Le Cafe (寶其利街)

营业中

休息中

上次食晚餐，今次食午餐，唔同既係坐近門口，無咁大油煙，感覺好得多。今次試下其他小食，所以只叫左一碟意粉share；香辣蕃茄蜆肉意粉，小食叫左蜜糖雞中翼，芝士田螺焗薯蓉。當然要飲杯咖啡啦！香辣蕃茄蜆肉意粉，食得出用辣椒仔汁加蕃茄醬炒成，兩種份量恰到好處，蜆肉肥美而且多，好味。蜜糖雞中翼，夠入味而且焗得相當野味，出色！芝士田螺焗薯蓉，味道ok，薯蓉幼滑，但不是很突出。仲用$18加左一客蘑菇湯，蘑菇比重相當多，味道濃郁。

星期五晚上鬆一鬆在家附近出街食飯，在紅磡寶其利街找來一間小店食意大利粉，店內不到十張枱，大約晚上7點，人客不算多，小店餐牌意粉選擇算豐富，我二人點了黑松露海鮮意粉和肉醬千層麵，熱咖啡兩杯。黑松露海鮮意粉軟硬適中，海鮮好新鮮，一點雪來也沒有，而且海鮮比一般餐廳多，上枱時熱氣騰騰，如果汁收乾多少少更好。肉醬千層麵芝士肉醬味香濃，我本人唔食茄汁也覺十分出色。咖啡是即磨咖啡，更附上熱的鮮奶，值得加分。食物整體感覺十分美味，唯獨坐位有點窄，通風系統也不好，油煙太多影響客人對餐廳印象。

今日又約左朋友食飯, 就佢去紅磡, 佢揀左呢間想試好耐既餐廳~我早到左好多, 都係入面等左成十分鐘朋友先到.坐到我都有D 唔好意思, 因為始終都係LUNCH TIME PEAK HOUR..><黎到就快快落單喇.主打意粉, SET LUNCH $50-$78 有得食~ 唔會太過份.我地爭扎完一輪先揀到~呢個係我既.黑松露三文魚意粉. $78正常應該係煙三文魚黎, 不過上到黎就變到全熟咁~呢個我又唔係咁鍾意~ 但個醬又幾好味~~~~呢個係我FD 既焗芝士吞拿魚意粉. $58. 好靚好香~,了開黎係好多醬, 超好味呀!!!!! 我地應該要交換食~份量夠, 價錢合理, 可ENCORE!

點了兩款意粉，一個香蒜大蝦炒意粉，一個肉醬千層麵。 大蝦炒意粉，上碟十分香，應該落左好多蒜去炒。意粉炒得乾身，十分好。入口帶蒜香味少辣，有濃濃的蒜香同黑椒的辣味，很香口很惹味！大蝦數量十零隻，中小型，不過入口感覺過熟。焗千層麵上碟十分熱，肉醬十分多，並非全部散的肉碎，一層層夾係麵中間的份量十分多，麵都不錯。薄荷朱古力香蕉沙冰只有香蕉味，薄荷味十分少朱古力味被香蕉味蓋過。整體不錯，前後二百零蚊兩個人，性價比高。

黎開睇演唱會就一定黎食飯, 帶唔同朋友黎都一致讚不絕口, 話我無介紹錯次次黎都要飲兩碗湯先會收手, 因為實在係太太太好飲 蘑菇湯, 粟米湯同菠菜湯全部都好ｃｒｅａｍｙ，　係日式湯既質感，ｍｙ　ｆａｖｏｕｒｉｔｅ～～　小食通常都會叫田螺焗薯蓉，焗雞翼，芝士焗西蘭花同蒜蓉包，焗雞翼係姐姐既家鄉秘方，好惹味！田螺焗薯蓉個薯蓉熱辣辣好好味，田螺質素都　ｏｋ～意粉試過幾款：　黑松露蘑菇三文魚意粉／蕃茄海鮮意粉／卡邦尼／芝士菠菜焗意大利雲吞／芝士焗肉醬千層麵，　全部都好好食！意粉　ａｌ　ｄｅｎｔｅ　卡邦尼度度都有，呢度係我心目中三甲之選，醬汁出色，條條掛汁，　ｐｅｒｆｅｃｔ蕃茄海鮮意粉酸酸味味好開胃，海鮮有魚柳、蜆肉和青口等，唔覺意就食哂一碟黑松露蘑菇三文魚意粉係好難得我覺得好食既，因為我成日都覺得黑松露隻味好似媒氣但係呢度我可以食哂一碟架！所以時不時就要過黎止下癮

