影片
更多
2019-09-25
5827 浏览
我已經好耐無寫食評, 但今次 Robuchon 的經驗實在令我忍唔住要重出江湖，同大家分享我今次嘅經歷。貴為米芝蓮三星餐廳，我會以三星的要求看待Robuchon。自問都食過不少世界星級餐廳，但今次的經歷實在太令人失望，同檯的朋友都不停反問:「點解會攞到三星? 」逐Part講:Staff一到reception ，兩個staff 已經無笑容，俾人感覺好唔welcoming，近乎黑面感覺。 去fine dining area 會經過一條長走廊，個staff 完全無理過客人，自己一馬當先，中間已拉開有5-6尺距離 (因為中間有道門，我阿媽唔夠力推，所以我地慢咗)。以往經驗，一張檯會有兩個staff serve ，但當晚係一個 staff serve 四張檯。其中一檯食扒(二人份)，個waiter 當面即場切，切咗十分鐘，變相十分鐘三張檯D 野無人跟。 其實塊扒係出面切咁耐，乜都凍哂啦。另外，個waiter 問我地需唔需要睇 wine list ，我話好。Waiter 話轉頭攞俾我，於是我去洗手間。返到位，到頭盤上都無俾個wine list 我，要我再request ，但食物已經上咗。最奇怪係由
逐Part講:
Staff
一到reception ，兩個staff 已經無笑容，俾人感覺好唔welcoming，近乎黑面感覺。 去fine dining area 會經過一條長走廊，個staff 完全無理過客人，自己一馬當先，中間已拉開有5-6尺距離 (因為中間有道門，我阿媽唔夠力推，所以我地慢咗)。
以往經驗，一張檯會有兩個staff serve ，但當晚係一個 staff serve 四張檯。其中一檯食扒(二人份)，個waiter 當面即場切，切咗十分鐘，變相十分鐘三張檯D 野無人跟。 其實塊扒係出面切咁耐，乜都凍哂啦。
另外，個waiter 問我地需唔需要睇 wine list ，我話好。Waiter 話轉頭攞俾我，於是我去洗手間。返到位，到頭盤上都無俾個wine list 我，要我再request ，但食物已經上咗。最奇怪係由頭到尾都無見過 Sommelier 。
每道菜中間，waiter 都無掃檯，直至完成 main course 上甜品，所以由頭到尾成檯都係麵包碎，搞到我周身唔聚財。
去到食甜品，我落order 時已叫定梳乎厘，因為要等20 分鐘，另外兩位客人未order 。但到完成 main course 後，個waiter 俾咗隻匙羹我同我阿媽，我地覺得奇怪。再等一陣，我朋友忍唔住問waiter攞menu ，個waiter 有D 驚訝，然後say sorry，話以為我地 share 。事實係你從來都無問，而我地都無打算share; 更何況就算係 share ，點解我朋友又無匙羹呢? 你點知邊個同邊個share呢? 作為一間三星餐廳，咁嘅 service 真係唔得囉。
到我個friend 睇緊menu ，有問題想問，咁啱有另一個waiter 收碟，我地順便問佢問題，但佢竟然唔識答。(個問題係: 依個(指住其中一款甜品)係乜呢架?)
最後，可能我係雞蛋裡挑骨頭，負責我地張檯個waiter 有兩隻手指甲係黑色的，係成隻黑色。Waiter
係男士來的，相信不是指甲油，我估是指甲瘀了。由於他每次上菜都用瘀了那隻手，再加上我視點係檯水平，所以每次上菜，我就會見到兩隻黑色指甲加上我的食物，感覺反胃。
食物:
食物選擇不算多, 我book 7 點, 但已經話第一道菜’魚’ 賣哂。 但我阿媽想食魚, 結果被迫要點超濃味嘅麵豉清酒醃魚，個魚又實又濃味，真心頂唔順同覺得嘥咗塊魚。
最最最重要係所有食物上檯都唔熱! 依個係好基本嘅要求，但係咁都做唔到？咁樣真係好差。有同Waiter 反映，佢話佢地D 碟係無一般美國餐廳D 碟咁熱，因為試過有同事受傷=.=! 其實碟唔係好熱，食物都唔會唔熱囉。
我懷疑因為餐廳人手不足，所以食物煮咗好耐都無人攞。 事實餐廳冷氣不算好凍，我都唔明點解所有食物都係lukewarm。咁樣無論幾有心機煮都浪費咗。
味道:
當所有食物都唔熱嘅時候，真係會影響食慾。加上味道無乜特別，亦無好delicate 嘅感覺。擺盤、餐具配色亦十分平庸。整體係無特色，無驚喜，我會話同一間普通餐廳差不多，除了位置優越之外。
環境:
當日無落雨，但面向的玻璃滿佈水漬，又扣分。唔好意思，我對三星嘅要求係嚴格。
總結： 絕對有被騙嘅感覺，一路食都會問點解佢會攞到三星？中環 Robuchon 係我食過嘅米芝蓮中最差嘅餐廳，好失望。
King Crab & Avocado Salad with Buffalo Mozzarella and Extra Virgin Olive Oil
$540
61 浏览
1 赞好
0 留言
Pan-seared Scallops with Green Curry and Coriander Sauce, Squid Ink Farfalle
$440
42 浏览
0 赞好
0 留言
Slow cooked Challans Duck Breast and Foie Gras with Figs, Radish and Timut Pepper
$620
59 浏览
0 赞好
0 留言
Cod Fillet Marinated in Sake and Mirin with Miso Sauce
$480
44 浏览
0 赞好
0 留言
Pan Seared Veal Sweetbread with Cep Mushrooms and Roasted Potatoes
$650
48 浏览
0 赞好
0 留言
Grand Marnier Souffle with Mandarin Sorbet
$170
43 浏览
0 赞好
0 留言
Le Chariot De Desserts
$170
32 浏览
0 赞好
0 留言
张贴
