣沙律及冷盤，海鮮類有松葉蟹腳、凍蝦、青口、翡翠螺、多款壽司刺身及有專人即開鮮嫩生蠔，每人每次限取兩隻，而生蠔量多都不用搶。熱盤有多款中式食品，而泰式食品有泰式生蝦刺身、燒魔鬼魚、咖喱蟹、龍蝦海鮮冬陰功湯、和牛生菜包、即煮泰式湯麵等等，很惹味吸引！吃肉的不用愁。不過龍蝦海鮮冬陰功湯只有辣沒有酸，感覺扣分。每樣都試真的夠撐！甜品除了有Mövenpick雪糕、即製香蕉班戟和多款蛋糕之外，更當然少不了有泰式甜品，有椰汁芒果糯米飯、貓山王榴槤班戟、榴槤雪糕及蝶豆花泰式特飲，真的是需要有兩個胃啊！