呢類小店做到呢種價錢又有返咁常吓味道同質素 實在難得 地方雖小 但味道俱全 尤其係蘑菇湯 好多菇加上濃味; 呢個(1)焗芝士忌廉吞拿魚意粉因爲太濃 所以好易飽 係好事嚟加上好好味; (2)田螺焗薯蓉就還好 不過不失 可能因為個意粉啲味蓋過咗原本味蕾; 重頭戲係呢個(3)黑松露意大利飯好味到你估唔到 真係極度推薦! 雖然都聽到老闆同員工有啲爭執 但都知為咗間小店好先會咁 基本上對客人嘅服務都幾好態度 見到老細會好細心推薦其他客人食乜(唔係為sell而sell) 女員工又會親自問到蘑菇湯洗唔洗加黑椒 係貼心嘅~ 支持！

今日同幾個朋友求其搵左間餐廳坐低lunch，因為大家都唔肚餓，首先每人點左一個野飲同一個意粉，之後再叫多一個小食，問題就黎，有個惡女人手指住我地，大叫：唔準傾住，你地叫左一個意粉咋！！意思話我地叫得少野，但佢又無寫明有minimum charge, 佢一個set 4~50蚊，我地叫杯野飲都三十幾，洗唔洗咁，同埋出面又無人排隊，食野中途留意到幾位侍應全程睥實，呢間野的態度令我大開眼界，真係俾錢買難受。

平時上一得閒都會嚟呢間食 今次叫左黑松露蘑菇三文魚意粉, 三文魚都算幾多, 聽老闆講意粉特登用外國嘅意大利粉, 喺超市買唔到,口感係唔錯,平時就食開蕃茄雞柳蘑菇意粉, 汁同意粉啱啱好 本身跟嘢飲 加＄15有蘑菇湯 啲蘑菇應該係搞碎左 成碗都有 好正 要試下

今日好姊妹生日相約食lunch，為咗遷就工作地點揀咗紅磡聚餐，上網search 到LE cafe，早一天電話訂咗枱，但去到發覺原來根本唔會特別留枱比食客好彩早到先攞到張枱不過食物質素無令人失望，叫咗三個意粉，分別係黑松露三文魚意粉、忌廉汁菠菜雜菌意粉和辣汁魷魚意大利麵，首先黑松露三文魚意粉夠晒足料，好香菌味菠菜雜菌意粉就好creamy 仲有第一次食Tabasco 烹調嘅辣魷魚意大利麵都有驚喜，辣辣地夠開胃午餐加$15有餐湯、咖啡，網評都係讚松露湯，所以我哋三個都係叫松露湯雖然個湯明顯係用機打出嚟，但勝咗菇菌夠多，咁嘅價錢算好正，餐飲叫咗即磨咖啡同要加6蚊嘅 cappuccino ，實在太細杯囉咁細間店就唔預有乜嘢優質服務㗎喇，女店員面口黑啲，講嘢粗啲啫，就當人家夠直囉……男店長就好nice

想食意大利粉都所要求的，意大利粉要有韌度，有咬口至得，唔可以一味淋軟，好似食糊仔咁！LE 的主廚都是女人，除咗做的意粉軟硬適中外，佢地調的醬汁都很出色，同時份量都唔少，價格唔貴。大部分意大利麵可單叫，＋$10可轉餐，即是有飲品。 卡邦尼意大利麵， 基本功的考驗之選，卡邦尼醬不會水汪汪，剛好沾在每一條意粉上，配上煙肉和洋葱。看似簡單，要每一啖都剛好吃到適量的醬汁就難了。 焗芝士忌廉吞拿魚意大利麵， 如要吃就要早些Order，凡焗嘢都等久些的。即叫即焗，上枱時熱辣辣，鋪面的芝士忌廉微焦，與意粉撈在一起吃時有焦脆的口感。不過，小心燙口。炒德國咸豬手意大利麵配香草醬，咸豬手肉超多，唔吝嗇。炒意物落勁多蒜蓉和黑胡椒，所以香蒜味很重，如果鍾意食就正。意粉炒得乾身，但唔食得太辣的，記住order時叫落少些黑胡椒。 蕃茄牛肋條意大利麵，新鮮蕃茄同茄酱加埋香葉混合煮成，配牛肋條兜亂又幾夾，牛肋條炆得淋，無騷味，酸酸味味好開胃。黑松露意大利麵配海鮮，有青口、魚柳、蜆肉、磨菇和洋蔥等。 黑松露味未必人人愛，此意粉就很重手落足黑松露醬，喜爱此味道的不妨一試，應不會令你失望。 另餐加$15可加自家製磨菇或粟米忌

