Le Salon De Thé de Joël Robuchon (已搬遷) 新店位置

Many people call their afternoon snacks as high tea. However, it can't be called "high tea" unless the finger foods are put in the afternoon tea trays.This is because high tea used to be for upper classes only. Working classes had a seperate schedule and a different budget. Working class wouldn't spend their time nor money on putting their finger foods on the afternoon trays. Remember the difference between a simple 'tea' / 'afternoon snacks' and a proper 'high tea'. Otherwise it can be embarras

今日黎試lunch 前菜幾好食 係一個酸酸地既汁配魚子醬加帶子 👏🏻 算係最出色既菜主菜感覺唔夠高級 廚師精選係一個黑松露芝士通心粉 但美中不足既係佢係用粉 所以個人覺得完全無黑松露味 同埋灑得好小粉 基本上就係芝士通心粉 唔太值呢個價錢 跟住雞肉三文治個麵包皮超硬 想咬開有難度 女士們想優雅地食飯就唔好點呢個 甜點正常 但overall 小失望 可能聽得太多次名 但野食麻麻

成日將呢間餐廳同中環置地果間既價錢聯想埋一齊（果間米芝蓮三星, 晚飯最少要過千一位），點知一睇個餐牌，原來係經濟版，set dinner 3 courses 都係$328～～正，揹住Joel Robuchon個名，一定有番咁上下水準既，實要試下啦～💖 要咗兩個3 course dinner，有頭盤、主菜同甜品，唔包飲品，茶同咖啡要加$30，加$60可以加個是日餐湯，變4 course，但我地覺得唔抵，無加湯煎帶子配魚子醬：帶子好新鮮，煎到啱啱熟，嫩口又鮮甜，魚子醬當然唔會係太貴果啲，但都有少少魚油香味，襯埋帶子好清新龍蝦沙律：龍蝦肉質爽口，咬落彈牙，配埋千島醬好醒胃；美中不足只有，份量少咗啲，好想食多一件Seabass：正呀，魚皮煎到卜卜脆，魚肉仲有肉汁，加埋好香既黑胡椒，鮮嫩又美味羊架：羊架有少少失水準，煎既功夫做得唔錯，真係要求既5成熟，肉質tender，但醬汁煮得唔夠味，偏淡，如果加番少少鹽同胡椒去煎，會更好食柑橘奶凍：跟餐既甜品，比較失色，果兩片柑橘酸到盲婆都開眼。。。果奶凍奶味唔夠，我好少會食淨啲甜品，但呢個我就無食晒啦。。。Chocolate Hazelnut Cake :

20191109 Sat 與2位好友Hightea 。因為2點已入座，又未order得hightea (3點先可以order) ，所以就叫咗1個lunch set先，到3點再叫 hightea。是日點餐 : 🥪自選三文治配黑松露薯條$248估唔到麵包幾好食！脆得黎又唔會好硬，又夠香！配埋雞肉牛油果好好食👍🏻。但薯條有點失色，一點都食唔出有黑松露味，又乾👎🏻☕Hightea $588 for 2ppl- 其實是不過不失，鹹甜點一點驚喜都無，無一款特別好食。反而係玫瑰花醬好香又唔太甜而出色👍🏻- 但青豆個款我真係想唔透！? 咁普通，only成個都係青豆，初初仲以為入面會唔會有層野墊底，但完全無！only得青豆。好奇怪。- 花茶我揀咗洋甘菊，係好香。

星期六特登去element抖抖氣，貪佢人少可以靜靜咁過我嘅weekend.同知己約好去食afternoon tea, 當然要揀啲坐得舒服而食物水準有返咁上下嘅地方。今日去唔使排隊，可以靜靜咁睇食乜，慢慢揀，而waiter們都好好， 我地一行3人叫左個tea set. 鬆餅好香好鬆化。咸點同甜點一啲都唔失色。so far,我食過幾間afternoon tea, 呢間性價比比較高，唔會得個樣。最重要又坐得舒服，可以慢慢嘆。

一直都好想來呢度食afternoon tea，終於抽倒時間嚟。一早book定位，嚟到見到都好快滿座。搭的士嚟南區落，入嚟就會見到餐廳，十分方便。Order 咗afternoon tea for two。杏仁朱古力，泡芙和鹹點的味道都不錯。scone 身為afternoon tea 嘅主角，冇令到我哋失望十分鬆軟，配上clotted cream同jam，確係唔錯嘅配搭，如果可以熱食就更好啦。其中鵝肝醬啫喱味道怪怪的。

圓方有間Robuchon平民版（偽平民！），講明平民版就即系同米芝蓮無咩關係，一入到去有9成都系食afternoon tea，而我就系餘下果一成，黎輕鬆食個飯。。呢個《香濃玉米湯配皇帝蟹及香蔥》超香濃，比較creamy，夠熱之餘，入面既皇帝蟹肉份量岩岩好 🥣! 。但我都想反映下，皇帝蟹肉絲食既時候都有少少渣，同埋黎得呢間度食，我無預計佢地會提供膠匙飲湯🤦🏻‍♀️。《慢煮和牛面頰肉，配奶油面包及薯條》我好鐘意牛肉面頰既果種嫩，今次試呢個味道似港式羅宋湯裡面炆到淋既牛肉，食法幾得意，將牛肉放系奶油面包一啖一啖敢食，感覺不錯👌🏻！。《忌廉棒子泡芙》～ 實在太美味，忌廉棒子香滑，忌廉下，泡芙中間，分佈左幾粒大大粒棒子，一口忌廉，一口棒子，食完口中充滿住棒子既香味✨

早排約咗兩個大學同學見面，諗緊去邊食嘅時候，其中一個朋友就提議不如High Tea。見呢間餐廳$500多啲就已經有個好豐富嘅二人set,一於試試佢！餐廳位於圓方一樓，地鐵站出要行入「金區」摸索下先會搵到。如果搭的士嚟，同司機講喺W落，一入圓方就會見到！同朋友一坐低就毫不猶豫咁嗌咗tea set, 順帶一提tea set係下午3:00先開始供應架！想食嘅就記得要mark實！當日一到3:00幾本上餐廳入面已經坐滿準備食tea嘅人，都幾熱鬧架！點餐唔到十分鐘個tea set就已經上咗！份量都夠三個唔太大食嘅女仔食。 Tea Set係包埋飲品，建議怕滯嘅朋友可以嗌peppermint tea幫助消化! 咁就可以食多啲！唔客氣啦！由鹹開始食先，三文治同burger都不過不失。朋友話個栗子濃湯有啲伏，可能因為我地掛住傾計放耐咗。另外， 法國鵝肝醬配黑加侖子啫喱都係有啲奇怪。要讚嘅係甜食方面，個scone做得好出色！唔會乾到好似水泡餠咁，亦唔會過份甜。 搽埋cottage cream同jam食簡直拍曬手掌!朱古力及熱情果慕斯都有令我留下深刻印象！ 清新得嚟又唔會太膩 用開心果做嘅嗰個撻都好唔錯呀！

陪家人飲茶、行街都係星期日必做項目，外面落滂沱大雨，大家避走圓方，肚飽口痕又到美好甜品時間，去了一間裝修以紅色為主打非常滿坐的甜品餐廳，一行五人等了最少20分鐘才有位，有得等比另外一間無得等好😅😅。留意這兒有下午茶套餐，而且每位有最低消費100元，環境寬敞有風格，最適合與閨蜜互訴心聲的好地方散點了佰爵茶蛋糕、紅桑莓蛋糕、法式辣肉腸可麗薄餅、紅莓香桃冰茶和不同味拿鐵咖啡，甜品細緻，外形美觀，打卡最正，衹是紅桑莓蛋糕有點酸(各人口味不同)，反而冰茶內紅莓雪糕冰的酸混合香桃的甜，非常配合又凍又可口解渴，其他都一般般🤔 一試無妨。一1

趁假日約左閨蜜一齊去high tea👭但又驚會多人所以就黎左圓方既依間餐廳.地方好寬敞坐得好舒服,係同閨蜜約會既好地方🍰自家製鬆餅可以配凝脂忌廉或者自家製士多啤梨醬,鬆餅外脆內軟,而且牛油味好重好食!咸點最有驚喜係蟹肉及牛油果伴檸檬果凍,蟹肉味好出,配牛油果好夾!甜點最有驚喜係法式榛子朱古力杯,朱古力味重得黎食完都吾會覺得太漏😝可以配茶/咖啡,配茶就可以無限refill慢慢傾住計飲☕️

復活節唔去旅行，咁休閒，梗係約好朋友去食 High tea set 啦！揀咗呢間，因為我好鍾意呢度嘅士多啤梨玫瑰醬，餐廳自己 homemade，淡淡約玫瑰花香味，甜度剛剛好，配鬆餅食好好味道。咸點有鴨肝醬拌紅苺醬、巴馬火腿和煙三文魚小麵包、另外有好款我好鍾意嘅cake，細細件，做得好精緻、好靚又好食，可以同時食幾件，將别的還有栗子糊，好滑而不會太甜。熱 latte 和凍 latte 亦都好好飲。為咗玫瑰醬，一定會再來的~~11

很久沒有再來了！很掛念這裡的招牌下午茶Set!兩人tea set $6xx, 這裡的麵包真係超好食！還是暖暖的，很有誠意！各式的甜點和咸點都非常精緻，然而覺得咸點比甜點味道上拿捏得比較出色和準確，甜點有幾款過甜會變膩呢！熱茶是可以無限添加的～對於一整個下午茶時間是很重要的！環境寬敞，餐檯與餐檯間有距離，可以盡情暢談。只是燈光有點魔鬼，都不太適合為食物拍照，明明好漂亮的下午茶set, 都被拍到曝光了......員工都很專業，而且很有禮貌！

假期想喺尖沙咀搵地方tea一下，多數都超多人，又要同遊客鬧迫，又要等位同排隊！假日都想relax下，所以我會去圓方避開人潮。哩度多數不用等，空間感十足，同朋友仔坐一個下午，暢談一下近況非常寫意。

雖然佢嘅餐廳嘅環境中環真係幾靚同埋個下午茶都幾靚但係未到來講真係唔係有幾特別，價錢唔算貴大概$300一個人但係佢嘅鹹點就中等啦，但係唔夠多佢有一個類似番茄汁嘅物體真係食唔出係咩黎嘅我同朋友都嚇親同埋有好多都唔算太出色冇乜邊樣野係好特別好味嘅你呢一度話影相可以嘅食野就普通啦 不過可能唔知會唔會係唔同分店嘅味道真係又唔同啦之前朋友介紹我去嘅係中環果一間嘅分店可能每一間味道都有少少唔同掛不過的確幾受歡迎我哋去到都差啲無位

係中環個間食過6 course dinner set好回味見到Elements都有分店(不過係cafe)lunch好少選擇呢份帶骨豬扒唔容易煎(自己試過😂)雖然保留到豬扒肉汁,不過搭配醬汁一般甜品搶救返米芝蓮粒星