The boss and her family members kept arguing over very trivial issues in very loud voice. The staff has very bad manner and ruin my mood for lunch.

係想港揾好野食，真係有D難倒。呢到雖然唔係正中意大利餐廳，但係做得好好。服務員 又有禮貌，QC 同consistency 都有已經黎咗5次以上。可以的話唔好坐最入個位子廁所附近。Finding a decent place to eat in HK is tough, Le Cafe is not authentic Italian nor does it claim to be, to me it's Italian dishes made HK style and it works well. The gentleman serving as with the other staff are attentive and well mannered; which in Hong Kong is hard to come by.I've been there 5+ times now and quality and consistency is pretty good. I'll usually go to a place 3x before giving a verdict.just

那天約了美女吃午餐順便塔羅點了這個黑松露三文魚意粉 ($78)黑松露味頗濃的 三文魚份量都夠兩者味道都幾夾 幾好味🤭忘記了自己喝什麼了但朋友說她那杯蜜桃的也不錯但老闆的態度十分好把餐飲轉換了 更加抵🤤這麼有人情味的小店在那裏找？_________________________裝修環境：✨✨✨✨服務態度：✨✨✨✨食物質素：✨✨✨✨(5個✨為滿分)________________________唔信我嘅可以自己去試試😂

已經光顧過5、6次，除了最近一次，食物質素都很穩定，甚少敗筆，而且價錢非常親民。覺得特別好味的有：磨菇湯、粟米湯、雪糕咖啡、薄荷朱古力、辣蕃茄魷魚長通粉、白酒雞枊意粉、卡邦尼、吞拿魚意粉、火腿金菇卷、焗雞翼、三文魚卷、芝士焗西蘭花比較一般的：窩夫、芝士焗蠔、乳酸飲品接下來就要提今次失手的部分了，之所以先提好味的食物，是因為之前點的食物質素實在太穩定，從未失手，顯得今次特別差！千層意粉：上面是一大塊焗芝士，無問題，味道都ok。再食落去，正常期望應該是一層意粉、一層肉醬，混雜小小芝士，如此類推。點知一路向下挖都是一層層芝士，挖到最底先有小小意粉，肉醬唔知去左邊。食完一碟淨係覺得好溜好滯，一d都唔飽。好彩另一碟辣蕃茄魷魚意粉保持水準，d墨魚仔仲隻隻都特別大隻，算係補番數。雪糕咖啡：今日既雪糕都係咁香雲呢拿，可惜咖啡份量好少，好多冰，仲要咖啡比平時酸好多，雪糕溶晒都中和唔到，好失望。經此一次，要修正一下對呢間餐廳既”完美”評價，希望只係大廚今日心情唔好，或者今晚係平安夜太忙la。

紅磡多嘢食就出晒名，不過我都係好鍾意翻炒黎呢度食，因為次次都有驚喜😊今晚同男朋友去食，叫咗一碟黑松露煙三文魚意粉同埋炒德國咸豬手蕃茄意粉鋪頭叔叔好好人，仲好細心咁逐碟菜介紹吓點煮等咗5分鐘到已經有得食，黑松露真係好香！連隔離枱客人都話好香想食我嗰碟意粉😜意大利粉配香草汁好rich好creamy，但食落又唔覺得膩，將煙三文魚撈埋入去連意粉食簡直係完美結合😋 呢碟絕對會再叫！至於碟咸豬手就好入味～又唔會話太咸，男朋友每次黎都係點呢碟👍🏻最尾，鋪頭個叔叔真係好好人，又問我地好唔好食又好有禮貌，令我地每次黎到都有賓至如歸嘅感覺☺️